ଖର୍ଚ୍ଚ ଦାବି ଆଲୋଚନାରେ ସରକାରଙ୍କୁ ବିରୋଧ

ଭୁବନେଶ୍ୱର, ୧୬।୭(ବ୍ୟୁରୋ): ଗୃହରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ଏବଂ ଅବକାରୀ ବିଭାଗର ଖର୍ଚ୍ଚ ଦାବି ଉପରେ ସୋମବାର ଅପରାହ୍ନରେ ଆଲୋଚନା ହୋଇଥିଲା। ଏହି ଆଲୋଚନାରେ ଉଭୟ ବିରୋଧୀ ଏବଂ ଶାସକ ଦଳର ସଦସ୍ୟ ଭାଗ ନେଇଥିଲେ। ବିରୋଧୀ ସଦସ୍ୟମାନେ ରାଜ୍ୟ ସରକାରଙ୍କ ବିଭିନ୍ନ ରାଜସ୍ବ ଓ ଅବକାରୀ ବିଭାଗର ସମସ୍ୟା ସମ୍ପର୍କରେ ମନ୍ତ୍ରୀଙ୍କ ଦୃଷ୍ଟିକୁ ଆଣିଥିଲେ। ଅମର ଶତପଥି ଠିଆ ହୋଇ ଗୃହର କାର୍ଯ୍ୟ ସମ୍ପର୍କରେ କିଛି ମନ୍ତବ୍ୟ ରଖିଥିଲେ। ରୁଲ୍‌ ୩୬ କଥା କହି ସେ କହିଥିଲେ ଯେ, ଆଜି ହେଉଛି ପ୍ରଶ୍ନ ଉତ୍ତର କାର୍ଯ୍ୟକ୍ରମ। ଅଧିକ ପ୍ରଶ୍ନ ଆସୁଥିବାରୁ ୧ ଘଣ୍ଟାରେ ଆଲୋଚନା ସରିପାରୁନାହିଁ। ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆଜି ପ୍ରଶ୍ନକାଳ ଆରମ୍ଭ ସମୟରେ ଜଣେ ପାଟିକଲେ, ଯାହା ଠିକ୍‌ ନୁହେଁ। ଯାହା ପୂର୍ବାହ୍ନରେ ହୋଇଥିଲା ତାହାର ପୁନରାବୃତ୍ତି ନ ହେବା ଆବଶ୍ୟକ ବୋଲି ସେ କହିଛନ୍ତି। ଏହାର ବିରୋଧ କରି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ସଙ୍ଗେ ସଙ୍ଗେ ଅମର ଶତପଥୀଙ୍କ କଥାକୁ ବିରୋଧ କରିଥିଲେ। ସେ କହିଥିଲେ ଯେ, ବିରୋଧୀଙ୍କ ଅଧିକାର ଅଛି ସେମାନେ ରାଜ୍ୟର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଯେକୌଣସି ସମୟରେ ଉଠାଇପାରିବେ। ଏହାପରେ ପ୍ରଥମେ ବାଚସ୍ପତି ରାଜସ୍ବ ଓ ବିପର୍ଯ୍ୟୟ ପରିଚାଳନା ଏବଂ ଅବକାରୀ ବିଭାଗର ଭୋଟ୍‌ ଅନ୍‌ ଡିମାଣ୍ଡ ପ୍ରସ୍ତାବ ଆଣିଥିଲେ। ଏହାପରେ ରାଜସ୍ବ ଏବଂ ଅବକାରୀ ବିଭାଗର ବ୍ୟୟ ମଞ୍ଜୁରୀ ବିଲ୍‌ ଉପରେ ଆଲୋଚନା ଆରମ୍ଭ ହୋଇଥିଲା। ପ୍ରଥମେ ଭାଜପା ବିଧାୟକ ବିଷ୍ଣୁ ସେଠୀ ରାଜସ୍ବ ଓ ଅବକାରୀ ବିଭାଗର ବିଭିନ୍ନ ଅନିୟମିତତା ନେଇ ସରକାରଙ୍କ ଉପରେ ବର୍ଷିଥିଲେ। ସେ କହିଥିଲେ ଯେ, ଅବକାରୀ ବିଭାଗ ସମ୍ପର୍କିତ ଯେଉଁ ଖର୍ଚ୍ଚ ଆଗତ ହୋଇଛି ତାକୁ ସେ ସମର୍ଥନ କରୁନାହାଁନ୍ତି। ବିଭାଗର ଖର୍ଚ୍ଚ ସମ୍ପର୍କରେ ମନ୍ତ୍ରୀ ଯେଉଁସବୁ ଚିତ୍ର ଦର୍ଶାଇଛନ୍ତି ସେ ବିଷୟରେ ସମସ୍ତଙ୍କୁ ଜଣାଅଛି। ଏ ପର୍ଯ୍ୟନ୍ତ ରାଜସ୍ବ ବିଭାଗ ରାଜ୍ୟରେ ଖାଲି ପଡିଥିବା ଆର୍‌ଆଇ, ଅମିନ ପଦବୀ ପୂରଣ କରିପାରୁନାହିଁ। ତହସିଲ୍‌ ଅଫିସ୍‌ ଗଲେ ସବୁଥିପାଇଁ ଲାଞ୍ଚ ଦେବାକୁ ପଡୁଛି। ଓଡିଶାର ଉପକୂଳ ଅଞ୍ଚଳରେ ବାତ୍ୟା ଓ ବନ୍ୟା ସବୁବେଳେ ଲାଗି ରହିଛି। ସାଳନ୍ଦୀ ଏବଂ ବୈତରଣୀ ନଦୀରେ ବୋଟ୍‌ ଚାଲିପାରୁନି। ସେହିପରି ଜଗନ୍ନାଥ ଜମିର ବ୍ୟବହାର