ନୟାଗଡ଼ ବ୍ଲକରେ ଉଦ୍ୟାନ ବିଭାଗର କେଳେଙ୍କାରୀ : ନଡ଼ିଆ ଚାଷରେ ହେରଫେର ଅଭିଯୋଗ

ନୟାଗଡ଼ ଅଫିସ,୧୫।୭: ନୟାଗଡ଼ ଉଦ୍ୟାନ ବିଭାଗର ନଡ଼ିଆ ଚାରା ପ୍ରଦାନରେ କେଳେଙ୍କାରୀ ସାମ୍ନାକୁ ଆସିଛି। ଅଧିକାରୀ ଓ କର୍ମଚାରୀମାନେ ଚାଷୀଙ୍କୁ ଭକୁଆ ବନାଇ ଶହ ଶହ ନଡ଼ିଆ ଚାରା ହେରଫେର କରିଥିବା ଅଭିଯୋଗ ହେଉଛି। ବିଭାଗ ପକ୍ଷରୁ ଦିଆଯାଇଥିବା ତଥ୍ୟର ସ୍ଥିତି ଅନୁଧ୍ୟାନ କରିବା ପରେ ଏହିଭଳି ଅନିୟମିତତା ସାମ୍ନାକୁ ଆସିଛି। ଫଳରେ ଯେଉଁ ଲକ୍ଷ୍ୟ ନେଇ ଚାଷୀମାନଙ୍କୁ ନଡ଼ିଆ ଚାରା ପ୍ରଦାନ କରାଯାଇଥିଲା ତାହା ପୂରଣ ହୋଇପାରିନାହିଁ।
ଯେ,ଚାଷୀମାନଙ୍କୁ ଆର୍ଥିକ ସ୍ବଚ୍ଛଳ କରିବା ଲକ୍ଷ୍ୟରେ ଉଦ୍ୟାନ ବିଭାଗ ପକ୍ଷରୁ ନଡ଼ିଆ ଚାରା ଦିଆଯିବା ସହ ଗଛରେ ସାର ପିଡ଼ିଆ ପାଇଁ ସବ୍‌ସିଡି ପ୍ରଦାନ କରାଯାଇଥାଏ। ଏହି ଟଙ୍କାରେ ଚାଷୀ ଗଛ ଲଗାଇ ତାହାକୁ ଯତ୍ନ କରି ଫଳ ଫଳିଲେ ବିକି କରି ଲାଭବାନ ହେବ । ଉଦ୍ୟାନ ବିଭାଗ ପକ୍ଷରୁ ଚାଷୀମାନଙ୍କୁ ହେକ୍ଟର ପିଛା ସର୍ବାଧିକ ୧୭୫ଟି ନଡ଼ିଆ ଚାରା ପ୍ରଦାନ କରାଯାଇଥାଏ। ଗୋଟିଏ ନଡ଼ିଆ ଗଛ ପିଛା ଚାଷୀ ପ୍ରଥମେ ୫୦ଟଙ୍କା ଦାଖଲ କରି ଚାରା ଆଣିଥାଏ। ଏହା ପରେ ଗଛର ଯତ୍ନ ନେବା ଲାଗି ସାର ବାବଦକୁ ଦୁଇ ବର୍ଷରେ ଗୋଟିଏ ଚାରା ପିଛା ୧୩୬ ଟଙ୍କା ସବ୍‌ସିଡି ଆକାରରେ ଚାଷୀଙ୍କ ବ୍ୟାଙ୍କ୍‌ ଆକାଉଣ୍ଟକୁ ଟଙ୍କା ଆସିଥାଏ। ଜିଲାରେ ୪ ବର୍ଷରେ ଦିଆଯାଇଥିବା ବିଭିନ୍ନ ନଡ଼ିଆ ଚାରାରୁ ଅର୍ଦ୍ଧାଧିକ ଗଛର ପତ୍ତା ମିଳୁନାହିଁ। ଫଳରେ ଏହି ଚାରା କୁଆଡ଼େ ଗଲା ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
