ସରକାରୀ ଯୋଜନା ବାଟବନା: ପରଶାସନିକ ଅବହେଲାର ଶିକାର ଗୁଞ୍ଜି ଚନ୍ଦନ

କେସିଙ୍ଗା, ୧୮।୭ (ଡି.ଏନ୍‌.ଏ): କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖି, ଭୂମିହୀନ, ବାସହୀନମାନକୁ ଆବାସ ଯୋଜନାରେ ଘର ଯୁଗେଇ ଦେଉଛନ୍‌। ହେଲେ ଅନେକ ଜାଗାରେ ସରକାରୀ ବାବୁମାନକର ଖାମ୍‌ଖିଆଲି ମନ୍‌ଭାବ ଲାଗି ଅନେକ୍‌ ଗରିବ୍‌ ଦୁଖି ଯୋଜନାର ଲାଭ ପାଏବାରୁ ବଁଚିତ୍‌ ହେଉଛନ୍‌। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ କଳାହାଣ୍ଡି ଜିଲା କେସିଙ୍ଗା ବ୍ଲକ କନ୍ତେଶିର ପଁଚେତ୍‌ ଅଧୀନ ଗେଟିପଡ଼ାରେ।
ସୂଚନା ଅନ୍‌ସାରେ ଗେଟିପଡ଼ାର ବାସିନ୍‌ଦା ହେଉଛନ୍‌ ନିସାହା ବିଧବା ମହିଲା ଗୁଞ୍ଜି ଚନ୍ଦନ(୬୮)। ସେ ଚଲତି ବଛର ଜାନୁୟାରୀ ମାସେ ଆପ୍‌ନେ ନଟ ଚନ୍ଦନକୁଁ ହରେଇ ଏହେଦେ ନିସାହା ଜୀବନ୍‌ ବିତଉଛନ୍‌। ହେଲେ ତାକର ୩ଟା ପୁଓ ବି ରହିଛନ୍‌। ବଡ଼ପୁଓ ୩ ବଛର ହେଲା ମାନ୍‌ସିକ ରୋଗ୍‌ରେ ପୀଡ଼ିତ ହେଇ କେନ୍‌ଆଡ଼େ ପଲେଇଯାଇଛନ୍‌। ସେନ୍‌ତା ବାକି ଦୁଇ ପୁଓ ଉତ୍ତର ଚନ୍ଦନ(୫୬) ଆର ମଚିନ ଚନ୍ଦନ(୫୧) କେନ୍ତେଶିର ଗଁାରେ ନିଜର ପରିବାର ଧରି ରହୁଛନ୍‌। ଜାଗାଠାନ୍‌ ଅଭାବୁ ଦୁଇ ବୁଢ଼ାବୁଢ଼ି ଗଁାନୁ ଖଁଡ଼େ ଦୂରେ ଥିବାର ଗେଟିପଡ଼ାରେ ଗୁଟେ ଝାଟିମାଟିର କୁରିଆ କରି ଆଏଜ୍‌କେ ୪୦ ବଛର ହେଲା ରହିଆସୁଥିଲେ। ହେଲେ ନଟ ଚାଲିଗଲା ଉତାରୁ ଏହେଦେ ଗୁଞ୍ଜି