Posted inଖେଳ

ନୂଆ କୋଚ୍‌ ଚୟନ ଦୌଡ଼ରେ ଆଡହକ କମିଟି ସବୁଠାରୁ ଆଗରେ; ପରବର୍ତ୍ତୀ ଶୁଣାଣି ପରେ ଅନ୍ତିମ ନିଷ୍ପତ୍ତି ନିଆଯିବ

ନୂଆଦିଲ୍ଲୀ,୧୮।୭(ପି.ଟି.)- ପୂର୍ବତନ ଅଧିନାୟକ କପିଳଦେବଙ୍କ ଅଧ୍ୟକ୍ଷତାରେ ଗଠିତ ଆଡ୍‌ହକ୍‌ କମିଟି ଟିମ୍‌ ଇଣ୍ଡିଆର ନୂଆ କୋଚ୍‌ ନିଯୁକ୍ତ କରିବା ପ୍ରକ୍ରିୟା ଦୌଡ଼ରେ ସବୁଠାରୁ ଆଗରେ ରହିଛି। କପିଳଙ୍କ ସମେତ ପୂର୍ବତନ କ୍ରିକେଟର ଅଂଶୁମାନ ଗାଏକ୍‌ଓ୍ବାଡ୍‌ ଓ ଶାନ୍ତା ରଙ୍ଗାସ୍ବାମୀଙ୍କୁ ନେଇ ଗଠିତ ଆଡହକ୍‌ କମିଟି ପୂର୍ବରୁ ଗତ ଡିସେମ୍ବରରେ ପୂର୍ବତନ କ୍ରିକେଟର ଡବ୍ଲ୍ୟୁ.ଭି. ରମଣଙ୍କୁ ଭାରତୀୟ ମହିଳା କ୍ରିକେଟ ଦଳର କୋଚ୍‌ ନିଯୁକ୍ତ କରିଥିଲା। ଏବେ ମୁଖ୍ୟ ଦଳର କୋଚ୍‌ ନିଯୁକ୍ତ ପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପ୍ରସ୍ତାବ ଦେଇଛି ବୋଲି କମିଟିର ଜଣେ ସଦସ୍ୟ ସୂଚନା ଦେଇଛନ୍ତି। ତେବେ ସୁପ୍ରିମକୋର୍ଟ ପରବର୍ତ୍ତୀ ଶୁଣାଣି ପରେ ଯାଇ ଏହି ଆଡହକ କମିଟି ଗଠନ ଉପରେ ଅନ୍ତିମ ନିଷ୍ପତ୍ତି ନିଆଯିବ ବୋଲି କ୍ରିକେଟ ପ୍ରଶାସକ କମିଟି (ସିଓଏ) ସୂଚନା ଦେଇଛି। ପୁଣି ସଚିନ ତେନ୍ଦୁଲକର, ସୌରଭ ଗାଙ୍ଗୁଲି ଓ ଭିଭିଏସ୍‌ ଲକ୍ଷ୍ମଣଙ୍କୁ ନେଇ ଗଠିତ କ୍ରିକେଟ ଉପଦେଷ୍ଟା କମିଟି (ସିଏସି) ପୂର୍ବପରି କାର୍ଯ୍ୟ ଚାଲୁରଖିବା ନେଇ ସିଓଏ କୋର୍ଟଙ୍କ ନିକଟରେ ଆବେଦନ କରିଛି। ଯଦି କୋର୍ଟଙ୍କ ନିକଟରୁ ସିଏସି ଚାଲୁ ରହିବା ନେଇ କୌଣସି ନିର୍ଦ୍ଦେଶ ନ ଆସେ ତାହେଲେ ସିଓଏ ଆଡହକ୍‌ କମିଟିକୁ କୋଚ୍‌ ଚୟନ ଦାୟିତ୍ୱ ଦେବା ଛଡ଼ା ଅନ୍ୟ ରାସ୍ତା ରହିବ ନାହିଁ। ଅର୍ଥାତ୍‌ ଅନ୍ୟପଟେ କହିବାକୁ ଗଲେ ପରବର୍ତ୍ତୀ ଶୁଣାଣି ନ ହେବା ପର୍ଯ୍ୟନ୍ତ କୌଣସି ପ୍ୟାନେଲ ବା କମିଟି ଗଠିତ ହେବା ଏକ ପ୍ରକାର ନିଶ୍ଚିତ ବୋଲି କୁହାଯାଇପାରେ। ଏହା ହେଲେ ସିଓଏ ପୁଣି ଦୁଇ ଭାଗରେ ବିଭକ୍ତ ହେବା ଆଶଙ୍କା ସୃଷ୍ଟି ହେବ। ଏବେ ସବୁ କିଛି କୋର୍ଟଙ୍କ ଶୁଣାଣି ଉପରେ ନିର୍ଭର କରୁଛି।
