ନିଯୁକ୍ତି ଆଳରେ ଯୁବତୀଯୁବକଙ୍କୁ ଠକୁଛି ଟ୍ରଷ୍ଟ

ମାଲକାନଗିରି,୧।୫ (ଡି.ଏନ୍‌.ଏ.): ମାଲକାନଗିରି ଜିଲାରେ ପ୍ରତି ଗ୍ରାମରେ ବିଦ୍ୟାଳୟ ଖୋଲି ଛାତ୍ରୀଛାତ୍ରଙ୍କୁ ଶିକ୍ଷା ଦେବାପାଇଁ ସ୍ବାମୀ ବିବେକାନନ୍ଦ ଚାରିଟେବୁଲ ଟ୍ରଷ୍ଟ ନାମକ ଏକ ସଂସ୍ଥା ଖୋଲିଛି। ଏହି ସଂସ୍ଥା ଚାକିରି ପ୍ରଲୋଭନ ଦେଖାଇ ଅର୍ଥ ଆଦାୟ କରୁଥିବା ଅଭିଯୋଗ ହୋଇଛି। ସଂସ୍ଥାର ମୁଖ୍ୟ କାର୍ଯ୍ୟାଳୟ ଦିଲ୍ଲୀରେ ରହିଥିବା ବେଳେ ଭୁବନେଶ୍ୱର ଓ ମାଲକାନଗିରି ଜିଲାରେ କାର୍ଯ୍ୟାଳୟ ରହିଥିବା କୁହାଯାଉଥିଲେ ମଧ୍ୟ ଏହା କେଉଁଠି ଅଛି ଏବଂ ଏହାର ଠିକଣା ଦର୍ଶାଯାଇନାହିଁ। ଯୋଗାଯୋଗ ପାଇଁ ମଧ୍ୟ କୌଣସି ଫୋନ ନମ୍ବର ନାହିଁ। ମାଲକାନଗିରି ଜିଲାରେ ଏହି ସଂସ୍ଥାର କେତେକ ବ୍ୟକ୍ତି ଗ୍ରାମ ଗ୍ରାମ ବୁଲି ପ୍ରତ୍ୟେକ ଗ୍ରାମର ଜଣେ ମାଟ୍ରିକ ପାସ କରିଥିବା ଝିଅ କିମ୍ବା ପୁଅକୁ ମାସିକ ୩୫୦୦ ଟଙ୍କା ଦରମା ପ୍ରଦାନ କରାଯିବ, ସେମାନେ ଏହି ଟ୍ରଷ୍ଟ ତରଫରୁ ସେହି ଗ୍ରାମର ପିଲାମାନଙ୍କୁ ପାଠ ପଢାଇବେ। ସେହି ପଞ୍ଚାୟତରେ ୭ହଜାର ଟଙ୍କା ଦରମାରେ ଜଣକୁ ସୁପରଭାଇଜର ଚାକିରି ମିଳିବ ବୋଲି ପ୍ରଲୋଭନ ଦେଖାଉଛନ୍ତି। ତେବେ ଏଥିପାଇଁ ଶିକ୍ଷକଙ୍କୁ ୧୫୦୦ ଟଙ୍କା ଏବଂ ସୁପରଭାଇଜରଙ୍କୁ ୩ ହଜାର ଟଙ୍କା ଦେବାକୁ ପଡିବ ବୋଲି କହି ଅନେକ ଯୁବତୀଯୁବକଙ୍କ ଠାରୁ ଅର୍ଥ ଆଦାୟ କରାଯାଉଥିବା ଗୋରାଖୁଣ୍ଟା ସରପଞ୍ଚ ଏରା ପଡିଆମି ଏବଂ ଏମ୍‌.ଭି.-୨୦ ଗ୍ରାମର ସୁବାସ ବାନାର୍ଜୀ ଅଭିଯୋଗ କରିଛନ୍ତି। ଏମ୍‌.ଭି.-୨୦ ଗ୍ରାମର ସୁଜିତ କୁମାର ବାନାର୍ଜୀଙ୍କୁ ମିଳିଥିବା ନିଯୁକ୍ତିପତ୍ରରେ ଏହି ସଂସ୍ଥା ୧୩ଟି ସର୍ତ୍ତ ରଖିଛି। ସତ୍ତର୍ର୍ରେ ମାସିକ ୭୫୦୦ ଟଙ୍କା ଦରମାରେ ୨୦ ବର୍ଷ ଚାକିରି କରିବାକୁ ବାଧ୍ୟବାଧ୍ୟକତା ରଖାଯାଇଛି। ସ୍ବାମୀ ବିବେକାନନ୍ଦଙ୍କ ନାମରେ ଦିଲ୍ଲୀରେ ଟ୍ରଷ୍ଟ କରି ମାଲକାନଗିରି ପରି ଆଦିବାସୀ ଅଧ୍ୟୁଷିତ ଜିଲାରେ ନିଯୁକ୍ତି ଦେବା ଆଳରେ ବେକାର ଯୁବତୀଯୁବକଙ୍କଠାରୁ ଅର୍ଥ ଆଦାୟ ନେଇ ଏହି ସଂସ୍ଥା ଉପରେ ଏବେ ସନ୍ଦେହ ସୃଷ୍ଟି ହୋଇଛି। ଏ ସମ୍ପର୍କରେ ଜିଲା ଶିକ୍ଷା ଅଧିକାରୀ ରମେଶ ଚନ୍ଦ୍ର ସେଠୀଙ୍କୁ ପଚାରିବାରୁ ସେ କହିଛନ୍ତି ଯେ, ଏପରି କୌଣସି ସଂସ୍ଥା ଜିଲାରେ ଯୁବତୀ ଯୁବକଙ୍କୁ ନିଯୁକ୍ତି ଦେବା ଲାଗି ଅର୍ଥ ଆଦାୟ କରି ପ୍ରତି ଗ୍ରାମରେ ବିଦ୍ୟାଳୟ ଖୋଲି ଶିକ୍ଷା ପ୍ରଦାନ କରିବା ନେଇ ମୋଠାରୁ ଅନୁମତି ନେଇନାହାନ୍ତି। ଯଦି ଏପରି କୌଣସି ସଂସ୍ଥା ଲୋକଙ୍କୁ ଠକୁଥାଏ ତେବେ ଏହି ସଂସ୍ଥା ବିରୋଧରେ ସମ୍ପୃକ୍ତ ଯୁବତୀଯୁବକମାନେ ନ୍ୟାୟାଳୟର ଆଶ୍ରୟ ନେଇପାରିବେ ବୋଲି ସେ କହିଛନ୍ତି।  ଏ ସମ୍ପର୍କରେ ଦିଲୀ ସଂସ୍ଥାର କର୍ମକର୍ତ୍ତାଙ୍କ ସହ ଯୋଗାଯୋଗ କରିବା ପାଇଁ ଚେଷ୍ଟା କରାଯାଇଥିଲେ ମଧ୍ୟ ତାଙ୍କର କୌଣସି ଫୋନ ମ୍ବର ନଥିବାରୁ ତାହା ସମ୍ଭବ ହୋଇ ନଥିଲା । ସୂଚନାଯୋଗ୍ୟ ଯେ, ମାଲକାନଗିରି ଜିଲାରେ ନକଲି ଜାଲ ନୋଟ ଛପା, ନକଲି ମାଟ୍ରିକ ଓ ଯୁକ୍ତ୨ ସାର୍ଟିଫିକେଟ୍‌ ଏବଂ ନକଲି ନିଯୁକ୍ତିପତ୍ର ଦେଇ ଅନେକ ବ୍ୟକ୍ତି ଧରା ପଡି ଗିରଫ ହୋଇଛନ୍ତି। ସେସବୁ ମାମଲା ଏବେ କୋର୍ଟରେ ବିଚାରାଧୀନ ରହିଛି।


