ଧନୀଙ୍କ ପସନ୍ଦ ଦୁବାଇ

ଭୁବନେଶ୍ୱର,୧୮ା୭(ବ୍ୟୁରୋ):ସଂଯୁକ୍ତ ଆରବ ଏମିରେଟ୍ସ(ୟୁଏଇ)ର ପ୍ରମୁଖ ସହର ଦୁବାଇର ଦୃଢ଼ ଆର୍ଥିକ ବ୍ୟବସ୍ଥା, ଉଚ୍ଚତମ ଅଟ୍ଟାଳିକା, ଉନ୍ନତମାନର ଅନ୍ତଃରାଷ୍ଟ୍ରୀୟ ବିଦ୍ୟାଳୟ ଓ ବିଶ୍ୱବିଦ୍ୟାଳୟ, ବ୍ୟବସାୟ ପ୍ରତିଷ୍ଠାନ, ସୌନ୍ଦର୍ଯ୍ୟଭରା ସମୁଦ୍ରକୂଳ, ବିକଶିତ ରାଷ୍ଟ୍ର ସହ ସମକକ୍ଷ ସାମାଜିକ ବିଧିବ୍ୟବସ୍ଥା ଗତ କିଛି ବର୍ଷ ହେଲା ଭାରତର ଧନିକ ଗୋଷ୍ଠୀକୁ ବେଶ୍‌ ଆକୃଷ୍ଟ କରିପାରିଛି। ବିଶେଷକରି ସୁନା ଓ ହୀରା ଅଳଙ୍କାର ବ୍ୟବସାୟ କ୍ଷେତ୍ରରେ ଦୁବାଇ ସାରା ବିଶ୍ୱରେ ସ୍ବତନ୍ତ୍ର ସ୍ଥାନ ହାସଲ କରିଛି। ସେଠାରେ ବ୍ୟବସାୟ କ୍ଷେତ୍ରରେ ପୁଞ୍ଜି ନିବେଶ ପାଇଁ ବିଭିନ୍ନ ସୁବିଧା ମିଳିପାରୁଛି। ୨୦୦୪-୦୬ରେ ୟୁଏଇ ସରକାର ରିୟଲ ଇଷ୍ଟେଟ ବ୍ୟବସାୟରେ ବିଦେଶ ପୁଞ୍ଜି ନିବେଶକୁ ଅନୁମତି ପ୍ରଦାନ କରିଥିଲେ। ଆଉ ସେବେଠାରୁ ରିୟଲ୍‌ ଇଷ୍ଟେଟରେ ପୁଞ୍ଜି ନିବେଶ କରିବାପାଇଁ ଭାରତୀୟ ବେଶ୍‌ ଆଗ୍ରହ ପ୍ରକାଶ କରୁଛନ୍ତି। କାରଣ ଦୁବାଇ ସହରର ମୁଖ୍ୟ ସ୍ଥଳରେ ୧କକ୍ଷ ବିଶିଷ୍ଟ ଅତ୍ୟନ୍ତ ବିଳାସପୂର୍ଣ୍ଣ ଫ୍ଲାଟ ଭାରତୀୟ ମୁଦ୍ରା ୪୫ରୁ ୫୦ଲକ୍ଷ ମଧ୍ୟରେ ମିଳିଯାଇପାରୁଛି, ଯାହାକି ଭାରତର ମେଟ୍ରୋ ସହରରେ ମିଳୁଥିବା ଘର ମୂଲ୍ୟଠାରୁ ମଧ୍ୟ କମ୍‌। ରିୟଲ ଇଷ୍ଟେଟ ବ୍ୟବସାୟରେ କିପରି ପଶ୍ଚିମ ଏସୀୟ ରାଷ୍ଟ୍ରଗୁଡ଼ିକ ଅଧିକରୁ ଅଧିକ ପୁଞ୍ଜି ନିବେଶ କରିପାରିବେ ସେଥିପାଇଁ ଓଡ଼ିଶାରେ ମଧ୍ୟ ବିଭିନ୍ନ ବିଜ୍ଞାପନ ଓ ହୋର୍ଡିଂ ମାଧ୍ୟମରେ ଲୋକଙ୍କ ଦୃଷ୍ଟି ଆକର୍ଷଣ କରାଯାଉଛି। ଦୁବାଇକୁ ବୁଲିବାକୁ ଯିବାକୁ ମଧ୍ୟ ଭାରତୀୟଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି। ୨୦୧୮ରେ ୨ନିୟୁତରୁ ଊର୍ଦ୍ଧ୍ୱ ଭାରତୀୟ ସେଠାକୁ ଗସ୍ତ କରିଥିବା ଜଣାପଡ଼ିଛି। ଏପରି କି ଦୁବାଇର ମୋଟ ଜନସଂଖ୍ୟାର ୩୫ପ୍ରତିଶତ କେବଳ ଭାରତୀୟ ଅଟନ୍ତି। ମିଳିଥିବା ତଥ୍ୟ ଅନୁସାରେ ୨୦୧୩ରୁ ୨୦୧୭ ମଧ୍ୟରେ ୧,୩୮୭ ଭାରତୀୟ ନାଗରିକ ୟୁଏଇରେ ରିୟଲ ଇଷ୍ଟେଟରେ ପୁଞ୍ଜି ନିବେଶ କରିଛିନ୍ତି। ସେଠାରେ ଭାରତୀୟଙ୍କ ସମ୍ପତ୍ତିର ମୂଲ୍ୟ ପ୍ରାୟ ଦେଢ଼ ହଜାର କୋଟିରୁ ଊର୍ଦ୍ଧ୍ୱ ହେବ ବୋଲି କୁହାଯାଉଛି। ୟୁଏଇରେ ଆୟକର ବ୍ୟବସ୍ଥା ନାହିଁ। ସେଥିପାଇଁ ସେଠାରେ ଚାକିରି ଓ ବ୍ୟବସାୟ କରିବା ପାଇଁ ସାରା