Posted inଖେଳ

ବାଉଣ୍ଡାରିି ନିୟମକୁ ସମାଲୋଚନା

ନୂଆଦିଲ୍ଲୀ, ୧୫ା୭ (ପି.ଟି.)-ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ଆଇସିସି ବିଶ୍ୱକପ୍‌ ମ୍ୟାଚର ଯେପରି ରୋମାଞ୍ଚକ ପରିସମାପ୍ତି ଘଟିଲା, ସେନେଇ କ୍ରିକେଟ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଐତିହାସିକ ଲଡର୍‌ସ ଗ୍ରାଉଣ୍ଡରେ ରବିିବାର ଖେଳାଯାଇଥିବା ଏହି ମ୍ୟାଚ ଟାଇ ରହିବା ପରେ ସୁପର ଓଭରର ସହାୟତା ନିଆଯାଇଥିଲା। ମାତ୍ର ତାହା ମଧ୍ୟ ଟାଇ ରହିଥିଲା। ଫଳରେ ଇଣ୍ଟରନ୍ୟାଶନାଲ କ୍ରିକେଟ କାଉନ୍‌ସିଲ (ଆଇସିସି)ର ନିୟମାନୁସାରେ ଅଧିକ ବାଉଣ୍ଡାରିି ମାରିଥିବା ଦଳ ଇଂଲଣ୍ଡ ବିଜୟୀ ବିବେଚିତ ହୋଇଥିଲା। ଇଂଲଣ୍ଡ ୨୨ଚୌକା ଓ ୨ ଛକା ଲଗାଇଥିବାବେଳେ ନ୍ୟୁଜିଲାଣ୍ଡର ବାଉଣ୍ଡାରି ସଂଖ୍ୟା ୧୬ ରହିଥିଲା। ଏହି ନିୟମକୁ ବହୁ ଅତୀତ ଓ ବର୍ତ୍ତମାନର ବହୁ କ୍ରିକେଟର ନାପସନ୍ଦ କରିଛନ୍ତି। କ୍ରିକେଟର କିଛି ନିୟମ ରହିଛି ଯାହାର ପରିବର୍ତ୍ତନ ଆବଶ୍ୟକ ବୋଲି ଟୁର୍ନାମେଣ୍ଟର ଟପ୍‌ ସ୍କୋରର ରୋହିତ ଶର୍ମା କହିଛନ୍ତି। ରୋହିତ ୬୪୮ରନ ସ୍କୋର କରିଥିଲେ। ଏଥିରେ ତାଙ୍କର ୫ ଶତକ ସାମିଲ ଥିଲା। ଲିଗ୍‌ ପର୍ଯ୍ୟାୟରେ ଭାରତ ପଏଣ୍ଟ ଟେବୁଲର ଶୀର୍ଷରେ ରହିଥିଲେ ମଧ୍ୟ ସେମିଫାଇନାଲରୁ ବିଦାୟ ନେଇଥିଲା। କ୍ରିକେଟରେ କେତେକ ନିୟମ ରହିଛି, ଯାହାର ପରିବର୍ତ୍ତନ ଆବଶ୍ୟକ ବୋଲି ରୋହିତ କହିଛନ୍ତି। ପୂର୍ବତନ ଭାରତୀୟ ଓପନର ତଥା ବର୍ତ୍ତମାନର ପାର୍ଲାମେଣ୍ଟରିଆନ ଗୌତମ ଗମ୍ଭୀର ଆଇସିସିର ଏହି ନିୟମକୁ ହସ୍ୟାସ୍ପଦ ବୋଲି କହିଛନ୍ତି। ମ୍ୟାଚ ଟାଇ ହେବା ପରେ କେଉଁ ଭିତ୍ତିରେ ଅଧିକ ବାଉଣ୍ଡାରିି ମାରିଥିବା ଦଳକୁ ବିଜୟୀ ଘୋଷଣାର ବ୍ୟବସ୍ଥା ରହିଛି ତାହାର ହିସାବ ମୁଁ ପାଉନାହିଁ। ତେବେ ଫାଇନାଲରେ ଇଂଲଣ୍ଡ ଓ ନ୍ୟୁଜିଲାଣ୍ଡ ପ୍ରଦର୍ଶନକୁ ନେଇ ଉଭୟ ଦଳକୁ ବଧେଇ ଜଣାଉଛି। ଗମ୍ଭୀରଙ୍କ ପୂର୍ବତନ ଟିମ୍‌ମେଟ୍‌ ଯୁବରାଜ ସିଂ କହିଛନ୍ତି, ଯଦିଓ ମୁଁ ଏହି ନିୟମର ସପକ୍ଷରେ ନାହିଁ। କିନ୍ତୁ ନିୟମ ହେଉଛି ନିୟମ। ବିଶ୍ୱକପ୍‌ ଜିତିିଥିବାରୁ ମୁଁ ଇଂଲଣ୍ଡକୁ ଅଭିନନ୍ଦନ ଜଣାଉଛି। କିନ୍ତୁ ନ୍ୟୁଜିଲାଣ୍ଡର ପ୍ରଦର୍ଶନ ହୃଦୟସ୍ପର୍ଶୀ ଥିଲା। ନ୍ୟୁଜିଲାଣ୍ଡର ପୂର୍ବତନ ଅଲରାଉଣ୍ଡର ସ୍କଟ ଷ୍ଟାଇରିସ ଆଇସିସିକୁ ଏକ ‘ଜୋକ’୍‌ ବୋଲି ଅଭିହିତ କରିଛନ୍ତି। ଭାରତୀୟ ସ୍ପିନ କିମ୍ବଦନ୍ତୀ ବିଶେନ ସିଂ ବେଦୀ ମଧ୍ୟ ଆଇସିସି ନିୟମକୁ କଟୁ ସମାଲୋଚନା କରିଛନ୍ତି। ଆଇସିସି ନିୟମ ଇଂଲଣ୍ଡକୁ ବିଶ୍ୱକପ୍‌ ଜିତାଇବାରେ ସହାୟକ ହେଲା। ମୋ ମତରେ ଉଭୟ ଦଳକୁ ଯୁଗ୍ମ ବିଜେତା ଘୋଷଣା କରାଯାଇଥିଲେ ଭଲ ହୋଇଥାନ୍ତା। ଅଷ୍ଟ୍ରେଲିଆର ପୂର୍ବତନ ବ୍ୟାଟ୍ସମ୍ୟାନ ଡିନ୍‌ ଜୋନ୍ସ ତାଙ୍କ ଟ୍ବିଟର ପେଜ୍‌ରେ କହିଛନ୍ତି, ଡିଏଲ ସିଷ୍ଟମ ପ୍ରକୃତରେ ରନ ଏବଂ ଉଇକେଟ ପତନ ଭିତ୍ତିରେ ପର୍ଯ୍ୟବେଶିତ। କିନ୍ତୁ ଟାଇ ଭାବେ ଶେଷ ହୋଇଥିବା ଏକ ମ୍ୟାଚର ଫଳାଫଳ ବାଉଣ୍ଡାରି ହିଟ୍‌ ଭିତ୍ତିରେ ନିରୂପଣ କରାଯିବା ଯଥାର୍ଥ ନୁହେଁ।
ସୁପର ଓଭରରେ ଇଂଲଣ୍ଡ ପ୍ରଥମେ ବ୍ୟାଟିଂ କରିଥିଲା। ବେନ ଷ୍ଟୋକ୍ସ ଏବଂ ଜୋସ୍‌ ବଟଲର ଦଳ ପାଇଁ ୧୫ ରନ ସ୍କୋର କରିଥିଲେ। ଜବାବରେ ନ୍ୟୁଜିଲାଣ୍ଡ ଏକ ଉଇକେଟ ବିନିମୟରେ ସମାନ ସ୍କୋର କରିଥିଲା। ଇଂଲଣ୍ଡ ମ୍ୟାଚରେ ଅଧିକ ବାଉଣ୍ଡାରିି ମାରିଥିବାରୁ ବିଜୟୀ ବିବେଚିତ ହୋଇଥିଲା। ଅଷ୍ଟ୍ରେଲିଆର ପୂର୍ବତନ ପେସ୍‌ ବୋଲର ବ୍ରେଟ୍‌ ଲି’ ନିୟମର ପରିବର୍ତ୍ତନ ଲୋଡା ବୋଲିି କହିଛନ୍ତି। ଟାଇ ମ୍ୟାଚର ବିଜେତା ଯେଉଁ ଭିତ୍ତିରେ ଘୋଷଣା କରାଗଲା ତାହା ଅତ୍ୟନ୍ତ ସଂଘାତିକ। ନ୍ୟୁଜିଲାଣ୍ଡର ପୂର୍ବତନ କ୍ରିକେଟର ମାନେ ମଧ୍ୟ ସେମାନଙ୍କ ଅସନ୍ତୋଷ ଜାହରି କରିଛନ୍ତି। ନିୟମକୁ ଅଯୌକ୍ତିକ ଏବଂ ଦୁର୍ଭାଗ୍ୟଜନକ ବୋଲି କହିଛନ୍ତି। ନ୍ୟୁଜିଲାଣ୍ଡର ପୂର୍ବତନ ଅଲରାଉଣ୍ଡର ଡିଅନ୍‌ ନାଶ କହିଛନ୍ତି ବର୍ତ୍ତମାନ ଏହି ନିୟମକୁ ବିରୋଧ କରି ହେବ ନାହିଁ। କାରଣ ଟୁର୍ନାମେଣ୍ଟ ପୂର୍ବରୁ ଏହି ନିୟମ ତିଆରି ହୋଇଛି। ଏହି ନିୟମ ଯେଉଁମାନେ ପ୍ରସ୍ତୁତ କରିଛନ୍ତି ସେମାନେ ଏନେଇ ମତାମତ ଲୋଡିବାର ଆବଶ୍ୟକତା ଥିଲା। ଅତୀତରେ ଯେଉଁ ନିୟମ ପ୍ରଚଳିତ ହୋଇ ଆସୁଥିଲା, ତଦନୁସାରେ ମ୍ୟାଚ ଯଦି ଟଇ ରୁହେ ତେବେ ତୁଳନାତ୍ମକ ଭାବେ କମ୍‌ ଉଇକେଟ ହରାଇଥିବା ଦଳକୁ ବିଜେତା ଘୋଷଣା କରାଯାଉଥିଲା। ଏହି ନିୟମର ଅବା କାହିଁକି ପରିବର୍ତ୍ତନ କରାଗଲା। ୨୦୧୫ ବିଶ୍ୱକପ୍‌ ଫାଇନାଲିଷ୍ଟ ନ୍ୟୁଜିଲାଣ୍ଡ ଦଳର ଅନ୍ୟତମ ସଦସ୍ୟ କାଇଲ ମିଲ୍ସ ମଧ୍ୟ ସମାନ ମତ ଦେଇଛନ୍ତି। ସେ କହିଛନ୍ତି, ଏହା ଦୁର୍ଭାଗ୍ୟଜନକ ବିଷୟ ଯେ, ଆମେ ନିୟମ ବିରୋଧରେ ଅଭିଯୋଗ କରିପାରିବା ନାହିଁ।