ପୂର୍ବରୁ ଅଧ୍ୟକ୍ଷ ବିନୋଦ ରାଏ ଓ ପୂର୍ବତନ ମହିଳା କ୍ରିକେଟ ଅଧିନାୟିକା ଡାଏନା ଇଦୁଲଜୀଙ୍କୁ ନେଇ ଗଠିତ ଦୁଇଜଣିଆ ସିଓଏ ମହିଳା କୋଚ୍‌ ନିଯୁକ୍ତି ପ୍ରକ୍ରିୟାକୁ ଅଣସାମ୍ବିଧାନିକ ବୋଲି କହିଥିଲେ। କେବଳ କ୍ରିକେଟ ଉପଦେଷ୍ଟା କମିଟି (ସିଏସି) କୋଚ୍‌ ନିଯୁକ୍ତି ଦେଇପାରିବ ବୋଲି ସେତେବେଳେ ଇଦୁଲଜୀ କହିଥିଲେ। ଏବେ ସିଓଏରେ ଆଉ ଜଣେ ନୂଆ ସଦସ୍ୟ ଯୋଗ ଦେଇଛନ୍ତି। ଲ୍ୟୁଟ୍‌ନାଣ୍ଟ ଜେନେରାଲ ରବି ଥୋଡଗେ ଗତ ଫେବୃୟାରୀରେ ସିଓଏରେ ଯୋଗ ଦେଇଛନ୍ତି। ସଚିନ ତେନ୍ଦୁଲକର, ସୌରଭ ଗାଙ୍ଗୁଲି ଓ ଭିଭିଏସ୍‌ ଲକ୍ଷ୍ମଣଙ୍କୁ ନେଇ ଗଠିତ ସିଏସିର ଭବିଷ୍ୟତ ନେଇ ଏବେ ସଂଶୟ ସୃଷ୍ଟି ହୋଇଛି। ବର୍ତ୍ତମାନ ଆଡହକ୍‌ କମିଟିକୁ ଦାୟିତ୍ୱ ଦିଆଯିବା ଏକ ଚତୁର ପଦକ୍ଷେପ ବୋଲି ସିଓଏ ତରଫରୁ କୁହାଯାଇଛି।
ଇତିମଧ୍ୟରେ ତେନ୍ଦୁଲକର କନ୍‌ଫ୍ଲିକ୍ଟ ଅଫ୍‌ ଇଣ୍ଟରେଷ୍ଟ ବା ସ୍ବାର୍ଥ ନିହିତ ଦ୍ୱନ୍ଦ୍ୱ ଅଭିଯୋଗରୁ ମୁକ୍ତ ହୋଇଛନ୍ତି। ପୁଣି ଗାଙ୍ଗୁଲି ଓ ଲକ୍ଷ୍ମଣଙ୍କୁ ମଧ୍ୟ ବିସିସିଆଇ ସମ୍ବିଧାନ ଅନୁଯାୟୀ ଏକାଧିକ ପଦ ଛାଡି ଗୋଟିଏ ପଦରେ କାର୍ଯ୍ୟ କରିବାକୁ ନିର୍ଦ୍ଦେଶ ଦିଆଯାଇଛି। ସିଓଏ ଏ ସଂକ୍ରାନ୍ତରେ ଅନ୍ତିମ ନିଷ୍ପତ୍ତି ନେଇ ନାହିଁ। କପିଳ ଓ ରଙ୍ଗାସ୍ବାମୀ ମଧ୍ୟ ସ୍ବାର୍ଥ ନିହତ ଦ୍ୱନ୍ଦ୍ୱ ଅଭିଯୋଗର ସମ୍ମୁଖୀନ ହୋଇଛନ୍ତି। ବିସିସିଆଇ ସମ୍ବିଧାନ ଅନୁସାରେ ଏହି ଦୁଇଜଣ ପ୍ଲେୟାର୍ସ ଆସୋସିଏଶନ ଗଠନ କରିବାରେ ମୁଖ୍ୟ ଭୂମିକା ନିର୍ବାହ କରିଥିଲେ।
ମଙ୍ଗଳବାର ବିସିସିଆଇ ନୂଆ ହେଡ କୋଚ୍‌ ଓ ସପୋର୍ଟ ଷ୍ଟାଫ୍‌ ନିଯୁକ୍ତ ନେଇ ଦରଖାସ୍ତ ଆହ୍ବାନ କରିଥିଲା। ହେଡ କୋଚ୍‌ ପ୍ରାର୍ଥୀଙ୍କ ବୟସ ୬୦ରୁ କମ୍‌ ହେବା ସହିତ ତାଙ୍କର ଅତିକମ୍‌ରେ ଅନ୍ତର୍ଜାତୀୟ କ୍ରିକେଟରେ ଦୁଇବର୍ଷ ଅଭିଜ୍ଞତା ରହିବା ଜରୁରୀ ବୋଲି କୁହାଯାଇଥିଲା। ଜୁଲାଇ ୩୦କୁ ଦରଖାସ୍ତ ଆବେଦନ କରିବାର ଶେଷ ତାରିଖ ଧାର୍ଯ୍ୟ କରାଯାଇଛି। ହେଡ୍‌ କୋଚ୍‌ ରବି ଶାସ୍ତ୍ରୀଙ୍କ ସମେତ ଏବେକାର ସପୋର୍ଟ ଷ୍ଟାଫ୍‌ରେ ବୋଲିଂ କୋଚ୍‌ ଭାରତ ଅରୁନ, ବ୍ୟାଟିଂ କୋଚ୍‌ ସଞ୍ଜୟ ବାଙ୍ଗର ଓ ଫିଲ୍ଡିଂକୋଚ୍‌ ଆର. ଶ୍ରୀଧର ସାମିଲ ରହିଛନ୍ତି। ବିଶ୍ୱକପ ପରେ ଏମାନଙ୍କ କାର୍ଯ୍ୟକାଳକୁ ଆହୁରି ୪୫ ଦିନକୁ ବୃଦ୍ଧି କରାଯାଇଛି। ଫଳରେ ରବି ଶାସ୍ତ୍ରୀଙ୍କ ତତ୍ତ୍ୱାବଧାନରେ ଭାରତ ଅଗଷ୍ଟ ୩ରୁ ସେପ୍ଟେମ୍ବର ୩ ତାରିଖ ମଧ୍ୟରେ ଓ୍ବେଷ୍ଟଇଣ୍ଡିଜ ଗସ୍ତରେ ଯାଇ ସିରିଜ ଖେଳିବ। ଉଲ୍ଲେଖଥାଉ କି, ଚୟନ ପ୍ରକ୍ରିୟାରେ ଶାସ୍ତ୍ରୀଙ୍କ ସମେତ ସବୁ ସପୋର୍ଟ ଷ୍ଟାଫ୍‌ ସ୍ବତଃ ସାମିଲ ହେବେ ବୋଲି କୁହାଯାଇଛି।


