ହ୍ବିଶିଲ୍‌ବ୍ଲୋୟରଙ୍କୁ ସମର୍ଥନ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ଭାରତୀୟ ବନସେବା ଅଧିକାରୀ ତଥା ହ୍ବିଶିଲ୍‌ବ୍ଲୋୟର (ଦୁର୍ନୀତିଧରାଳି) ସଞ୍ଜୀବ ଚତୁର୍ବେଦୀ ପୁଣି ଚର୍ଚ୍ଚାକୁ ଆସିଛନ୍ତି। କେନ୍ଦ୍ରମନ୍ତ୍ରୀମାନଙ୍କ ବିରୋଧରେ କରାଯାଇଥିବା ଦୁର୍ନୀତି ଅଭିଯୋଗଗୁଡ଼ିକର ପୂର୍ଣ୍ଣାଙ୍ଗ ବିବରଣୀ ଦେବାକୁ ସେ କରିଥିବା ଆର୍‌ଟିଆଇ ଆବେଦନ ଉପରେ କେନ୍ଦ୍ରୀୟ ସୂଚନା ଆୟୋଗ (ସିଆଇସି) ସମ୍ବେଦନାମୂଳକ ଶୁଣାଣି କରିଛନ୍ତି। ୨୦୦୨ ବ୍ୟାଚ୍‌ର ଏହି ବନସେବା ଅଧିକାରୀ ଜଣକ ୨୦୧୭ରେ ଏପରି ଏକ ଆର୍‌ଟିଆଇ ଆବେଦନ କରିଥିଲେ, ଯାହା ଉପରେ ତଥ୍ୟ ଦେବାକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମ୍‌ଓ) ମନା କରିଦେଇଥିଲେ। ଏହା ବିରୋଧରେ ଚତୁର୍ବେଦୀ ସିଆଇସିର ଦ୍ୱାରସ୍ଥ ହୋଇଥିଲେ। ସିଆଇସି ଏହାର ଉତ୍ତରରେ ଜଣାଇଥିଲେ ଯେ ଏହା ଉପରେ ପିଏମ୍‌ଓ ଠିକ୍‌ ଓ ନିର୍ଦ୍ଦିଷ୍ଟ ଉତ୍ତର/ସୂଚନା ଦେଇନାହାନ୍ତି। ସିଆଇସି ମଧ୍ୟ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର କେନ୍ଦ୍ରୀୟ ପବ୍ଲିକ୍‌ ଇନ୍‌ଫର୍ମେଶନ ଅଫିସରଙ୍କୁ ୧୫ ଦିନ ଭିତରେ ଆବେଦନକାରୀଙ୍କୁ ସୂଚନା ଦେବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ପିଏମ୍‌ଓ ସୂଚନା ଦେବାକୁ ଏଡ଼ାଇ ଚାଲୁଥିବା ବେଳେ ଚତୁର୍ବେଦୀ ସିଆଇସିରେ ଆଉ ଏକ ଅଭିଯୋଗ ଦାଏର କରି ଏହାର ଅକ୍ଟୋବର ୧୬ ତାରିଖର ଆଦେଶନାମା ଉପରେ ଆର୍‌ଟିଆଇ ଆଇନର ୧୮ ଧାରା ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆବେଦନ କରିଥିଲେ। ଆଉ ଦୁଇଥର ଶୁଣାଣି ପରେ କମିଶନ ଚଳିତମାସ ପ୍ରାରମ୍ଭରେ ଚତୁର୍ବେଦୀଙ୍କ ଆବେଦନ ଉପରେ ସୂଚନା ଦେବା ଲାଗି