ରଣପଶି ରେଲ୍‌ଓ୍ବେ ଓଭରବ୍ରିଜ୍‌ରେ ଫାଟ: ଦୋଷ ଢାଙ୍କିବାକୁ ପିଚୁ ପ୍ୟାଚ୍‌

ଢେଙ୍କାନାଳ ଅଫିସ,୧୭ା୭-ଢେଙ୍କାନାଳ ସଦର ବ୍ଲକ ରଣପଶି ନିକଟରେ ପୂର୍ତ୍ତ ବିଭାଗ ପକ୍ଷରୁ ନିର୍ମିତ ରେଲୱେ ଓଭରବ୍ରିଜରେ ଫାଟ ସୃଷ୍ଟି ହୋଇଛି। ଏହି ଘଟଣା ପଦାକୁ ଆସିବା ପରେ ଦୋଷ ଢାଙ୍କିବାକୁ ତରବରିଆ ଭାବେ ଫାଟ ସ୍ଥାନରେ ପିଚୁ ପ୍ୟାଚ୍‌ ପକାଯାଇଛି। ଅନ୍ୟପଟେ ବକେୟା ବିଲ୍‌ ପୈଠ କରାଯାଇ ନ ଥିବାରୁ ଏନ୍‌ଜେନ୍‌ କର୍ତ୍ତୃପକ୍ଷ ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରିଦେଇଛନ୍ତି। ଉଜ୍ଜ୍ୱଳ ଆଲୋକୀକରଣ ବ୍ୟବସ୍ଥା ଥିବା ସତ୍ତ୍ୱେ ରାତିରେ ଅନ୍ଧକାରଚ୍ଛନ୍ନ ହୋଇପଡୁଥିବା ବ୍ରିଜ୍‌ ଅସାମାଜିକଙ୍କ ଆଡ୍ଡା ପାଲଟିଛି। ସମସ୍ୟାକୁ ଅଣଦେଖା କରି ପୂର୍ତ୍ତ ବିଭାଗ ଏବଂ ବ୍ଲକ ପ୍ରଶାସନ ପରସ୍ପରକୁ କାଦୁଅ ଫିଙ୍ଗାରେ ବ୍ୟସ୍ତ ଥିବାବେଳେ ହୀନସ୍ତା ହେଉଛନ୍ତି ପଥଚାରୀ।
ଢେଙ୍କାନାଳ-କାମାକ୍ଷାନଗର ରାସ୍ତାର ରଣପଶିରେ ୨୦୧୯ ଫେବୃୟାରୀ ୨୪ରେ ଲୋକାର୍ପିତ ହୋଇଥିଲା ୮୩୭.୬୬ ମିଟର ଲମ୍ବ ଏବଂ ସାଢ଼େ ୧୦ମିଟର ପ୍ରସ୍ଥ ବିଶିଷ୍ଟ ରେଲ୍‌ଓ୍ବେ ଓଭର ବ୍ରିଜ୍‌। ରାଜ୍ୟ ସରକାର ଏବଂ ରେଲଓ୍ବେ ବିଭାଗର ମିଳିତ ସହଯୋଗରେ ନିର୍ମିତ ହୋଇଥିବା ଉକ୍ତ ବ୍ରିଜ୍‌ରେ ଖର୍ଚ୍ଚ ହୋଇଥିଲା ୨୪ କୋଟି ଟଙ୍କା। ଉଦ୍‌ଘାଟନ ହେବାର ମାତ୍ର ୪ ମାସ ମଧ୍ୟରେ ବ୍ରିଜ୍‌ର ଦ୍ୱିତୀୟ ସ୍ପାନ ନିକଟରେ ଫାଟ ସୃଷ୍ଟି ହୋଇଛି। ବ୍ରିଜ ଉପରେ ଯାତାୟାତ କରୁଥିବା ଯାନବାହନଗୁଡ଼ିକର ଚକ ଉକ୍ତ ଫାଟରେ ଖୁବ୍‌ ଜୋର୍‌ରେ ପିଟି ହେଉଥିଲା। ଏହା ଜଣାପଡ଼ିବା ପରେ ପୂର୍ତ୍ତ ବିଭାଗ ପକ୍ଷରୁ ତରବରିଆ ଭାବେ ସେଲମାର୍କ ପିଚୁ ପ୍ୟାଚ ପକାଯାଇଛି।
ଯାତ୍ରୀଙ୍କ ସୁରକ୍ଷା ପାଇଁ ବ୍ରିଜର ଉଭୟ ପାର୍ଶ୍ୱରେ ଲାଇଟ୍‌ ଲଗାଯାଇଛି॥ ତେବେ ଉଦ୍‌ଘାଟନ ହେବା ପରଠାରୁ ଏ ଯାଏ ବକେୟା ବିଦ୍ୟୁତ୍‌ ବିଲ୍‌ ବାବଦ ୪୦ ହଜାର ଟଙ୍କା ଦିଆଯାଇନାହିଁ। ତେଣୁ ଏନ୍‌ଜେନ୍‌ ପକ୍ଷରୁ ବିଦ୍ୟୁତ ସଂଯୋଗ କାଟି ଦିଆଯାଇଛି। ସଞ୍ଜ ହେଉ ହେଉ ବ୍ରିଜ୍‌ରେ ଅନ୍ଧାର ରାଜୁତି କରୁଛି। ପ୍ରଥମରେ ଆଲୋକୀକରଣ ବ୍ୟବସ୍ଥା ରକ୍ଷଣାବେକ୍ଷଣ ଦାୟିତ୍ୱ ଗେଙ୍ଗୁଟିଆ ପଞ୍ଚାୟତକୁ ଦିଆଯାଇଥିବା କୁହାଯାଇଥିଲା। ହେଲେ ପୂର୍ତ୍ତ ବିଭାଗ ବର୍ତ୍ତମାନ ସୁଦ୍ଧା ଏହି ଦାୟିତ୍ୱ ପଞ୍ଚାୟତକୁ ହସ୍ତାନ୍ତର କରିନାହିଁ। ତେଣୁ ପଞ୍ଚାୟତ କର୍ତ୍ତୃପକ୍ଷ ଏନ୍‌ଜେନ୍‌ ଉପଭୋକ୍ତା ହୋଇପାରିନାହାନ୍ତି। ଏପରି ସ୍ଥିତିରେ ବକେୟା ବିଦ୍ୟୁତ୍‌ ବିଲ୍‌ କିଏ ପ୍ରଦାନ କରିବ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଏସବୁ ଭିତରେ ପୂର୍ତ୍ତ ବିଭାଗ ପକ୍ଷରୁ ତୁରନ୍ତ ବିଦ୍ୟୁତ ଦେୟ ପ୍ରଦାନ କରିବା ପାଇଁ ୨୦୧୯ ଜୁଲାଇ ୧୧ରେ ପତ୍ର ନଂ. ୩୫୮ ଏବଂ ବ୍ଲକ କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲା। ମଙ୍ଗଳବାର (୧୬ତାରିଖ)ରେ ବ୍ଲକ କର୍ତ୍ତୃପକ୍ଷ ଉକ୍ତ ଚିଠି ପାଇଛନ୍ତି। ଏଥିସହ ଗେଙ୍ଗୁଟିଆ ପଞ୍ଚାୟତକୁ ତୁରନ୍ତ ଉଜ୍ଜ୍ୱଳ ଆଲୋକୀକରଣ ବ୍ୟବସ୍ଥା ହସ୍ତାନ୍ତର କରିବାକୁ ପୂର୍ତ୍ତ ବିଭାଗକୁ ପାଲଟା ଚିଠି ଲେଖିଛନ୍ତି। ସହରରେ ଉଭୟ କାର୍ଯ୍ୟାଳୟ ଥିବା ସତ୍ତ୍ୱେ ଏଥିରୁ ଦୁଇ ବିଭାଗ ମଧ୍ୟରେ କେତେ ସମନ୍ବୟ ରହିଛି ତାହା ସ୍ପଷ୍ଟ ଅନୁମେୟ।
ଏ ନେଇ ପୂର୍ତ୍ତ ବିଭାଗ ସହକାରୀ ଯନ୍ତ୍ରୀ ନିର୍ମଳ ଚନ୍ଦ୍ର ସ୍ବାଇଁ କୁହନ୍ତି, ବ୍ରିଜ୍‌ରେ ଦ୍ୱିତୀୟ ସ୍ପାନ ପାଖରେ ୩ ଇଞ୍ଚର ଓୟାରିଂ କୋଟ୍‌ ଫାଟିଥିଲା। ଏକ ଜଏଣ୍ଟ ଆଙ୍ଗଲ ଛାଡ଼ିଯିବା ଯୋଗୁ ଗାଡ଼ିଗୁଡିକର ଚକା ପିଟି ହେଉଥିଲା। ଆଙ୍ଗଲକୁ ୱେଲଡିଂ କରିବାକୁ ପଡିବ। ଏବେ ପିଚୁ ପ୍ୟାଚ୍‌ ଦିଆଯାଇଛି। ଏଥିରେ କୌଣସି ବିପଦ ନାହିଁ। ଲାଇଟ୍‌ ବ୍ୟବସ୍ଥା ପାଇଁ ଗେଙ୍ଗୁଟିଆ ପଞ୍ଚାୟତକୁ ଉପଭୋକ୍ତା କରିବାକୁ ଜୁଲାଇ ୧୧ରୁ ବିଡିଓଙ୍କୁ ଚିଠି କରାଯାଇଛି। ସେ ୧୨ ତାରିଖରେ ଚିଠି ପାଇଥିବା ଜଣାପଡ଼ିଛି। ହେଲେ ମଙ୍ଗଳବାର ଚିଠି ପାଇଥିବା କହୁଛନ୍ତି। ପୂର୍ତ୍ତ ବିଭାଗ ମନ୍ତ୍ରୀ ମୌଖିକ ଭାବେ ଗେଙ୍ଗୁଟିଆ ପଞ୍ଚାୟତକୁ ଆଲୋକୀକରଣ ବ୍ୟବସ୍ଥାର ଉପଭୋକ୍ତା ହେବାକୁ କହିଦେଇଥିଲେ। ତଦନୁଯାୟୀ ଏହି କାର୍ଯ୍ୟ ହୋଇଯାଇଥିବ ବୋଲି ଭାବିଥିଲୁ କହି ସେ ନିଜ ମୁଣ୍ଡରୁ ଦୋଷ ଛଡ଼ାଇ ଦେଇଛନ୍ତି। ଏ ନେଇ ସଦର ବ୍ଲକ ଦାୟିତ୍ୱରେ ଥିବା ଏବିଡିଓ ଝାଡେଶ୍ୱର ଦାସ କୁହନ୍ତି, ମଙ୍ଗଳବାର ଆମେ ଚିଠି ପାଇଛୁ। ଲାଇଟ୍‌ ରକ୍ଷଣାବେକ୍ଷଣା ବ୍ୟବସ୍ଥା ପୂର୍ତ୍ତ ବିଭାଗ ହସ୍ତାନ୍ତର କରିନାହିଁ। ଏଥିପାଇଁ ଚିଠି ଲେଖାଯାଇଛି। ଏନ୍‌ଜେନ୍‌ ଏସ୍‌ଡିଓ ବିବେକ ମହାପାତ୍ର କୁହନ୍ତି, ୪ମାସର ୪୦ହଜାର ଟଙ୍କା ବିଲ ବାକି ପଡ଼ିଛି।