ବିଶ୍ୱରୁ ଲୋକେ ଆଗ୍ରହ ଦେଖାଉଛନ୍ତି। ଏକ୍ଷେତ୍ରରେ ଭାରତ, ପାକିସ୍ତାନ, ବାଂଲାଦେଶର ନାଗରିକଙ୍କ ସଂଖ୍ୟା ଅପେକ୍ଷାକୃତ ଅଧିକ। ବିଶେଷକରି ପୁଞ୍ଜି ନିବେଶ କରିଥିବା ଭାରତୀୟଙ୍କ ମଧ୍ୟରେ ଅଧିକାଂଶ ବ୍ୟବସାୟୀ, ସିନେ ଜଗତ ସହ ସମ୍ପୃକ୍ତ ବ୍ୟକ୍ତିବିଶେଷ। ସେମାନେ ଆୟକର ଛାଡ଼ କିମ୍ବା କଳାଧନକୁ ଲୁଚାଇବା ପାଇଁ ୟୁଏଇକୁ ସୁରକ୍ଷିତ ସ୍ଥାନ ମଣୁଛନ୍ତି। ଏପରି କି ଦୈନିକ ୧ନିୟୁତ ଡଲାର ଭାରତୀୟ ମୁଦ୍ରା ଦୁବାଇକୁ ଯାଉଥିବା ଜଣାପଡ଼ିଛି। କିନ୍ତୁ ଭାରତୀୟମାନେ ଦୁବାଇରେ କରୁଥିବା କାରବାର ସମ୍ପର୍କରେ ଏବେ ଭାରତର ଆୟକର ବିଭାଗ ନଜର ରଖିବା ଆରମ୍ଭ କଲାଣି। ୨୦୧୮ରେ ପ୍ରାୟ ୭,୫୦୦ ଭାରତୀୟ ଦୁବାଇରେ ସମ୍ପତ୍ତି କ୍ରୟ କରିଥିବା ଭାରତୀୟ ଆୟକର ବିଭାଗ ପକ୍ଷରୁ ଜଣାପଡ଼ିଛି।
ଦୁବାଇରେ ରିୟଲ ଇଷ୍ଟେଟ, ସୁନା, ହୋଟେଲ, ପର୍ଯ୍ୟଟନ ଆଦି ବିଭିନ୍ନ କ୍ଷେତ୍ରରେ ଭାରତୀୟଙ୍କ ବିପୁଳ ପୁଞ୍ଜି ନିବେଶ ରହିଥିବାବେଳେ ସେଠାକୁ ଯିବା ପାଇଁ ଉତ୍ତମ ବ୍ୟବସ୍ଥାକୁ ଗୁରୁତ୍ୱ ଦିଆଯାଉଛି। ଏଭଳି କ୍ଷେତ୍ରରେ ଓଡ଼ିଶା ସରକାର ଦୁବାଇକୁ ସିଧା ବିମାନ ସେବା ପାଇଁ ମଧ୍ୟ ଆଗ୍ରହ ଦେଖାଇଛନ୍ତି। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିକଟରେ ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀଙ୍କୁ ପତ୍ର ଲେଖି ଜଣାଇଛନ୍ତି। ସିଧାସଳଖ ବିମାନ ସେବା ଦ୍ୱାରା ଓଡ଼ିଶା ଶିଳ୍ପର ବିକାଶ ସେଭଳି କିଛି ହେବା ଭଳି ମନେ ହେଉନାହିଁ। କାରଣ ଏଠାରୁ ଲୋକମାନେ ଦୁବାଇ ଗସ୍ତ କରୁଛନ୍ତି ହେଲେ ସେଠାକାର ଲୋକ ସେହିଭଳି ଏଠାକୁ ଆସୁ ନ ଥିବାରୁ ପର୍ଯ୍ୟଟନ ଶିଳ୍ପର ମଧ୍ୟ ଉନ୍ନତି ହେବ ନାହିଁ। ଅପରପକ୍ଷରେ ଭୁବନେଶ୍ୱରସ୍ଥିତ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ କିଛି ବର୍ଷ ହେଲା ସୁନା ଚୋରା କାରବାର ବୃଦ୍ଧି ପାଇବାରେ ଲାଗିଛି। ତେଣୁ ସାଧାରଣରେ ଏହି ଧାରଣା ସୃଷ୍ଟି ହେଉଛି ଯେ, ଦୁବାଇକୁ ଯଦି ସିଧା ବିମାନ ସେବା ଉପଲବ୍ଧ ହେବ ତେବେ ସେଠାରେ ରିୟଲ୍‌ ଇଷ୍ଟେଟ ଓ ଅନ୍ୟ କେତେକ କାରବାରରେ କଳାଧନ ନିୟୋଜନର ପର୍ଯ୍ୟାପ୍ତ ସୁଯୋଗକୁ ଅଧିକ ସହାୟକ ହେବ। ଏପରି କି ବିଦେଶରୁ ଓଡ଼ିଶାକୁ ବେଆଇନ ସୁନା ଆମଦାନୀ ମଧ୍ୟ ବୃଦ୍ଧି ପାଇବାର ସମ୍ଭାବନା ମଧ୍ୟ ରହିଛି।


