ଟଙ୍କା ଲୋଭରେ ନାବାଳକ ଘଟାଉଛନ୍ତି ଅପରାଧ

ବ୍ରହ୍ମପୁର ଅଫିସ,୧୮ା୭-ଏବେ ସମସ୍ତେ ଏକ ବିଳାସପୂର୍ଣ୍ଣ ଜୀବନ ଶୈଳୀ ବିତାଇବା ପାଇଁ ଇଚ୍ଛା କରୁଛନ୍ତି।
ଏଥିପାଇଁ କିଏ କଠିନ ପରିଶ୍ରମ କରୁଛି ତ ଆଉ କେହି ଧନୀ ହେବା ପାଇଁ ଅପରାଧ ରାସ୍ତା ବାଛି ନେଉଛନ୍ତି। ଠିକ୍‌ ସେହିଭଳି ନାବାଳକମାନେ ମଧ୍ୟ ଟଙ୍କା ଲୋଭରେ ଅପରାଧ ରାସ୍ତାରେ ଯାଉଛନ୍ତି। ଯେଉଁ ନାବାଳକ ଏଭଳି ଆପରାଧିକ କାର୍ଯ୍ୟକଳାପରେ ଲିପ୍ତ ରହି ଧରା ପଡ଼ୁଛନ୍ତି ସେମାନଙ୍କର ମାନସିକତାରେ ପରିବର୍ତ୍ତନ ଆଣିବା ପାଇଁ ବାଳସୁଧାର ଗୃହରେ କାଉନସେଲିଂ କରାଯାଉଛି।
କିନ୍ତୁ ଅଧିକାଂଶ ସମୟରେ ଦେଖିବାକୁ ମିଳୁଛି କେତେକ ନାବାଳକ ବାଳ ସୁଧାର ଗୃହରୁ ଆସିବା ପରେ ପୁଣିଥରେ ବିଭିନ୍ନ ଆପରାଧିକ କାର୍ଯ୍ୟକଳାପରେ ଲିପ୍ତ ରହି ଧରାପଡ଼ୁଛନ୍ତି। ଏହା ଏବେ ଆମ ସମାଜ ପାଇଁ ଚିନ୍ତାର କାରଣ ହୋଇଛି।
ଅପରାଧରେ ସାମିଲ ହେବା ପଛରେ ଟଙ୍କା ଲୋଭ ହିଁ ଏକମାତ୍ର କାରଣ ବୋଲି ବିଶେଷଜ୍ଞମାନେ ମତବ୍ୟକ୍ତ କରିଛନ୍ତି। ବ୍ରହ୍ମପୁର ପୋଲିସ ଜିଲାର ଗତ ୧୦ ବର୍ଷ ମଧ୍ୟରେ ନାବାଳକମାନେ ବହୁ ଜଘନ୍ୟ କାଣ୍ଡ ଘଟାଇଛନ୍ତି। ଏପରିକି ଟଙ୍କା ଲୋଭରେ ପଡ଼ି ହତ୍ୟା କରିବାକୁ ମଧ୍ୟ ସେମାନେ ପଛାଇ ନାହାନ୍ତି।
୨୦୧୬ରୁ ୨୦୧୯ ଜୁନ ସାଢ଼େ ୩ ବର୍ଷରେ ବ୍ରହ୍ମପୁର ପୋଲିସ ଜିଲାରେ ୮୯ ନାବାଳକ ବିଭିନ୍ନ ଆପରାଧିକ ମାମଲାରେ ଧରା ହୋଇଥିବା ପୋଲିସ ପକ୍ଷରୁ ସୂଚନା ମିଳିଛି। ଦାମୀ ମୋବାଇଲ ଫୋନ, ସ୍ପିଡ୍‌ ବାଇକ ଆଶା କିପରି ପୂରଣ ସେ ଚିନ୍ତାରେ ରହୁଛନ୍ତି। ତା’ ସାଙ୍ଗକୁ ଘାରୁଛି ଟଙ୍କା ଲୋଭ।
