Posted inଖେଳ

ରାଜ୍ୟଗୋଷ୍ଠୀ ଟେବୁଲ ଟେନିସ: ଆଜିଠାରୁ ମୁକାବିଲା, ଭାଗନେବେ ୧୨ ଦେଶ

କଟକ ଅଫିସ,୧୭ା୭-ବୁଧବାରଠାରୁ କଟକରେ ଆରମ୍ଭ ହେବ ୨୧ତମ ରାଜ୍ୟଗୋଷ୍ଠୀ ଟେବୁଲ ଟେନିସ କ୍ରୀଡ଼ାର ମହାମୁକାବିଲା। ପ୍ରତିଯୋଗିତା ସ୍ଥଳ ଜବାହାରଲାଲ ନେହେରୁ ଇନଡୋର ଷ୍ଟାଡିୟମ ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତ । ୧୨ଟି ଦେଶର ପ୍ରତିଦ୍ୱନ୍ଦୀ ଏଥିରେ ଭାଗନେବେ । ୧୭ରୁ ୧୯ ତାରିଖ ପର୍ଯ୍ୟନ୍ତ ଦଳଗତ ବିଭାଗର ମୁକାବିଲା ହେବା ବେଳେ ୨୦ରୁ ଉଦ୍‌ଯାପନୀ ଦିବସ ତଥା ୨୨ ତାରିଖ ପର୍ଯ୍ୟନ୍ତ ସିଙ୍ଗଲ୍ସ, ଡବଲ୍ସ ଓ ମିକ୍ସଡ ଡବଲ୍ସ ବିଭାଗର ମ୍ୟାଚ୍‌ ଖେଳାଯିବ। ଲିଗ ପର୍ଯ୍ୟାୟ ୨ ରାଉଣ୍ଡ ବିଶିଷ୍ଟ ହେବ । ୩ୟ ରାଉଣ୍ଡଟି ହେବ ନକଆଉଟ ପର୍ଯ୍ୟାୟ। ତେବେ ଫାଇନାଲ ଗୁଡ଼ିକ ଦୂରଦର୍ଶନରେ ସିଧାପ୍ରସାରଣ କରାଯିବ ବୋଲି ଟେବୁଲ ଟେନିସ ଫେଡେରେଶନ ଅଫ ଇଣ୍ଡିଆ ପକ୍ଷରୁ ଘୋଷଣା କରାଯାଇଛି ।
ଉଭୟ ମହିଳା ଓ ପୁରୁଷ ବିଭାଗରେ ଭାରତ ଗ୍ରୁପ-ବିରେ ସ୍ଥାନ ପାଇଛି । ବିଶ୍ୱ ର଼୍ୟାଙ୍କିଙ୍ଗ୍‌କୁ ଦୃଷ୍ଟିରେ ରଖି ରାଜ୍ୟଗୋଷ୍ଠୀ କ୍ରୀଡ଼ାରେ ଭାଗ ନେଇଥିବା ଦେଶ ଗୁଡ଼ିକୁ ସ୍ଥାନିତ କରାଯାଇଛି। ପୁରୁଷ ବିଭାଗରେ ଭାରତ ସମେତ ସିଙ୍ଗାପୁର ଓ ସ୍କଟଲାଣ୍ଡ ଏହି ଗ୍ରୁପରେ ଅଛନ୍ତି । ମହିଳା ବିଭାଗର ଗ୍ରୁପ-ବିରେ ଦକ୍ଷିଣ ଆଫ୍ରିକା ଓ ପଡ଼ୋଶୀ ରାଷ୍ଟ୍ର ଶ୍ରୀଲଙ୍କା ସହ ଭାରତ ସ୍ଥାନ ପାଇଛି । ପୁରୁଷ ବିଭାଗରେ ଶକ୍ତିଶାଳୀ ସିଙ୍ଗାପୁର ଭାରତ ପାଇଁ ପଦକ ହାସଲରେ ବାଧା ସୃଷ୍ଟି କରିବ ବୋଲି ପୂର୍ବାନୁମାନ କରାଯାଉଥିଲା । ହେଲେ ଭେଟେରାନ ଖେଳାଳିଙ୍କୁ ବିଶ୍ରାମ ଦେଇ ସିଙ୍ଗାପୁର ନବାଗତଙ୍କୁ ସାମିଲ କରି ଟୁର୍ନାମେଣ୍ଟକୁ ଓହ୍ଲାଇଛି । ୨୦୧୩ ରାଜ୍ୟଗୋଷ୍ଠୀ କ୍ରୀଡ଼ାରେ ୫ଟି ଓ ୨୦୧୫ ସଂସ୍କରଣରେ ୪ଟି ଟାଇଟଲ ଜିତିଥିବା ଏହି ଦେଶ ଚଳିତଥରର ଭଲ ପ୍ରଦର୍ଶନ କରିବାନେଇ ଆଶଙ୍କା ରହିଛି। ସେହିପରି ମହିଳା ବିଭାଗରେ ଭାରତର ମୁକାବିଲା ହେବ ଦକ୍ଷିଣଆଫ୍ରିକା ଓ ଶ୍ରୀଲଙ୍କାର ପ୍ରତିଦ୍ୱନ୍ଦୀଙ୍କ ସହ । ଗ୍ରୁପ-ଏରେ ରହିଥିବା ଇଂଲଣ୍ଡ ମଧ୍ୟ ବିଶ୍ୱ ଟେବୁଲ ଟେନିସ କ୍ରୀଡ଼ା ମାନଚିତ୍ରରେ ଏକ ଶକ୍ତିଶାଳୀ ରାଷ୍ଟ୍ର । ଲିଆମ ପିଚଫର୍ଡ ଓ ପଲ ଡ୍ରିଙ୍କହଲଙ୍କ ଭଳି ନାମିଦାମୀ ଖେଳାଳି ଚଳିତ ଥର ଇଂଲଣ୍ଡ ଦଳରେ ନାହାନ୍ତି। ସାମୁଏଲ ୱାଲକର ଦଳର ନେତୃତ୍ୱ ନେବେ । ନାଇଜେରିଆର ଭେଟେରିଆନ ଟିଟି ଖେଳାଳି ଅରୁଣା କ୍ବାଦ୍ରି, ସେଗୁନ ଟୋରିଓଲା ମଧ୍ୟ ଦଳରେ ନାହାନ୍ତି । ସମସ୍ତ ଦିଗକୁ ଦୃଷ୍ଟିରେ ରଖିଲେ ଘରୋଇ ପରିବେଶରେ ଭାରତ ପାଇଁ ଟାଇଟଲ ଜିତିବାର ଆଶା ଅଧିକ ।
ଅଭ୍ୟାସରେ ଶକ୍ତି ପ୍ରଦର୍ଶନ
ଦୀର୍ଘ ୩ ଘଣ୍ଟାରୁ ଅଧିକ ସମୟ ଧରି ଭାରତୀୟ ଖେଳାଳି ଅଭ୍ୟାସ କରିଛନ୍ତି । ସଚିନ ତେନ୍ଦୁଲକର ଇନଡୋର ହଲ ବଦଳରେ ଟୁର୍ନାମେଣ୍ଟର ଭେନ୍ୟୁ ଜବାହାରଲାଲ ଇନଡୋର ଷ୍ଟାଡିୟମରେ ଦଳର ତାରକା ଖେଳାଳି ଏ. ଶରଥ କମଲ, ମନିକା ବାତ୍ରା, ଅର୍ଚ୍ଚନା କାମଥ ଅଭ୍ୟାସକୁ ଓହ୍ଲାଇଥିଲେ । କିଛି ସମୟର ୱାର୍ମଅପ ପରେ ଭାରତୀୟ ଖେଳାଳିଙ୍କ ଅଭ୍ୟାସ ଉପସ୍ଥିତ ଦର୍ଶକଙ୍କୁ ବେଶ୍‌ ଆକୃଷ୍ଟ କରିଥିଲା । ଟୁର୍ନାମେଣ୍ଟ ଆରମ୍ଭ ପୂର୍ବରୁ ଏହା ଭାରତୀୟ ଖେଳାଳିଙ୍କ ଏକ ପ୍ରକାର ଶକ୍ତିପ୍ରଦର୍ଶନ ବୋଲି ଦର୍ଶକ କହିଛନ୍ତି ।


