ସରକାରୀ ସ୍କୁଲରେ ପଡୁଛି ତାଲା, ଘରୋଇ ସ୍କୁଲକୁ ପ୍ରୋତ୍ସାହନ

ଜଗତ୍‌ସିଂହପୁର ଅଫିସ,୨୦ା୭: ଶିକ୍ଷାନୁଷ୍ଠାନଗୁଡିକ ପାଇଁ ରାଜ୍ୟ ସରକାରଙ୍କ ଅଜବ ନୀତିକୁ ନେଇ ଏବେ ଚର୍ଚ୍ଚା ଜୋର ଧରିଛି। ଗୋଟିଏ ପଟେ ସରକାର ଆବଶ୍ୟକ ସଂଖ୍ୟକ ଛାତ୍ରୀଛାତ୍ର ନ ଥିବା ସରକାରୀ ବିଦ୍ୟାଳୟ ବନ୍ଦ କରିବାକୁ ନିର୍ଦ୍ଦେଶ ଦେଉଥିବାବେଳେ ଅନ୍ୟପଟେ ଏହି ବିଦ୍ୟାଳୟଗୁଡିକରେ ଉପସ୍ଥାନ ବଢାଇବା ବ୍ୟବସ୍ଥା ନ କରି ଘରୋଇ ସ୍କୁଲଗୁଡିକୁ ପ୍ରୋତ୍ସାହନ ଦେଉଛନ୍ତି। ଘରୋଇ ସ୍କୁଲଗୁଡିକ ଆବଶ୍ୟକ ସର୍ତ୍ତାବଳୀ ପୂରଣ କରି ନ ପାରିଲେ ସିଓଆର୍‌ (ସାର୍ଟିଫିକେଟ୍‌ ଅଫ ରେକଗ୍‌ନାଇଜେଶନ୍‌) ଦିଆଯିବ ନାହିଁ ବୋଲି ନିୟମ ଥିବାବେଳେ ସରକାର ଏଥିପ୍ରତି କୋହଳ ମନୋଭାବ ପୋଷଣ କରୁଛନ୍ତି।
ଫଳରେ ବେଆଇନ୍‌ ଭାବେ ଛତୁ ଫୁଟିଲା ଭଳି ଘରୋଇ ସ୍କୁଲ ଖୋଲିଚାଲିଛି। ଏଭଳି ନୀତି ଯୋଗୁ ବିଭିନ୍ନ ସରକାରୀ ସ୍କୁଲ କର୍ତ୍ତୃପକ୍ଷ, ଶିକ୍ଷୟିତ୍ରୀ ଶିକ୍ଷକ, କର୍ମଚାରୀ ଓ ଅଭିଭାବକମାନେ ଚିନ୍ତାରେ ପଡୁଛନ୍ତି। କାରଣ ସ୍କୁଲ ବନ୍ଦ ନ କରିବାକୁ କିପରି ଅଧିକ ସଂଖ୍ୟକ ଛାତ୍ରୀଛାତ୍ର ପଢିବେ ସେଥିପାଇଁ ସେମାନେ ଉଦ୍ୟମ ଚଳାଇଥିବାବେଳେ ସରକାର ପିଲାଙ୍କୁ ଘରୋଇ ସ୍କୁଲ ମୁହଁା ହେବାକୁ ବାଟ ଖୋଲୁଛନ୍ତି।
ଜଗତ୍‌ସିଂହପୁର ଜିଲାରେ ପ୍ରାୟ ୨୬୦ଟି ବେସରକାରୀ ପ୍ରାଥମିକ ବିଦ୍ୟାଳୟ ରହିଛି। ସେଥିରୁ ପ୍ରାଥମିକ ପର୍ଯ୍ୟାୟରେ ୮ ବିଦ୍ୟାଳୟକୁ ସିଓଆର୍‌ ମିଳିଥିଲା। ନିକଟରେ ଆଉ ୨୭ ବିଦ୍ୟାଳୟକୁ ସିଓଆର୍‌ ଦିଆଯାଇଛି। ଏହି ୨୭ ମଧ୍ୟରୁ ୧୫ଟି ବିଦ୍ୟାଳୟ ପୂର୍ଣ୍ଣ ସର୍ତ୍ତାବଳୀ ପୂରଣ କରିଥିବା ଦର୍ଶାଯାଇ ୫ ବର୍ଷିଆ ସିଓଆର୍‌ ଦିଆଯାଇଛି। ଅବଶିଷ୍ଟ ୧୨ ପୂର୍ଣ୍ଣ ସର୍ତ୍ତାବଳୀ ପୂରଣ କରିପାରି ନ ଥିଲେ ମଧ୍ୟ ସେଗୁଡିକୁ ୧ ବର୍ଷିଆ ସର୍ତ୍ତମୂଳକ ସିଓଆର୍‌ ଦିଆଯାଇଛି। ଏ ସମ୍ପର୍କରେ ପ୍ରାଥମିକ ଶିକ୍ଷା ନିର୍ଦ୍ଦେଶକ ଉଲ୍ଲେଖ କରିଛନ୍ତି ଯେ, ତାଲିମପ୍ରାପ୍ତ ଶିକ୍ଷକ ଅଭାବ ଥିବା