ଆଇଏନ୍‌ସିବି ସଦସ୍ୟା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ
ଅନ୍ତର୍ଜାତୀୟ ନିଶା ଔଷଧ ନିୟନ୍ତ୍ରଣ ବୋର୍ଡ (ଇଣ୍ଟରନ୍ୟାଶନାଲ ନାର୍କୋଟିକ୍ସ କଣ୍ଟ୍ରୋଲ ବୋର୍ଡ ବା ଆଇଏନ୍‌ସିବି) ଜାତିସଂଘର ଏକ ସ୍ବାଧୀନ ତଥା ଅର୍ଦ୍ଧନ୍ୟାୟ ତଦାରଖକାରୀ ସଂସ୍ଥା ଭାବେ ପରିଚିତ। ୧୯୬୮ରେ ଏହା ସ୍ଥାପନ କରାଯାଇଥିଲା। ଇକୋନମିକ୍‌ ଆଣ୍ଡ୍‌ ସୋସିଆଲ କାଉନ୍‌ସିଲ (ଇସିଓଏସ୍‌ଓସି) ଦ୍ୱାରା ଆଇଏନ୍‌ସିବିର ୧୩ ସଦସ୍ୟ ନିର୍ବାଚିତ ହୋଇଥାଆନ୍ତି। ନିକଟରେ ୫ ସିଟ୍‌ ସକାଶେ ୧୫ ପ୍ରାର୍ଥୀ ନିର୍ବାଚନରେ ଅବତୀର୍ଣ୍ଣ ହୋଇଥିଲେ। ଗୁପ୍ତ ବାଲଟ୍‌ ଜରିଆରେ ହୋଇଥିବା ନିର୍ବାଚନରେ ଚାଇନାକୁ ପଛରେ ପକାଇ ଭାରତର ଜଗଜିତ୍‌ ପାଭାଡିଆ ବିଜୟୀ ହୋଇଛନ୍ତି। ଏହାଫଳରେ ସେ ଦ୍ୱିତୀୟ ଥର ଲାଗି ୨ ମାର୍ଚ୍ଚ ୨୦୨୦ରୁ ପୁନଶ୍ଚ ୫ ବର୍ଷ ପାଇଁ ଆଇଏନ୍‌ସିବିରେ କାର୍ଯ୍ୟ କରିବାର ସୁଯୋଗ ପାଇବେ।
ଜଗଜିତ୍‌ ୧୯୫୪ରେ ଭାରତରେ ଜନ୍ମଗ୍ରହଣ କରିଥିଲେ। ୧୯୭୪ରେ ବାଂଲାଦେଶର ଢାକା ବିଶ୍ୱବିଦ୍ୟାଳୟରୁ ଇଂଲିଶରେ ସ୍ନାତକ ଡିଗ୍ରୀ ଅର୍ଜନ କରିଥିଲେ। ୧୯୮୮ରେ ସେ ଦିଲ୍ଲୀ ବିଶ୍ୱବିଦ୍ୟାଳୟରୁ ଆଇନରେ ସ୍ନାତକ ଡିଗ୍ରୀ ହାସଲ କରିଥିଲେ। ୧୯୯୬ରେ ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ ଅଫ୍‌ ପବ୍ଲିକ୍‌ ଆଡମିନିଷ୍ଟ୍ରେଶନରୁ ମାଷ୍ଟର ଡିପ୍ଲୋମା କରିବା ବେଳେ ଜଗଜିତ୍‌ ନାର୍କୋଟିକ୍ସ ବିଷୟକୁ ତାଙ୍କ ସନ୍ଦର୍ଭରେ ସ୍ଥାନ ଦେଇଥିଲେ। ଉଲ୍ଲେଖଯୋଗ୍ୟ ଯେ, ସେ ସନ୍ଦର୍ଭର ନାମ ରଖିଥିଲେ ‘ଫରଫିଚର ଅଫ୍‌ ପ୍ରପର୍ଟି ଅଣ୍ଡର ଦି ନାର୍କୋଟିକ୍ସ ଡ୍ରଗ୍ସ ଆଣ୍ଡ୍‌ ସାଇକୋଟ୍ରୋପିକ୍‌ ସବ୍‌ଷ୍ଟାନ୍ସସେସ୍‌ ଆକ୍ଟ, ୧୯୮୫’। ତାଙ୍କ ବୃତ୍ତିଗତ ଜୀବନ ଭାରତୀୟ ରାଜସ୍ବ ସେବାରୁ ଆରମ୍ଭ ହୋଇଥିଲା। ଦୀର୍ଘ ୩୫ ବର୍ଷ ଧରି ଭାରତ ସରକାରଙ୍କ ଅଧୀନରେ ସେ କାର୍ଯ୍ୟ କଲା ବେଳେ ବହୁ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ହୋଇଥିଲେ। ନାର୍କୋଟିକ୍ସ କମିଶନର ଅଫ୍‌ ଇଣ୍ଡିଆ, ସେଣ୍ଟ୍ରାଲ ବ୍ୟୁରୋ ଅଫ୍‌ ନାର୍କୋଟିକ୍ସ (୨୦୦୬-୨୦୧୨), କମିଶନର ଲିଗାଲ ଆଫାୟାର୍ସ (୨୦୦୧-୨୦୦୫), ଚିଫ୍‌ ଭିଜିଲାନ୍ସ ଅଫିସର , ପାଓ୍ବାର ଫାଇନାନ୍ସ କର୍ପୋରେଶନ (୧୯୯୬-୨୦୦୧), ରାଜ୍ୟଗୋଷ୍ଠୀ ସଚିବାଳୟ ଦ୍ୱାରା ମାଳଦ୍ୱୀପରେ କଷ୍ଟମ୍ସ ଟ୍ରେନିଂ ଆଡଭାଇଜର (୧୯୯୪-୧୯୯୫), ନାର୍କୋଟିକ୍ସ କଣ୍ଟ୍ରୋଲ ବୋର୍ଡର ଉପନିର୍ଦ୍ଦେଶକ (୧୯୯୦-୧୯୯୪) ଭଳି ପଦବୀରେ ରହି ଜଗଜିତ୍‌ ୨୦୧୪ରେ ନାଗପୁରର ସେଣ୍ଟ୍ରାଲ ଏକ୍ସାଇଜ୍‌ ଆଣ୍ଡ୍‌ ସର୍ଭିସ ଟାକ୍ସରେ ମୁଖ୍ୟ କମିଶନର ଭାବେ ଅବସର ନେଇଥିଲେ। ନିର୍ଦ୍ଦିଷ୍ଟ ବିଷୟରେ ପାଠ ପଢ଼ି ତା’ ଉପରେ କାର୍ଯ୍ୟ କରିବାର ସୁଯୋଗ ପାଇଥିବାରୁ ଜଗଜିତ୍‌ ସର୍ବଦା ସେଥିରେ ଉତ୍କର୍ଷ ପ୍ରତିପାଦନ କରିବାକୁ ଚେଷ୍ଟା କରିଆସିଛନ୍ତି। ସରକାରୀ ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଲାଗି ସେ ରାଷ୍ଟ୍ରପତିଙ୍କ ପ୍ରଶଂସାପତ୍ର ପାଇବାର ଗୌରବ ଅର୍ଜନ କରିଥିଲେ।
ବିଭିନ୍ନ ଅନ୍ତର୍ଜାତୀୟ ମଞ୍ଚରେ ଯୋଗଦେଇ ନିଶା ନିୟନ୍ତ୍ରଣ ଦିଗରେ ଜଗ୍‌ଜିତଙ୍କ ଉପାଦେୟ ତଥ୍ୟ ଅନ୍ତର୍ଜାତୀୟ ଆଇନରେ ସଂଶୋଧନ ଆଣିବାରେ ସହାୟକ ହୋଇପାରିଛି। ବିଶେଷକରି ଆମେରିକା ଡଗ୍ସ ଏନ୍‌ଫୋର୍ସମେଣ୍ଟ ଏଜେନ୍ସି ଦ୍ୱାରା ୨୦୧୧ରେ ଆୟୋଜିତ ଇଣ୍ଟରନ୍ୟାଶନାଲ ଡ୍ରଗ୍‌ ଏନ୍‌ଫୋର୍ସମେଣ୍ଟ କନ୍‌ଫରେନ୍ସରେ ସକାରାତ୍ମକ ଯୁକ୍ତି ଉପସ୍ଥାପନ ତାଙ୍କୁ ବିଶ୍ୱ ସ୍ତରରେ ପରିଚିତି ଆଣିଦେଇଥିଲା। ଫଳସ୍ବରୂପ ସେ ଆଇଏନ୍‌ସିବିରେ ସଦସ୍ୟ ହୋଇ ଭାରତ ପାଇଁ ଗୌରବ ଆଣିପାରିଥିଲେ। ଏବେ ଦ୍ୱିତୀୟ ଥର ଏପରି ମର୍ଯ୍ୟାଦାଜନକ ଅନ୍ତର୍ଜାତୀୟ ସଂସ୍ଥାରେ ସ୍ଥାନ ପାଇପାରିଥିବାରୁ ବିଶ୍ୱ ସ୍ତରରେ ଭାରତର କାଟ୍‌ତି ବଢ଼ିଛି ବୋଲି କୁହାଯାଉଛି। ନିକଟରେ ପାକିସ୍ତାନ ଆତଙ୍କବାଦୀ ମାସୁଦ ଆଝାର ବିଶ୍ୱ ଆତଙ୍କବାଦୀ ତାଲିକାରେ ସ୍ଥାନ ପାଇବା ଭାରତ ପାଇଁ ବିରାଟ ସଫଳତା ଆଣିଦେଇଥିଲେ। ଏହା ପରେ ଚାଇନାକୁ ପଛରେ ପକାଇ ଜଗଜିତ୍‌ ଆଇଏନ୍‌ସିବିରେ ସ୍ଥାନ ପାଇଥିବାରୁ ଅନ୍ତର୍ଜାତୀୟ ମଞ୍ଚରେ ଭାରତୀୟମାନେ ଗୁରୁତ୍ୱପୂର୍ଣ୍ଣ ପଦବୀ ହାସଲ କରିବା ଏକ ସକାରାତ୍ମକ ସଙ୍କେତ ଦେଉଛି ବୋଲି କୁହାଯାଇପାରିବ।