All Right Reserved By Dharitri.Com

ଓଡ଼ିଶା ବିଜୁ ସଂଯୋଗ: ଅନଲାଇନ ପଞ୍ଜିକରଣର ୪୮ ଘଣ୍ଟା ମଧ୍ୟରେ ପାଇପାରିବେ ବିଦ୍ୟୁତ୍‌ ସଂଯୋଗ

ଭୁବନେଶ୍ୱର,୧୭।୧୨(ବ୍ୟୁରୋ) – ଶକ୍ତିମନ୍ତ୍ରୀ କ୍ୟାପ୍‌ଟେନ୍‌ ଦିବ୍ୟ ଶଙ୍କର ମିଶ୍ର ମଙ୍ଗଳବାର ପୂର୍ବାହ୍ନରେ ଖାରବେଳ ଭବନସ୍ଥିତ ଶକ୍ତି ବିଭାଗ ସମ୍ମିଳନୀ କକ୍ଷରେ ୫-ଟି ସମ୍ପର୍କିତ ବିଭାଗୀୟ କାର୍ଯ୍ୟକ୍ରମର...

ସରିନି କମଳାଙ୍କ ଜୀବନ ଯୁଦ୍ଧ: ୨୧ବର୍ଷ ପରେ ଫେରିଲେ ପୁଅ

କାମାକ୍ଷାନଗର, ୨୦।୫(ଡି.ଏନ୍‌.ଏ.)   କୁହାଯାଏ ନାରୀ ସର୍ବସଂହା। ଦୁନିଆର ଯେତେ ଦୁଃଖକୁ ସେ ହସି ହସି ସହିଯାଇପାରେ। ଏହାର ଜ୍ୱଳନ୍ତ ଉଦାହରଣ ହେଉଛନ୍ତି କାମାକ୍ଷାନଗର ଏନ୍‌ଏସି ୮ନଂ....

