ବର୍ଷା ଅଭାବରୁ ଚାଷ ଜମି ଫାଟିଲା

ବଡ଼ଗାଁ, ୧୮।୭ (ଡି.ଏନ.ଏ)-ବଡଗାଁ ବ୍ଲକ ଅଞ୍ଚଳରେ ବର୍ତ୍ତମାନ ସୁଦ୍ଧା ସ୍ବାଭାବିକ ବର୍ଷା ଠାରୁ ଅତି କମ୍‌ ବୃଷ୍ଟିପାତ ଯୋଗୁ ମାଳ ଓ ଗୋଡା ଜମି ଫାଟି ଆଁ କଲାଣି। ବାହାଲ କିସମର କେତେକ ଖାଲୁଆ ଜମିରେ ସାମାନ୍ୟ ଆଦ୍ରତା ଥିଲାବେଳେ ଆଉ କେତେକ ବାହାଲ ଜମି ଶୁଖିଗଲାଣି। ଆସନ୍ତା ୪ରୁ ୮ ଦିନ ମଧ୍ୟରେ ବର୍ଷା ନ ହେଲେ ନିଶ୍ଚିତ ମରୁଡିର ପଦଧ୍ୱନୀ ଶୁଣାଗଲାଣି । ଚଳିତବର୍ଷ ବର୍ତ୍ତମାନ ସୁଦ୍ଧା ମାତ୍ର ୩୧୭. ୯ ମିମି ବର୍ଷା ହୋଇଥିଲା ବେଳେ ଜୁଲାଇ ୧୧ରୁ ଏ ଯାଏଁ ବର୍ଷାର ଦେଖାନାହିଁ। ଜୁନରେ ୨୩୭. ୪ ମିମି, ଜୁଲାଇରେ ୩୮୬.୪ ମିମି, ଅଗଷ୍ଟରେ ୩୯୩. ୯ ମିମି ଓ ସେପ୍ଟେମ୍ବରରେ ୨୧୧.୫ ମିମି ବୃଷ୍ଟିପାତ ହେଲେ ସ୍ବାଭାବିକ ବର୍ଷା ଧରାଯାଏ ଓ ଏହା ଚାଷକୁ ଆଗେଇ ନେଇଥାଏ। ସେ ଅନୁଯାଇ ଜୁନ ଓ ଜୁଲାଇରେ ମୋଟ ୬୨୩.୮ ମିମି ବର୍ଷା ହେବା କଥା। କିନ୍ତୁ ବର୍ତ୍ତମାନ ସୁଦ୍ଧା ହୋଇଛି ୩୧୭.୯ ମିମି ବର୍ଷା । ସ୍ବଳ୍ପ ବର୍ଷା ଯୋଗୁ ହତାଶ ହୋଇପଡିଥିବା ଚାଷୀ ମେଘୁଆ କିମ୍ବା କଳା ହାଣ୍ଡିଆ ମେଘ ଦେଖିଲେ ମନରେ ଆଶା ଉଜ୍ଜିବିତ କରେ। କିନ୍ତୁ କିଛି ସମୟ ପରେ ପ୍ରଚଣ୍ଡ ଖରା ଆଶାକୁ ଝାଉଁଲି କରିଦିଏ। ତେବେ ଯେଉଁ ଚାଷୀମାନେ ଉଚ୍ଚ ଜମି ଯଥା ଗୋଡା, ମାଳ ଓ ବେର୍ଣ୍ଣା କିସମ ଜମିରେ ଧାନ ବୁଣିଥିଲେ ତାହା କେତେକ ସ୍ଥାନରେ ପୋଡି ପାଳ ହୋଇଯାଇଛି। ଆଉ କେତେକ ଧାନ ଚାରା ହଳଦିଆ ଦେଖାଗଲାଣି। ଏହି ଜମିଗୁଡିକରେ ରୁଆ କରିଥିବା ଚାଷୀଙ୍କ ଜମି ଫାଟି ଯାଇଥିବାରୁ ଓ ବର୍ଷାର ଅନିଶ୍ଚିତତା ଯୋଗୁ କୃଷକ ଚାଷ ଜମିକୁ ଯାଉ ନ ଥିବା ଦେଖାଯାଇଛି। ଫଳରେ ଜମିରେ ଗାଈ, ବଳଦ ପଶି ଚରିବା ଆରମ୍ଭ କଲେଣି। ସପ୍ତାହେ ମଧ୍ୟରେ ଭଲ ବର୍ଷା ନ ହେଲେ ଯେଉଁ ଚାଷୀ ରୁଆ ପାଇଁ ତଳି ପକାଇଛନ୍ତି ତାହା ଅନୁପଯୋଗୀ ହେବ। କୃଷକଙ୍କ ଜମି ଖାଲି ପଡି ରହିବ। ଯେଉଁ ଚାଷୀମାନେ ବିଳମ୍ବରେ ତଳି ପକାଇଛନ୍ତି ତାହା ଗଜା ହୋଇ ଶୁଖିଯିବ। ଯେଉଁ ଚାଷୀଙ୍କ ପାଇଁ ଖରିଫ ଧାନ ଚାଷ ହିଁ ପେଟ ପାଟଣାର ମୁଖ୍ୟ ଆଧାର ସେମାନେ ଏଭଳି ପରିସ୍ଥିତି ଦେଖି ମୁଣ୍ଡରେ ହାତଦେଇ ବସିଲେଣି। ଉଲ୍ଲେଖଯୋଗ୍ୟ ଯେ, ଗତବର୍ଷ ଜୁନରୁ ଅଗଷ୍ଟ ପର୍ଯ୍ୟନ୍ତ କିଛିଟା ବର୍ଷା ହେବାରୁ ଚାଷୀ ଖରିଫ ଧାନ ଚାଷ ଭଲ ହେବ ଆଶା କରିଥିଲେ। କିନ୍ତୁ ଜୁଲାଇ ମାସରେ ବର୍ଷା ନ ହେବାରୁ ଧାନ ଅମଳ କମିଯାଇଥିଲା। କେତେକ ଜମିର (ଉଚ୍ଛଜମି) ଚାଷ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା। ଗତ ବର୍ଷ ମରୁଡିରେ କ୍ଷତିଗ୍ରସ୍ତ ଚାଷୀ ଚଳିତବର୍ଷ ସମ୍ଭାବ୍ୟ ମରୁଡିରେ ପଡିଲେ ଚାଷୀ ଅଣ୍ଟା ସଳଖାଇବା କଷ୍ଟକର ହୋଇପଡିଛି ।


All Right Reserved By

ଡ୍ରେନ୍‌ ଭିତରେ ପାଏନ୍‌ ପାଇପ୍‌, ରୋଗ୍‌ ଆଶଁକା

ମନମୁଣ୍ଡା, ୭।୬ (ଡି.ଏନ.ଏ): ବୌଦ୍ଧ ଜିଲା ମନମୁଣ୍ଡାକେ ବହୁତ ବଛର ହେଲା ପାଇପ୍‌ ପାଏନ୍‌ ଯୁଗାବାର ବେବସ୍‌ତା ହେଇଛେ। ହେଲେ କମ୍‌ ପାଓ୍ବାରର ମୋଟର ଲାଗି...

ପାତ୍ରବସା ବସ୍ତିରେ ପାନୀୟ ଜଳ ଅଭାବ, ୬୦ରୁ ଊର୍ଦ୍ଧ୍ୱ ପରିବାର ହନ୍ତସନ୍ତ

ଭବାନୀପାଟଣା, ୨୦।୫ (ଡି.ଏନ୍‌.ଏ.): କଳାହାଣ୍ଡି ଜିଲା କଲମପୁର ବ୍ଲକ୍‌ ଅନ୍ତର୍ଗତ ପଣ୍ଡିଗାଁ ପଞ୍ଚାୟତ ପାତ୍ରବସା ଗାଁରେ ଥିବା ବସ୍ତିରେ ପିଇବା ପାଣି ଅଭାବ ଦେଖାଦେଇଛି। ଫଳରେ...

ସରକାରୀ ସାହାଯ୍‌ରୁ ବଁଚିତ୍‌ ଦିବ୍ୟାଙ୍ଗ ଭାଇବହେନ୍‌

କୋକସରା, ୨୨।୬, (ଡି.ଏନ.ଏ): କେନ୍ଦ୍ର ଆର ରାଏଜ୍‌ ସରକାର ଦିବ୍ୟାଙ୍ଗମାନକର ସୁବିଧା ଆର ତାହାକୁ ସମାଜର ମୁଖିଆ ଧାରରେ ସାମିଲ କରବାର ଲାଗି ଅନେକ ଯୋଜନା...

