ଦିନକର କାହାଣୀ :ସଭିଏ ଲାଗନ୍ତି ଆପଣାର

ବାହାନଗା, ୧୬।୭(ଡି.ଏନ.ଏ.)-ଏକାକୀ ଚାଲିବାର ସଂକଳ୍ପ ନେଇ ଜୀବନରେ କର୍ମପ୍ରବଣତାକୁ ଆଦରି ନେଇଛନ୍ତି କାଳେନ୍ଦ୍ରୀ ମାଝି (୪୪)। ସରଳ, ସାଦାସିଧା ଓ ମେଳାପି ସ୍ବଭାବର ହୋଇଥିବାରୁ ସମସ୍ତେ ତାଙ୍କୁ ଶ୍ରଦ୍ଧାରେ ଡାକନ୍ତି କାଳି । ପର ଆପଣାର ଭାବ ନାହିଁ। ଅନ୍ୟର ଦୁଃଖସୁଖରେ ସାଥୀ ହୋଇ ଉପକାର କରିବାକୁ କେବେ ପଛାନ୍ତି ନାହିଁ। ବିବାହ ନ କରି ଏକାକୀ ଜିଇବାର ବାଟ ଖୋଜିବା ବେଳେ ଖବରକାଗଜ ଦେଇଛି ତାଙ୍କୁ ସାହାରା। ଆଜକୁ ୨୯ ବର୍ଷ ଧରି ଖବରକାଗଜ ବିକ୍ରେତା ଭାବେ କାମ କରି ନିଜ ଅଞ୍ଚଳରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ନିତିଦିନ ବିଭିନ୍ନ ଲୋକଙ୍କ ସହ ମିଶିବା, କେହି ରୋଗରେ ପଡିଥିଲେ ତାଙ୍କୁ ଡାକ୍ତରଖାନା ନେବା, ଔଷଧ କିଣି ଦେବା ଭଳି କାମ କରି ସେ ଯଥେଷ୍ଟ ଖୁସି ପାଇଥାନ୍ତି ବୋଲି କୁହନ୍ତି।
କାଳେନ୍ଦ୍ରଙ୍କ ଘର ବାଲେଶ୍ୱର ଜିଲା ବାହାନଗା ବ୍ଲ୍ଳକ ବରିପଦା ପଞ୍ଚାୟତ ଖେରଙ୍ଗ ଗ୍ରାମରେ। ପ୍ରାୟ ୧୧ବର୍ଷ ତଳେ ବାପା ଓ ପରେ ମା’ଙ୍କର ଦେହାନ୍ତ ହେବାରୁ ନିଜ ଭାଇଙ୍କ ସହ ରହିଆସୁଥିଲେ। ପୈତୃକ ସମ୍ପତ୍ତି କହିଲେ ଘର ବାଡିକୁ ଛାଡିଦେଲେ ଅନ୍ୟ କିଛି ନାହିଁ। ସେହି ଜାଗାରେ ତାଙ୍କ ଭାଇ ଘର କରି ପରିବାର ସହ ରହୁଛନ୍ତି। ସେମାନଙ୍କ ଉପରେ ବୋଝ ନ ହେବାକୁ ନିଷ୍ପତ୍ତି ନେଇ କାଳେନ୍ଦ୍ର ଜଣେ ପଡୋଶୀଙ୍କ ବାଡ଼ିପଟେ ଗୋଟିଏ ବଖରା ଘର କରି ରହୁଛନ୍ତି। ନିଜ ହାତରେ ରୋଷେଇ କରି ଖିଆପିଆ କରିଥାନ୍ତି। କେବେ କେବେ ସେ ହୋଟେଲରେ ଖାଇ ନିଅନ୍ତି। ବିବାହ ନ କରି ଏକୁଟିଆ ରହିବାକୁ ନିଷ୍ପତ୍ତି ନେବା ପରେ ସେ ଖେରଙ୍ଗ ବଜାରରେ ଏକ ସିଲେଇ ମେଶିନ ପକାଇ ଲୁଗା ସିଲେଇ କାମ ଆରମ୍ଭ କରିଥିଲେ। ସେଥିରେ ଗୁଜୁରାଣ ମେଣ୍ଟାଇବା ସମ୍ଭବ ନ ହେବାରୁ ପ୍ରତିଦିନ ଖବରକାଗଜ ବିକ୍ରି କରି ପରିବାର ଚଳାଇବାରେ ସହାୟତା କରି ଆସୁଛନ୍ତି। ଏହି ବୃତ୍ତି ତାଙ୍କୁ କରିଛି ଆମତ୍ନିର୍ଭରଶୀଳ। କାଳେନ୍ଦ୍ର କହନ୍ତି, ପ୍ରଥମେ ଜଣେ ଭାଇନାଙ୍କ ପ୍ରରୋଚନାରେ ସେ ସମୁଦ୍ରକୂଳବର୍ତ୍ତୀ ପଞ୍ଚାୟତ ଅଞ୍ଚଳରେ ୨୨ଖଣ୍ଡ ଖବରକାଗଜ ବିକ୍ରି କରିବା ଆରମ୍ଭ କରିଥିଲେ। ପରେ ଏହି ବୃତ୍ତିକୁ ସେ ବଢାଇ ପାରିଛନ୍ତି। ଲୋକଙ୍କ ପାଖରେ ଠିକ୍‌ ସମୟରେ ଖବରକାଗଜ ପହଞ୍ଚାଇବା ତାଙ୍କ ଜୀବନର ଲକ୍ଷ୍ୟ ପାଲଟିଛି। ପ୍ରତିଦିନ ଭୋର ସମୟରୁ ସେ ଘରୁ ଆସି ୬ କି.ମି. ଦୂର ଗୋପାଳପୁର ପେପର ପଏଣ୍ଟରେ ପହଞ୍ଚନ୍ତି। ସେଠାରୁ ସାଇକେଲରେ କାଗଜ ଧରି ଆଖପାଖ ଗ୍ରାମାଞ୍ଚଳକୁ ଯାଇ ଲୋକଙ୍କ ପାଖରେ ପହଞ୍ଚାଇ ଦିଅନ୍ତି। ଖରା, ବର୍ଷା, ଶୀତକାକରକୁ ଖାତିରି ନ କରି ଦୀର୍ଘ ୨୯ବର୍ଷ ଧରି ଦୂଆପୁର, କଲ୍ୟାଣୀ, ତାଳପଦା, ବରିପଦା, ଆରୁହାବାଡ଼ ଆଦି ପଞ୍ଚାୟତର ଗ୍ରାହକଙ୍କୁ ସେବା ଯୋଗାଇ ଆସୁଛନ୍ତି। ସକାଳୁ ସକାଳୁ ପେପର ପଢ଼ିବା ପାଇଁ ଅନେକ ପରିବାର ଲୋକେ ତାଙ୍କ ଆସିବା ବାଟକୁ ଅନାଇ ବସିଥାନ୍ତି। ଧରିତ୍ରୀ ତାଙ୍କର ପ୍ରିୟ କାଗଜ। ବିଭିନ୍ନ ଗ୍ରାମରେ ଏହାର ବେଶ୍‌ ଲୋକପ୍ରିୟତା ରହିଛି। ପ୍ରତିଦିନ ସନ୍ଧ୍ୟାରେ ସେ ଖେରଙ୍ଗ ବଜାରକୁ ଯାଇ ଦୋକାନୀଙ୍କଠାରୁ ଖବରକାଗଜ ବାବଦ ଟଙ୍କା ଆଦାୟ କରିଥାନ୍ତି। ସେ କହିଛନ୍ତି, ତାଙ୍କୁ ସଭିଏ ଆପଣାର ଲାଗନ୍ତି। ପ୍ରତିଦିନ ଖବରକାଗଜ ଗ୍ରାହକଙ୍କ ସମେତ ଅନ୍ୟ ପରିଚିତ ଲୋକଙ୍କୁ ଭେଟିବାରେ ନିଆରା ଆନନ୍ଦ ତାଙ୍କୁ କର୍ମପ୍ରବଣ କରିଛି। ଖବରକାଗଜ ବିତରଣ ପାଇଁ ଯିବା ବେଳେ ପାଖପଡ଼ିଶାଙ୍କ ପାଇଁ ଔଷଧ ଆଦି ସାମଗ୍ରୀ ବଜାରରୁ କିଣି ଆଣିଦିଅନ୍ତି। ସମାଜରେ ଗରିବ ଅସହାୟ ଲୋକଙ୍କୁ ସାହାଯ୍ୟ କରିବା ତାଙ୍କ ଜୀବନର ବ୍ରତ ପାଲଟିଛି।