୮ ବ୍ଲକରୁ ପ୍ରଥମେ ନୟାଗଡ଼ ବ୍ଲକର ରିପୋର୍ଟ ଅନୁଯାୟୀ ଉକ୍ତ ବ୍ଲକରେ ୨୦୧୫-୧୬ ଆର୍ଥିକ ବର୍ଷରେ ୨୮ ଜଣ ଚାଷୀଙ୍କୁ ୨୧୦୦ ଚାରା ବଣ୍ଟନ କରାଯାଇଥିଲା। ସେହିଭଳି ୨୦୧୬-୧୭ରେ ୧୫ ଜଣ ଚାଷୀଙ୍କୁ ୧୦୫୦ ଚାରା, ୨୦୧୭-୧୮ରେ ୧୦ ଜଣ ଚାଷୀଙ୍କୁ ୭୩୫ ଓ ୨୦୧୮-୧୯ରେ ୭ ଜଣ ଚାଷୀଙ୍କୁ ୮୭୫ ଚାରା ପ୍ରଦାନ କରାଯାଇଛି। ୪ ବର୍ଷରେ ୬୦ ଜଣ ଚାଷୀଙ୍କୁ ୪୭୬୦ ନଡ଼ିଆ ଚାରା ବଣ୍ଟନ କରାଯାଇଥିବା ନେଇ ବିଭାଗ ପକ୍ଷରୁ ଦର୍ଶାଯାଇଥିଲେ ମଧ୍ୟ ବାସ୍ତବତା ଭିନ୍ନ। ଜଣେ ଜଣେ ଚାଷୀଙ୍କ ନାମକୁ ଦୁଇ ଥର ପକାଯାଇ ତାଙ୍କୁ କିଛି ଚାରା ଦିଆଯାଇଥିବା ବେଳେ ଅନ୍ୟ ସବୁ ଚାରାକୁ ଗଳା ବାଟରେ ଗିଳି ଦିଆଯାଇଛି। ପ୍ରଦାନ କରାଯାଇଥିବା ୪୭୬୦ ଚାରା ଗଛରୁ ଅଧା ବଞ୍ଚତ୍ ନ ଥିବା ମଧ୍ୟ ଜଣାପଡ଼ିଛି। ନୟାଗଡ଼ ବ୍ଲକ ଭାଟସାହି ପଞ୍ଚାୟତ ବାରପଲ୍ଲା ଗ୍ରାମର ନୀଳମଣି ନାୟକଙ୍କୁ ୨୦୧୫-୧୬ ବର୍ଷରେ ବିଭାଗ ପକ୍ଷରୁ ତାଙ୍କୁ ୧୪୦ଟି ନଡ଼ିଆ ଚାରା ପ୍ରଦାନ କରାଯାଇଥିବା ନେଇ ଦର୍ଶାଯାଇଛି। ସେହିଭଳି ଉକ୍ତ ଗ୍ରାମର ଜୟନ୍ତୀ ନାୟକଙ୍କୁ ୨୦୧୬-୧୭ ବର୍ଷରେ ୯୧ ଚାରା ଦିଆଯାଇଥିବା ଦର୍ଶାଯାଇଛି। ହେଲେ ବାସ୍ତବରେ ସ୍ଥିତି ଭିନ୍ନ। ୨୦୧୬-୧୭ ବର୍ଷରେ ଉଭୟଙ୍କୁ ୧୪୦ ଚାରା ପ୍ରଦାନ କରାଯାଇଥିବା ସେମାନେ ପ୍ରକାଶ କରିଛନ୍ତି। ଅବଶିଷ୍ଟ ୯୧ଟି ଚାରା କର୍ମଚାରୀମାନେ ହେରଫେର କରିଥିବା ନେଇ ଆଲୋଚନା ହେଉଛି। ସବୁଠାରୁ ଆଶ୍ଚର୍ଯ୍ୟର କଥା ହେଉଛି ୧୪୦ଟି ଗଛରୁ ବର୍ତ୍ତମାନ ବଞ୍ଚତ୍ଛି ମାତ୍ର ୧୪। କେନ୍ଦୁଢ଼ିପି ପଞ୍ଚାୟତ କେନ୍ଦୁଢ଼ିପି ଗ୍ରାମର ବସନ୍ତ କୁମାର ବେହେରା ୨୦୧୬-୧୭ ବର୍ଷରେ ୯୧, ୨୦୧୮ – ୧୯ ବର୍ଷରେ ୧୭୫ ଓ ତାଙ୍କ ସ୍ତ୍ରୀ ମଞ୍ଜୁଲତା ବେହେରାଙ୍କ ନାମରେ ୨୦୧୮-୧୯ ବର୍ଷରେ ୧୦୫, ଏହିଭଳି