All Right Reserved By Dharitri.Com

Posted inଖେଳ View All

ଫିଚର ଫର୍ମୁଲା-୩ ରେସ୍‌ ଜିତିଲେ ଦାରୁବାଲା

ଲି କ୍ୟସ୍‌ଲେଟ୍‌ (ଫ୍ରାନ୍ସ), ୨୨ା୬ (ପି.ଟି.): ଭାରତର ଭବିଷ୍ୟତ ଫର୍ମୁଲା-୧ ଡ୍ରାଇଭର ବୋଲି କୁହାଯାଉଥିବା ଜେହାନ ଦାରୁବାଲା ଏଫ୍‌ଆଇଏ ଫର୍ମୁଲା-୩ ଚାମ୍ପିୟନଶିପ୍‌ରେ ଦ୍ୱିତୀୟ ଥର ଟାଇଟଲ...

ଅନ୍ତିମ ଟେଷ୍ଟରେ ରୋହିତଙ୍କ ଶତକ : ବର୍ଷା, ଖରାପ ଆଲୋକ ଯୋଗୁ ଖେଳ ବାଧାପ୍ରାପ୍ତ

ରାଞ୍ଚି,୧୯।୧୦(ପି.ଟି.):  ସ୍ଥାନୀୟ ଝାଡଖଣ୍ଡ ଷ୍ଟେଟ୍‌ କ୍ରିକେଟ ଆସୋସିଏଶନ ଷ୍ଟାଡିୟମ କମ୍ପେକ୍ସରେ ଶନିବାରଠାରୁ ଭାରତ ଓ ଭ୍ରମଣକାରୀ ଦକ୍ଷିଣ ଆଫ୍ରିକା ମଧ୍ୟରେ ତୃତୀୟ ତଥା ଅନ୍ତିମ ଟେଷ୍ଟ...

