ଜଗତ୍‌ସିଂହପୁର ଜିଲାରେ କୁକୁର ବନ୍ଧ୍ୟାକରଣ ଯୋଜନା ପ୍ରହସନ: କାମରେ ଲାଗୁନି ୧୮ ଲକ୍ଷର ଅନୁଦାନ

ଜଗତ୍‌ସିଂହପୁର ଅଫିସ, ୧୮ା୭: ଜଗତ୍‌ସିଂହପୁର ଜିଲାରେ ଏବେ ବୁଲା କୁକୁରଙ୍କ ଉତ୍ପାତ ଚିନ୍ତାର କାରଣ ହୋଇଛି। ରାତିଅଧ ହେଉ ଅବା ଦ୍ୱିପ୍ରହରରେ ଲୋକେ ରାସ୍ତାରେ ନିରାପଦରେ ଯିବାକୁ ଡରିଲେଣି। ଏ ପରିସ୍ଥିତିରେ ଜଗତ୍‌ସିଂହପୁର ସହରାଞ୍ଚଳରେ କୁକୁର ବନ୍ଧ୍ୟାକରଣ ଯୋଜନା ପ୍ରହସନରେ ପରିଣତ ହୋଇଛି। ବର୍ତ୍ତମାନ ଜଗତ୍‌ସିଂହପୁର ସହରରେ ବୁଲା କୁକୁର ସଂଖ୍ୟା ବଢିବାରେ ଲାଗିଛି। ଫଳରେ ଯାତାୟାତ ସମୟରେ ଏହି କୁକୁର ଅନେକ ସ୍ଥାନରେ ଆକ୍ରମଣ କରୁଛନ୍ତି। ଏନେଇ ସାଧାରଣରେ ଭୟର ବାତାବରଣ ସୃଷ୍ଟି ହେଉଥିଲେ ସୁଦ୍ଧା ନାଚାର। କାରଣ ଜଗତ୍‌ସିଂହପୁର ପୌର ପରିଷଦ ପକ୍ଷରୁ ଏହାର ପ୍ରତିକାର ପାଇଁ କୌଣସି ପଦକ୍ଷେପ ନିଆଯାଉନାହିଁ। କୁକୁର ବନ୍ଧ୍ୟାକରଣ ପାଇଁ ସରକାରୀ ନିର୍ଦ୍ଦେଶ ରହିଛି। ଏନେଇ କୁକୁର ଧରାଳି (ଡକ୍‌ କ୍ୟାଚର୍‌) ନିଯୁକ୍ତି ଦିଆଯାଇଛି। ଭିତ୍ତିଭୂମି, ଗାଡି ଓ ଅସ୍ତ୍ରୋପଚାର ଆଦି ପାଇଁ ଆର୍ଥିକ ଅନୁଦାନ ଯୋଗାଇ ଦିଆଯାଇଛି। ବର୍ଷାଧିକ କାଳ ହେବ ପାଖାପାଖି ୧୮ ଲକ୍ଷ ଟଙ୍କା ସରକାରୀ ଅନୁଦାନ ସତ୍ତ୍ବେ ଏହାର ସୁଫଳ ମିଳିପାରୁନାହିଁ। ଯୋଜନା କେବେ କାର୍ଯ୍ୟକ୍ଷମ ହେବ ତାହା ମଧ୍ୟ ସ୍ପଷ୍ଟ ହୋଇ ପାରୁନାହିଁ। କହିବାକୁ ଗଲେ ଯୋଜନା ବାଟବଣା ହୋଇଯାଇଛି। ଏହାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। କେବଳ ଜଗତ୍‌ସିଂହପୁର ନୁହେଁ, ପାରାଦୀପ ପୌର ପରିଷଦରେ ମଧ୍ୟ ଯୋଜନାର ବାସ୍ତବ ରୂପାୟନ ହୋଇପାରି ନ ଥିବା ଅଭିଯୋଗ ହେଉଛି। ଜଗତ୍‌ସିଂହପୁର ପୌର ପରିଷଦ ଅଞ୍ଚଳରେ କୁକୁର ବନ୍ଧ୍ୟାକରଣ ଯୋଜନା କାର୍ଯ୍ୟକାରୀ ହେବା ପାଇଁ ୨୦୧୭ରୁ ତତ୍ପରତା ପ୍ରକାଶ ପାଇଥିଲା। ସେତେବେଳେ ଅର୍ଥାତ୍‌ ୨୦୧୭ ଅକ୍ଟୋବରରେ ୫ କୁକୁର ଧରାଳି ନିଯୁକ୍ତି ପାଇଥିଲେ। ସେମାନଙ୍କୁ ଅକ୍ଟୋବର ୧୫ରୁ ନଭେମ୍ବର ୧୫ ପର୍ପ୍ୟନ୍ତ ୧ ମାସ ତାଲିମ ଦିଆଯାଇଥିଲା। ସେବେଠାରୁ ଆଜି ପର୍ଯ୍ୟନ୍ତ ମୋଟ ଉପରେ ୭୯ଟି କୁକୁର ବନ୍ଧ୍ୟାକରଣ ସମ୍ଭବ ହୋଇଛି। ତାହା ପୁଣି ୨୦୧୭-୧୮ରେ ପିପୁଲ ଫର ଆନିମଲ ସହାୟତାରେ। ତା’ପରଠାରୁ ପାଖାପାଖି ୨ ବର୍ଷ ହେବ କୁକୁର ଧରାଳି ସେମାନଙ୍କ ମୂଳ ଦାୟିତ୍ୱରୁ ହଟି ପରିମଳ କାର୍ଯ୍ୟରେ ନିୟୋଜିତ ଅଛନ୍ତି ବୋଲି କୁହାଯାଉଛି। ପୌର ପରିଷଦ ଯେତେବେଳେ ଏହି କୁକୁର ଧରାଳିଙ୍କୁ ନିଯୁକ୍ତି କଲା ସେତେବେଳଠାରୁ ସେମାନଙ୍କୁ କାମ ଦେବା କଥା ଚିନ୍ତା ନ କରିବା ବିସ୍ମୟ ସୃଷ୍ଟି କରିଛି। ଅନ୍ୟପକ୍ଷରେ ରାଜ୍ୟ ସରକାର କୁକୁର ବନ୍ଧ୍ୟାକରଣ ପାଇଁ ପ୍ରଥମ ପର୍ଯ୍ୟାୟରେ ୧୦ ଲକ୍ଷ ଟଙ୍କା ଦେଇଥିଲେ। ଏହି ରାଶିରେ ଜିଲା ପ୍ରାଣୀଧନ ଚିକିତ୍ସାଳୟ ପରିସରରେ ଏକ ବିଲ୍ଡିଂ ନିର୍ମାଣ ହୋଇଛି। ପରବର୍ତ୍ତୀ ପର୍ଯ୍ୟାୟରେ ୮ ଲକ୍ଷ ଟଙ୍କା ଆସିଛି। ଏହି ଟଙ୍କା ମଧ୍ୟରୁ ପାଖାପାଖି ୬ ଲକ୍ଷରେ କୁକୁର ବୁହା ଗାଡି କିଣାଯାଇଛି। ବଳକା ୨ ଲକ୍ଷ ବିନିଯୋଗ ହୋଇପାରୁନାହିଁ। କାରଣ ଏହି ଟଙ୍କାରେ କୁକୁର ବନ୍ଧ୍ୟାକରଣ ପାଇଁ ଆବଶ୍ୟକ ଯନ୍ତ୍ରାଂଶ ସାଙ୍ଗକୁ କୁକୁର ବୁହା ଗାଡିର ଜାଲି ଆଦି ଲଗାଯିବ। ଯେହେତୁ ଏନେଇ କଣସବୁ ଯନ୍ତ୍ରାଂଶ କିଣାଯିବ ସେ ସମ୍ପର୍କରେ ପରିଷଦ ଜାଣିବା ସମ୍ଭବ ନୁହେଁ, ତେଣୁ ଜିଲା ମୁଖ୍ୟ ପ୍ରାଣୀଧନ ଚିକିତ୍ସା ଅଧିକାରୀଙ୍କ ସହାୟତା ନିଆଯାଇଥିଲା। ଏ ସମ୍ପର୍କରେ ୧୯ା୨ା୧୮ରେ ପରିଷଦ ଓ ଜିଲା ପ୍ରଣୀ ସମ୍ପଦ ବିଭାଗ ଅଧିକାରୀଙ୍କ ମଧ୍ୟରେ ଆଲୋଚନା ହୋଇଥିଲା। ଏହି ଆଲୋଚନା ଅନୁଯାୟୀ ୩୧ା୧୨ା୧୮ରେ ପରିଷଦ ପକ୍ଷରୁ ରାଜ୍ୟ ପ୍ରାଣୀଧନ ଚିକିତ୍ସା ବିଭାଗ ନିର୍ଦ୍ଦେଶକଙ୍କୁ ଚିଠି କରାଯାଇଥିଲା। ଏଥିରେ ଉଲ୍ଲେଖ ଥିଲା ଅସ୍ତ୍ରୋପଚାର ମାଧ୍ୟମରେ ୧୦ଟି କୁକୁର ବନ୍ଧ୍ୟାକରଣ ପାଇଁ କଣସବୁ ଯନ୍ତ୍ରାଂଶ ଆବଶ୍ୟକ ତାର ତାଲିକା ପ୍ରଦାନ କରାଯାଉ। ଏହା ଜାଣିଲା ପରେ ପରିଷଦ ପରବର୍ତ୍ତୀ ପଦକ୍ଷେପ ଗ୍ରହଣ କରିପାରିବ। କେଉଁ ଯନ୍ତ୍ରାଂଶ କେତେ ହିସାବରେ ଦରକାର ଜାଣିପାରିବ। ପରେ ଆବଶ୍ୟକ ଯନ୍ତ୍ରାଂଶ ବାବଦ ଅର୍ଥରାଶି ପ୍ରାଣୀଧନ ଚିକିତ୍ସା ବିଭାଗକୁ ଯୋଗାଇ କିଣିପାରିବ। କିନ୍ତୁ ଏଥିମଧ୍ୟରେ ୬ ମାସ ଅତିକ୍ରାନ୍ତ ହୋଇଥିଲେ ସୁଦ୍ଧା ନିର୍ଦ୍ଦେଶକଙ୍କ ପକ୍ଷରୁ କୌଣସି ସୂଚନା ଦିଆଯାଇନାହିଁ। ଯେଉଁ କାରଣରୁ ୨ ଲକ୍ଷ ଟଙ୍କା ଅନୁଦାନ ରାଶି ବିନିଯୋଗ ହୋଇପାରୁନାହିଁ। ତେଣୁ ପୁଣିଥରେ ପ୍ରାଣୀଧନ ଚିକିତ୍ସା ବିଭାଗ ନିର୍ଦ୍ଦେଶକଙ୍କୁ ଚିଠି କରାଯିବ ବୋଲି ପରିଷଦ ପକ୍ଷରୁ ସୂଚନା ଦିଆଯାଇଛି। ଏଠାରେ ପ୍ରଶ୍ନ ଉଠୁଛି ପ୍ରାଣୀଧନ ଚିକିତ୍ସା ବିଭାଗର ଅବହେଳାରୁ ଯୋଜନା କାର୍ଯ୍ୟକାରୀ ହୋଇପାରୁନାହିଁ କି ଅନ୍ୟ କିଛି କାରଣ ଅଛି। ଉପରୋକ୍ତ ଘଟଣାକୁ ଅନୁଧ୍ୟାନ କଲେ ଜଣାଯାଏ, ସରକାର ଯେତେବେଳେ କୁକୁର ଧରାଳି ନିଯୁକ୍ତି କଥା ଚିନ୍ତାକଲେ ତା ପୂର୍ବରୁ ଯୋଜନା ସମ୍ପର୍କରେ ବ୍ଲ୍ୟୁ ପ୍ରିଣ୍ଟ ପ୍ରସ୍ତୁତ ହୋଇଥିଲା। ବାସ୍ତବରେ ତାହା ମଧ୍ୟ ହେଲା। ବିଲ୍ଡିଂ ନିର୍ମାଣ, ଗାଡି ଓ ଅନ୍ୟାନ୍ୟ ବାବଦରେ ଯଥାଶୀଘ୍ର ଅନୁଦାନ ଯୋଗାଯାଇଥିଲା। କିନ୍ତୁ ବିଭାଗୀୟ ସମନ୍ବୟ ଅଭାବରୁ ଏଯାଏ ଯୋଜନା କାର୍ଯ୍ୟକାରୀ ହୋଇପାରୁନାହିଁ। ଯୋଜନାର ବାସ୍ତବ ରୂପାୟନ ନେଇ ନାଉଗାଁ ଭିଏସ୍‌ (ଭେଟେରିନାରୀସର୍ଜନ)ଙ୍କୁ ନୋଡାଲ ଅଫିସର ଭାବରେ ନିଯୁକ୍ତି ଦିଆଯାଇଛି। ସେ କେବଳ କାଗଜକଲମରେ ଏହି ଅଫିସର ଦାୟିତ୍ୱରେ ଥିବା ଜଣାଯାଇଛି। ଏଣେ ପାଖାପାଖି ୬ ମାସ ହେବ ନୂଆକରି କିଣାଯାଇଥିବା କୁକୁର ବୁହା ଗାଡି କି କାମରେ ଆସୁଛି ତା’ଉପରେ ନାନା କଥା ଆଲୋଚନା ହେଉଛି। ଏ ସମ୍ପର୍କରେ ପୌର ପରିଷଦ ନିର୍ବାହୀ ଅଧିକାରୀ ବଳଦେବ ବେହେରାଙ୍କୁ ପଚାରିବାରୁ ସେ କହିଥିଲେ, ପ୍ରାଣୀଧନ ଚିକିତ୍ସା ନିର୍ଦ୍ଦେଶକଙ୍କଠାରୁ ଯଥାଶୀଘ୍ର ଯନ୍ତ୍ରାଂଶ ସମ୍ପର୍କିତ ସୂଚନା ପାଇବା ପାଇଁ ବୁଧବାର ଆଉଥରେ ଚିଠି କରାଯାଇଛି। ଉତ୍ତର ମିଳିଲା ପରେ ଏ ଦିଗରେ ପଦକ୍ଷେପ ଗ୍ରହଣ କରାଯିବ। ଆଗକୁ ଦେଖିବାର ଅଛି ଯୋଜନା କେବେ କାର୍ଯ୍ୟକ୍ଷମ ହେଉଛି।