ପିଏମ୍‌ଓର ଆପତ୍ତିକୁ ଖାରଜ କରିଦେଇଛନ୍ତି। ମୁଖ୍ୟ ସୂଚନା ଆୟୁକ୍ତ ସୁଧୀର ଭାର୍ଗବ ତାଙ୍କ ଆଦେଶନାମାରେ କହିଛନ୍ତି ଯେ, ପିଏମ୍‌ଓ ଯେଉଁ ଉତ୍ତର ଦେଇଛି ତାହା ଠିକ୍‌ ନୁହେଁ। ତେବେ ପିଏମ୍‌ଓ କ’ଣ ସିଆଇସିଙ୍କ ଆଦେଶ ମାନିବ ନା ଚତୁର୍ବେଦୀଙ୍କ ଦ୍ୱାରା ମଗାଯାଇଥିବା ସୂଚନା ଦେବାକୁ ନାନା ଆଳ ଦେଖାଇ ମନା କରିବ?
ଉଚ୍ଚ ସ୍ତରୀୟ ନିଯୁକ୍ତି
କେନ୍ଦ୍ର ସରକାର ଆଇପିଏସ୍‌ ଅଫିସର ସାମନ୍ତ ଗୋଏଲଙ୍କୁ ଭାରତର ବାହ୍ୟ ଗୋଇନ୍ଦା ସଂସ୍ଥା ରିସର୍ଚ୍ଚ ଆଣ୍ଡ୍‌ ଆନାଲିସିସ୍‌ ଓ୍ବିଙ୍ଗ୍‌ (ର)ର ନୂତନ ମୁଖ୍ୟ ଭାବେ ନିଯୁକ୍ତି ଦେଇଛନ୍ତି। ଆଉ ଜଣେ ଆଇପିଏସ୍‌ ଅଫିସର ଅରବିନ୍ଦ କୁମାରଙ୍କୁ ମଧ୍ୟ ଇଣ୍ଟଲିଜେନ୍ସ ବ୍ୟୁରୋ (ଆଇବି)ର ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଛି। ଉଭୟ ନିଯୁକ୍ତି ଦୁଇବର୍ଷ ପାଇଁ ଦିଆଯାଇଛି। ପ୍ରାପ୍ତ ସୂଚନା ଅନୁସାରେ ଉଭୟ ଅଫିସରଙ୍କ ପ୍ରତି ଜାତୀୟ ସୁରକ୍ଷା ପରାମର୍ଶଦାତା ଅଜିତ୍‌ ଡୋଭାଲଙ୍କ ସମର୍ଥନ ରହିଛି। କୌତୂହଳର ବିଷୟ ହେଲା, ଏହି ଦୁଇ ବରିଷ୍ଠ ପଦବୀରେ ନିଯୁକ୍ତିରେ ୧୯୮୪ ବ୍ୟାଚ୍‌ର ଅଫିସରଦ୍ୱୟ ମୋଦି ସରକାରର ସୁରକ୍ଷା ଓ ଗୋଇନ୍ଦା ସଂସ୍ଥାରେ ସବୁଠାରୁ ଶକ୍ତିଶାଳୀ ଗୋଷ୍ଠୀ ଭାବେ ଉଭା ହୋଇଛନ୍ତି। ଜଣାପଡ଼ିଛି ଯେ, ସୀମା ସୁରକ୍ଷା ବାହିନୀ (ବିଏସ୍‌ଏଫ୍‌)ର ନିର୍ଦ୍ଦେଶକ ରଜନୀକାନ୍ତ ମିଶ୍ର, ଭାରତ-ତିବ୍ବତୀୟ ସୀମା ପୋଲିସ (ଆଇଟିବିପି) ମହାନିର୍ଦ୍ଦେଶକ ଏସ୍‌.ଏସ୍‌. ଦେସ୍ବାଲ, କେନ୍ଦ୍ରୀୟ ଶିଳ୍ପ ସୁରକ୍ଷା ବାହିନୀ (ସିଆଇଏସ୍‌ଏଫ୍‌) ମହାନିର୍ଦ୍ଦେଶକ ରାଜେଶ ରଞ୍ଜନ, ଜାତୀୟ ତଦନ୍ତ ସଂସ୍ଥା (ଏନ୍‌ଆଇଏ) ମହାନିର୍ଦ୍ଦେଶକ ଓ୍ବାଇ.ସି. ମୋଦି, ଜାତୀୟ ସୁରକ୍ଷା ଗାର୍ଡ (ଏନ୍‌ଏସ୍‌ଜି) ମୁଖ୍ୟ ସୁଦୀପ ଲାଖଟାକିଆ ଏବଂ ବେସାମରିକ ବିମାନ ଚଳାଚଳ ବ୍ୟୁରୋ (ବିସିଏଏସ୍‌) ମହାନିର୍ଦ୍ଦେଶକ ରାକେଶ ଆସ୍ଥାନା- ଏମାନେ ସମସ୍ତେ ହେଉଛନ୍ତି ୧୯୮୪ ବ୍ୟାଚ୍‌ ଅଫିସର।