All Right Reserved By Dharitri.Com

Posted inଖେଳ View All

ରାଜ୍ୟ ସ୍କୁଲ ଓପନ ଚେସ୍‌: ଅବିନାଶ ଚାମ୍ପିୟନ

ଭୁବନେଶ୍ୱର, ୪।୯(କ୍ରୀଡ଼ା ପ୍ରତିନିଧି)-ପୁରୁଣା ଭୁବନେଶ୍ୱରସ୍ଥିତ ଲିଙ୍ଗରାଜ କ୍ଲବ ଆନୁକୂଲ୍ୟରେ କୈଳାସ ସଦନରେ ମଙ୍ଗଳବାର ରାଜ୍ୟ ସ୍କୁଲ ଓପନ ଚେସ୍‌ ଅନୁଷ୍ଠିତ ହୋଇ ଯାଇଛି। ଏଥିରେ ମଦର୍ସ...

ଏସିସି ଇମର୍ଜିଂ ଟିମ୍ସ କପ୍‌: ସେମିରେ ପାକିସ୍ତାନଠାରୁ ହାରିଲା ଭାରତ

ଢାକା, ୨୦।୧୧ (ପି.ଟି.): ଏଠାରେ ଚାଲିଥିବା ଏସିଆନ୍‌ କ୍ରିକେଟ୍‌ କାଉନସିଲ୍‌ (ଏସିସି) ଇମର୍ଜିଂ ଟିମ୍ସ କପ୍‌ ୨୩ ବର୍ଷରୁ କମ୍‌ କ୍ରିକେଟ୍‌ ଟୁର୍ନାମେଣ୍ଟର ସେମିଫାଇନାଲରୁ ଭାରତ...