All Right Reserved By Dharitri.Com

ମାସେ ବନ୍ଦ ରହିବ ଭୁବନେଶ୍ୱର-ବ୍ୟାଙ୍କକ୍‌ ବିମାନ ସେବା

ଭୁବନେଶ୍ୱର,୧୯।୯(ବ୍ୟୁରୋ): ଭୁବନେଶ୍ୱରକୁ ବ୍ୟାଙ୍କକ୍‌କୁ ଚଳାଚଳ କରୁଥିବା ଏୟାର ଇଣ୍ଡିଆର ଡାଇରେକ୍ଟ ଫ୍ଲାଇଟ୍‌ ସେବା ସେପ୍ଟେମ୍ବର ୨୩ରୁ ଅସ୍ଥାୟୀଭାବେ ବନ୍ଦ ରହିବ। ଏହା ଅକ୍ଟୋବର ଶେଷ କିମ୍ବା...

୨ ପୋଲିସ କର୍ମଚାରୀ ନିଲମ୍ବିତ

ନୟାଗଡ଼ ଅଫିସ,୧୯ା୧୦: ଦୁର୍ଘଟଣା ଘଟାଇଥିବା ଗାଡ଼ି ପରିବର୍ତ୍ତେ ଅନ୍ୟ ଏକ ଗାଡ଼ି ନାମରେ ମାମଲା ରୁଜୁ କରିବା ଏବଂ ଜଣେ ବ୍ୟକ୍ତିଙ୍କଠାରୁ ଟଙ୍କା ମାଗିବା ନୟାଗଡ଼...

ପଥର ଚୋରା ଚାଲାଣ ର଼୍ୟାକେଟରେ ପୋଲିସ ଲିଙ୍କ୍‌ ମାମଲା: ବଦଳିଲେ ଥାନା ଅଧିକାରୀ ରଞ୍ଜିତ ସାହୁ

ଭୁବନେଶ୍ୱର, ୧୯ା୧୧(ବ୍ୟୁରୋ): ଖୋର୍ଦ୍ଧା ଚୋରା ପଥର ଚାଲାଣ ର଼୍ୟାକେଟରେ ସମ୍ପୃକ୍ତ ଥିବା ଇନ୍ସପେକ୍ଟର ରଞ୍ଜିତ ସାହୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି। ଖୋର୍ଦ୍ଧା ଟାଉନ ଥାନାରୁ...

