ପାରାଦୀପରେ ସୁଧୁରୁନି ପାନୀୟଜଳ ସମସ୍ୟା: ପରିତ୍ୟକ୍ତ ତାଳଦଣ୍ଡା ଏକମାତ୍ର ଭରସା

ପାରାଦୀପ,୧୭ା୭ (ସ୍ବ.ପ୍ର.): ଶିଳ୍ପ ସମୃଦ୍ଧ ପାରାଦୀପ ସହରାଞ୍ଚଳରେ ଗତ ମେ ମାସରୁ ଅଦ୍ୟାବଧି ପାନୀୟଜଳ ସଙ୍କଟ ଲାଗି ରହିଛି। ଜୁଲାଇ ମାସ ଅଧା ହେଲାଣି। ରାଜ୍ୟରେ ମୌସୁମୀ ମଧ୍ୟ ସକ୍ରିୟ ରହିଛି। ତଥାପି ମଧ୍ୟ ଜଳକଷ୍ଟ ଦୂର ହେଉନାହିଁ। ଖରାଦିନେ ଏଠାରେ ପାଣି ପାଇଁ ଏକପ୍ରକାର ହାହାକାର ପରିସ୍ଥିତି ସୃଷ୍ଟି ହେଉଛି। ସେହି ସମସ୍ୟା ବର୍ଷାଦିନେ ମଧ୍ୟ ଲାଗିରହିବା ଚିନ୍ତାର ବିଷୟ ହୋଇଛି। ପାରାଦୀପର ଏକମାତ୍ର ଜଳ ଉତ୍ସ ତାଳଦଣ୍ଡା କେନାଲ ପରିତ୍ୟକ୍ତ ଅବସ୍ଥାରେ ରହିଛି। ଏହାର ପାଣି ପିଇବା ଓ ଗାଧୋଇବା ଅନୁପଯୁକ୍ତ ବୋଲି ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ଏକାଧିକବାର ପରୀକ୍ଷା ପରେ କୁହାଯାଇଛି। ତେବେ ଅନ୍ୟ କୌଣସି ବିକଳ୍ପ ବ୍ୟବସ୍ଥା ନ ଥିବାରୁ ଲୋକେ ଏହି ଦୂଷିତ ପାଣି ପିଇବାକୁ ବାଧ୍ୟ ହେଉଛନ୍ତି। ସୂଚନା ଅନୁଯାୟୀ, ଖରାଦିନେ ତାଳଦଣ୍ଡା କେନାଲରେ ପାଣି ନ ଥିବାରୁ ବନ୍ଦର ଜନସ୍ବାସ୍ଥ୍ୟ ବିଭାଗ ଦିନକୁ ଥରେ ଜଳଯୋଗାଣ କରୁଥିଲେ। ଅବସ୍ଥା ସାମାନ୍ୟ ସୁଧାରିବା ପରେ ସପ୍ତାହକୁ ୩ ଦିନ ୨ ଥର ଓ ୪ଦିନ ଥରେ ଜଳ ଯୋଗାଣ ହେଉଥିଲା। ଏବେ ବିଭିନ୍ନ କାରଣ ପାଇଁ ଜଳ ଯୋଗାଣ ବାଧାପ୍ରାପ୍ତ ହୋଇଛି। ବାଲିଝରା ପମ୍ପ ହାଉସରୁ ନୂଆ ବଜାର-ମଧୁବନ ପାଣି ଟାଙ୍କି ପର୍ଯ୍ୟନ୍ତ ପାଇପ୍‌ ଲାଇନ କେତେକ ସ୍ଥାନରେ ଫାଟିଯାଇଛି। ବିଶେଷକରି ଗଲ୍ଫ ପଡ଼ିଆଠାରେ ପାଇପ ଫାଟି ପାଣି ବୋହିଯାଉଛି। ପାଣି ଟାଙ୍କିକୁ ଆସିବା ବାଧାପ୍ରାପ୍ତ ହେବାରୁ ଜଳ ଯୋଗାଣ ନିଅଣ୍ଟ ହେଉଛି ବୋଲି ପିଏଚଡି ଯନ୍ତ୍ରୀ ବିନାୟକ ପ୍ରଧାନ କହିଛନ୍ତି। ସେହି ପାଇପ ମରାମତି କାମ ବିଭାଗର ଅନ୍ୟ ଯନ୍ତ୍ରୀ ବୁଝୁଥିବା ସେ କହିଛନ୍ତି। ପାରାଦୀପ ବନ୍ଦରାଞ୍ଚଳରେ ମାଟି ତଳେ ଥିବା ପାଇପଲାଇନ ୫୦ବର୍ଷରୁ ଊର୍ଦ୍ଧ୍ୱ ହେଲାଣି। ସେଥିପାଇଁ ବାରମ୍ବାର ଏପରି ଘଟୁଥିବା ପିଏଚ୍‌ଡି ବିଭାଗ ପକ୍ଷରୁ କୁହାଯାଉଛି। ପୁରୁଣା ପାଇପ ଲାଇନ ଯୋଗୁ ଅଧିକାଂଶ ସ୍ଥାନରେ ଲିକେଜ ରହୁଛି। ସେହି ସ୍ଥାନରେ ପାଣିରେ ଜିଆ ଓ ଅନ୍ୟ ପୋକ, ଆବର୍ଜନା ପାଣି ମିଶୁଛି। ଏପରି ଦୂଷିତ ପାଣି ପ୍ରଭାବରେ ଚର୍ମରୋଗ ହେଉଛି ବୋଲି ଜଣେ ଗୃହିଣୀ ଆରତି ରାଉତରାୟ କହିଛନ୍ତି। ସୂଚନାଯୋଗ୍ୟ, ପାରାଦୀପରେ ଯୋଗାଣ ହେଉଥିବା ପାଣି ପିଇବା ଓ ଗାଧୋଇବା ଅନୁପଯୁକ୍ତ ବୋଲି ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ୨୦୧୭ ଅକ୍ଟୋବର ୨୬ରୁ ଘୋଷଣା କରିସାରିଲାଣି। ଏହା ସତ୍ତ୍ୱେ ସେହି ପାଣିକୁ ବ୍ୟବହାର କରିବାକୁ ସମସ୍ତେ ଏକ ପ୍ରକାର ବାଧ୍ୟ। କାରଣ ପାରାଦୀପର ଏକମାତ୍ର ଜଳ ଉତ୍ସ ତାଳଦଣ୍ଡା କେନାଲରେ ପ୍ରାୟତଃ ଜଳ ରହେନାହିଁ। କଟକରୁ ପାଣି ଛଡାଯିବା ପରେ ଏହି କେନାଲରେ ଜଳ ପ୍ରବାହ ହୁଏ। ସେଥିରେ ଅନେକ ବର୍ଜ୍ୟବସ୍ତୁ ମିଶୁଛି। ଶାସକ, ପ୍ରଶାସକ ସମସ୍ତେ ଏହି ସମସ୍ୟା ଜାଣୁଛନ୍ତି। କିନ୍ତୁ ଏହାର ସ୍ଥାୟୀ ପ୍ରତିକାର ବ୍ୟବସ୍ଥା ଅଦ୍ୟାବଧି ହୋଇପାରିନାହିଁ। ପୌର ପରିଷଦର ନିଜସ୍ବ ଜଳ ଉତ୍ସ ନାହିଁ। ଯେଉଁ କେତେକ ସ୍ଥାନରେ ପୌର ପରିଷଦ ପକ୍ଷରୁ ଗଭୀର ନଳକୂପ ବସାଇଛି, ତାହା ପର୍ଯ୍ୟାପ୍ତ ହେଉନାହିଁ। କେତେକ ସ୍ଥାନରେ ନଳକୂପରୁ ଲୁଣିପାଣି ବାହାରୁଛି। ତେଣୁ ଏସବୁର ସ୍ଥାୟୀ ପ୍ରତିକାର ଦିଗରେ ପଦକ୍ଷେପ ନେବାକୁ ଦାବି ହେଉଛି। ପାରାଦୀପ ବନ୍ଦର ପକ୍ଷରୁ ଏହାର ପ୍ରତିକାର ସ୍ବରୂପ ସମୁଦ୍ର ଜଳରୁ ମଧୁର ଜଳ ସଂଗ୍ରହ ପାଇଁ ଲବଣ ଅପସାରଣ କାରଖାନା ପତିଷ୍ଠା କରିବାକୁ ଏନଆଇଓଟି ସହ ଚୁକ୍ତି ସ୍ବାକ୍ଷର କରାଯାଇଛି।


