ଆଧୁନିକତା ଭିତରେ ହଜି ଯାଉଛେ ଶଗଡ଼ ଗାଡ଼ି

ଭବାନୀପାଟଣା,୧୫ା୭ (ଡି.ଏନ୍‌.ଏ.): ଆଧୁନିକତାର ଛାପ୍‌ରେ ଆମର ସଂସ୍କୃତି, ପରମ୍ପରାରେ ଅନେକ ପରିବରତନ ଦେଖ୍‌ବାକେ ମିଲୁଛେ। ଆଘ ଲୋକ୍‌ କୃଷି କାଯ୍‌ରେ ନଂଗଲ, ଶଗଡ଼ ଗାଡ଼ିର ବଡ଼ଭାରି ବେଭାର କରୁଥିଲେ। ହେଲେ ଆଧୁନିକ୍‌ ଯନ୍ତ୍ରପାତି ଆଏଲାଦିନୁ କୃଷି କାଯ୍‌ରେ ଖେତ୍‌ ଜୁତା, କାଦୋକରା, ଖତ୍‌ ବୁହା, ଧାନ୍‌ ଦୁହାରିବାରର ଲାଗି ଟ୍ରାକ୍ଟରର ବେଭାର ହେଉଛେ। ଆଘୋ ଚାଷୀ ଇ ସବୁ କାମ୍‌କାଯ୍‌ ଲାଗି ଶଗଡ଼ ଗାଡ଼ିର ବେଭାର କରୁଥିଲେ। ସେନ୍‌ତା ଲୋକ୍‌ କେହେନ୍‌ସି ସାମାନ ନେବାର ଆନ୍‌ବାର, ଝାର ଜଂଗ୍‌ଲୁ କାଠ୍‌ଖୁଁଠ୍‌, ବାଉଁଶ ଦୁହାରିବାର ଲାଗି ହଲଗାଡ଼ି(ଶଗଡ଼)ର ବେଭାର କରୁଥିଲେ। ଆଘ ଗାଡ଼ିମଟର, ରାସ୍‌ତାଘାଟ ଅଭାବୁ ଲୋକ୍‌ ଦୁରିଆ ଗାଁଗଁଡ଼ା ଗଲେ ହଲଗାଡ଼ିଥି ଘୂରନି ଖଁଜି ବସବାର ଜାଗାଥି ପୁଆଲ ପାରି ଉପରେ ମସନା, କଁଥା ପକେଇ ବସିକରି ଯାଉଥିଲେ। ସେନ୍‌ତା ବିହାବରପନରେ ବି ଶଗଡ଼ ଗାଡ଼ି ଲୁକ୍‌କର ଗୁଟେନ ଯିବାର ଆଏବାର ଜରିଆ ଥିଲା। ବିହା ଉତାରୁ ଭୁଆସେନ୍‌କେ ଶାଶ୍‌ ଘରକେ ବଟାବାର ଲାଗି ଘୂରନି ଖଁଜା ଶଗଡ଼ ଗାଡ଼ିକେ ସଜା ଯାଉଥିଲା। ଶଗଡ଼ଥି ଫଁଦା ଯାଉଥିବାର ବଲଦ୍‌ମାନକୁ ବି ବେଁକେ ଘଁଟି ଲଗା ଘାଗରା, ସିଂଘେ ଲାଲ୍‌ ଫିତା ବଁାଧି ସଜଉଥିଲେ। ଯେତେବେଲେ ଇ ହଲଗାଡ଼ି ଗଁାଖୁଲି କି କେନ୍‌ ରାସ୍‌ତା ଦେଇ ଯାଉଥିଲା ଲୋକ୍‌ କାବାଛାଡ଼ନୁ ଦେଖୁଥିଲେ। ବଲଦ୍‌କର ଦମ୍‌ଦମ୍‌ ଚାଲିକେ ଘଁଟି ଆର ଶଗଡ଼ ଗାଡ଼ିର କେଁକଟର ଶବଦ୍‌ ଚାଲ୍‌ତି ଲୁକ୍‌କର ମନ୍‌ ଘିନି ନେଉଥିଲା। ହେଲେ ଆଏଜକାଲି ଜଲସେଚିତ ଅଂଲରେ ଶଗଡ଼ ଗାଡ଼ିର ଭେଲି ବୁଡ଼ିଗଲାବେଲେ କଁା ଭଁା ଗାଁଗଁଡ଼ାରେ ହାତ୍‌ଗନ୍‌ତି ଶଗଡ଼ ଦେଖ୍‌ବାକେ ମିଲୁଛେ। ସେନ୍‌ତା କଳାହାଣ୍ଡି ଜିଲା ପାହାଡ଼ ଜଂଗଲ ଘେରା ଗୁଟେ ଆଦିବାସୀ ବହୁଲ ଜିଲା ହେଇଥିଲାବେଲେ ଇଠାନେ ଆଗରୁ ରାସ୍‌ତାଘାଟର ବଡ଼ଭାରି ଅସ୍‌ବିଧା ରହିଥିଲା। ଯେନ୍‌ଥିରଲାଗି ଜିଲାର ସବୁ ଗାଁଗଁଡ଼ାଥି ମାଲ ମାଲ ଶଗଡ଼ ଦେଖ୍‌ବାକେ ମିଲୁଥିଲା। ହେଲେ ଗାଡ଼ିମଟର, ଯନ୍ତ୍ରପାତିର ବେଭାର ଲାଗି ସମାଜରୁ ଶଗଡ଼ ଉଭି ଯିବାକେ ବସଲାନ। ସେନ୍‌ତା କଡ଼ାକଡ଼ି ଜଂଗଲ ଆଇନ୍‌ ଲାଗି ଗଛ୍‌ଖୁଁଟ ଅଭାବୁ ଚାଷୀ ଆର ଶଗଡ଼ ଗାଡ଼ି ବି ନାଇଁ ତିଆରିବାର। ହୁଏତ ବଛର କେତେଟା ଭିତରେ ଆମର ସମାଜରୁ ଶଗଡ଼ ଗାଡ଼ି ଉଭିଯିବା ଆର ଆମର ଆଗଲାପିଢ଼ି ଶଗଡ଼ ବାବ୍‌ଦେ ବହିଥି ଫଟୋ ଦେଖି ପାଠ୍‌ ପଢ଼ବେ। ଇ ବାବ୍‌ଦେ ଭବାନୀପାଟଣା ବ୍ଲକ ରିଷିଗଁାର ଚାଷୀ ଶାନ୍ତନୁ କୁମାର ବେହେରାକୁଁ ପଚରାଲାରୁ ଶଗଡ଼ ଗାଡ଼ି ଏହେଦେ ଇତିହାସ ହେଇଗଲାନ। ଅତୀତରେ ଆମର ଜୀବନ୍‌ ଜୀବ୍‌କା ସଂଗେ ଯୁଡ଼ି ହେଇ ରହିଥିଲା। ଇ ଯନ୍ତ୍ରପାତି ଯୁଗରେ ଶଗଡ଼ଟା ଲୁକ୍‌କର ଲାଗି ଅଦରକାରୀ ପାଲଟିଯାଇଛେ। ଆଘ ଗାଁଗଁଡ଼ା ଯିବାରନୁ ମୂଲ କରି ଝି’ବଟାବାର ତକ୍‌ ସବୁଥି ଶଗଡ଼ ଗାଡ଼ି ଖୁଜାପଡ଼ୁଥିଲା। ସେନ୍‌ତା ଭବାନୀପାଟଣା ବ୍ଲକ ବାନ୍ଦୋପଲା ଗାଁର ଆରଝନେ ଚାଷୀ ବଟକୃଷ୍ଣ ଠାକୁରକୁଁ ପଚରାଲାରୁ ଆଘ ଚାଷ୍‌ବାସ ଆରମ୍‌ରୁ ଶେଷ୍‌ ତକ୍‌ ଶଗଡ଼ ଆର ବଲଦ୍‌ମାନକର ବେଭାର ହେଉଥିଲା। ହେଲେ ଟ୍ରାକ୍ଟର ଆର ଭିନେ ଭିନେ କୃଷି ଯନ୍ତ୍ରପାତି ଆଏଲା ଦିନୁ ହଲଗାଡ଼ି, ବଲଦ୍‌ର ଦରକାର ନାଇଁପଡ଼ବାର। ଚାଷୀ ଟ୍ରାକ୍ଟରରେ କମ୍‌ ସମିଆରେ ଅଧ୍‌କା କାମ୍‌ କରିପାରୁଛେ। ସେଥିରଲାଗି ଶଗଡ଼ ଗାଡ଼ି ଅଦରକାରୀ ହେବାର ସଂଗେ ସମାଜରୁ ବି ଉଭି ଯିବାକେ ବସଲାନ ବଲି ସେ କହିଥିଲେ।


