ଛୋଟାଙ୍କ କୋଟିଏ ଟଙ୍କାର ଘର ଉଚ୍ଛେଦ କଲା ପ୍ରଶାସନ: ମାଟିରେ ମିଶିଲା ଦ୍ୱାରିକାନଗର ଆଡ୍ଡାସ୍ଥଳ

ଖୋର୍ଦ୍ଧା ଅଫିସ,୧୬।୭: ବ୍ରାଉନ୍‌ସୁଗାର କାରବାରରୁ ପଥର ଚୋରା ଚାଲାଣ। ବନ୍ଧୁକ କାରବାରଠାରୁ ଆରମ୍ଭ କରି ବିଭିନ୍ନ ଆପରାଧିକ ମାମଲାରେ ସମ୍ପୃକ୍ତ ଥିବା ସୁଧାଂଶୁ ପରିଡ଼ା ଓରଫ୍‌ ଛୋଟା ଓରଫ ଶୁଭ୍ରାଂଶୁ ଜେଲ୍‌ ଯିବା ପରେ କଳାସାମ୍ରାଜ୍ୟର ଖୋଳତାଡ଼ ଚଳାଇଛି କ୍ରାଇମବ୍ରାଞ୍ଚ ଏସ୍‌ଟିଏଫ୍‌। ଲେଡି ଡନ୍‌ଙ୍କ ହାତରେ ବନ୍ଧୁକ ଧରାଇ ଖୋର୍ଦ୍ଧା ଓ ଆଖପାଖ ଅଞ୍ଚଳରେ ରାଜ୍‌ କରୁଥିବା ଛୋଟାଙ୍କ ବେଆଇନ ସମ୍ପତ୍ତି ମଧ୍ୟ ଧୀରେ ଧୀରେ ଜବତ ହେବାରେ ଲାଗିଛି। ତେବେ ସୋମବାର ଗୁରୁଜଙ୍ଗ ଜବରଦସ୍ତପୁର ଦ୍ୱାରିକାନଗରରେ ସରକାରୀ ଜମିକୁ ଦଖଲ କରି କରିଥିବା ଘରକୁ ଭଙ୍ଗାଯିବାବେଳେ ପ୍ରଶାସନ ସ୍ତବ୍ଧ ହୋଇଯାଇଛି। ଉକ୍ତ ଘର ଛୋଟା ଗ୍ୟାଙ୍ଗ୍‌ର ଆଡ୍ଡାସ୍ଥଳ ଥିବା ସ୍ପଷ୍ଟ ହୋଇଛି। ୧୪ ବଖରା ଘର ଭିତରେ ଅଧିକାଂଶ ଥିଲା ଶୀତତାପ ନିୟନ୍ତ୍ରିତ କୋଠରି। ମିଟିଂ ହଲ୍‌, ସୁଇମିଂ ପୁଲ୍‌ ବି ରହିଥିଲା। କୁକୁର ଓ ଗ୍ୟାଙ୍ଗ୍‌ ସଦସ୍ୟ ରହିବା ପାଇଁ ଥିଲା ଭିନ୍ନ ଭିନ୍ନ ଘର। ହେଲିପ୍ୟାଡ୍‌ ପାଇଁ ମଧ୍ୟ ହୋଇଥିଲା ପ୍ରସ୍ତୁତି। କୋଠରିର କାନ୍ଥ ଓ ପରିସର ବି କହୁଥିଲା ସେଠାରେ କିପରି ଚାଲିଥିଲା ଛୋଟା ସାମ୍ରାଜ୍ୟର ମଉଜମସ୍ତି। ପୂରା ସିସିଟିଭି କ୍ୟାମେରା ନଜରରେ ରହିଥିଲା ଆଡ୍ଡାସ୍ଥଳ। ତେବେ ଜିଲା ପ୍ରଶାସନ ୮ ଘଣ୍ଟାର ଅପରେଶନରେ କୋଟିଏରୁ ଊର୍ଦ୍ଧ୍ୱ ମୂଲ୍ୟର ସମ୍ପତ୍ତିକୁ ମାଟିରେ ମିଶାଇ ଦେଇଛି।
ଏସ୍‌ଟିଏଫ୍‌ ପଚରାଉଚରାବେଳେ ଛୋଟା ନିଜ ସାମ୍ରାଜ୍ୟର କିଛି ଗୁମର ଖୋଲିଥିଲା। ବହୁ ସରକାରୀ ଜମି ଦଖଲ କରିଥିବାବେଳେ ଦ୍ୱାରିକାନଗରସ୍ଥିତ ତାଙ୍କ ଆଡ୍ଡାସ୍ଥଳ ସମ୍ପର୍କରେ ସୁରାକ ମିଳିଥିଲା। ପ୍ରଶାସନର ନଜର ପଡ଼ିବା ପରେ ଉକ୍ତ ଘରେ ଉଚ୍ଛେଦ ନୋଟିସ ଲଗାଯାଇଥିଲା। ଏହାପରେ ଉକ୍ତ ଘରେ ଥିବା ଆସବାବପତ୍ର ଓ ବିଭିନ୍ନ ସାମଗ୍ରୀକୁ ବୋହି ନେଇଥିଲେ ସମ୍ପର୍କୀୟ ଲୋକ। ଏପରିକି ବିଦେଶୀ କୁକୁର ଓ ବହୁ ମୂଲ୍ୟବାନ ଜିନିଷପତ୍ର ମଧ୍ୟ ଗାଏବ୍‌ ହୋଇଯାଇଥିଲା। ତେବେ ଉଚ୍ଛେଦ ପାଇଁ ନିର୍ଦ୍ଧାରିତ ସମୟ ଅନୁସାରେ ଖୋର୍ଦ୍ଧା ଉପଜିଲାପାଳଙ୍କ ଦାୟିତ୍ୱରେ ଥିବା ତହସିଲ୍‌ଦାର ଶୁଭ୍ରାଂଶୁ ସାମଲ ଓ ଡିଏସ୍‌ପି ସତୀଶ ପାଢ଼ୀଙ୍କ ଉପସ୍ଥିତିରେ ସୋମବାର ପୂର୍ବାହ୍ନ ସାଢ଼େ ୧୦ଟାରୁ ଆରମ୍ଭ ହୋଇଥିଲା ଉଚ୍ଛେଦ। ୨ ପ୍ଲାଟୁନ ଫୋର୍ସ ଓ ୩ଟି ଜେସିବି ସହାୟତାରେ ପ୍ରଶାସନିକ ଅଧିକାରୀ ଏବଂ କର୍ମଚାରୀମାନେ ୮ ଘଣ୍ଟା ଧରି ବିଭିନ୍ନ ନିର୍ମାଣକୁ ଭାଙ୍ଗି ଦେଇଥିଲେ। ମଝିରେ ମଝିରେ ଜେସିବି ମେଶିନ ବାରମ୍ବାର ଖରାପ ହେବା ଯୋଗୁ ବିଳମ୍ବରେ ଅର୍ଥାତ୍‌ ସନ୍ଧ୍ୟା ସାଢେ ୬ଟାରେ ଉଚ୍ଛେଦ ଶେଷ ହୋଇଥିଲା।