All Right Reserved By Dharitri.Com

ଶ୍ରୀମନ୍ଦିର ସୁରକ୍ଷା ଜୋନରୁ ଜମି ଅଧିଗ୍ରହଣ: ୫୫ ଘରୋଇ ପ୍ଲଟର ସରିଛି ବିକ୍ରି କବଲା

ପୁରୀ ଅଫିସ, ୨୩ା୧୧: ଶ୍ରୀମନ୍ଦିର ସୁରକ୍ଷା ଜୋନରେ ଜମି ଅଧିଗ୍ରହଣ ଚାଲିଛିି। ଏହି ଜୋନ ମଧ୍ୟରେ ସମୁଦାୟ ୩୬୬ ପ୍ଲଟ ମଧ୍ୟରୁ ୧୮୫ ଘରୋଇ ପ୍ଲଟ...

ବିଶିଷ୍ଟ ଚଳଚ୍ଚିତ୍ର ପ୍ରଯୋଜକ କେଶବ ରାଉତଙ୍କ ବିୟୋଗ: ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩୦ା୬(ବ୍ୟୁରୋ): ବିଶିଷ୍ଟ ଚଳଚ୍ଚିତ୍ର ପ୍ରଯୋଜକ କେଶବ ରାଉତଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ଏହି ଖବର ପାଇ ମୁଁ...

ଭାଲୁ ଆକ୍ରମଣରେ ମହିଳା ଆହତ

ସମ୍ବଲପୁର,୧୮।୫(ବ୍ୟୁରୋ): ସମ୍ବଲପୁର ଧମା ରେଞ୍ଜ କେଶାପାଲି ସେକ୍ସନ ଗହୀରପାଲି ଗାଁରେ ଭାଲୁ ଆତଙ୍କ। ଭାଲୁ ଆକ୍ରମଣରେ ଜଣେ ମହିଳା ଆହତ ହୋିଥିବା ଜଣାପଡ଼ିଛି। ସୂଚନାଯୋଗ୍ୟ, ଶନିବାର...

ନର୍ସ ନୀହାରିକା ହତ୍ୟା ମାମଲାର ଭିନ୍ନ ମୋଡ଼: କଟକରେ କରାଯାଇଛି ହତ୍ୟା, ବାଇକ୍‌ରେ ନେବା ଦୃଶ୍ୟ ସିସିଟିଭିରେ କଏଦ

କଟକ ଅଫିସ/ଜଗତସିଂହପୁର ଅଫିସ,୨୧।୯: ନର୍ସ ନୀହାରିକା ପାତ୍ର ହତ୍ୟା ମାମଲା ଦିନକୁ ଦିନ ନୂଆ ମୋଡ଼ ନେବାରେ ଲାଗିଛି। ପ୍ରଥମେ ତାଙ୍କ ପ୍ରେମିକ ହାଜିପୁରର କିଶୋର...

ଶ୍ରମିକଙ୍କ ମୃତ୍ୟୁ: ଅଂଶୁଘାତ ଅଭିଯୋଗ

ନିରାକାରପୁର,୧୨ା୬(ଡି.ଏନ୍‌.ଏ.)-ଟ୍ରାକ୍ଟରରୁ ବାଲି ଅନ୍‌ଲୋଡ୍‌ କରୁଥିବା ସମୟରେ ମଙ୍ଗଳବାର ପୂର୍ବାହ୍ନ ୧୦.୩୦ରେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ସେ ହେଲେ ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ...

ସୁନ୍ଦରଗଡ଼ ବିଧାନସଭା: ଯୋଗେଶ ସିଂ ପଛୁଆ

ସୁନ୍ଦରଗଡ଼,୨୩।୫: ସୁନ୍ଦରଗଡ଼ ବିଧାନସଭା ଆସନରୁ ଭାଜପା ପ୍ରାର୍ଥୀ କୁସୁମ ଟେଟେ ଆଗୁଆ ଅଛନ୍ତି। ଚତୁର୍ଥ ରାଉଣ୍ଡ ଗଣତି ଶେଷ ସୁଦ୍ଧା କୁସୁମ ୭୮୧୭ ଭୋଟ ପାଇଥିବାବେଳେ...

ଏ ବର୍ଷ ଶୀତ କମ୍‌

ଭୁବନେଶ୍ୱର, ୩୦ା୧୧ (ବ୍ୟୁରୋ): ବିଗତ ବର୍ଷଗୁଡ଼ିକ ତୁଳନାରେ ଚଳିତବର୍ଷ ଅଧିକ ଶୀତ ହେବ ନାହିଁ। ନଭେମ୍ବର ଶେଷ ହେବାକୁ ବସିଲାଣି ହେଲେ ଏ ପର୍ଯ୍ୟନ୍ତ ଭଲ...

ସୁଷମା ସଙ୍ଗୀତ ସଦନର ସଙ୍ଗୀତ ସନ୍ଧ୍ୟା ରୋଜା ଜାନେମନ.., ୟେ ହସିଁ ୱାଦିୟାଁ..

ଭୁବନେଶ୍ୱର,୩ା୧୨(ବ୍ୟୁରୋ): ରୋଜା ଜାନେମନ.., ୟେ ହସିଁ ୱାଦିୟାଁ.., ଝୋଙ୍କା ହୱା କା.., ତୁମ୍‌ ବିନ୍‌ ଜିୟା ଯାଏ.., ଚନ୍ଦାରେ ଚନ୍ଦାରେ.., ଘୁଙ୍ଘଟ ମେ ଚେହେରା.., ମେରେ...

Leave a comment

Your email address will not be published. Required fields are marked *