All Right Reserved By Dharitri.Com

ଲୋକ ସଭାର ଅଧିଷ୍ଠାତା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ ଲୋକ ସଭାର ମୁଖ୍ୟ ହେଉଛନ୍ତି ବାଚସ୍ପତି। ସେ ଗୃହ ସଦସ୍ୟଙ୍କ କ୍ଷମତା ଓ ସ୍ବାଧିକାର ରକ୍ଷକ ଭାବେ ଜଣାଶୁଣା। ସଂସଦୀୟ...

ଦେଶାନ୍ତରୀ ଶିଶୁଙ୍କ ଶିକ୍ଷା ଅଧିକାର

ଘାସିରାମ ପଣ୍ଡା ଦାରିଦ୍ର୍ୟ ହେତୁ ପଶ୍ଚିମ ଓଡିଶାର ଅନେକ ପରିବାର ଆନ୍ଧ୍ର ସମେତ ବିଭିନ୍ନ ରାଜ୍ୟର ଇଟାଭାଟିଗୁଡ଼ିକରେ କାମ କରିବାକୁ ଯାଆନ୍ତି। ଏଥିରେ ଛୋଟ ପିଲାମାନେ...

କେତେଦିନକୁ ମନ ବାନ୍ଧିଛୁ ଆଣ୍ଟ

ଡ. ତ୍ରିନାଥ ପଟ୍ଟନାୟକ ଜ୍ଞାନ, ଗରିମା ଓ ଚରିତ୍ରରୁ ତେଜସ୍ବିତା ପ୍ରକାଶ ପାଇଥାଏ। ତା’ ପାଇଁ କେହି ଶରୀରକୁ ସଜାଇ ଅହଂପୂର୍ଣ୍ଣ ବାର୍ତ୍ତା ବାଣ୍ଟି ତେଜସ୍ବୀ...

ଏଇ ଭାରତରେ

ପରିବାରକୁ ନୂଆ ସନ୍ତାନଟିଏ ଆସିବାକୁ ଥିଲେ ଝିଅ କି ପୁଅ ହେବ ତାହାକୁ ନେଇ ଆରମ୍ଭ ହୋଇଯାଏ ଜ୍ୟୋତିଷ ଗଣନା। ଅନେକେ ବି ଗର୍ଭବତୀଙ୍କ ଲକ୍ଷଣକୁ...

ଉଦ୍ଭାବନରେ ପଛୁଆ

ଆକାର ପଟେଲ କିଛି ସପ୍ତାହ ତଳେ ଭାରତରେ ସ୍ମାର୍ଟଫୋନ୍‌ ଶିଳ୍ପ ସମ୍ପର୍କରେ ଏକ ରିପୋର୍ଟ ପ୍ରକାଶ ପାଇଥିଲା। ଖାଉଟି ଅର୍ଥନୀତିର ଏହା ଅନ୍ୟତମ ଅତି ଗୁରୁତ୍ୱପୂର୍ଣ୍ଣ...

ସମ୍ପାଦକୀୟ/ଆମାଜନ: ବିଶ୍ୱ ବିପତ୍ତି

ବ୍ରାଜିଲର ଆମାଜନ ଜଙ୍ଗଲକୁ ନିଆଁ ଜଳେଇ ଚାଲିଛି। ଏକ ଅଧ୍ୟୟନ ଅନୁଯାୟୀ ବିଶ୍ୱ ଅମ୍ଳଜାନର ୨୦ ପ୍ରତିଶତ ଏହି ଜଙ୍ଗଲରୁ ଉତ୍ପନ୍ନ ହୋଇଥାଏ। କୁହାଯାଉଛି ଦେଶର...

ମହାପ୍ରଭୁଙ୍କ ମହାପ୍ରସାଦ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ସାଂସ୍କୃତିକ ପ୍ରାଣକେନ୍ଦ୍ର। ଆମ ଆଧ୍ୟାତ୍ମିକ ଆସ୍ଥା ଓ ସାମାଜିକ ବିଚାର ଧାରାର କେନ୍ଦ୍ରବିନ୍ଦୁ। ଓଡ଼ିଶାର...

ପୋଲିସ ଜବତ ଚୋରିଡକାୟତିଠାରୁ ସାଂଘାତିକ

ସହଦେବ ସାହୁ ବୟୋବୃଦ୍ଧଙ୍କ ସଂଗଠନ ଏଜ୍‌ କେୟାର୍‌ ଆସୋସିଏଟ୍‌ସର ଅଧ୍ୟକ୍ଷ ଭାବେ ମୁଁ ଆଇଆର୍‌ସି ଭିଲେଜ୍‌ ଥାନା ସାମ୍‌ନା ସିଏଇଟ୍‌ କ୍ୱାର୍ଟରରେ ଥିବା ଅଫିସ୍‌ ଗୃହକୁ...

Leave a comment

Your email address will not be published. Required fields are marked *