ମିଳିଥିବା ସୂଚନାନୁସାରେ, ଛାତ ପକାଇବା ଉଦ୍ଦେଶ୍ୟରେ ଘରଗୁଡିକୁ ନିର୍ମାଣ କରାଯାଇଥିବାବେଳେ ସେଥିରେ ଆଜ୍‌ବେଷ୍ଟସ୍‌ ପକାଯାଇଥିଲା। ଘରଟି ୟୁ ଆକାରରେ ରହିଥିଲା। ସମ୍ମୁଖ ଓ ପଛ ପାଖଟି କମ୍‌ ଚଉଡା ଦିଶୁଥିବାବେଳେ ପରିସର ପୂରା ରାଜକୀୟ ଭଳି ଲାଗୁଥିଲା। ଭିତରେ ବହୁତ ଜମି ରହିଥିଲା। ଛୋଟାଙ୍କ ଘରର ଆଗ ଓ ପଛ ପାର୍ଶ୍ୱରେ ଅନ୍ୟ ଲୋକଙ୍କ ଘର ରହିଥିଲା। ଘରଗୁଡିକ ଏପରି ତିଆରି ହୋଇଥିଲା ଯେ, କେହି ଅତି ସହଜରେ ଗାଏବ୍‌ ହୋଇପାରିବ। ନିର୍ମାଣକୁ ଏତେ ଦୃଢ଼ କରାଯାଇଥିଲା ଯେ, ଭାଙ୍ଗିବାକୁ ବହୁ ସମୟ ଲାଗିଥିଲା। ତେବେ ଘରେ ଥିବା ବଡ଼ ବଡ଼ ଏଲଇଡି ଟିଭି, ୧୧ ବିଦେଶୀ କୁକୁର, ସୋଫା ସେଟ୍‌ ଆଦି ମୂଲ୍ୟବାନ ଉପକରଣକୁ କିଏ ଗାଏବ୍‌ କଲା ତାହାକୁ ନେଇ ଏବେ ଚର୍ଚ୍ଚା ଜୋର୍‌ଧରିଛି।
ଚୋରା କାଠ ବ୍ୟବସାୟ କରୁଥିବା ସନ୍ଦେହ
ଛୋଟା ଓ ତାଙ୍କର ଜଣେ ସହଯୋଗୀଙ୍କ ଘରୁ ୬୦ ଶିଫ୍ଟରୁ ଊର୍ଦ୍ଧ୍ୱ ଶାଳ, ଶାଗୁଆନ, ଆମ୍ବ କାଠ ଜବତ ହୋଇଛି। ଏହାର ମୂଲ୍ୟ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କା ହେବ। ରିପୋର୍ଟ ଲେଖା ହେବା ପର୍ଯ୍ୟନ୍ତ ବିଭିନ୍ନ ସ୍ଥାନରେ ଚଢ଼ାଉ ଓ ସାମଗ୍ରୀ ଜବତ ଜାରି ରହିଥିଲା। ଛୋଟାଙ୍କ ସମ୍ପର୍କୀୟମାନେ ଅନ୍ୟ ସାମଗ୍ରୀ ନେଇଯାଇଥିଲେ ମଧ୍ୟ କାଠଗଣ୍ଡିଗୁଡିକୁ ଗାଏବ କରି ପାରି ନ ଥିଲେ। କାଠ ଜବତ ପରେ ଛୋଟା ବ୍ରାଉନସୁଗାର, ପଥର ଖଣି ସହ ଚୋରା କାଠ ବ୍ୟବସାୟ କରୁଥିଲେ ବୋଲି ଜଣାପଡିଛି।
ରହସ୍ୟରେ ୩୨ ବଖରା
ଅର୍ଦ୍ଧନିର୍ମିତ ଘର, ଅଣ୍ଡରଗ୍ରାଉଣ୍ଡ୍‌
ଛୋଟାଙ୍କ ଘର ପଛରେ ରହିଛି ଅର୍ଦ୍ଧ ନିର୍ମିତ ୨୪ ବଖରା ଘର। ଏହି ଘରଗୁଡିକ ଛୋଟାଙ୍କ ସହଯୋଗୀଙ୍କ ପାଇଁ ନିର୍ମାଣ କରାଯାଉଥିଲା ବୋଲି ସନ୍ଦେହ କରାଯାଉଛି। ସେହିପରି ଭଙ୍ଗାଯାଇଥିବା ଘର ପାଖରେ କିଛି ଘର ମଧ୍ୟ ରହିଥିବା ଜଣାପଡିଛି। ତେବେ ପ୍ରଶାସନ ସେହିଘରକୁ ନ ଭାଙ୍ଗି ସରକାରୀ କାର୍ଯ୍ୟାଳୟ ବା କ୍ବାର୍ଟର କରିବାକୁ ଯୋଜନା କରିଥିବା ସୂଚନା ମିଳିଛି। ଅନ୍ୟପକ୍ଷରେ ଅଣ୍ଡରଗ୍ରାଉଣ୍ଡ୍‌ ଘର ସମ୍ପର୍କରେ କିଛି ସୁରାକ ମିଳିନାହିଁ। ଖୋର୍ଦ୍ଧା ତହସିଲଦାର ସାମଲ କୁହନ୍ତି, ଅର୍ଦ୍ଧନିର୍ମିତ ଘର ସମ୍ପର୍କରେ ଜିଲାପାଳଙ୍କ ସହ ଆଲୋଚନା ପରେ ପରବର୍ତ୍ତୀ ପଦକ୍ଷେପ ନିଆଯିବ।