ଆୟକର ଅଧିକାରୀଙ୍କ ପଦାବନତି
କେନ୍ଦ୍ର ସରକାର ଦୁର୍ନୀତି ଅଭିଯୋଗରେ ଆୟକର ବିଭାଗର ଏକ ଡଜନ ଅଫିସରଙ୍କୁ ବାଧ୍ୟତାମୂଳକ ଅବସର ଦେବା ପରେ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ (ସିବିଡିଟି) ଚାରିଜଣ ଅଫିସରଙ୍କୁ ସେମାନଙ୍କ ବିରୋଧରେ ଭିଜିଲାନ୍ସ କେସ୍‌ ରହିଥିବା କାରଣରୁ ପଦାବନତ କରିଛନ୍ତି। ଯୁଗ୍ମ କମିଶନର ପାହ୍ୟାର ଏହି ଚାରିଜଣ ଅଫିସରଙ୍କୁ ଡେପୁଟି କମିଶନର ପାହ୍ୟାକୁ ଖସାଇ ଦିଆଯାଇଛି। ସିବିଡିଟି ମୁଖ୍ୟ ପି.ସି. ମୋଦି ମଧ୍ୟ ଟିକସଦାତାମାନଙ୍କର ଅଭିଯୋଗଗୁଡ଼ିକର ସମାଧାନ କରିବାରେ ଆୟକର ଅଧିକାରୀମାନଙ୍କର ଅବହେଳାକୁ ନେଇ ଉଦ୍‌ବେଗ ପ୍ରକାଶ ପୂର୍ବକ ଅଫିସରମାନଙ୍କୁ ଏକ ଚିଠି ଦେଇଛନ୍ତି। ବିଭାଗର ଆଞ୍ଚଳିକ ମୁଖ୍ୟମାନଙ୍କୁ ମୋଦି ଲେଖିଥିବା ଚିଠିରେ ସେମାନେ ଯେପରି ଟିକସଦାତାମାନଙ୍କ ଅଭିଯୋଗ ଓ ସମସ୍ୟାଗୁଡ଼ିକର ସମାଧାନ କରିବାରେ ତତ୍ପରତା ପ୍ରଦର୍ଶନ କରନ୍ତି, ସେଥି ଲାଗି ନିର୍ଦ୍ଦେଶ ଦେଇଛନ୍ତି। ଯାହା ଜଣାଯାଏ, ବର୍ତ୍ତମାନ ସୁଦ୍ଧା ୨,୬୪୭ଟି ଅଭିଯୋଗ ମଧ୍ୟରୁ ୮୮୫ଟିର ଫଇସଲା ନ ହୋଇ ମାସାଧିକ କାଳ ହେଲା ପଡ଼ିରହିଛି। ସେହିପରି ୩୪,୦୨୬ଟି ଇ-ନିବାରଣ (ଅନ୍‌ଲାଇନ ଆପତ୍ତି ସମାଧାନ ବ୍ୟବସ୍ଥା) ମାମଲା ଏବେ ବି ଅସମାହିତ ହୋଇ ପଡ଼ିରହିଛି ବୋଲି ମୋଦି ଦର୍ଶାଇଛନ୍ତି। ବିଧିବଦ୍ଧ ଭାବରେ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ସମସ୍ତ ଅଭିଯୋଗର ସମାଧାନ କରିବାକୁ ସେ ଅଫିସରମାନଙ୍କୁ ଆଦେଶ ଦେଇଛନ୍ତି।
Email: dilipcherian@gmail.com