All Right Reserved By Dharitri.Com

ମଦ ପିଇବାକୁ ଟଙ୍କା ନ ଦେବାରୁ ଆକ୍ରମଣ : ମା,ଝିଅ ଗୁରୁତର

ରାୟଗଡ଼ା ଅଫିସ,୧୦ା୮: ମଦ ପିଇବାକୁ ଟଙ୍କା ନ ଦେବାରୁ ଶନିବାର ରାୟଗଡ଼ା ସହରର ବ୍ୟାଙ୍କ କଲୋନୀଠାରେ ଜଣେ ବ୍ୟକ୍ତି ନିଜ ସ୍ତ୍ରୀ ଓ ଝିଅକୁ ଛୁରିରେ...

ପଟ୍ଟାଙ୍ଗିରେ ବିଜେଡିର ପ୍ରୀତମ ପାଢ଼ୀ ଆଗୁଆ

କୋରାପୁଟ,୨୩ା୫(ସ୍ବ.ପ୍ର.): ପଟ୍ଟାଙ୍ଗି ବିଧାନସଭା ଆସନରେ ୩ଟି ଗଣତି ସୁଦ୍ଧା ବିଜେଡି ଆଗୁଆ ରହିଛି। ବିଜେଡିର ପ୍ରୀତମ ପାଢ଼ୀ ପ୍ରଥମ ରାଉଣ୍ଡରେ ୨୦୯୭, ଦ୍ୱିତୀୟ ରାଉଣ୍ଡରେ ୪୫୬୩...

