ସଫେଇ ନାଁରେ ସରକାରୀ ଅଫିସ୍‌ ପରିସରରୁ ମୂଲ୍ୟବାନ ଗଛ ଚାଲାଣ

ବାଲେଶ୍ୱର ଅଫିସ, ୧୯।୭-ବାଲେଶ୍ୱର ଜଳସେଚନ ବିଭାଗ ମୁଖ୍ୟ କାର୍ଯ୍ୟାଳୟ ପରିସରରେ ଥିବା ନିମ୍ବ, ଆକାଶୀ, ଶାଗୁଆନ, କଦମ୍ବ, ଆମ୍ବ ଭଳି ୫୦ରୁ ଊର୍ଦ୍ଧ୍ୱ ମୂଲ୍ୟବାନ ଗଛ କାଟି ୪୦୭ ଏବଂ ପିକଅପ୍‌ ଭ୍ୟାନ୍‌ ଯୋଗେ ବେଆଇନ ଭାବେ ଚାଲାଣ କରାଯାଉଥିବା ଅଭିଯୋଗ ହୋଇଛି। ଅଫିସ୍‌ ପଛପଟେ ସଫା କରିବା ନାଁରେ ଏପରି କାର୍ଯ୍ୟ କରାଯାଉଥିବା କର୍ମଚାରୀମାନେ କହିଛନ୍ତି। ଅଭିଯୋଗ ପାଇ ବନବିଭାଗ ଦ୍ୱାରା ତଦନ୍ତ ଆରମ୍ଭ ହୋଇଛି।
ଜଳସେଚନ ବିଭାଗ ବାଲେଶ୍ୱର ନିର୍ବାହୀଯନ୍ତ୍ରୀ କାର୍ଯ୍ୟାଳୟରେ ଥିବା ଏକ ପୋଖରୀ ଚାରିପାଖରେ ଉପରୋକ୍ତ ମୂଲ୍ୟବାନ ଗଛଗୁଡ଼ିକ ଥିଲା। ଚାରିପାଖ ଛୋଟଛୋଟ ଲଟା ଓ ବୁଦାରେ ପରିପୂର୍ଣ୍ଣ ଥିବାବେଳେ ଏହାକୁ ସଫା କରିବା ପାଇଁ ୨ମାସ ପୂର୍ବରୁ ତତ୍କାଳୀନ ନିର୍ବାହୀଯନ୍ତ୍ରୀ ନିରଞ୍ଜନ ମହାଳିକ ସହକାରୀ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ। କୌଣସି ଅଫିସିଆଲ କାର୍ଯ୍ୟାଦେଶ କିମ୍ବା ଚୁକ୍ତିନାମା ନ ପାଇ ସହକାରୀ ଯନ୍ତ୍ରୀ ଉକ୍ତ ପୋଖରୀ ଆଡ଼ିକୁ ସଫା କରିବା ସହ ୫୦ରୁ ଊର୍ଦ୍ଧ୍ୱ ମୂଲ୍ୟବାନ ଗଛ କାଟି ଦେଇଥିଲେ। ଏପରିକି ବନବିଭାଗର କୌଣସି ଅନୁମତି ମଧ୍ୟ ଆଣି ନ ଥିଲେ। ଗଛଗୁଡ଼ିକୁ କାଟି ସାରିବା ପରେ ଗଣ୍ଡିଗୁଡ଼ିକୁ ୪୦୭ ଓ ପିକଅପ୍‌ ଭ୍ୟାନ୍‌ରେ ଲୋଡ୍‌ କରି ବାହାରକୁ ଚାଲାଣ କରାଯାଇଛି। ଅନ୍ୟପକ୍ଷରେ ପୋଖରୀରୁ ମାଟି ଉଠାଇ ମୂଳଗୁଡ଼ିକ ପୋତି ଦିଆଯାଇଥିବା ଜଣାପଡ଼ିଛି। ଅନ୍ୟପକ୍ଷରେ ଗଛର ବଙ୍କାଟଙ୍କା ଅଂଶ ସହିତ ଡାଳ ଓ ପତ୍ରକୁ ନିଆଁ ଲଗାଇ ପୋଡ଼ି ପ୍ରମାଣ ନଷ୍ଟ କରିବାକୁ ଚେଷ୍ଟା କରାଯାଉଥିବା ବିଭିନ୍ନ ମହଲରୁ ଅଭିଯୋଗ ହୋଇଥିଲା। ଏନେଇ ସମ୍ପୃକ୍ତ ବିଭାଗର ନିର୍ବାହୀଯନ୍ତ୍ରୀ ଦାୟିତ୍ୱରେ ଥିବା ଆର୍ତତ୍ରାଣ ସାହୁଙ୍କୁ ପଚରାଯିବାରୁ ସେ କହିଛନ୍ତି ଯେ, ଉକ୍ତ ପୋଖରୀ ଚାରିପାଖ ବଣଜଙ୍ଗଲରେ ପରିପୂର୍ଣ୍ଣ ହୋଇଥିବାରୁ ସଫା କରିବା ପାଇଁ ଅଫିସ୍‌ କର୍ମଚାରୀମାନଙ୍କୁ କୁହାଯାଇଥିଲା। ସେଥିପାଇଁ କୌଣସି ପ୍ରକଳ୍ପ କିମ୍ବା କାର୍ଯ୍ୟାଦେଶ କିମ୍ବା ଚୁକ୍ତିନାମା ହୋଇ ନ ଥିଲା କି ଥିବା ଗଛଗୁଡ଼ିକ କଟାଯିବାର ନିଷ୍ପତ୍ତି ନିଆଯାଇ ନ ଥିଲା। ଗଛ କଟା ଯାଇଥିବା ବିଷୟରେ ତାଙ୍କୁ ଜଣା ନ ଥିବା ବେଳେ ବହୁଶୀଘ୍ର ତଦନ୍ତ କରି ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏ ସମ୍ପର୍କରେ ବନ ଅଧିକାରୀ ବିଶ୍ୱରାଜ ପଣ୍ଡା କହନ୍ତି, ଜିଲା ଜଳସେଚନ ବିଭାଗ ଅଫିସ୍‌ ପକ୍ଷରୁ ଗଛ କାଟିବା ପାଇଁ କୌଣସି ଅନୁମତି ଆବେଦନ କରି ନାହାନ୍ତି କି କୌଣସି ପ୍ରକାର ଅନୁମତି ଦିଆଯାଇ ନାହଁି। ଗୁରୁବାର ସ୍ଥାନୀୟ ରେଞ୍ଜରଙ୍କୁ ପଠାଇ ତଦନ୍ତ ଆରମ୍ଭ କରାଯାଇଛି। ସହକାରୀ ଯନ୍ତ୍ରୀ ହରେକୃଷ୍ଣ ଧଳ କହିଛନ୍ତି ଯେ, ପୋଖରୀ ଚାରିପାଖ ବଣଜଙ୍ଗଲରେ ପରିପୂର୍ଣ୍ଣ ହୋଇଥିଲା। ସେଠାରେ ରହୁଥିବା ଲୋକମାନେ ଏଥିପାଇଁ ବହୁ ଅସୁବିଧାର ସମ୍ମୁଖୀନ ହେଉଥିଲେ। ଏପରିକି ପୋଖରୀ ବ୍ୟବହାର ଅନୁପଯୋଗୀ ହୋଇପଡିଥିଲା। ପୋଖରୀକୁ ପରିଷ୍କାର କରିବା ସହ ବଣ ଜଙ୍ଗଲକୁ ସଫା କରାଯାଇଛି। ଉପୁଡ଼ି ପଡ଼ିଥିବା କେତେକ ଗଛକୁ କାଟି ଅଫିସ୍‌ରେ ରଖାଯାଇଛି।