All Right Reserved By

ନାଳନ୍ଦା ଓ ଭାରତର ବିଶ୍ୱବିଦ୍ୟାଳୟ

ଗିରିଜାଶଙ୍କର ତରାସିଆ ସମଗ୍ର ବିଶ୍ୱକୁ ଜ୍ଞାନର ଦୀପ୍ତିରେ ଆଲୋକିତ କରିଥିବା ବିହାରର ପ୍ରାଚୀନତମ ଶ୍ରେଷ୍ଠ ନାଳନ୍ଦା ବିଶ୍ୱବିଦ୍ୟାଳୟର ସାତଶହ ବର୍ଷ ପରେ ଅକ୍ସଫୋର୍ଡ଼ ବିଶ୍ୱବିଦ୍ୟାଳୟ ଗଢ଼ିଉଠିଥିଲା।...

ଏଇ ଭାରତରେ

ଜୀବନକୁ ବାଜି ଲଗାଇ ଜହର ଖାଇଥିବା ସାପକୁ ବଞ୍ଚାଇଲେ ଆଇଟି ଅଧିକାରୀ। ସୋସିଆଲ୍‌ ମିଡିଆରେ ଏହି ବିଷୟ ଭାଇରାଲ ହେବାରେ ଲାଗିଛି। ମଣିଷ ଏବଂ ସର୍ପ...

ଭାରତର ଚନ୍ଦ୍ର ଅଭିଯାନ

ଆକାର ପଟେଲ ପଚାଶ ବର୍ଷ ତଳେ ୧୯୬୯ ମସିହା ଜୁଲାଇ ୨୪ ତାରିଖରେ ଆମେରିକାର ଆପୋଲୋ-୧୧ ମିଶନ ଚନ୍ଦ୍ରପୃଷ୍ଠରୁ ପ୍ରତ୍ୟାବର୍ତ୍ତନ କଲା। ତିନିଜଣ ମହାକାଶଚାରୀ ମାଇକେଲ...

ତାଙ୍କ ପ୍ରତିଶ୍ରୁତି, ଆମ ଅଧିକାର

ଘାସିରାମ ପଣ୍ଡା ଫଳାଫଳ ଘୋଷଣା ପରେ ପୁଣି ଥରେ ଲୋକେ ରାଜନୀତିର ଆଲୋଚନାକୁ ଫେରିଛନ୍ତି। ଜିତିବା ଓ ହାରିବାର କାରଣ ଖୋଜିଲା ବେଳେ କିଏ କ’ଣ...

ଆଜିର ଅର୍ଥନୀତି/ବଜାରରୁ ସୂଚନା

୨୦୧୯ ନିର୍ବାଚନ ଫଳାଫଳର ବହୁଳାଂଶ ଏବେ ସ୍ପଷ୍ଟ ହୋଇଯାଇଛି, ତଥାପି ଅନେକ କିଛି ଖବରକାଗଜ ମୁଦ୍ରଣ ସୁଦ୍ଧା ବାକି ରହିଯାଇଛି। ଜଣାପଡ଼ିଥିବା ଫଳାଫଳରୁ ଏହା ସ୍ପଷ୍ଟ...

ଏଇ ଭାରତରେ

ଶିକ୍ଷାର କୌଣସି ଧର୍ମ ନାହିଁ। ଏହା ଅଜ୍ଞାନ ରୂପକ ଅନ୍ଧକାର ଦୂରକରି ଜ୍ଞାନର ଜ୍ୟୋତି ଜଳାଇଥାଏ। ସଂସ୍କୃତ ସ୍କୁଲରେ ଗାୟତ୍ରୀ ମନ୍ତ୍ରୋଚ୍ଚାରଣ ଶିଖୁଛନ୍ତି ମୁସଲମାନ ଛାତ୍ରୀଛାତ୍ର।...

ନିମିଷକେ ବଦଳୁଛି ଜ୍ଞାନର ପୃଥିବୀ

ଡ. ସୁବାସ ଚନ୍ଦ୍ର ପାତ୍ର ସମୟ ବ୍ୟବଧାନର ଗାଣିତିକତା ବୋଧହୁଏ ପାରିପାର୍ଶ୍ୱିକ ଅବସ୍ଥା ଉପରେ ନିର୍ଭର କରେ, ଯେଉଁଥିପାଇଁ ୫୦ ବର୍ଷର ବ୍ୟବଧାନ ୫/୧୦ବର୍ଷ ପରି...

ହସ ଓ କାନ୍ଦ

ଅଭିମନ୍ୟୁ ଧଳ ହସକାନ୍ଦ ଭରା ଦୁନିଆ। ହସିବା ଓ କାନ୍ଦିବା ପରସ୍ପର ପରିପୂରକ। ହସିବା ଯେପରି ଦେହ ପାଇଁ ଉପକାରୀ, କାନ୍ଦିବା ମଧ୍ୟ ସେହିପରି ଉପକାରୀ।...

selfi corner

Model This Week

Why Dharitri

Leave a comment

Your email address will not be published. Required fields are marked *