All Right Reserved By Dharitri.Com

ନାବାଳିକାଙ୍କୁ ବଳାତ୍କାର ଘଟଣା :ଫରେନ୍ସିକ୍‌ ଯାଞ୍ଚ ରିପୋର୍ଟକୁ ଅପେକ୍ଷା

ଅନୁଗୋଳ ଅଫିସ, ୨୩।୭ ଅନୁଗୋଳ ବସ୍‌ଷ୍ଟାଣ୍ଡସ୍ଥିତ ଆହାରକେନ୍ଦ୍ର ପଛପଟେ ଗତ ଶନିବାର ବିଳମ୍ବିତ ରାତିରେ ଘଟିଥିବା ନାବାଳିକା ବଳାତ୍କାର ଘଟଣାର ତଦନ୍ତ ପ୍ରକ୍ରିୟାକୁ ଜୋରଦାର କରିଛି...

ଏସ୍‌ସିବିରେ ଭର୍ତ୍ତି ହେଲେ ଆଶୀର୍ବାଦ

ଭୁବନେଶ୍ୱର,୨୬।୯(ବ୍ୟୁରୋ)- ଅର୍ଥତତ୍ତ୍ୱ ଚିଟ୍‌ଫଣ୍ଡ ଠକେଇ ମାମଲାରେ ଗିରଫ ହୋଇ ବିଚାର ବିଭାଗୀୟ ଜେଲ୍‌ ହାଜତରେ ଥିବା ଓସିଏ ପୂର୍ବତନ ସମ୍ପାଦକ ଆଶୀର୍ବାଦ ବେହେରା ଏସ୍‌ସିବିରେ ଭର୍ତ୍ତି...