ଗର୍ଭବତୀ ନାବାଳିକାର ଆତ୍ମହତ୍ୟା ଉଦ୍ୟମ

ଉମରକୋଟ,୩୦।୧(ଡି.ଏନ.ଏ.)-ନବରଙ୍ଗପୁର ଜିଲା ଉମରକୋଟ ବ୍ଲକରେ ଜଣେ ନାବାଳିକା ବଳାତ୍କାରର ଶିକାର ହୋଇ ଗର୍ଭବତୀ ହେବା ପରେ ଲୋକଲଜା ଭୟରେ ବିଷ ଖାଇ ଗୁରୁବାର ଆତ୍ମହତ୍ୟା ଉଦ୍ୟମ...

ପରିତ୍ୟକ୍ତ ହୋଇପଡିଛି ସୀତାସାଗର: କୂଳ ପାଲଟିଛି ଅସାମାଜିକଙ୍କ ଆଡ୍ଡାସ୍ଥଳୀ

ପାରଳାଖେମୁଣ୍ଡି,୨୨।୪ (ସ୍ବ.ପ୍ର.)-  ଗଜପତି ଜିଲା ସଦର ମହକୁମା ପାରଳାଖେମୁଣ୍ଡିସ୍ଥିତ ଐତିହାସିକ ସୀତାସାଗର ପୋଖରୀ ଏବେ ପରିତ୍ୟକ୍ତ ଅବସ୍ଥାରେ ପଡିଛି। ଏହାର କୂଳ ଏବେ ଅସାମାଜିକ ଲୋକଙ୍କ...

ଜୀବନ ଜୀବିକାକୁ ନେଇ ଅସହାୟ ଯୋଗୀ

ପାରଳାଖେମୁଣ୍ଡି,୧୯।୫(ସ୍ବ.ପ୍ର.): ଗୋଟିଏ ପଟେ ଗୋଡ଼ ହରାଇଥିବା ସ୍ତ୍ରୀ, ଅନ୍ୟପଟେ ଜନ୍ମରୁ ଦୃଷ୍ଟିହୀନ ଝିଅ। ଏହି ଦୁଇଜଣଙ୍କୁ ନେଇ ବଡ଼ କଷ୍ଟରେ ଦିନ କାଟୁଛନ୍ତି ଯୋଗୀ। ଆର୍ଥତ୍କ...

୩ ସନ୍ତାନ ଥିବାରୁ କାନାକୋଟ ସରପଞ୍ଚଙ୍କ ପଦବୀ ଅସିଦ୍ଧ

ନବରଙ୍ଗପୁର,୩ା୧(ବି.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକ ଅଧୀନ କାନାକୋଟ ପଞ୍ଚାୟତ ସରପଞ୍ଚ ଜଗ ଭତରାଙ୍କ ୩ଟି ସନ୍ତାନ ଥିବାରୁ ତାଙ୍କ ପଦବୀକୁ ଜିଲାପାଳ ତଥା ଜିଲା...

କୃଷିଋଣ ଆଳରେ ବ୍ୟାଙ୍କ ଦେଉନି ମଜୁରି ଟଙ୍କା

ଜୟପୁର,୧।୫(ଡି.ଏନ୍‌.ଏ.): ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଏନ୍‌ଆର୍‌ଇଜିଏସ୍‌) ରେ ମଜୁରୀ ଟଙ୍କା ବାବଦକୁ ଜମା ହୋଇଥିବା ରାଶି ବ୍ୟାଙ୍କଠାରୁ ପାଇପାରୁ...

ଗୁଣିଗାରେଡି ସନ୍ଦେହରେ ଜଣଙ୍କୁ ହତ୍ୟା: ପୋଲିସ ଗିରଫରେ ୩ ଅଭିଯୁକ୍ତ, ଜଣେ ଫେରାର; ପ୍ରମାଣ ନଷ୍ଟ କରିବାକୁ ନିକଟସ୍ଥ ଜଙ୍ଗଲରେ ପୋଡିଥିଲେ ମୃତଦେହ

ଏମ୍‌ଭି-୭୯/କାଲିମେଳା,୨୭।୮(ଡି.ଏନ.ଏ.): ଜଣେ ବୃଦ୍ଧଙ୍କୁ ହତ୍ୟା କରାଯିବାର ୨୨ ଦିନ ପରେ ଘଟଣା ଉପରୁ ପରଦା ଉଠିଛି। ଗୁଣିଗାରେଡି ସନ୍ଦେହରୁ ହତ୍ୟାକାଣ୍ଡ ହୋଇଥିବା ବେଳେ ଅଭିଯୁକ୍ତମାନେ ପ୍ରମାଣ...

Leave a comment

Your email address will not be published. Required fields are marked *