୨୦ ବର୍ଷରେ ବୁଟୁ-ଲକ୍ଷ୍ମୀଧର ଯୋଡ଼ିଚା’ ଦୋକାନ ଦେଇଛି ସାହାରା :ଏକାଠି ଭଡା ଘର ନେଇ ସପରିବାର ରହୁଛନ୍ତି

କେନ୍ଦୁଝର, ୧୬ା୭ (ସ୍ବ.ପ୍ର.)- ସେମାନେ ଥିଲେ ପରସ୍ପର ଅପରିଚିତ। ଗ୍ରାମ ଅଲଗା ା କାମ ବି ଅଲଗା । ପରିସ୍ଥିତି ସେମାନଙ୍କୁ ଏକାଠି କଲା। ଆଜିକୁ ୨୦ ବର୍ଷ ଧରି ସହଭାଗିତା ଭିତ୍ତିରେ ଏକାଠି ହୋଇ ସେମାନେ ଏକ ଚା’ ଦୋକାନ କରି ପରିବାରର ଗୁଜରାଣ ମେଣ୍ଟାଇ ଆସୁଛନ୍ତି। ସହଭାଗିତା ଜରିଆରେ କାମକରି ସଫଳତା ପାଇବା ସମ୍ଭବ ଏକଥା ସେମାନେ ପ୍ରମାଣକରି ଦେଖାଇ ପାରିଛନ୍ତ, ଯାହା ଅନ୍ୟମାନଙ୍କ ଲାଗି ଦୃଷ୍ଟାନ୍ତ ସାଜିଛି। ଏହି ଦୁଇବନ୍ଧୁ ହେଲେ ଲକ୍ଷ୍ମୀଧର ନାୟକ ଓ ବୁଟୁ ନାୟକ । ଅଞ୍ଚଳବାସୀ ସେମାନଙ୍କୁ ପ୍ରଶଂସା କରି ବୁଟୁ-ଲକ୍ଷ୍ମୀ ଯୋଡି ବୋଲି କହନ୍ତି। ଉତ୍ତମ ସ୍ବଭାବ ଓ ବ୍ୟବହାର ଲାଗି ଦୁଇବନ୍ଧୁ ସହରରେ ବେଶ୍‌ ଚର୍ଚ୍ଚାରେ ରହି ଆସିଛନ୍ତି।
କେନ୍ଦୁଝର ସହର ଡେଲି ମାର୍କେଟ ନିକଟ ଅଜନ୍ତା ଗଳିରେ ରହିଛି ସେମାନଙ୍କ ଛୋଟ ଚା’ ଦୋକାନ। ଦୁଇବନ୍ଧୁ ପରସ୍ପର ବୁଝାମଣା ରଖି ଏହି ଚା’ ଦୋକାନ ଚଳାଇ ଅନେକ ସ୍ଥାୟୀ ଗ୍ରାହକ ସୃଷ୍ଟି କରି ପାରିଛନ୍ତି। ଅଧିକାଂଶ ସମୟରେ ଦୋକାନରେ ଭିଡ ଜମିଥାଏ। ଉତ୍ତମ ବ୍ୟବହାର ଓ ସାଧୁତା ସେମାନଙ୍କ ବ୍ୟାବସାୟିକ ସଫଳତାର ଚାବିକାଠି ବୋଲି କହନ୍ତି, ଲକ୍ଷ୍ମୀଧର ଓ ବୁଟୁ ।
ପାଳିକରି ଏକ ଭିନ୍ନ ଢଙ୍ଗରେ ସେମାନେ ଚା’ଦୋକାନ ଖୋଲି ପରିଚାଳନା କରିଆସୁଛନ୍ତି। ଗୋଟିଏ ସପ୍ତାହ ଜଣେ ଦାୟିତ୍ୱରେ ରହିଲେ, ଆର ସପ୍ତାହକୁ ଆଉ ଜଣେ ରହନ୍ତି। ଦାୟିତ୍ୱରେ ଥିବା ସପ୍ତାହରେ ଯାହା ରୋଜଗାର ହୁଏ, ତାକୁ ସେହି ବନ୍ଧୁ ନେଇଥାନ୍ତି। ଉତ୍ତମ ବୁଝାମଣା ଯୋଗୁ ଦୁହିଁଙ୍କ ମଧ୍ୟରେ ଏ ନେଇ କେବେ ବି ଦ୍ୱନ୍ଦ୍ୱ ଦେଖାଦେଇ ନାହିଁ । ସେମାନେ ପରସ୍ପର ସୁଖଦୁଃଖର ସାଥୀ ହୋଇ ଚଳି ଆସିଛନ୍ତି।
ଲକ୍ଷ୍ମୀଧରଙ୍କ ଘର ହରିଚନ୍ଦନପୁର ବ୍ଲକ ମିଶ୍ରମାଳ ଗ୍ରାମରେ। ୪ର୍ଥ ଶ୍ରେଣୀରୁ ପାଠପଢା ଛାଡି ସେ ଘରୁ ଚାଲିଆସି ଏଣେତେଣେ ବୁଲି ବିଭିନ୍ନ ହୋଟେଲରେ କିଛି ବର୍ଷ କାମ କରଥିଲେ। ପରେ ଆସାମ ଯାଇ ଏକ ସଂସ୍ଥାରେ ୬ ମାସ କାମ କରିଥିଲେ। ଏଠାରେ ହୋଟେଲରେ କାମ କରିବା ବେଳେ ବୁଟୁଙ୍କ ସହିତ ମିଶିଥିଲେ ଲକ୍ଷ୍ମୀଧର। ବୁଟୁଙ୍କ ଘର ମୟୂରଭଞ୍ଜ ଜିଲା ମହାଦେବଦେଉଳି ଗ୍ରାମରେ। ସେ କେନ୍ଦୁଝରର ଏକ ଲଜରେ କାମ କରୁଥିଲେ ା ଉଭୟ ଘରଛାଡି ଏଠାକୁ ଆସି ବଞ୍ଚିବା ପାଇଁ ସଂଘର୍ଷ କରୁଥିବାରୁ ସେମାନଙ୍କ ମଧ୍ୟରେ ଘନିଷ୍ଠତା ବଢିଥିଲା। ଶେଷରେ ସେମାନେ ଉଭୟ ମିଶି ଏକ ଚା’ ଦୋକାନ କରିବାକୁ ନିଷ୍ପତ୍ତିି ନେଇଥିଲେ। ସେବେଠାରୁ ଆଉ କେହି ପଛକୁ ଫେରି ଚାହିଁ ନାହାନ୍ତି।
ଲକ୍ଷ୍ମୀଧର ୮ ବର୍ଷ ହେବ ବିବାହ କରିଛନ୍ତି । ତାଙ୍କର ଗୋଟିଏ ଝିଅ ଅଛି। ବୁଟୁ ତାଙ୍କ ସ୍ତ୍ରୀ ଓ ପୁଅଙ୍କୁ ନେଇ ରହୁଛନ୍ତି। ଉଭୟ କେନ୍ଦୁଝର ସହରରେ ଏକ ଭଡାଘର ନେଇ ମିଳିମିଶି ରହୁଛନ୍ତି। ସେମାନଙ୍କ ସ୍ଥାୟୀ ଦୋକାନ ନ ଥିବାରୁ ରାସ୍ତା କଡରେ ଅସ୍ଥାୟୀ ଭାବେ ପଲା ମାରି ଚା’ ବିକିି ଆସୁଛନ୍ତିି। ରାସ୍ତା ସମ୍ପ୍ରସାରଣ ଲାଗି ସେମାନଙ୍କୁ ବାରମ୍ବାର ବିସ୍ଥାପିତ ହେବାକୁ ପଡିଛି। ଅର୍ଥାଭାବ ଯୋଗୁ ଅମାନତ ଜମା ଦେଇ ସ୍ଥାୟୀ ଦୋକାନ ଖୋଲିବାକୁ ସମର୍ଥ ହୋଇ ନାହାନ୍ତି। ମନ ମିଶିଲେ ଏବଂ ଆଗ୍ରହ ଥିଲେ ସବୁକିଛି ସମ୍ଭବ ଏବଂ ଛୋଟକାଟ୍‌ର ବ୍ୟବସାୟ କରି ପେଟପାଟଣା ପୋଷିବା ଅସମ୍ଭବ ନୁହେଁ ବୋଲି ସେମାନେ କହିଛନ୍ତି।