ଭାରତ-ଦକ୍ଷିଣ ଆଫ୍ରିକା ଟି୨୦ ବାତିଲ

ଧର୍ମଶାଳା, ୧୫ା୯ (ପି.ଟି.)-ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ରବିବାର ଖେଳାଯିବାକୁଥିବା ପ୍ରଥମ ଅନ୍ତର୍ଜାତୀୟ ଟି୨୦ କ୍ରିକେଟ ମ୍ୟାଚ୍‌କୁ ବାତିଲ କରିଦିଆଯାଇଛି। ପ୍ରବଳ ବର୍ଷା ଯୋଗୁ...

ହିମା ଦାସଙ୍କୁ ସ୍ବର୍ଣ୍ଣ

ନୂଆଦିଲ୍ଲୀ, ୪।୭(ପିଟି)- ଭାରତୀୟ ଷ୍ଟାର ସ୍ପ୍ରିଣ୍ଟର ହିମା ଦାସ ପୋଲାଣ୍ଡରେ ଅନୁଷ୍ଠିତ ପୋଜନାନ ଆଥ୍‌ଲେଟିକ୍ସ ଗ୍ରାଁ ପ୍ରି ଟୁର୍ନାମେଣ୍ଟର ୨୦୦ ମିଟର ଦୌଡ଼ ଇଭେଣ୍ଟରେ ସ୍ବର୍ଣ୍ଣ...

ଦିଲ୍ଲୀ ଡାଇନାମସ ହୋଇପାରେ ‘ଓଡ଼ିଶା ଏଫ୍‌ସି’

ଭୁବନେଶ୍ୱର, ୧୧।୮(କ୍ରୀଡ଼ା ପ୍ରତିନିଧି) ଓଡ଼ିଶାରେ ଫୁଟବଲ ଖେଳ ଓ ଖେଳାଳିଙ୍କ ବିକାଶ ପାଇଁ ବାଟ ଫିଟୁଛି। କଳିଙ୍ଗ ଷ୍ଟାଡିୟମରେ ଗତ କିଛିବର୍ଷ ମଧ୍ୟରେ ଇଣ୍ଡିଆନ ସୁପର...

ମନଦୀପ ସିଂଙ୍କ ୧୫୦ତମ ମ୍ୟାଚ

ଆଣ୍ଟ୍ବେର୍ପ(ବେଲଜିୟମ), ୨।୧୦-ମଙ୍ଗଳବାର ବେଲଜିୟମ ବିପକ୍ଷରେ କ୍ୟାରିୟରର ୧୫୦ତମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ ମନଦୀପ ସିଂ। ମ୍ୟାଚ ପୂର୍ବରୁ କୋଚ୍‌ ଗ୍ରାହାମ ରିଡ୍‌ ତାଙ୍କୁ ୧୫୦ ନମ୍ବର...

ଖେଳାଳିଙ୍କ ପରେ ପାକିସ୍ତାନ ଗସ୍ତରୁ ଓହରିଲେ ବାଂଲାଦେଶ କୋଚ୍‌

ଢାକା,୧୮।୧- ଆସନ୍ତା ସପ୍ତାହରେ ବାଂଲାଦେଶ ପାକିସ୍ତାନ ଗସ୍ତ କରି ଟି୨୦ ସିରିଜ୍‌ ଖେଳିବ। ଏହି ସିରିଜ୍‌ରୁ ବାଂଲାଦେଶ ଦଳର ଉଇକେଟକିପର ବ୍ୟାଟ୍ସମ୍ୟାନ ମୁଶଫିକର ରହିମ ବ୍ୟକ୍ତିଗତ...

ଭାରତ-ଅଷ୍ଟ୍ରେଲିଆ ମ୍ୟାଚ୍‌ ଦେଖିବାକୁ ଷ୍ଟାଡିୟମରେ ପହଞ୍ଚିଲେ ବିଜୟ ମାଲ୍ୟା

ଲଣ୍ଡନ, ୯।୬: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଓଭାଲରେ ଚାଲିଥିବା ବିଶ୍ୱକପ ମ୍ୟାଚ୍‌ ଦେଖିବାକୁ ଯାଇଛନ୍ତି ପଳାତକ ବ୍ୟବସାୟୀ ବିଜୟ ମାଲ୍ୟା। ଭାରତର ବିଭିନ୍ନ ବ୍ୟାଙ୍କ୍‌ରୁ...

Leave a comment

Your email address will not be published. Required fields are marked *