ଉପରୋକ୍ତ ୧୨ ବିଦ୍ୟାଳୟକୁ ୧ ବର୍ଷ ସମୟ ଦିଆଯାଇଛି। ଚଳିତବର୍ଷ ଏହି ବିଦ୍ୟାଳୟଗୁଡିକର ଶିକ୍ଷୟିତ୍ରୀ ଶିକ୍ଷକ ଓଟିଇଟିରେ ଯୋଗ୍ୟ ବିବେଚିତ ହୋଇଥିବା ପ୍ରମାଣପତ୍ର ଦେଲେ ଶିକ୍ଷାନୁଷ୍ଠାନଗୁଡିକୁ ୫ ବର୍ଷିଆ ସିଓଆର୍‌ ପ୍ରଦାନ କରାଯିବ। ସୂଚନାଯୋଗ୍ୟ, ବେସରକାରୀ ବିଦ୍ୟାଳୟଗୁଡିକୁ ପୂର୍ବରୁ ଏନ୍‌ଓସି (ଏନ୍‌ଓସି) ଦିଆଯାଉଥିଲା। ପରବର୍ତ୍ତୀ ସମୟରେ ରାଜ୍ୟ ସରକାର ୫ ବର୍ଷିଆ ସିଓଆର୍‌ ଦେବା ପାଇଁ ନିଷ୍ପତ୍ତି ନେଲେ। ଏହି ନିଷ୍ପତ୍ତି ଅନୁଯାୟୀ ଯେଉଁ ଶିକ୍ଷାନୁଷ୍ଠାନଗୁଡିକ ସରକାରଙ୍କ ସମସ୍ତ ସର୍ତ୍ତାବଳୀ ପୂରଣ କରିବେ ସେଗୁଡିକୁ ୫ ବର୍ଷିଆ ସିଓଆର୍‌ ଦିଆଯିବ। ପ୍ରଥମ ବର୍ଷ ଏହି ନିର୍ଦ୍ଦେଶନାମା କୋହଳ କରାଯାଇଥିଲା। କୁହାଯାଇଥିଲା ୧ ବର୍ଷ ଭିତରେ ବେସରକାରୀ ବିଦ୍ୟାଳୟଗୁଡିକ ସର୍ତ୍ତାବଳୀ ପୂରଣ କରିବାକୁ ପଡିବ। କିନ୍ତୁ ଇତିମଧ୍ୟରେ ୩ ବର୍ଷ ଅତିକ୍ରାନ୍ତ ହୋଇଥିଲେ ସୁଦ୍ଧା ଯଥା ପୂର୍ବ ତଥା ପର। ଅର୍ଥାତ୍‌ ବେସରକାରୀ ବିଦ୍ୟାଳୟ ପ୍ରତି ସରକାର କୋହଳ ମନୋଭାବ ପୋଷଣ କରି ଚାଲିଛନ୍ତି। ଗତବର୍ଷ ଜିଲାରେ ସିଓଆର୍‌ ଦିଆଯିବା ଉପରେ ସରକାରୀ ନିର୍ଦ୍ଦେଶନାମା କଡାକଡି ପାଳନ କରାଯାଇଥିଲା। ଏଥିପାଇଁ ମାତ୍ର ୮ ବିଦ୍ୟାଳୟ ସିଓଆର୍‌ ପାଇବାକୁ ଯୋଗ୍ୟ ହୋଇଥିଲେ। କିନ୍ତୁ ଚଳିତବର୍ଷ ପ୍ରାଥମିକ ଶିକ୍ଷା ନିର୍ଦ୍ଦେଶକ ଓଟିଇଟି ଯୋଗ୍ୟତା ସମ୍ପନ୍ନ ଶିକ୍ଷୟିତ୍ରୀ ଶିକ୍ଷକଙ୍କ ଅଭାବ ଥିବା ଘରୋଇ ଶିକ୍ଷାନୁଷ୍ଠାନକୁ ୧ବର୍ଷିଆ ସିଓଆର ଦେଇ କୋହଳ ନୀତି ଆପଣାଇଛନ୍ତି। ଅନ୍ୟପକ୍ଷରେ ସରକାରୀ ବିଦ୍ୟାଳୟରେ ପ୍ରି ନର୍ସରୀ ଖୋଲିବାକୁ ୫ ବର୍ଷ ପୂର୍ବରୁ ଚିନ୍ତା କରାଯାଇଥିଲେ ସୁଦ୍ଧା ଏଯାଏ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ। ତେଣୁ ଅଭିଭାବକମାନେ ପିଲାଙ୍କୁ ଘରୋଇ ସ୍କୁଲରେ ପ୍ରି-ନର୍ସରୀ ପଢାଇବାକୁ ବାଧ୍ୟହେଉଛନ୍ତି। ଫଳରେ ଛାତ୍ରୀଛାତ୍ର ଘରୋଇ ସ୍କୁଲ ପରିବେଶ ସହ ଜଡିତ ହୋଇଯାଉଛନ୍ତି