ଗ୍ରୀନ୍‌ ମହାନଦୀ ମିଶନରେ ଗତବର୍ଷ ୬୯କୋଟିରୁ ଅଧିକ ଖର୍ଚ୍ଚ

ଭୁବନେଶ୍ୱର, ୨୪ା୭(ବ୍ୟୁରୋ): ୨୦୧୮-୧୯ ବର୍ଷରେ ଗ୍ରୀନ୍‌ ମହାନଦୀ ମିଶନ ଯୋଜନାରେ ରାଜ୍ୟ ସରକାର ମହାନଦୀ, ଇବ୍‌, ତେଲ ଏବଂ ଏହାର ଶାଖା/ପ୍ରଶାଖାର ଉଭୟ ପାର୍ଶ୍ୱରେ ୧୪୫୨.୨୫...

କଣ୍ଟାମାଳରେ ଭାଜପା, ବୌଦ୍ଧରେ ବିଜେଡି ଆଗୁଆ

ବୌଦ୍ଧ,୨୩।୫: ୧୦ ରାଉଣ୍ଡ ଗଣତି ସୁଦ୍ଧା କଣ୍ଟାମାଳ ବିଧାନସଭା ଆସନରେ ଭାଜପା ପ୍ରାର୍ଥୀ ଚରଣ ଡାଙ୍ଗ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ମହୀଧର ରଣାଙ୍କଠାରୁ ୫୩୨୦...

ହାଓଡ଼ାରେ ଦୁର୍ଘଟଣା: ୪ ଓଡ଼ିଆ ମୃତ

ଭଦ୍ରକ ଅଫିସ, ୧୮।୭ : ପଶ୍ଚିମବଙ୍ଗର ହାଓଡ଼ା ଢୁଲାଗଡ ଟୋଲପ୍ଲାଜା ନିକଟରେ ବୁଧବାର ଭୋର ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଜଣେ କ୍ରିକେଟ...

ନାଗରିକ ବିକାଶ ସଙ୍ଗଠନ ପକ୍ଷରୁ ତହସିଲଦାରଙ୍କୁ ଫେରାଦ

ଜୁନାଗଡ,୨୬।୬(ଡି.ଏନ.ଏ.): କଳାହାଣ୍ଡି ଜିଲା ନାଗରିକ ବିକାଶ ସଙ୍ଗଠନ ପକ୍ଷରୁ ବୁଧବାର ୫ ଦଫା ଦାବି ନେଇ ଜୁନାଗଡ ତହସିଲଦାରଙ୍କୁ ଫେରାଦ ହୋଇଛନ୍ତି । ଏ ବିଷୟରେ...

ଖଣ୍ଡପଡ଼ାରେ ଶ୍ରୀଜୀଉମାନଙ୍କ ବାହୁଡ଼ା ଯାତ୍ରା

ଖଣ୍ଡପଡ଼ା,୧୩ା୭(ସ୍ବ.ପ୍ର.): ଶୁକ୍ରବାର ପବିତ୍ର ବାହୁଡ଼ା ଯାତ୍ରା ଅବସରରେ ଶ୍ରୀ ଜୀଉମାନେ ରତ୍ନବେଦୀକୁ ବିଜେ କରିବା ନିମନ୍ତେ ବାହୁଡ଼ିଛନ୍ତି। ଏହି ଅବସରରେ ଖଣ୍ଡପଡ଼ା, ଭାପୁର, ଖଳିସାହି ଓ...

ଭୁବନେଶ୍ୱରରୁ ଅପହୃତ ଶିଶୁପୁତ୍ର ଗୋଳନ୍ଥରାରୁ ଉଦ୍ଧାର: ମହିଳାଙ୍କୁ ଗିରଫ କଲା ପୋଲିସ

ଭୁବନେଶ୍ୱର,୨୪ା୧(ବ୍ୟୁରୋ): ଭୁବନେଶ୍ୱର ରେଳ ଷ୍ଟେଶନରୁ ଶିଶୁପୁତ୍ର ଅପହରଣ ମାମଲାରେ ଖାରବେଳନଗର ଥାନା ପୋଲିସ ଗଞ୍ଜାମ ଜିଲା ଗୋଳନ୍ଥରା ଅଞ୍ଚଳର ମହିଳାଙ୍କୁ ଗିରଫ କରିଛି। ସେ ହେଲେ...

Leave a comment

Your email address will not be published. Required fields are marked *