All Right Reserved By

୭୭ତମ ଅଗଷ୍ଟ କ୍ରାନ୍ତି ଦିବସ ଏବଂ ଗାନ୍ଧିଜୀଙ୍କ ୧୫୦ତମ ଜୟନ୍ତୀ ଉତ୍ସବ:ମୁକ୍ତି ସଂଗ୍ରାମରେ ଓଡ଼ିଶାର ବଳିଷ୍ଠ ଭୂମିକା ଥିଲା

ଭୁବନେଶ୍ୱର,୧୦ା୮(ବ୍ୟୁରୋ): ମୁକ୍ତି ସଂଗ୍ରାମରେ ଓଡ଼ିଶାର ଭୂମିକା ଯଥେଷ୍ଟ ଥିଲା। ଓଡ଼ିଶାର ବରପୁତ୍ରମାନେ ନିଜ ତ୍ୟାଗ ଓ ବଳିଦାନ ପାଇଁ ଚିରକାଳ ମନେରହିବେ। ସେହି ମହାନ ବରପୁତ୍ରମାନଙ୍କ...

ଅଘୋଷିତ ବିଦ୍ୟୁତକାଟ: ପ୍ରତିବାଦରେ ସେସୁ କାର୍ଯ୍ୟାଳୟ ଘେରାଉ

ବଇଣ୍ଡା,୩୧।୭(ଡି.ଏନ.ଏ.): ଅନୁଗୋଳ ଜିଲା କିଶୋରନଗର ବ୍ଲକ ବାମୁର ବିଦ୍ୟୁତ୍‌ ସବୁଷ୍ଟେଶନ ଅଧୀନରେ ଥିବା ଧଉରାପାଲି, ଜଏରାଟ, ସଞ୍ଜାମୁରା, ହିମିତିରା, ଆମ୍ବପାଳ, ଅଙ୍ଗପଡ଼ା, ଉରୁକୁଳା, ଧଉରପାଳ ଆଦି...