ଉତ୍ତମ ଶିକ୍ଷା ଓ ଚରିତ୍ର ଗଠନ ଦ୍ୱାରା ନାବାଳକମାନେ ନିଜକୁ ଅପରାଧ ଦୁନିଆରୁ ଦୂରେଇ ରଖିପାରିବେ। ତଥାପି ଏହା ଉପରେ ସମ୍ପୂର୍ଣ୍ଣ ରୋକ୍‌ ଲଗାଯାଇ ପାରିବ ନାହିଁ ବୋଲି ବିଶେଷଜ୍ଞମାନେ ମତ ଦେଇଛନ୍ତି। ଗତ କିଛିମାସ ମଧ୍ୟରେ ସହର ସଦର ଥାନା ଇଲାକାରେ ତାଲା ବନ୍ଦ ଘରୁ ନାବାଳକମାନେ ସୁନା ଗହଣା ଓ ଟଙ୍କା ଚୋରି କରିଥିଲେ। ଏପରିକି ବଡ଼ବଜାର ଅଞ୍ଚଳରେ ୪ ବାଇକ୍‌ ଚୋରି, ଗୋଷାଣୀନୂଆଗଁା ଶିଶୁ ବିଦ୍ୟା ମନ୍ଦିର ନୀଳକଣ୍ଠନଗର ନିକଟରେ ଥିବା କେଟିଏମ୍‌ ଶୋ’ରୁମରୁ ଟଙ୍କା ଚୋରି, କାଞ୍ଜିବାରି ସାହି ନିକଟରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ଘଟଣାରେ ନାବାଳକମାନେ ସମ୍ପୃକ୍ତ ଥିବା ଜଣାପଡିଛିି। ସେହିପରି ବୈଦ୍ୟନାଥପୁର ଥାନା ଇଲାକାରେ ୨ ଚୋରି ଘଟଣାରେ ପୋଲିସ କେତେକ ନାବାଳକଙ୍କୁ ଧରିଛି। ଏଥିପୂର୍ବରୁ ୨ ଜଣ ନାବାଳକ ବୈଦ୍ୟନାଥପୁର ଥାନା ଅନ୍ତର୍ଗତ ଗୋଇଲୁଣ୍ଡିରେ ଥିବା ଏକ ସିମେଣ୍ଟ ଦୋକାନରୁ ୫ ଲକ୍ଷ ୨୫ ହଜାର ଟଙ୍କା ଚୋରି କରିଥିଲେ। ଏହା ପରେ ସେମାନେ ଏକ ବାଇକ୍‌ ଓ ମୋବାଇଲ ଫୋନ ଏବଂ ଅନ୍ୟାନ୍ୟ ସାମଗ୍ରୀ କିଣିଥିଲେ।
ସମ୍ପ୍ରତି ନାବାଳକମାନେ ଅପରାଧ ଦୁନିଆକୁ ଓହ୍ଲାଉଥିବା ବେଳେ ସମାଜ ପାଇଁ ଏହା ଏକ ଚିନ୍ତାର କାରଣ ହୋଇଛି। ବିଶେଷକରି ନୈତିକ ଶିକ୍ଷା ହ୍ରାସ ଯୋଗୁ ନାବାଳକମାନେ ବାରମ୍ବାର ଅପରାଧ ଘଟାଉଥିବା ନେଇ ମନସ୍ତତ୍ତ୍ବବିତ୍‌ ସୁଦୀପ୍ତା ପାଣିଗ୍ରାହୀ କହିଛନ୍ତି, ଯୁବପିଢ଼ି ବିପଥଗାମୀ ହେବା ପଛରେ ଉଭୟ ପରିବାର ଓ ଶିକ୍ଷକଙ୍କ ଭୂମିକା ରହିଛି। ବିଶେଷକରି ନାବାଳକମାନଙ୍କୁ ସୁଧାର ଗୃହରେ ନାମକୁ ମାତ୍ର ସଂସ୍କାରମୂଳକ ଶିକ୍ଷା ଦିଆ ନ ଯାଇ ଏଥିପ୍ରତି ଗୁରୁତ୍ୱ ଦେବାକୁ ହେବ।


All Right Reserved By Dharitri.Com

ଗଞ୍ଜାମ ଜିଲା: ଟ୍ରାଫିକ ନିୟମ ଉଲ୍ଲଂଘନ, ମେ ସୁଦ୍ଧା ୯୦୫ ଡ୍ରାଇଭିଂ ଲାଇସେନ୍ସ ରଦ୍ଦ

ଛତ୍ରପୁର,୧୬ା୬(ଡି.ଏନ.ଏ.)-ଗଞ୍ଜାମ ଜିଲାରେ ଟ୍ରାଫିକ ନିୟମ ଉଲ୍ଲଂଘନକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଇଛି। ଉଭୟ ଆଞ୍ଚଳିକ ପରିବହନ କାର୍ଯ୍ୟାଳୟ, ଗଞ୍ଜାମ ଓ ବ୍ରହ୍ମପୁର ପୋଲିସ ଜିଲା ଅଧୀନ...

ଶିଶୁଙ୍କ ଡ୍ରେସ ବିକ୍ରି କରିବା ମହଙ୍ଗା ପଡ଼ିଲା: ନର୍ସଙ୍କୁ କାରଣ ଦର୍ଶାଅ ନୋଟିସ

ବ୍ରହ୍ମପୁର ଅଫିସ,୨୦ା୭-ଏମକେସିଜି ମେଡିକାଲ କଲେଜରେ ରୋଗୀଙ୍କୁ ଶୋଷଣ କରାଯାଉଥିବା ନେଇ ବିଭିନ୍ନ ସମୟରେ ଅଭିଯୋଗ ଆସୁଛି। ଏପରିକି ଅସ୍ତ୍ରୋପଚାର ପାଇଁ ଲାଞ୍ଚ ନେଉଥିବା ବେଳେ ଜଣେ...

ସାପ କାମୁଡ଼ାରେ ମହିଳା ମୃତ

ଦାରିଙ୍ଗବାଡ଼ି,୫।୬(ଡି.ଏନ.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ବାଡ଼ାବାଙ୍ଗା ପଞ୍ଚାୟତ ଗଦଡ଼ି ଗ୍ରାମରେ ସାପକାମୁଡ଼ାରେ ସୋମବାର ଜଣେ ମହିଳାଙ୍କ ମୃତ୍ୟୁ ଘଟିଛି। ସେ ହେଲେ ସୁଇଟି ପ୍ରଧାନ...

ସବୁଜ ସୁନ୍ଦର ହେବ ବ୍ରହ୍ମପୁର

ବ୍ରହ୍ମପୁର ଅଫିସ,୨୭ା୬-ବ୍ରହ୍ମପୁରର ସୌନ୍ଦର୍ଯ୍ୟକରଣ ନେଇ ମହାନଗର ନିଗମ(ବିଏମ୍‌ସି) ପକ୍ଷରୁ ବହୁ ପଦକ୍ଷେପ ହାତକୁ ନିଆଯାଇଛି । ଏବେ ସହରକୁ ସବୁଜ ସୁନ୍ଦର କରିବାକୁ ବିଏମ୍‌ସି ପକ୍ଷରୁ...

ଆସିକା: ସ୍କୁଲରେ ବିସ୍ଫୋରଣ, ୨ ଛାତ୍ର ଗୁରୁତର

ଆସିକା, ୨୦।୭(ଡି.ଏନ୍‌.ଏ.): ଗଞ୍ଜାମ ଜିଲା ଆସିକା ଥାନା କୋଟିନଡ଼ା ଫାଣ୍ଡି ଅନ୍ତର୍ଗତ ମାଗୁରା ଗ୍ରାମରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଶନିବାର ସକାଳ...

ଫାଇଲ ପ୍ରୋସେସିଂ ପାଇଁ ଲାଞ୍ଚ:  ଭିଜିଲାନ୍ସ ଜାଲରେ କନିଷ୍ଠ କିରାଣି

ବ୍ରହ୍ମପୁର ଅଫିସ/ମୋହନା, ୧୯ା୯(ଡି.ଏନ୍‌.ଏ.)-ଗଜପତି ଜିଲା ମୋହନା ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟର କନିଷ୍ଠ କିରାଣି ଜିତେନ୍ଦ୍ର ନାଥ ନାୟକ ୩ ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ...

ଭାରିଯାନ ଚଳାଚଳ ବନ୍ଦ ଦାବି :ପ୍ରଶାସନ ପକ୍ଷରୁ ତ୍ରିପାକ୍ଷିକ ଆଲୋଚନା ବୈଠକ

ଛତ୍ରପୁର,୧୬ା୭(ଡି.ଏନ.ଏ)-ଛତ୍ରପୁର ବ୍ଲକ କାଳିଆବାଲି ଛକଠାରୁ ମାଟିଖାଲ ରାସ୍ତାରେ ଗୋପାଳପୁର ପୋର୍ଟର ଭାରୀଯାନ ଚଳାଚଳ ବନ୍ଦ ଓ ଅନ୍ୟାନ୍ୟ ବିଭିନ୍ନ ସମସ୍ୟା ନେଇ ଶନିବାର ଲୋକେ ରାସ୍ତା...

ଗ୍ରୀନ ଇଣ୍ଡିଆ ଚିଟ୍‌ଫଣ୍ଡ ସଂସ୍ଥା ଏମ୍‌ଡି ଗିରଫ

ବ୍ରହ୍ମପୁର ଅଫିସ,୨୫ା୧-ଛତିଶଗଡ଼ ପୋଲିସର ଏକ ୬ ଜଣିଆ ଟିମ ବ୍ରହ୍ମପୁର ପୋଲିସ ସହାୟତାରେ ଶୁକ୍ରବାର ବ୍ରହ୍ମପୁରରେ ଚଢ଼ାଉ କରି ଗ୍ରୀନ ଇଣ୍ଡିଆ ଚିଟ୍‌ଫଣ୍ଡ ସଂସ୍ଥାର ଅନ୍ୟତମ...

Leave a comment

Your email address will not be published. Required fields are marked *