All Right Reserved By Dharitri.Com

ହାତ ଟେକି ଦେଇଛନ୍ତି ସରକାରୀ କର୍ମଚାରୀ

ବାମରା, ୨୯।୩ (ଡି.ଏନ.ଏ.) କରୋନାକୁ ନେଇ କେନ୍ଦ୍ର ଓ ରାଜ୍ୟ ସରକାର ଲୋକଙ୍କ ପାଇଁ ବିଭିନ୍ନ ପ୍ୟାକେଜ ଓ ସୁବିଧା ଘୋଷଣା କରଛନ୍ତି। ହେଲେ କରୋନାରୁ...

ମୁହାଁମୁହିଁ ଧକ୍କା ହୋଇ ଜଳିଗଲା ଗ୍ୟାସ୍‌ ଟ୍ୟାଙ୍କର-କୋଇଲା ବୋଝେଇ ଟ୍ରକ୍‌: ୨ ଡ୍ରାଇଭର ଜୀବନ୍ତ ଦଗ୍ଧ

ସମ୍ବଲପୁର,୧୪।୧୨(ବ୍ୟୁରୋ): ସମ୍ବଲପୁର-ଅନୁଗୋଳ ଜାତୀୟ ରାଜପଥ ୫୫ନଂ. ଯୁଯୁମୁରା ଥାନା ଛକ ନିକଟରେ ଶନିବାର ଭୋର ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଏଲ୍‌ପିଜି...