ଏବଂ ସେଥିରୁ ରାଜସ୍ବ ଆଦାୟ ସମ୍ପର୍କରେ ସେ କହିଛନ୍ତି। ଅନ୍ୟପଟେ ଭଦ୍ରକ ମଦ ମୃତ୍ୟୁ କଥା ଉଠାଇ ସେ ସରକାରଙ୍କ ଉପରେ ବର୍ଷିଥିଲେ। ନିର୍ବାଚନ ପୂର୍ବଦିନ ଚାନ୍ଦବାଲି ଅଞ୍ଚଳରେ ୧୨ଜଣଙ୍କ ବିଷାକ୍ତ ମଦ ପିଇ ମୃତ୍ୟୁ ହୋଇଥିଲା। ଯେଉଁମାନେ ମଦ ବାଣ୍ଟିଥିଲେ ସେମାନେ ଶାସକ ଦଳର ଏବଂ ମୃତ୍ୟୁବରଣ କରିଥିବା ଲୋକେ ମଧ୍ୟ ବିଜେଡିର ଥିଲେ। ହେଲେ ଏହି ଘଟଣାରେ ମୁଖ୍ୟ ଦାୟୀ ଯିଏ ତାକୁ ଏ ପର୍ଯ୍ୟନ୍ତ ଧରାଗଲାନାହିଁ। ମନ୍ତ୍ରୀ ଏହା ଉପରେ ଗୁରୁତ୍ୱର ସହ ବିଚାର କରନ୍ତୁ ବୋଲି ସେ କହିଛନ୍ତି। ଶ୍ରେଷ୍ଠ ମଦ ବ୍ୟବସାୟୀଙ୍କୁ ପୁରଷ୍କାର ଦିଆଯିବା ଘଟଣାରେ ସିଏ ସରକାରଙ୍କୁ ଟାର୍ଗେଟ କରିଥିଲେ। ମନ୍ତ୍ରୀ ଶ୍ରେଷ୍ଠ ମଦ ବ୍ୟବସାୟୀଙ୍କୁ ପଦ୍ମଭୂଷଣ କିମ୍ବା ପଦ୍ମଶ୍ରୀ ଦିଆଯିବାର ବ୍ୟବସ୍ଥା କରନ୍ତୁ ବୋଲି କହିଛନ୍ତି। ଏହାପରେ ଅମର ପ୍ରସାଦ ଶତପଥୀ ଦୁଇ ବିଭାଗର ଖର୍ଚ୍ଚ ଦାବି ମଞ୍ଜୁରୀ ପ୍ରସ୍ତାବ ଦାବିକୁ ସମର୍ଥନ ଦେଇଛନ୍ତି। ଏହାପରେ ପ୍ରଫୁଲ୍ଲ ସାମଲ ବ୍ୟୟ ବରାଦ ବିଲ୍‌କୁ ସମର୍ଥନ ଦେଇ କହିଛନ୍ତି ଯେ, ରାଜସ୍ବ ବିଭାଗର ପରିଚାଳନା ଦେଖି ଆଶ୍ଚର୍ଯ୍ୟ ଲାଗୁଛି। ସମସ୍ତେ ମାନୁଛନ୍ତି। ବର୍ତ୍ତମାନ ମଧ୍ୟ ରାଜ୍ୟରେ ବହୁ ଭୂମିହୀନ ରହିଛନ୍ତି। ଭୂସଂସ୍କାର ଆଇନରେ ସଂଶୋଧନ ଆବଶ୍ୟକ। ଲଘୁ ଖଣିଜ ସମ୍ପଦ ଉପରେ ମାଫିଆ ରାଜ କରିଲେଣି। ୪୫ ହଜାର ଏକର ଜମି ଜବର ଦଖଲରେ ରହିଛି। ଏହାପରେ ନରସିଂହ ମିଶ୍ର କହିଛନ୍ତି ଯେ, ବିଜୁ ବାବୁ ଦେଶୀ ମଦ ବନ୍ଦ କରିଥିଲେ। ଗୁଜରାଟ, ବିହାରରେ କାଗଜ କଲମରେ ମଦ ବନ୍ଦ ଅଛି। ମଦ ବନ୍ଦ କରାଗଲେ ସମସ୍ୟାର ସମାଧାନ ହେବନାହିଁ। ଏହା ଉପରେ ନିୟନ୍ତ୍ରଣର ଆବଶ୍ୟକତା ରହିଛି। ହାଇଓ୍ବେ ନିକଟରେ ମଦ ଦୋକାନ ବନ୍ଦ କରାଯିବା ଦରକାର। ବହୁ ବିଧାୟକ ଜାଣନ୍ତି ନାହିଁ ସେମାନଙ୍କ ଅଞ୍ଚଳରେ କେଉଁ ରାଜସ୍ବ ନିୟମ ପ୍ରଚଳିତ ହେଉଛି। ଏହାପରେ ସୁରେଶ ରାଉତରାୟ ଜଗନ୍ନାଥ ମୁଖ୍ୟତଃ ରାଜସ୍ବ ବିଭାଗ ଉପରେ ବିଶେଷ ଧ୍ୟାନ ଦେଇଥିଲେ। ଫନୀ ଦ୍ୱାରା ଖୋର୍ଦ୍ଧା ଲୋକେ ବିଶେଷ କ୍ଷତିଗ୍ରସ୍ତ ହୋଇଛନ୍ତି। ସେମାନଙ୍କୁ ସାହାଯ୍ୟ ଯୋଗାଇବା। ଏହାସହ ପୂର୍ବରୁ ସେହି ଅଞ୍ଚଳରେ ଥିବା ବହୁ ସ୍ଥିତିବାନ ଜମି ଜଗନ୍ନାଥଙ୍କ ନାମରେ ହୋଇଯାଇଥିଲା। ଫଳରେ ବହୁ ବାସିନ୍ଦା ନିଜ ଜମି ସେଠାରେ ବିକ୍ରି କରିବାରେ ଅସୁବିଧା ଭୋଗିଲେ। ଏନେଇ ହାଇକୋର୍ଟ ଦେଇଥିବା ରାୟ କାର୍ଯ୍ୟକାରୀ ହେବା ଆବଶ୍ୟକ। ସେହିପରି ବହୁ କଲେଜ ପିଲା ବର୍ତ୍ତମାନ ନିଶାଦ୍ରବ୍ୟ ଖାଇବାରେ ଲାଗିଛନ୍ତି। ଏନେଇ ମଧ୍ୟ ଗୁରୁତ୍ୱ ଦେବାକୁ ସେ କହିଥିଲେ।