ଏକଲା ହେଇଯାଇଛନ୍‌। ଗେଟିପଡ଼ାରେ ରହିଥିବାର ତାକର କୁରିଆର ଅବସ୍‌ତା ଗୁଟେ ଗାଈ ଗୁହାଲ ଠାନୁ ବି ଆହୁରି ହୀନ୍‌। ଇଆଡ଼େ ସରକାରୀ ସାହାଯ୍‌ କହେଲେ ଗୁଞ୍ଜି ମାସିକ୍‌ ପାଉଥିବାର ୫ଶହ ଟଁକା ଭତା ଆର ୫ କେ.ଜି. ଚାଉଲ ନ ସାହାଭରସା। ବେଲବୁଡ଼ଲେ ବିଜଲିବତୀ ଅଭାବୁ ପଡ଼ାଟା ଅଁଧାର ଗିଲ୍‌ଗିଲ୍‌ ହେଇଯାଉଛେ। ସେନ୍‌ତା ପଡ଼ାର ଅଲପ ଦୂରେ ଝାର ଜଂଗଲ ଲାଗି ଜୀବ୍‌ଜଁତୁକର ଆକ୍‌ରମନ୍‌ ଭଏ ବି ରହୁଛେ। କେସିଙ୍ଗା ତହସିଲ ତରଫୁ ଗଲା ୨୦୦୦ ସାଲେ ନଟ ଚନ୍ଦନ ୪ ଡେସିମିଲ ଜାଗାର ପଟ୍ଟା ପାଇଛନ୍‌। ହେଲେ ପରଶାସନ୍‌ ଆଏଜ୍‌ତକ ସେ ଜାଗା ଚିନ୍‌ହଁଟ କରି ହିତାଧିକାରୀକୁଁ ଜମିର ଦଖଲ ନାଇଁଦେଇ। ସେନ୍‌ତା ଏସ୍‌ଇସିସି ତାଲିକାରେ ନଁା ଥିଲେ ବି ଗୁଞ୍ଜି ଆବାସ ଯୋଜନାରେ ଘରଖଁଡ଼େ ପାଏବାରୁ ବଁଚିତ୍‌ ହେଇ ରହିଛନ୍‌। ଖାଲି ଗୁଞ୍ଜି ନୁହଁନ୍‌ ଗେଟିପଡ଼ାର ଅଖଣ୍ଡ ସାହୁ, ବୈଦେହୀ ମାଝିକଁର ଲେଖେଁ ଅନେକ ଗରିବ୍‌ ହିତାଧିକାରୀ ସରକାରୀ ଯୋଜନାରେ ୪ ଡେସିମିଲ ଜାଗା ପାଇଥିଲେ ବି ଆବାସ ଯୋଜନାରୁ ବଁଚିତ୍‌ ହେଇ ରହିଛନ୍‌। ଇ ବାବ୍‌ଦେ ଥାନୀୟ ସରପଁଚ୍‌ ଜିତେନ୍ଦ୍ର ବ୍ରହ୍ମାକୁଁ ପଚରାଲାରୁ ପରକୁତରେ ସେ ଆବାସ ଯୋଜନାର ଲାଗି ହକ୍‌ଦାର ଆଏ ବଲି କହିଥିଲେ। ସେନ୍‌ତା ଇ ବାବ୍‌ଦେ କେସିଙ୍ଗା ବିଡିଓ ଭୀମସେନ ଶବରକୁଁ ପଚରାଲାରୁ ମୁଇଁ ଘଟନାର ତଦଁତ୍‌ କରି ପଦକ୍ଷେପ ନେମି ବଲି ସେ କହିଥିଲେ।