ଓ ପ୍ରଥମ ଶ୍ରେଣୀ ବେଳକୁ ଅଭିଭାବକମାନେ ବିଦ୍ୟାଳୟ ବଦଳାଇବାକୁ ଆଗ୍ରହ ପ୍ରକାଶ କରୁନାହାନ୍ତି। ଏଣେ ସରକାରୀ ବିଦ୍ୟାଳୟରେ ଛାତ୍ରୀଛାତ୍ର ସଂଖ୍ୟା ବୃଦ୍ଧି କରିବାକୁ ସରକାର ଉପରଠାଉରିଆ ଚାପ ପକାଇ ଚାଲିଛନ୍ତି। ସରକାରୀ ବିଦ୍ୟାଳୟରେ ତାଲିମପ୍ରାପ୍ତ ଶିକ୍ଷକ ଅଛନ୍ତି। ସେମାନେ ବେତନ ସହ ଅନ୍ୟ ସୁବିଧା ପାଉଛନ୍ତି। କିନ୍ତୁ ସେମାନଙ୍କୁ କେବଳ ଶିକ୍ଷାଦାନରେ ନିୟୋଜିତ ନ କରି ମଧ୍ୟାହ୍ନଭୋଜନ ଓ ଅନ୍ୟାନ୍ୟ କାର୍ଯ୍ୟରେ ସାମିଲ କରାଯାଉଛି। ସେହିପରି ଅନେକ ଶିକ୍ଷକ ବିଭିନ୍ନ ବାହାନା ନେଇ ପାଠପଢାରେ ଠକୁଛନ୍ତି। ଏଭଳି ବିଭିନ୍ନ କାରଣରୁ ସରକାରୀ ବିଦ୍ୟାଳୟରେ ଉପସ୍ଥାନ କମିବାରେ ଲାଗିଛି। ଏ ସମ୍ପର୍କରେ ଜିଲା ଶିକ୍ଷା ଅଧିକାରୀ (ଡିଇଓ) ପ୍ରତିଭା ମଞ୍ଜରୀ ଦାସ କହିଛନ୍ତି ଯେ, ବିଇଓ (ବ୍ଲକ ଶିକ୍ଷା ଅଧିକାରୀ)ଙ୍କ ରିପୋର୍ଟକୁ ଆଧାର କରି ୧୫ଟି ବେସରକାରୀ ଶିକ୍ଷାନୁଷ୍ଠାନକୁ ୫ ବର୍ଷିଆ ସିଓଆର୍‌, ୧୨ଟି ଶିକ୍ଷାନୁଷ୍ଠାନକୁ ୧ ବର୍ଷିଆ ସର୍ତ୍ତମୂଳକ ସିଓଆର୍‌ ପ୍ରଦାନ କରାଯାଇଛି। ଏହି ଶିକ୍ଷାନୁଷ୍ଠାନଗୁଡିକ ଉପରେ ଯଦି ଅଭିଯୋଗ ଆସିବ, ତେବେ ପୁନଃ ଅନୁଧ୍ୟାନ କରାଯାଇ ନିଷ୍ପତ୍ତି ବଦଳାଯାଇପାରେ। ଅର୍ଥାତ୍‌ ସେମାନଙ୍କୁ ଦିଆଯାଇଥିବା ସିଓଆର୍‌ ବାତିଲ କରାଯିବ। ଅବଶିଷ୍ଟ ଶିକ୍ଷାନୁଷ୍ଠାନ ସର୍ତ୍ତାବଳୀ ପୂରଣ କଲେ ସିଓଆର୍‌ ଦିଆଯିବ। ସୂଚନା ଅନୁଯାୟୀ, ଜିଲାର ୧୯ ସରକାରୀ ପ୍ରାଥମିକ ବିଦ୍ୟାଳୟରେ ଉପସ୍ଥାନ କମ୍‌ ଥିବାରୁ ସେଗୁଡିକ ବନ୍ଦ କରିବାକୁ ନିର୍ଦ୍ଦେଶ ହୋଇଛି। ୨୦୧୭-୧୮ରେ ମଧ୍ୟ ୩୯ଟି ବନ୍ଦ ହୋଇଥିଲା। ଅନୁରୂପ ଭାବେ ୨୦୧୮ରେ ଜିଲାରେ ୧୬୨ ବିଦ୍ୟାଳୟ ଅନ୍ୟ ଶିକ୍ଷାନୁଷ୍ଠାନରେ ମିଶାଇବାକୁ ନିଷ୍ପତ୍ତି ନିଆଯାଇଥିଲା। ସେତେବେଳେ ୬୨ଟି ମିଶି ଯାଇଥିଲା। ଅବଶିଷ୍ଟ ବିଦ୍ୟାଳୟ ମଧ୍ୟରୁ ୬୦ଟି ଯଥାଶୀଘ୍ର ମିଶାଯିବ ବୋଲି ବିଇଓ କହିଥିଲେ। ଏହା ଭିତରେ ୩୦ଟି ଅନ୍ୟ ଶିକ୍ଷାନୁଷ୍ଠାନରେ ମିଶି ସାରିଲାଣି।