All Right Reserved By Dharitri.Com

ହରେକୃଷ୍ଣ ମହତାବଙ୍କ ଜନ୍ମ ବାର୍ଷିକୀ ଲାଗି ବ୍ୟାପକ ପ୍ରସ୍ତୁତି: ବର୍ଷସାରା ଦେଶବ୍ୟାପୀ ଚାଲିବ କାର୍ଯ୍ୟକ୍ରମ

ଭୁବନେଶ୍ୱର, ୧ା୧ (ବ୍ୟୁରୋ): ଉତ୍କଳ କେଶରୀ ଡ. ହରେକୃଷ୍ଣ ମହତାବଙ୍କ ୧୨୦ତମ ଜନ୍ମ ବାର୍ଷିକୀ ପାଳନ ପାଇଁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି। ନବ ଉତ୍କଳ...

ଜୁନ୍‌ ୨୫ରୁ ବିଧାନସଭା, ୨୮ରେ ବଜେଟ

ଭୁବନେଶ୍ୱର, ୧୦।୬(ବ୍ୟୁରୋ): ଷୋଡ଼ଶ ବିଧାନସଭାର ମୌସୁମୀ ଅଧିବେଶନ ଆସନ୍ତା ୨୫ରୁ ଆରମ୍ଭ ହେବ। ଏ ନେଇ ସୋମବାର ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇଛି। ପ୍ରକାଶିତ...