All Right Reserved By Dharitri.Com

ବିପଦସଙ୍କୁଳ ଅବସ୍ଥାରେ ବିଦ୍ୟୁତ ଖୁଣ୍ଟ

ଜମନକିରା,୨।୮(ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ ସଦର ମହକୁମାସ୍ଥିତ ମୁଖ୍ୟ ଛକ ଦେଇ ଯାଇଥିବା ଭୋଜପୁର ରାସ୍ତା କଡ଼ରେ ୨ ବର୍ଷରୁ ଅଧିକ ହେବ ଏକ...

ଅନିଶ୍ଚିତତାରେ ପିଡିଏସ୍‌ ସାମଗ୍ରୀ ବଣ୍ଟନ

ସମ୍ବଲପୁର, ୨୬।୩ (ବ୍ୟୁରୋ): କରୋନା କଟକଣା ଓ ଲକ୍‌ ଡାଉନ୍‌ ଘୋଷଣା ପରେ ରାଜ୍ୟ ସରକାର ୩ମାସର ଆଗୁଆ ପିଡିଏସ୍‌ ସାମଗ୍ରୀ ବଣ୍ଟନ କରିବା ପାଇଁ...

ସରକାରକଁର ସ୍ବଚ୍ଛ ଭାରତ ଅଭିଯାନ ବାଟବନା:ପାଇଖାନା ତିଆରି ନାଁରେ ଟଁକା ହଡ଼ପ

ଜାମଟିକ୍ରା, ୩୧।୫ (ଡି.ଏନ.ଏ): ପରିବେଶକେ ସାଫ୍‌ ସୁତର ରଖ୍‌ବାର ଲାଗି କେନ୍ଦ୍ର ସରକାର ସ୍ବଚ୍ଛ ଭାରତ ଅଭିଯାନ କାଯ୍‌କାରୀ କରି କୋଟି କୋଟି ଟଁକା ସାରୁଛନ୍‌।...

ନିସାହା ମହିଲାକଁର ଉପରେ ୫ ଛୁଆର ବୋଝ୍‌

ଭବାନୀପାଟଣା,୧୦।୬ (ଡି.ଏନ.ଏ.): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅଧୀନ ମାଳିଗାଁ ପଁଚେତ୍‌ର ଭିତରପଦର ଗଁାର ସ୍ବର୍ଗତ ଗଙ୍ଗା ମାଝୀକଁର ବିଧବା ମାଏକିନା ବୁଦାଏ ବଓ୍ବୋ।...

ମଦଦୋକାନ ଉଚ୍ଛେଦ ନେଇ ତେଜିଲେ ମହିଳା, କାର୍ଯ୍ୟାନୁଷ୍ଠାନ ନିଆ ନ ଗଲେ ଆନ୍ଦୋଳନ ଚେତାବନୀ

ଭବାନୀପାଟଣା,୨୯।୫(ଡି.ଏନ.ଏ.): କଳାହାଣ୍ଡି ଜିଲା କେଶିଙ୍ଗା ଥାନା ଅନ୍ତର୍ଗତ ପରଲସିଙ୍ଗା ଗ୍ରାମରର ବେଆଇନ ମଦଦୋକାନଗୁଡିକୁ ଉଚ୍ଛେଦ ଦାବିରେ ମହିଳାମାନେ ଭବାନୀପାଟଣା ଅବକାରୀ ଅଧ୍ୟୀକ୍ଷକଙ୍କୁ ଏକ ଦାବିପତ୍ର ପ୍ରଦାନ...

୨ଟି ବୁଥ୍‌ରେ ସାନି ମତଦାନ

ସୁନ୍ଦରଗଡ଼,୨୫ା୪(ଡି.ଏନ୍‌.ଏ.) : ସୁନ୍ଦରଗଡ଼ ଜିଲାର ୨ଟି ବୁଥ୍‌ରେ ଇଭିଏମ୍‌ରେ ତୃଟି ଯୋଗୁ ମତଦାନ ବାତିଲ ହୋଇଥିଲା। ମୁଖ୍ୟ ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ ଗୁରୁବାର ଏହି...

ନୂଆପାଲିରେ ଚାଷୀ ଆତ୍ମହତ୍ୟା ଅଭିଯୋଗ : କ୍ଷତିପୂରଣ ଦାବି

ବରଗଡ଼ ଅଫିସ,୨୩।୯: ବରଗଡ଼ ବ୍ଲକ ଅନ୍ତର୍ଗତ ଏସ୍‌ ଡୁମ୍ବେରପାଲି ପଞ୍ଚାୟତ ଅନ୍ତର୍ଗତ ନୂଆପାଲି ଗ୍ରାମର ଜଣେ ଚାଷୀ କୀଟନାଶକ ପିଇ ଆତ୍ମହତ୍ୟା କରିଥିବା ବୁର୍ଲା ମେଡିକାଲ...

ବିଦ୍ୟୁତ ସଂସ୍ପର୍ଶରେ ଆସି ଟଳିଲା ଆଉ ଏକ ଦନ୍ତା

ସମ୍ବଲପୁର, ୪।୩ (ବ୍ୟୁରୋ): ସମ୍ବଲପୁର ବନଖଣ୍ଡ ସଦର ରେଞ୍ଜ ଇଚ୍ଛାପାଲ ଗ୍ରାମ ନିକଟରେ ବୁଧବାର ଏକ ଦନ୍ତା ହାତୀର ମୃତଦେହ ଠାବ କରାଯାଇଛି। ସ୍ଥାନୀୟ ଲୋକଙ୍କଠାରୁ...

Leave a comment

Your email address will not be published. Required fields are marked *