ଜେଲ ଗଲେ ୪ ଇଞ୍ଜିନିୟରିଂ ଛାତ୍ର

ଭୁବନେଶ୍ୱର/ଜଟଣୀ/ଯାଁଳା, ୮।୭(ବ୍ୟୁରୋ/ଡି.ଏନ୍‌.ଏ.) : ଇଞ୍ଜିନିୟରିଂ ପାଠ ପଢି ହାଇଟେକ ଉପାୟରେ ଲୁଟ କରୁଥିଲେ। ଏଭଳି ଏକ ଲୁଟେରା ଗ୍ୟାଙ୍ଗର ସଦସ୍ୟଙ୍କୁ ଧରିବାରେ ସଫଳ ହୋଇଛି ଜଟଣୀ...

ଶ୍ରୀମନ୍ଦିର ସଂସ୍କାର ମାମଲାର ଶୁଣାଣି: ଦାଖଲ ରିପୋର୍ଟକୁ ନେଇ ଅସନ୍ତୋଷ ପ୍ରକାଶ କଲେ ସୁପ୍ରିମକୋର୍ଟ

ଭୁବନେଶ୍ୱର,୮।୧(ବ୍ୟୁରୋ): ଶ୍ରୀମନ୍ଦିର ସଂସ୍କାର ମାମଲାର ଶୁଣାଣି ବୁଧବାର ସୁପ୍ରିମକୋର୍ଟରେ କରାଯାଇଛି। ପ୍ରଧାନ ବିଚାରପତିଙ୍କୁ ନେଇ ଗଠିତ ୩ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରିଛନ୍ତି। ତେବେ...

କିନ୍ନରଙ୍କ ଅଧିକାର ସମ୍ପର୍କିତ ଆଇନ ସଚେତନତା ଶିବିର

ମାଲକାନଗିରି ,୨୨ା୧(ସ୍ବ.ପ୍ର.): ମାଲକାନଗିରି ଜିଲା ଆଇନସେବା ପ୍ରାଧିକରଣ ମାଲକାନଗିରି ଆନୁକୂଲ୍ୟରେ ବୁଧବାର ବାଲିମେଳାସ୍ଥିତ ସରକାରୀ ଉଚ୍ଚ ବିଦ୍ୟାଳୟଠାରେ କିନ୍ନରଙ୍କ ଅଧିକାର ସମ୍ପର୍କିତ ଆଇନ ସଚେତନତା ଶିବିର...

ପାନ ଦୋକାନୀରୁ ଓଏଏସ୍‌: ନାରାୟଣଙ୍କୁ ପୁରୁଷୋତ୍ତମପୁରରେ ସମ୍ବର୍ଦ୍ଧନା

ପୁରୁଷୋତ୍ତମପୁର, ୧୦।୧(ଡି.ଏନ୍‌.ଏ.) ଗଞ୍ଜାମ ଜିଲା ପୁରୁଷୋତ୍ତମପୁର ସହରର ନାରାୟଣ ବେହେରା(୨୫) ଓଡିଶା ପ୍ରଶାସନିକ ସେବା(ଓଏଏସ୍‌) ପରୀକ୍ଷାରେ ୫୧ ନଂ ର଼୍ୟାଙ୍କରେ ରହି ପୁରୁଷୋତ୍ତମପୁର ଲାଗି ଗୌରବ...

କରୋନା ମାଡ଼: ଏମ୍‌ଏସ୍‌ଏମ୍‌ଇ ପ୍ରଭାବିତ

ଭୁବନେଶ୍ୱର,୧।୪(ବ୍ୟୁରୋ): କରୋନା ମୁକାବିଲା ସମସ୍ତଙ୍କ ପ୍ରାଥମିକତା ହୋଇଛି। ସାରା ବିଶ୍ୱରେ ଏହି ସ୍ବାସ୍ଥ୍ୟଗତ ଜରୁରୀ ପରିସ୍ଥିତି ସୃଷ୍ଟି ହୋଇଛି। ଏହା ଅର୍ଥନୀତିକୁ ବହୁଳ ଭାବେ ପ୍ରଭାବିତ...

Leave a comment

Your email address will not be published. Required fields are marked *