All Right Reserved By Dharitri.Com

‘ବୁଲ୍‌ବୁଲ୍‌’ କ୍ଷତିଗ୍ରସ୍ତଙ୍କୁ ସହାୟତା ଦାବି ତେଜିଲା: ଆର୍‌ଆଇ ଅଫିସ୍‌ ସମ୍ମୁଖରେ ଭାଜପାର ଆନ୍ଦୋଳନ

ରୂପ୍‌ସା, ୧୯।୧୧(ଡି.ଏନ.ଏ.)- ବାଲେଶ୍ୱର ସଦର ବ୍ଲକ ରୂପ୍‌ସା ଆର୍‌ଆଇ ଅଫିସ ସମ୍ମୁଖରେ ଭାଜପା ପକ୍ଷରୁ ମଙ୍ଗଳବାର ଆନ୍ଦୋଳନ କରାଯାଇଛି। କସିପଦା, ରୂପ୍‌ସା, ଆଙ୍କୋ ପଞ୍ଚାୟତରେ ‘ବୁଲ୍‌ବୁଲ୍‌’...

ଭିଜିଲାନ୍ସ ଜାଲରେ କୋଟିପତି ଯନ୍ତ୍ରୀ: ୨ କୋଟିରୁ ଊର୍ଦ୍ଧ୍ୱ ଟଙ୍କାର ସମ୍ପତ୍ତି ଠାବ

ବାଲେଶ୍ୱର ଅଫିସ, ୧୮।୧୦-ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଜାଲରେ ଛନ୍ଦି ହୋଇପଡିଛନ୍ତି ବାଲେଶ୍ୱର ଜିଲା ଡ୍ରେନେଜ୍‌ ଡିଭିଜନ୍‌ର କାର୍ଯ୍ୟ ନିର୍ବାହୀଯନ୍ତ୍ରୀ ବସନ୍ତ କୁମାର...

ବରିଷ୍ଠ ନାଗରିକଙ୍କଠାରୁ ଲୁଟ୍‌

ବାରିପଦା ଅଫିସ,୬ା୬ : କିଛିଦିନ ହେବ ବାରିପଦା ସହରରେ ଲୁଟ୍‌ ୍‌ଘଟଣା ବୃଦ୍ଧି ପାଇବାରେ ଲାଗିଛି। ପୋଲିସ ପକ୍ଷରୁ ଏଥିପ୍ରତି ଗୁରୁତ୍ୱ ଦିଆଉ ନ ଥିବା...

ଅଭିନବ ଉପାୟରେ ଚେନ୍‌ ଲୁଟିନେଲେ ଦୁର୍ବୃତ୍ତ

ଭଦ୍ରକ ଅଫିସ,୧୬ା୬: ସହର ମଧ୍ୟରୁ ଅଭିନବ ଉପାୟରେ ମହିଳାଙ୍କ ବ୍ୟାଗରୁ ସୁନା ଚେନ୍‌ ଲୁଟି ନେଇଛନ୍ତି ଦୁର୍ବୃତ୍ତ। ରବିବାର ସକାଳେ ଭଦ୍ରକ ସହରର ବନ୍ତ ଛକ...

ଗୁରୁବାର ଭୋଟ ଗଣନା: କେନ୍ଦୁଝର ପ୍ରଶାସନର ପ୍ରସ୍ତୁତି ଶେଷ, କେନ୍ଦ୍ରଗୁଡ଼ିକୁ ମୋବାଇଲ ଫୋନ ମନା

କେନ୍ଦୁଝର,୨୨।୫(ସ୍ବ.ପ୍ର.): ଗୁରୁବାର ୨୦୧୯ ସାଧାରଣ ନିର୍ବାଚନକୁ ନେଇ ଭୋଟ ଗଣନା କରାଯିବ। ଏହାକୁ ନେଇ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ହୋଇଛି। ଅବଜର୍ଭର ଡ଼....

ଲଗାଣ ବର୍ଷାରେ କାନ୍ଥ ଭୁଶୁଡିଲା: ଜଣେ ମୃତ, ୨ ଗୁରୁତର

ଜଳେଶ୍ୱର, ୨୫।୧୦-ବଙ୍ଗୋପସାଗରରେ ସୃଷ୍ଟି ଲଘୁଚାପ ପ୍ରଭାବରେ ୩ ଦିନ ଧରି ସାରା ରାଜ୍ୟରେ ବର୍ଷା ଲାଗି ରହିଛି। ବାଲେଶ୍ୱର ଜିଲା ଜଳେଶ୍ୱର ବ୍ଲକ ରାଇବଣିଆ ଥାନା...

୩୨ଗ୍ରାମ୍‌ ବ୍ରାଉନ୍‌ସୁଗାର ଜବତ, ଅଭିଯୁକ୍ତ ଗିରଫ

ନୀଳଗିରି, ୫।୮(ଡି.ଏନ.ଏ.)-କଟକ କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗ ତଥା ନୀଳଗିରି ଅବକାରୀ ବିଭାଗ ପକ୍ଷରୁ ସ୍ଥାନୀୟ ସହରର ଘାଟଘରସାହି ଗାଁର ମୁନା ନାଥ(୩୨)ଙ୍କ ଘରେ ଚଢ଼ାଉ...

ସଡ଼କ ଦୁର୍ଘଟଣାରେ ଯୁବ ଚିତ୍ରଶିଳ୍ପୀଙ୍କ ମୃତ୍ୟୁ: ପ୍ରତିବାଦରେ ରାସ୍ତାରୋକୋ

ବାଲେଶ୍ୱର ଅଫିସ/ରେମୁଣା, ୧୨।୧୦(ଡି.ଏନ.ଏ.)-ବାଲେଶ୍ୱର-ରେମୁଣା ରାସ୍ତାର ଗୋଲେଇ ଛକସ୍ଥିତ ଷ୍ଟେଟବ୍ୟାଙ୍କ ସମ୍ମୁଖରେ ଶନିବାର ଅପରାହ୍ନ ସମୟରେ ଏକ ସଡକ ଦୁର୍ଘଟଣା ଘଟି ଘଟଣାସ୍ଥଳରେ ଯୁବ ଚିତ୍ରଶିଳ୍ପୀ ଦେବେନ୍ଦ୍ର...

Leave a comment

Your email address will not be published. Required fields are marked *