ସ୍ବତନ୍ତ୍ର ନବମ ଇଣ୍ଡିଆ ରିଜର୍ଭ ବାଟାଲିୟନ ପକ୍ଷରୁ ସ୍ବାସ୍ଥ୍ୟ ଶିବିର: ୨ ଶହ ଲୋକଙ୍କୁ ଚିକିତ୍ସା କରାଗଲା

ଜୁନାଗଡ,୩୧।୫(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକ ଜାରିଙ୍ଗ ମେଡିକାଲ କଲେଜ ପରିସରରେ ଶୁକ୍ରବାର ଏକ ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। କଳାହାଣ୍ଡି ଜିଲା ସ୍ବତନ୍ତ୍ର ନବମ...

ସରକାରୀ ମାନ୍ୟତା ମିଳିଲାନି: ବନ୍ଦ ହେଲାଭୀମଭୋଇ ସ୍ବାସ୍ଥ୍ୟକେନ୍ଦ୍ର

ସୋନପୁର,୨୩।୭(ନି.ପ୍ର.) ସୁବର୍ଣ୍ଣପୁର ଜିଲା ସନ୍ଥକବି ଭୀମଭୋଇଙ୍କ ସମାଧି ପୀଠ ଖଲିଆପାଲିଠାରେ ଜନସାଧାରଣଙ୍କ ଉଦ୍ୟମରେ ଚାଲି ଆସିଥିବା ସ୍ବାସ୍ଥ୍ୟକେନ୍ଦ୍ରଟି ଶେଷରେ ବନ୍ଦ ହେଲା। ଦେଢ ମାସ ହେଲା...

ବିନିକା ପ୍ରିମିୟର ଲିଗ୍‌ : ପାଓ୍ବାର ବ୍ଲାଷ୍ଟର ଚାମ୍ପିୟନ

ବିନିକା, ୧୭ା୫(ଡି.ଏନ୍‌.ଏ.)- ସୁବର୍ଣ୍ଣପୁର ଜିଲା ବିନିକାରେ ଚାଲିଥିବା ଦ୍ୱିତୀୟ ବିନିକା ପ୍ରିମିୟର ଲିଗ୍‌(ବିପିଏଲ)କ୍ରିକେଟ ଟୁର୍ନାମେଣ୍ଟ ଗୁରୁବାର ଉଦ୍‌ଯାପିତ ହୋଇଯାଇଛି। ବିନିକା ବିଜୁ ପଟ୍ଟନାୟକ ମିନି ଷ୍ଟାଡିୟରେ...

ସେବାରେ ସମରପିତ ଗୁଞ୍ଜ ମା’ର ଜୀବନ୍‌

ଲାଠୋର,୧୫।୫ (ଡି.ଏନ.ଏ.): ବଏସ୍‌ ପାଖାପାଖି ଶହେ। ଜୀବନ୍‌ର ଶେଷ ମୁଡ଼ସାକେ ଛିଁ ସାରିଛନ୍‌। ହେଲେ ଆଏଜ୍‌ ବି ସେ ସେବା ମନ୍‌ବୁରତିକେ ଛାଡ଼ି ନାଇଁପାରି। ଆସେପାସେ...

ଚିକିତ୍ସା ଲାଗି ଟଁକା ବାଧକ୍‌:ତୃତୀୟାର ନାକେ ବଢ଼ୁଛେ ଆବୁ

ବିନିକା, ୧୭ା୫(ଡି.ଏନ୍‌.ଏ.): ସୁବର୍ଣ୍ଣପୁର ଜିଲା ବିନିକା ବିଜ୍ଞାପିତ ଅଞ୍ଚଳ ପରିଷଦର ୧୨ ନଂ. ଓ୍ବାର୍ଡ ମିଶ୍ରପଡ଼ାର ତୃତୀୟା କର(୬୦)। ସେ ଗୁଟେ ବିରଲ କିସମର ରୋଗ୍‌ରେ...

selfi corner

Model This Week

Why Dharitri

Leave a comment

Your email address will not be published. Required fields are marked *