All Right Reserved By Dharitri.Com

Posted inଖେଳ View All

ଯୁବରାଜ ଭାରତର ଶ୍ରେଷ୍ଠ ବାମହାତୀ ବ୍ୟାଟ୍ସମ୍ୟାନ: ସୋଏବ ଅଖତର

ନୂଆଦିଲ୍ଲୀ, ୧୧।୬(ପି.ଟି.)- ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ଘୋଷଣା କରିବା ପରେ ସୀମିତ ଓଭର କ୍ରିକେଟ୍‌ର ଅନ୍ୟତମ ଶ୍ରେଷ୍ଠ ମ୍ୟାଚ୍‌ ଓ୍ବିନର ଯୁବରାଜ ସିଂଙ୍କୁ ପ୍ରାକ୍ତନ ପାକିସ୍ତାନ...

କମ୍‌ ଇନିଂସରେ ୨୫ ଟେଷ୍ଟ ଶତକ

୬୮: ଡନ୍‌ ବ୍ରାଡ୍‌ମ୍ୟାନ ୧୧୯: ଷ୍ଟିଭ୍‌ ସ୍ମିଥ ୧୨୭: ବିରାଟ କୋହଲି ୧୩୦: ସଚିନ ତେନ୍ଦୁଲକର ୧୩୮: ସୁନୀଲ ଗାଭାସ୍କର ୧୩୯: ମାଥ୍ୟୁ ହେଡେନ ୧୪୭:...

ବିବାହ ବନ୍ଧନରେ ବାନ୍ଧିହେଲେ ଏହି ଭାରତୀୟ କ୍ରିକେଟର

ହାଇଦ୍ରାବାଦ, ୨୦।୫: ଭାରତୀୟ କ୍ରିକେଟର ହନୁମା ବିହାରୀ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଫେଶନ୍‌ ଡଜାଇନର୍‌ ପ୍ରୀତି ରାଙ୍କୁ ନିଜ ଜୀବନ ସାଥୀ ଭାବେ ବାଛିଛନ୍ତି...

କରୁଣାରତ୍ନେଙ୍କ ବିଶ୍ୱକପ୍‌ ରେକର୍ଡ

କାର୍ଡିଫ,୧।୬- ଶ୍ରୀଲଙ୍କା ଦଳର ଅଧିନାୟକ ଦିମୁଥ କରୁଣାରତ୍ନେ ଚଳିତ ବିଶ୍ୱକପ୍‌ରେ ଏକ ରେକର୍ଡ ଅଧିକାରୀ ହୋଇଛନ୍ତି। ଏଠାରେ ନ୍ୟୁଜଲାଣ୍ଡ ବିପକ୍ଷରେ ଖେଳାଯାଇଥିବା ମ୍ୟାଚ୍‌ରେ ସେ ଓପନିଂ...

ସଲମାନ, ଶାହରୁଖଙ୍କୁ ପଛରେ ପକାଇଲେ କୋହଲି

ଭାରତୀୟ ଦଳର ଅଧିନାୟକ ବିରାଟ କୋହଲି କ୍ରିକେଟ ପଡିଆରେ ଅନେକ ରେକର୍ଡ ହାସଲ କରିଛନ୍ତି। କ୍ରିକେଟରେ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗୁଥିବା କୋହଲିଙ୍କ ବ୍ରାଣ୍ଡ୍‌...

ଚେନ୍ନାଇ, ମୁମ୍ବାଇ ଆଇପିଏଲ ଫ୍ରାଞ୍ଚଇଜ ମିଶିଲେ ମଧ୍ୟ କୋହଲିଙ୍କ ବ୍ରାଣ୍ଡ ଭାଲ୍ୟୁ ଆଗରେ

ଆଇପିଏଲ ଇତିହାସର ସବୁଠୁ ବଡ଼ ତଥା ଲାଭବାନ ଫ୍ରାଞ୍ଚାଇଜ ମୁମ୍ବାଇ ଇଣ୍ଡିଆନ୍ସ (ଏମ୍‌ଆଇ) ଓ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ)। କିନ୍ତୁ ଦୁଇ ଫ୍ରାଞ୍ଚାଇଜର ବ୍ରାଣ୍ଡ...

ଜର୍ମାନୀରେ ଫସିଲେ ବିଶ୍ୱ ଚାମ୍ପିୟନ ଚେସ ଖେଳାଳି ବିଶ୍ୱନାଥନ

ନୂଆଦିଲ୍ଲୀ,୧୬।୩- କରୋନା ଭାଇରସର ପ୍ରକୋପ ଯୋଗୁ ବିଶ୍ୱର ସମସ୍ତ କ୍ରୀଡ଼ା ଇଭେଣ୍ଟ ପ୍ରଭାବିତ ହୋଇଛି। ଏଥିରୁ ଚେସ୍‌ କ୍ରୀଡ଼ା ମଧ୍ୟ ବର୍ତ୍ତି ପାରିନାହିଁ। ବୁଣ୍ଡେସଲିଗା ଚେସ...

ପ୍ରେମ ସମ୍ପର୍କକୁ ନେଇ ମୁହଁ ଖୋଲିଲେ କେ.ଏଲ ରାହୁଲ

ଟିମ୍‌ ଇଣ୍ଡିଆର ଷ୍ଟାର୍‌ ଖେଳାଳି କେ.ଏଲ ରାହୁଲ କ୍ରିକେଟ ଅପେକ୍ଷା ନିଜ ପ୍ରେମକ ସମ୍ପର୍କକୁ ନେଇ ଚର୍ଚ୍ଚାରେ ରହୁଛନ୍ତି। ବଲିଉଡର ଅନେକ ଅଭିନେତ୍ରୀଙ୍କ ସହ ତାଙ୍କ...

Leave a comment

Your email address will not be published. Required fields are marked *