ମାଉସୀମା’ ମନ୍ଦିର ଆଗରେ ତିନିଠାକୁରଙ୍କ ରଥ

ରଣପୁର, ୭ା୭ (ସ୍ବ.ପ୍ର.): ଓଡ଼ିଶାର ଦ୍ୱିତୀୟ ଶ୍ରକ୍ଷେତ୍ର କୁହାଯାଉଥିବା ରଣପୁରଠାରେ ଗୁରୁବାରଠାରୁ ଆରମ୍ଭ ହୋଇଥିବା ରଥଟଣା କାର୍ଯ୍ୟ ଶନିବାର ସମାପ୍ତ ହୋଇଛି । ସନ୍ଧ୍ୟାରେ ରଥରୁ...

ମୁନିଗୁଡ଼ାକୁ ଏନ୍‌ଏସି ମାନ୍ୟତା, ସବଟ୍ରେଜେରୀ, ବାଇପାସ୍‌ ରାସ୍ତା ନିର୍ମାଣ ଦାବି: ଏମ୍‌ପିଙ୍କୁ ଦାବିପତ୍ର

ମୁନିଗୁଡ଼ା,୧୩ା୮(ଡି.ଏନ୍‌.ଏ.)- ରାୟଗଡ଼ା ଜିଲା ମୁନିଗୁଡ଼ା ବିକାଶ ପରିଷଦ ତରଫରୁ ୩ ଦଫା ସମ୍ବଳିତ ଏକ ଦାବିପତ୍ର କୋରାକୁଟ ଏମ୍‌ପି ସପ୍ତଗିରି ଉଲ୍ଲାକଙ୍କୁ ପ୍ରଦାନ କରାଯାଇଛି । ...

ତପ୍ତପାଣି ଘାଟିରେ ଓଲଟିଲା ପିକ୍‌ନିକ୍‌ ବସ୍‌ ୩୫ରୁ ଊଦ୍ଧର୍‌ବ ଆହତ, ୧୯ ଗୁରୁତର

ଦିଗପହଣ୍ଡି,(ଡି.ଏନ୍‌.ଏ.)/ପାଟପୁର,୨୪ା୧୨- ଗଞ୍ଜାମ-ଗଜପତି ଜିଲା ସୀମାନ୍ତ ପର୍ଯ୍ୟଟନ କ୍ଷେତ୍ର ତପ୍ତପାଣି ଘାଟିରେ ସୋମବାର ରାତି ପ୍ରାୟ ୮ଟାରେ ଏକ ପିକ୍‌ନିକ୍‌ ବସ୍‌ ଓଲଟି ପଡିବାରୁ ୩୫ରୁ ଊଦ୍ଧର୍‌ବ...

ଆସନ୍ତା ୧ରୁ ଖୋଲିବ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ

ଭୁବନେଶ୍ୱର, ୨୫।୬(ବ୍ୟୁରୋ): ଗ୍ରୀଷ୍ମ ପ୍ରବାହରେ ଜନସାଧାରଣଙ୍କ ଅସୁବିଧାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ କିଛିଦିନ ହେବ ବନ୍ଦ ରହିଥିଲା। ଏହାସହ ଜିଲାପାଳମାନଙ୍କ ଅଭିଯୋଗ ପ୍ରକୋଷ୍ଠ...

ବିଦ୍ୟୁତ ବିଲ୍‌ ବକେୟା ୧୬୭ କୋଟି

ଜୟପୁର,୬ା୨(ନି.ପ୍ର.) କୋରାପୁଟ ଜିଲା ଅଧୀନ ଜୟପୁର ଉପଖଣ୍ଡରେ ୯୬ କୋଟି ଓ କୋରାପୁଟ ଉପଖଣ୍ଡରେ ୭୦ କୋଟି ଟଙ୍କାର ବିଦ୍ୟୁତ ବକେୟା ପଡ଼ିଛି। ୧୫ ତାରିଖ ସୁଦ୍ଧା...

ଜରୁରୀ ସେବାରେ ଏନ୍‌ଜେନର ମନମାନି:ସନ୍ଦେହରେ ପ୍ରଶାସନର ନୀରବତା

ତାଳଚେର, ୧୫ା୬(ମନୋଜ ନନ୍ଦ)କାର୍ଯ୍ୟରତ ଜଣେ କର୍ମଚାରୀଙ୍କ ମୃତ୍ୟୁ ପରେ କ୍ଷତିପୂରଣ ଦାବି କରି ତାଳଚେର ବିଦ୍ୟୁତ୍‌ ସବ୍‌ଡିଭିଜନ ଚାଇଁପାଳ ଅଧୀନରେ କାର୍ଯ୍ୟ କରୁଥିବା ଏନ୍‌ଜେନର ୩୯୩...

Leave a comment

Your email address will not be published. Required fields are marked *