All Right Reserved By Dharitri.Com

ନୟାଗଡ଼ରେ ବାଟବଣା ଲକ୍‌ଡାଉନ୍‌: ଗଳାବାଟ ବାଛୁଛନ୍ତି ଲୋକେ, ସୁରକ୍ଷା ପ୍ରତି ଖାତିର ନାହିଁ

ନୟାଗଡ ଅଫିସ,୨୫।୩: କରୋନାର ପ୍ରତିଷେଧକ ପାଇଁ ନୟାଗଡ ଜିଲା ସଦର ମହକୁମାକୁ ଲକ୍‌ଡାଉନ୍‌ ଘୋଷଣା କରାଯାଇଛି । ଏଥିପାଇଁ ସରକାର ବିଭିନ୍ନ କଟକଣା ଲାଗୁ କରିଛନ୍ତି।...

ଟିଟୋଙ୍କ ସହଯୋଗୀ ଡାଙ୍ଗ ଗିରଫ: କେନ୍ଦ୍ରାପଡ଼ାର ହୋଟେଲରୁ ଧରିଲା ଏସ୍‌ଟିଏଫ୍‌

ଭୁବନେଶ୍ୱର, ୬।୧୦(ବ୍ୟୁରୋ): ଗ୍ୟାଙ୍ଗଷ୍ଟର ଟିଟୋଙ୍କ ଡାହାଣ ହାତ କୁହାଯାଉଥିବା ସେକ୍‌ ଜାବିଦ୍‌ ଓରଫ ଡାଙ୍ଗଙ୍କୁ ଏସ୍‌ଟିଏଫ୍‌ ଶନିବାର ସକାଳେ କେନ୍ଦ୍ରାପଡ଼ାର ଏକ ହୋଟେଲରୁ ଗିରଫ କରିଛି।...

ମରାମତି କାର୍ଯ୍ୟ ପାଇଁ ବାତିଲ ହେବ ଟ୍ରେନ୍‌ ସେବା

ଭୁବନେଶ୍ୱର,୨୮।୨(ବ୍ୟୁରୋ): ପୂର୍ବତଟ ରେଳପଥର ବିଭିନ୍ନ ସ୍ଥାନରେ ସୁରକ୍ଷା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ଲାଗି କେତେକ ପାସେଞ୍ଜର ଟ୍ରେନ୍‌କୁ ବାତିଲ କରାଯାଇଥିବା ବେଳେ ଆଉ କେତେକ ଟ୍ରେନ୍‌କୁ...

ଶିକୁଳିବନ୍ଧା ଜୀବନ କାଟୁଛନ୍ତି ୨ ମହିଳା

କୁନ୍ଦୁରା,୧୯।୧୧(ଡି.ଏନ୍‌.ଏ.)କୁନ୍ଦୁରା ବ୍ଲକ ଚେଣ୍ଡିଆ ଝିଲିଗାଁର ପଦ୍ମା ପରଜା (୨୬) ଓ ବଡ଼ ଝିଲିଗଁାର ରାଧା ପରଜା (୨୮)। ଏହି ୨ ମହିଳା ମାନସିକ ଭାବେ ଅସୁସ୍ଥ...

୨ଦିନ ପର୍ଯ୍ୟନ୍ତ ପ୍ରବଳ ବର୍ଷିବ: ୬ ଜିଲାକୁ ୟେଲୋ ୱାର୍ନିଂ

ଭୁବନେଶ୍ୱର, ୩।୯(ବ୍ୟୁରୋ):ଉତ୍ତର ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଯୋଗୁ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ରବିବାର ରାତିରୁ ସୋମବାର ସକାଳ ସାଢ଼େ...

ବନ୍ୟା ଘେରରେ ବଲାଙ୍ଗୀର ସହର: ୧ ହଜାର ଲୋକ ସ୍ଥାନାନ୍ତରିତ; ତଦାରଖ କରୁଛନ୍ତି ଜିଲାପାଳ, ଏସ୍‌ପି

ବଲାଙ୍ଗୀର ଅଫିସ, ୧୩।୮: ଲଗାଣ ବର୍ଷାରେ ବଲାଙ୍ଗୀର ସହର ଉବୁଟୁବୁ ହେଉଛି । ବନ୍ୟା ଜଳରେ ସମଗ୍ର ସହର ଭାସମାନ ଅବସ୍ଥାରେ। ପରିସ୍ଥିତି ଅନୁଧ୍ୟାନକରି ଜିଲାପାଳ...

ଦୁଇ ଗାଁକୁ ଯୋଡ଼ିଛି କାଠପୋଲ

ଫୁଲବାଣୀ ଅଫିସ, ୨୫ା୧ – କନ୍ଧମାଳ ଜିଲା କୋଟଗଡ ବ୍ଲକ ପାରିଗଡ ପଞ୍ଚାୟତର ଦୁଇ ଗ୍ରାମ ହଦଗାଁ ଓ ପିଲିମାହା ଦୁର୍ଗମ ଅଞ୍ଚଳ ଭାବେ ପରିିଚିତ।...

ନିର୍ବାଚନ ପାଇଁ ଅବକାରୀ ଚଢ଼ାଉ: ୪୧ ଦିନରେ ୨୦୬ ଗିରଫ

ବାଲେଶ୍ୱର ଅଫିସ, ୨୨।୪-୨୦୧୯ ସାଧାରଣ ନିର୍ବାଚନ ପାଇଁ ବାଲେଶ୍ୱର ଜିଲା ଅବକାରୀ ବିଭାଗ ତତ୍ପର ହୋଇପଡିଛି। ୮ ବିଧାନସଭା ମଣ୍ଡଳୀରେ ଅବକାରୀ ସ୍କ୍ବାଡ ମାଧ୍ୟମରେ ବ୍ୟାପକ...

Leave a comment

Your email address will not be published. Required fields are marked *