All Right Reserved By Dharitri.Com

ସିଦ୍ଧ ମହାବୀର ମନ୍ଦିର ହୁଣ୍ଡିରୁ ଲକ୍ଷାଧିକ ଟଙ୍କା ଚୋରି

ପୁରୀ ଅଫିସ, ୨୩।୭ : ପୁରୀ ଜିଲାର ପ୍ରସିଦ୍ଧ ସିଦ୍ଧ ମହାବୀର ମନ୍ଦିର ହୁଣ୍ଡିରୁ ସୋମବାର ବିଳମ୍ବିତ ରାତିରେ ଲକ୍ଷାଧିକ ଟଙ୍କା ଚୋରି ହୋଇଛି। ଏ...

୩୦ଫୁଟ ତଳକୁ ଖସିଲା ଯାତ୍ରୀବାହୀ ବସ୍‌:୧୨ ଆହତ ୪ ଗୁରୁତର

ଆଠଗଡ,୧୩ା୧ (ସ୍ବ.ପ୍ର.)- ଖୁଣ୍ଟୁଣୀ-ନରସିଂହପୁର ୬୫ନଂ ରାଜ୍ୟ ରାଜପଥର ଆଠଗଡ଼ ଥାନା ଅନ୍ତର୍ଗତ ଗୁଣ୍ଡିଚାପୁର ଗ୍ରାମ ନିକଟରେ ସୋମବାର ଅପରାହ୍ନରେ ଏକ ଘରୋଇ ବସ୍‌ ଭାରସାମ୍ୟ ହରାଇ...

୨୮,୯୭୬ ପିଲାଙ୍କୁ ଦିଆଯିବ ଜାପାନୀ ଜ୍ୱର ଟୀକା

ଭଣ୍ଡାରିପୋଖରୀ, ୨୪।୧୦ (ଡି.ଏନ.ଏ.)- ଭଣ୍ଡାରିପୋଖରୀ ବ୍ଲକ ବନ୍ଦାଳୋ ମଢିଆଳି ପଞ୍ଚାୟତ ମଢିଆଳି ଗ୍ରାମର ଜଣେ କଲେଜ ଛାତ୍ର ଜାପାନୀ ଜ୍ୱରରେ ଆକ୍ରାନ୍ତ ହୋଇ ଭୁବନେଶ୍ୱରସ୍ଥିତ ଏକ...