୩ ଖେଳାଳିଙ୍କୁ ବାସନ୍ଦ କଲା ଏଆଇଏଫ୍‌ଏଫ୍‌

ନୂଆଦିଲ୍ଲୀ, ୨୫।୧୧ (ପି.ଟି.)- ଅଲ୍‌ ଇଣ୍ଡିଆ ଫୁଟ୍‌ବଲ ଫେଡେରେଶନ (ଏଆଇଏଫ୍‌ଏଫ୍‌) ଶନିବାର ୩ ଖେଳାଳିଙ୍କୁ ବାସନ୍ଦ କରିଛି। ସେମାନେ ହେଲେ ଇଣ୍ଡିଆନ ସୁପର୍‌ ଲିଗ୍‌ (ଆଇଏସ୍‌ଏଲ୍‌)...

ଫୁଟ୍‌ବଲରୁ ରୋବେନଙ୍କ ଅବସର

ଦି ହେଗ୍‌ (ନେଦରଲାଣ୍ଡ୍ସ), ୫।୭ (ଏଏଫ୍‌ପି)- ନେଦରଲାଣ୍ଡ୍ସ ଫୁଟ୍‌ବଲ ଷ୍ଟାର୍‌ ଆର୍ଜେନ ରୋବେନ ଗୁରୁବାର ସମସ୍ତ ପ୍ରକାର ଫୁଟ୍‌ବଲରୁ ଅବସର ଘୋଷଣା କରିଛନ୍ତି। ଏଥିପୂର୍ବରୁ ୨୦୧୮...

ବିଶ୍ୱରେ କେଉଁ ସ୍ଥାନରେ କରିଛନ୍ତି ଶତକ, ତାହା ଦେଖାଇବା ପାଇଁ ଦେହରେ ବିଶ୍ୱ ମ୍ୟାପ ଟାଟୁ

ଅନ୍ତର୍ଜାତୀୟ କ୍ରିକେଟରେ ନିଜ ସଫଳତାକୁ ସର୍ବଦା ମନେ ରଖିବା ପାଇଁ ଦେହରେ ବିଶ୍ୱ ମ୍ୟାପ୍‌ ଟାଟୁ କରିଛନ୍ତି ଇଂଲଣ୍ଡର ପୂର୍ବତନ ଷ୍ଟାଇଲିସ୍‌ ବ୍ୟାଟ୍ସମ୍ୟାନ କେଭିନ ପିଟରସନ।...

‘ଇନିଂସ ଓପନ୍‌ ପାଇଁ ନିବେଦନ କରିବାକୁ ପଡ଼ିଥିଲା’

ନୂଆଦିଲ୍ଲୀ, ୨୭।୯ (ପି.ଟି.)- ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ବିଶ୍ୱ କ୍ରିକେଟ୍‌ର ସବୁଠାରୁ ମହାନ୍‌ ବ୍ୟାଟ୍ସମ୍ୟାନ ଭାବେ ବିବେଚନା କରାଯାଏ। ମଧ୍ୟକ୍ରମରୁ ଜଣେ ଦକ୍ଷ ଓପନର୍‌...

ଆର୍ମି ଟ୍ରେନିଂ ସାରି ଏବେ ଏହି କାମରେ ଧୋନୀ

ନୂଆଦିଲ୍ଲୀ, ୨୨।୮:ଓ୍ବେଷ୍ଟଇଣ୍ଡିଜ୍‌ ଗସ୍ତରୁ ବିଶ୍ରାମ ନେଇ ଭାରତୀୟ ସେନାରେ ଯୋଗଦେଇଥିଲେ ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ। ଏହିସମୟ ମଧ୍ୟରେ ସେ ଟେରିଟୋରିଆଲ...

ଜାତୀୟ ସିନିୟର ଭଲିବଲ୍‌: ଓଡ଼ିଶାର ବିଜୟଧାରା ରୋକିଲା ଛତିଶଗଡ଼

ଭୁବନେଶ୍ୱର, ୨୯।୧୨ (ସ୍ପୋଟର୍‌ସ ବ୍ୟୁରୋ) – ଓଡ଼ିଶା ଭଲିବଲ୍‌ ଆସୋସିଏଶନ ଆନୁକୂଲ୍ୟରେ କିଟ୍‌ ଇନ୍‌ଡୋର ହଲ୍‌ରେ ଚାଲିଥିବା ଜାତୀୟ ସିନିୟର ଭଲିବଲ୍‌ (ମହିଳା ଓ ପୁରୁଷ)...

Leave a comment

Your email address will not be published. Required fields are marked *