ଜୁନାଗଡରେ ବିର୍ସାମୁଣ୍ଡାଙ୍କ ବଳିଦାନ ଦିବସ ପାଳିତ

ଜୁନାଗଡ,୯।୬(ଡି.ଏନ.ଏ.):କଳାହାଣ୍ଡି ଜିଲା ଜୁନାଗଡ ସହର କଲ୍ୟାଣ ମଣ୍ଡପଠାରେ ରବିବାର ସ୍ବାଧୀନତା ସଂଗ୍ରାମୀ ଶହୀଦ ବିର୍ସାମୁଣ୍ଡାଙ୍କ ବଳିଦାନ ଦିବସ ମହାସମାରୋହରେ ପାଳିତ ହୋଇଯାଇଛି। ମୂଳନିବାସୀ ସମତା ପରିଷଦ...

ଶିକ୍ଷକ ସମସ୍ୟା ନେଇ ସ୍କୁଲରେ ତାଲା ପକାଇଲେ ଗ୍ରାମବାସୀ : ନିର୍ଭର ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହୃତ

ଜମନକିରା,୬।୧୧(ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ ବଡ଼ରମା ପଞ୍ଚାୟତ ଷଣ୍ଢପଥର ସରକାରୀ (ଏସ୍‌ଏସ୍‌ଡି) ହାଇସ୍କୁଲର ଶିକ୍ଷକ ସମସ୍ୟା ନେଇ ବୁଧବାର ପୂର୍ବ ନିର୍ଦ୍ଧାରିତ ନିଷ୍ପତ୍ତି ଅନୁଯାୟୀ...

ସରକାରୀ ଯୋଜନା ଦିଗହରା: ଭଙ୍ଗା କୁଡ଼ିଆରେ ବିତୁଛି ଦୃଷ୍ଟିହୀନ ଦମ୍ପତି ଚୈତନ୍ୟ-ଅଞ୍ଜନାଙ୍କ ଜୀବନ, ଆଦରିଛନ୍ତି ଭିକ୍ଷାବୃତ୍ତି

ଭବାନୀପାଟଣା, ୧୨।୭(ଡି.ଏନ୍‌.ଏ.): ପ୍ରତି ଗରିବ ପରିବାରକୁ ପକ୍କା ଘର ଯୋଗାଇ ଦେବା ଲାଗି ସରକାରଙ୍କ ପକ୍ଷରୁ ଏକାଧିକ ଯୋଜନା କାମ କରୁଛି। ହେଲେ ପ୍ରକୃତ ହିତାଧିକାରୀଙ୍କ...

ଲୋପ୍‌ ପାଉଛେ ଯଁତାର ବେଭାର:ଦିହିପା ସମସିଆରେ ଛଁଦି ହେଉଛନ୍‌ ମହିଲା

ଲାଠୋର, ୧୨ା୬ (ଡି.ଏନ୍‌.ଏ): ଆଜିର ମୁନୁଷ ନିଜକେ ଆଧୁନିକତା ଭିତରେ ହଜେଇ ଦେଇଛେ। ଯୁଗର ସଂଗେ ତାଲ ଦେଇ ଆଗ୍‌କେ ବଢ଼ୁଛେ। ନିଜର ସୁଖ୍‌ ସୁବିଧାର...

ମଉଲିକ ସୁବିଧାରୁ ବଁଚିତ ଗାଁବାସୀ: ଗାଁକେ ରାସ୍‌ତା ହେଲେ ବିକାଶ ଆପେ ହେବା

ଜାମଟିକ୍ରା, ୧୭।୪ (ଡି.ଏନ.ଏ):  କେହେନ୍‌ସି ଗାଁର ବିକାଶ କଥା ଚିନ୍‌ତା  କଲେ ସରକାର ପହେଲା ସେ ଗଁାକେ ରାସ୍‌ତାଘାଟର ସୁବିଧା କରସନ୍‌। ରାସ୍‌ତାଘାଟ, ବିଜଲି, ପିଇଲା...

ହାଇକୋର୍ଟ ସ୍ଥାୟୀ ବେଞ୍ଚ ଦାବିରେ ପାଟଣାଗଡ଼ ଓକିଲ ସଂଘର କାର୍ଯ୍ୟବନ୍ଦ ଆନ୍ଦୋଳନ

ପାଟଣାଗଡ଼,୨୧।୬ (ଡି.ଏନ୍‌.ଏ.): ବଲାଙ୍ଗୀରଠାରେ ହାଇକୋର୍ଟ ସ୍ଥାୟୀ ବେଞ୍ଚ ପୁନଃ ସ୍ଥାପନକୁ ନେଇ ଶୁକ୍ରବାରଠାରୁ ଆଗାମୀ ୩୦ ତାରିଖ ପର୍ଯ୍ୟନ୍ତ ପାଟଣାଗଡ଼ ଓକିଲ ସଂଘ ପକ୍ଷରୁ କାର୍ଯ୍ୟବନ୍ଦ...

Leave a comment

Your email address will not be published. Required fields are marked *