ଦାଦାବଟିକୁ ନେଇ ସୋ’ରୁମ୍‌ରେ ଭଙ୍ଗାରୁଜା: ଇଟାମାଡ଼ରେ ସୋ’ରୁମ୍‌ ମାଲିକଙ୍କ ସମ୍ପର୍କୀୟ ଆହତ

ପୁରୀ ଅଫିସ,୧୫ା୭: ଦାଦାବଟିକୁ ନେଇ ପୁରୀ ଟାଉନ ଥାନା ଅଧୀନ ନରେନ୍ଦ୍ରକୋଣସ୍ଥିତ ଏକ ଗଦି ସୋ’ ରୁମ୍‌ରେ ସୋମବାର କେତେଜଣ ଦୃର୍ବୃତ୍ତ ବ୍ୟାପକ ଭଙ୍ଗାରୁଜା କରିଛନ୍ତି।...

ନବାନ୍ନ ଉତ୍ସବ: ୧୦ହଜାର ସାଧୁ, ଶ୍ରଦ୍ଧାଳୁଙ୍କ ସମାଗମ

ଢେଙ୍କାନାଳ ଅଫିସ, ୨ା୯ମହିମାଧର୍ମର ପ୍ରମୁଖ ପୀଠସ୍ଥଳୀ ଯୋରନ୍ଦା ମହିମାଗାଦିରେ ରବିବାର ନବାନ୍ନ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ଚଳିତବର୍ଷ ୧୦ ହଜାରରୁ ଊର୍ଦ୍ଧ୍ୱ ସାଧୁସନ୍ଥ ଏଥିରେ...

ଶ୍ରେଣୀଗୃହ ନିର୍ମାଣ, ଶିକ୍ଷକ ପଦବୀ ପୂରଣ ଦାବି: ୮ରୁ ଛାତ୍ରାଭିଭାବକଙ୍କ ଆନ୍ଦୋଳନ ଚେତାବନୀ

ଗଣିଆ,୩ା୭(ଡି.ଏନ.ଏ.)- ଗଣିଆ ବ୍ଲକର ଛାମୁଣ୍ଡିଆସ୍ଥିତ କୁଞ୍ଜବିହାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ଶ୍ରେଣୀଗୃହ ଅଭାବ ସାଙ୍ଗକୁ ଶିକ୍ଷକ ପଦବୀ ପୂରଣ ହୋଇପାରି ନାହିଁ। ତୁରନ୍ତ ଏ...

ଏନ୍‌ଇଏସ୍‌ଟି ପରୀକ୍ଷାଫଳ ପ୍ରକାଶ, କାହ୍ନା ଜୈନ ଓଡ଼ିଶା ଟପ୍ପର

ଭୁବନେଶ୍ୱର,୧୯।୬(ବ୍ୟୁରୋ): ନ୍ୟାଶନାଲ ଏଣ୍ଟ୍ରାନ୍ସ ସ୍କ୍ରିନିଂ ଟେଷ୍ଟ (ଏନ୍‌ଇଏସ୍‌ଟି) ପରୀକ୍ଷା ଫଳ ମଙ୍ଗଳବାର ପ୍ରକାଶ ପାଇଛି। ପଶ୍ଚିମବଙ୍ଗର ପ୍ରଣୟ ଦେ ସର୍ବଭାରତୀୟ ସ୍ତରରେ ପ୍ରଥମ ହୋଇଥିବା ବେଳେ...

ବିଭୂତି ଓ ରୁଦ୍ରଙ୍କ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ପ୍ରଚାର

ପରଜଙ୍ଗ,୧୮ା୪(.) : ଢେଙ୍କାନାଳ ଜିଲା ପରଜଙ୍ଗ ନିର୍ବାଚନମଣ୍ଡଳୀର ଭାଜପା ବିଧାୟକ ପ୍ରାର୍ଥୀ ବିଭୂତି ପ୍ରଧାନ ଓ ଢେଙ୍କାନାଳ ଏମ୍‌ପି ପ୍ରାର୍ଥୀ ରୁଦ୍ରନାରାୟଣ ପାଣିଙ୍କ ପାଇଁ ଗୁରୁବାର...

Leave a comment

Your email address will not be published. Required fields are marked *