ଓଡ଼ିଶା ଫେରିବ କେନ୍ଦ୍ରୀୟ ପଣ୍ୟାଗାର କାର୍ଯ୍ୟାଳୟ

ଭୁବନେଶ୍ୱର,୧୯।୮(ବ୍ୟୁରୋ) :କେନ୍ଦ୍ରୀୟ ପଣ୍ୟାଗାର ନିଗମର ଆଞ୍ଚଳିକ କାର୍ଯ୍ୟାଳୟ ଓଡ଼ିଶା ଫେରିବ ବୋଲି ଜଣାପଡିଛି। ହାଇକୋର୍ଟ ଏନେଇ ସ୍ଥଗିତାଦେଶ ଦେବା ପରେ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର...

ଖୋଲା ଆକାଶ ତଳେ ଗାନ୍ଧିଜୀଙ୍କ ପ୍ରତିମୂର୍ତ୍ତି

ବାଲିଅନ୍ତା,୨୧।୬(ଡି.ଏନ୍‌.ଏ.) : ବାତ୍ୟା ‘ଫନୀ’ରେ ବାଲିଅନ୍ତାସ୍ଥିତ ମହାତ୍ମା ସେତୁ ସଂଲଗ୍ନ ରାସ୍ତା ପାର୍ଶ୍ୱରେ ଥିବା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଉପରେ ନିର୍ମିତ ସେଡ୍‌ର ଟିଣ ଚଦର...

ଭଦ୍ରକ ମଦ ମୃତ୍ୟୁ ମାମଲା: ବିଧାୟକ ବ୍ୟୋମକେଶଙ୍କ ବିରୋଧରେ ଏନ୍‌ଏଚ୍‌ଆରସିରେ ଫେରାଦ ହେଲା ଭାଜପା

ଭୁବନେଶ୍ୱର, ୨୬।୬(ବ୍ୟୁରୋ): ଗତ ଏପ୍ରିଲ ୨୮ ତାରିଖରେ ଭଦ୍ରକ ଜିଲା ଚାନ୍ଦବାଲି ନିର୍ବାଚନମଣ୍ଡଳୀରେ ଭୋଟ ହାତେଇବା ପାଇଁ ଶାସକ ବିଜେଡିର ନେତା ଓ ବିଧାୟକ ପ୍ରାର୍ଥୀ...

ସାଧବ ବୋହୂ ସହ ସେଲ୍‌ଫି

କାକଟପୁର, ୯।୭(ଡି.ଏନ୍‌.ଏ.): ବର୍ଷା ଦିନ ଆରମ୍ଭ ହେଲେ ସବୁଜ ଘାସ ଗାଲିଚା ଉପରେ ସାଧବ ବୋହୁ ଦେଖାଯିବା ସ୍ବାଭାବିକ କଥା। ମାତ୍ର ପରିବେଶ ପରିବର୍ତ୍ତନ ଯୋଗୁ...

ମୂଲ୍ୟବାନ କାଠପଟା ଜବତ

ଓଡଗାଁ, ୨୫।୭(ସ୍ବ.ପ୍ର): ଓଡଗାଁ ବନାଞ୍ଚଳ ଅଧିନସ୍ଥ ମଗରବନ୍ଧ ଗଁାରେ ଜଣେ ବ୍ୟକ୍ତିଙ୍କ ଘରେ ଗୁରୁବାର ବନବିଭାଗ ଚଢ଼ାଉ କରିଛି। ନୟାଗଡ଼ ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶରେ ଉକ୍ତ...

ଦୁଇଦିନରେ ୨୮ ନିଶା ବେପାରୀ ଗିରଫ

ଭୁବନେଶ୍ୱର,୧୩।୭(ବ୍ୟୁରୋ)/ ଜଟଣୀ/ ଯାଁଳା/ ବାରଙ୍ଗ (ଡି.ଏନ୍‌.ଏ.): ରାଜଧାନୀ ଓ ଉପକଣ୍ଠରେ ନିଶାମାଫିଆ ଆଡ୍ଡା ଜମାଇ ବଡ଼ ବଡ଼ ଅପରାଧ ଘଟାଇଚାଲିଛନ୍ତି। ବିଳମ୍ବରେ ହେଲେ ମଧ୍ୟ ପୋଲିସର...

selfi corner

Model This Week

Why Dharitri

Leave a comment

Your email address will not be published. Required fields are marked *