ପ୍ରଦୀପ୍ତ, ଭେନୁଗୋପାଳଙ୍କୁ ମୁଖ୍ୟ ଶାସନ ସଚିବ ପାହ୍ୟା

ଭୁବନେଶ୍ୱର,୧।୭(ବ୍ୟୁରୋ)- ରାଜ୍ୟରେ କାର୍ଯ୍ୟରତ ୧୯୮୮ ବ୍ୟାଚ୍‌ର ଦୁଇଜଣ ଆଇଏଏସ୍‌ ଅଫିସର  ପ୍ରଦୀପ୍ତ ମହାପାତ୍ର ଏବଂ ସି.ଜେ. ଭେନୁଗୋପାଳମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି ପାଇଛନ୍ତି। ସେମାନେ ନିଜ...

ଅନୁଗୋଳରେ ମୃଦୁ ଭୂକମ୍ପ, ସହରବାସୀ ଭୟଭୀତ

ଅନୁଗୋଳ ଅଫିସ, ୨୭।୮- ଅନୁଗୋଳର ବିଭିନ୍ନ ସ୍ଥାନରେ ମଙ୍ଗଳବାର ଅପରାହ୍ନରେ ମୃଦୁ ଭୂକମ୍ପ ଅନୁଭୂତ ହୋଇଛି। ୨ରୁ ୩ ସେକେଣ୍ଡ ପାଇଁ ହୋଇଥିବା ଏହି ଭୂକମ୍ପରେ...

ଶିବ ପ୍ରସାଦ ଜିଲା ଟପ୍ପର: ଆଇଏଏସ୍‌ ଅଫିସର ହେବାକୁ ରଖିଛନ୍ତି ଇଚ୍ଛା

ତାଳଚେର,୨୧ା୫(ନି.ପ୍ର.)- ତାଳଚେର ଶିଶୁମନ୍ଦିରର ଶିବ ପ୍ରସାଦ ପାଣି ଚଳିତ ମାଟ୍ରିକ ପରୀକ୍ଷାରେ ୯୬. ୩୩ ପ୍ରତିଶତ ଅର୍ଥାତ୍‌ ୫୭୮ ନମ୍ବର ରଖି ଅନୁଗୋଳ ଜିଲାରେ ଟପ୍ପର...

ବର୍ଷାଦିନିଆ ରୋଗକୁ ରୋକିବେ ପ୍ରଗତି ସାଥୀ

ଭୁବନେଶ୍ୱର, ୧୮ା୭(ବ୍ୟୁରୋ): ବର୍ଷାଦିନରେ ଜଳ ବାହିତ ରୋଗ ତଥା ପରିମଳ ଜନିତ ରୋଗରୁ ରାଜଧାନୀକୁ ରକ୍ଷା କରିବା ଲାଗି ‘ସୋସିଆଲି ସ୍ମାର୍ଟ ଭୁବନେଶ୍ୱର’ ଯୋଜନାରେ ‘ପ୍ରଗତି...

ନୂଆପଡ଼ା ବିଧାନସଭା: କଂଗ୍ରେସ ଆଗରେ

ନୂଆପଡ଼ା ଅଫିସ,୨୩।୫: ନୂଆପଡ଼ା ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ ଘାସିରାମ ମାଝି ଆଗରେ ଅଛନ୍ତି। ପଞ୍ଚମ ରାଉଣ୍ଡ ଗଣତି ଶେଷ ସୁଦ୍ଧା ଘାସିରାମ ୮୧୯୪ ଭୋଟ...

୧୪ ଗ୍ରାମ ବ୍ରାଉନସୁଗାର ଜବତ: ଗିରଫ ୨ ଅଭିଯୁକ୍ତଙ୍କୁ କୋର୍ଟ ଚାଲାଣ

ଖୋର୍ଦ୍ଧା ଅଫିସ,୨୭ା୯: ବ୍ରାଉନସୁଗାର ବିକ୍ରି ଅଭିଯୋଗରେ ଖୋର୍ଦ୍ଧା ଆଦର୍ଶ ଥାନା ପୋଲିସ ସ୍ବପ୍ନେଶ୍ୱର ମନ୍ଦିର ନିକଟରୁ ଗୁରୁବାର ଗିରଫ କରିଥିବା କୋରାପୁଟ ଜିଲା ଜୟପୁରର ଟି....

Leave a comment

Your email address will not be published. Required fields are marked *