All Right Reserved By Dharitri.Com

ଚମ୍ପୁଆକୁ ପଶିଲେ ୪ ଝାଡ଼ଖଣ୍ଡ ହାତୀ

ଚମ୍ପୁଆ,୨ା୬(ଡି.ଏନ.ଏ)- ଦୀର୍ଘଦିନ ବ୍ୟବଧାନ ପରେ କେନ୍ଦୁଝର ଜିଲା ଚମ୍ପୁଆ ସେକ୍ସନକୁ ଝାଡ଼ଖଣ୍ଡ ହାତୀପଲ ଚାଲି ଆସିଛନ୍ତି। ଉକ୍ତ ପଲରେ ଦୁଇ ମାଈ ଓ ୨ ଅଣ୍ଡିିରା...

ରାଜ୍ୟ ସ୍କାଉଟ୍‌ ଗାଇଡ୍‌ର ମୁଖ୍ୟ ଆୟୁକ୍ତଙ୍କୁ ‘ଏସିଆ ତାରକା’ ସମ୍ମାନ

ଭୁବନେଶ୍ୱର, ୨୯ା୫(ବ୍ୟୁରୋ): ଓଡ଼ିଶା ରାଜ୍ୟ ଭାରତ ସ୍କାଉଟ୍‌ସ ଏବଂ ଗାଇଡ଼ସର ରାଜ୍ୟ ମୁଖ୍ୟ ଆୟୁକ୍ତ ତଥା ଜାତୀୟ ପରିଷଦର ଉପସଭାପତି ଡ. କାଳିପ୍ରସାଦ ମିଶ୍ରଙ୍କୁ ‘ଏସିଆ...

୫୬୮ ଏକର ଜଙ୍ଗଲ ଜମି ଗାଏବ

କଟକ ଅଫିସ, ୮।୬: ରାଜଧାନୀ ଭୁବନେଶ୍ୱରର ୫୬୮ ଏକର ଜଙ୍ଗଲ ଜମି ଗାଏବ ହୋଇଯାଇଛି। ଏହାକୁ ନେଇ ଜାତୀୟ ସବୁଜ ପ୍ରାଧିକରଣ (ଏନ୍‌ଜିଟି)ରେ ମାମଲା ରୁଜୁ...

ଦେଶର ୧୦ ଶ୍ରେଷ୍ଠ ଥାନା ତାଲିକାରେ ଓଡ଼ିଶାର ତରଭା: ଭାରତ ସରକାରଙ୍କ ଗୃହ ମନ୍ତ୍ରଣାଳୟ ପକ୍ଷରୁ ମିଳିଲା ପ୍ରମାଣପତ୍ର

ସୋନପୁର/ତରଭା,୮ା୮(ନି.ପ୍ର./ଡି.ଏନ୍‌.ଏ.): ୨୦୧୮ ସର୍ଭେ ଅନୁଯାୟୀ ଭାରତର ୧୦ ଶ୍ରେଷ୍ଠ ଥାନା ତାଲିକାରେ ସୁବର୍ଣ୍ଣପୁର ଜିଲାର ତରଭା ଥାନା ସ୍ଥାନ ପାଇଛି। ଏଥିପାଇଁ କେନ୍ଦ୍ର ଗୃହମନ୍ତ୍ରୀ ଅମିତ୍‌...

ବାନ୍ତି କଲେ ପାଟିରୁ ବାହାରୁଛି କୋଇଲା: ବଲାଙ୍ଗିର ହସ୍ପିଟାଲରେ ଭର୍ତ୍ତି ହେଲେ ୧୦ ବର୍ଷର ନାବାଳିକା

ବଲାଙ୍ଗିର ଅଫିସ,୨୪।୭: ବାନ୍ତି କଲେ ପାଟିରୁ ବାହାରୁଛି ପୋଡ଼ା କାଠର କୋଇଲା। ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳୁଛି ଖପ୍ରାଖୋଲ ବ୍ଲକ ବୁଡ଼ିବାହାଲ ଗ୍ରାମର...

ଜୟନ୍ତୀ ସମାରୋହରେ ସ୍ବଭାବ କବିଙ୍କୁ ଶ୍ରଦ୍ଧାଞ୍ଜଳି, ଏକକାଳୀନ ଅଢ଼େଇ ଲକ୍ଷ ଛାତ୍ରୀଛାତ୍ର ଗାଇଲେ ଗଙ୍ଗାଧରଙ୍କ ସଙ୍ଗୀତ

ବରଗଡ଼ ଅଫିସ, ୨୧।୮- ବରଗଡ଼ ଜିଲା ଶିକ୍ଷା ବିଭାଗ ପକ୍ଷରୁ ବୁଧବାର ଜିଲାସ୍ତରୀୟ ସ୍ବଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ସମାରୋହ ପାଳିତ ହୋଇଛି। ଏହି...

ପେଟ୍ରୋକେମ୍‌-୨୦୧୯:ଡାଉନ୍‌ଷ୍ଟ୍ରିମ୍‌ କ୍ଷେତ୍ରଗୁଡିକ ବିକାଶ ଉପରେ ଓଡ଼ିଶାର ଗୁରୁତ୍ୱ

ଭୁବନେଶ୍ୱର, ୧୫ା୯(ବ୍ୟୁରୋ)- ଓଡ଼ିଶାରେ ପୁଞ୍ଜିନିବେଶ ସକାଶେ ଗଠିତ ହୋଇଥିବା ପ୍ରତିନିଧିଗଣ କଲିକତାଠାରେ ଭାରତୀୟ ଚେମ୍ବର୍ସ ଅଫ୍‌ କମର୍ସ ତରଫରୁ ଅନୁଷ୍ଠିତ ହୋଇଥିବା ‘ଆଗାମୀ ଭବଷ୍ୟତରେ ପେଟ୍ରୋକେମିକାଲ...

୧୩ ଦିନରେ ହାଟଡ଼ିହୀ ଅଞ୍ଚଳର ୩ଜଣଙ୍କୁ ମାରିଲାଣି ହାତୀ: ଖୋଜିଖୋଜି ନାକେଦମ ହେଲାଣି ବନବିଭାଗ

ହାଟଡ଼ିହୀ,୧୯।୫(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ ଅଞ୍ଚଳରେ ୧୩ ଦିନ ମଧ୍ୟରେ ହାତୀ ଆକ୍ରମଣରେ ୩ଜଣଙ୍କ ମୃତ୍ୟୁ ଘଟିଛି। ଏହାକୁ ନେଇ ଅଞ୍ଚଳରେ ଉତ୍ତେଜନା ପ୍ରକାଶ...

Leave a comment

Your email address will not be published. Required fields are marked *