ମୋଟ ୩୭୧ ଚାରା ପ୍ରଦାନ କରାଯାଇଥିବା ନେଇ ବିଭାଗ ପକ୍ଷରୁ ଦର୍ଶାଯାଇଛି। ହେଲେ ବାସ୍ତବରେ ତାଙ୍କୁ ୨୮୦ ଚାରା ମିଳିଛି। ଅବଶିଷ୍ଟ ୯୧କଥା ସେମାନେ ଜାଣି ନ ଥିବା ପ୍ରକାଶ କରିଛନ୍ତି। ସେହିଭଳି ଉକ୍ତ ଗ୍ରାମର ଜଣେ ବ୍ୟକ୍ତିଙ୍କ ନାମରେ ୨୦୧୫-୧୬ ମସିହାରେ ୧୪୦ ଚାରା ପ୍ରଦାନ କରାଯାଇଥିବା ନେଇ ବିଭାଗ ପକ୍ଷରୁ ଦର୍ଶାଯାଇଥିଲେ ମଧ୍ୟ ଗଛର ପତ୍ତା ମିଳୁନାହିଁ। ନାଟୁଗାଁ ପଞ୍ଚାୟତ ନାଟୁଗାଁ ଗ୍ରାମର ଦିଲ୍ଲୀପ କୁମାର ଉଦୟଭାନୁଙ୍କୁ ୨୦୧୫-୧୬ରେ ୭୦ ଓ ୨୦୧୭-୧୮ରେ ୩୫ ଏହିଭଳି ୧୦୫ଟି ଗଛ ଦିଆଯାଇଥିବା ନେଇ ଦର୍ଶାଯାଇଥିଲେ ମଧ୍ୟ ତାଙ୍କୁ ମାତ୍ର ୩୫ ଗଛ ମିଳିଥିବା ସେ ପ୍ରକାଶ କରିଛନ୍ତି। ଅବଶିଷ୍ଟ ଗଛ କଥା ଜାଣି ନ ଥିବା ସେ କହିଛନ୍ତି। ୩୫ ଗଛରୁ ମାତ୍ର ୮ ଗଛ ବଞ୍ଚତ୍ଛି। ଏହିଭଳି ସ୍ଥିତି ବିଭିନ୍ନ ସ୍ଥାନରେ । ଏ ନେଇ ନୟାଗଡ଼ ଉପଉଦ୍ୟାନ ନିର୍ଦ୍ଦେଶକ (ଡିଡିଏଚ) ଧରଣୀଧର ପାତ୍ରଙ୍କୁ ପଚାରିବାରୁ ସେ କୁହନ୍ତି, ଚାଷୀମାନେ ଯତ୍ନ ନ ନେବାରୁ ନଡ଼ିଆ ଗଛ ମରିଯାଇଥିବ। କିଛି ବ୍ୟକ୍ତିଙ୍କ ନାମରେ ଅଧିକା ଗଛ ଦର୍ଶାଯାଇଥିବା ବେଳେ କମ୍‌ ଗଛ ପ୍ରଦାନ କରାଯାଇଥିବା ବିଷୟରେ ପଚାରିବାରୁ ସେ କହିଥିଲେ ଏଭଳି ହୋଇ ନ ଥିବ, ଚାଷୀମାନେ ଟଙ୍କା ଦେଇ ଗଛ କିଣି ନିଅନ୍ତି, ଯଦି କିଛି ତ୍ରୁଟି ହୋଇଥିବ ତାହା ତଦନ୍ତ କରାଯିବ । ଏହାର ଉପଯୁକ୍ତ ତଦନ୍ତ କରାଗଲେ ସତ ସାମ୍ନାକୁ ଆସିବ ବୋଲି ଚାଷୀ ମହଲରେ ଦାବି ହେଉଛି।


All Right Reserved By

ପାଟକୁରା ନିର୍ବାଚନ Live Updates: ୧୪ ରାଉଣ୍ଡ ସୁଦ୍ଧା ବିଜେଡି ୧୭,୩୩୪ ଭୋଟରେ ଆଗୁଆ

କେନ୍ଦ୍ରାପଡ଼ା ଅଫିସ, ୨୪।୭: ପାଟକୁରା ବିଧାନସଭା ଆସନ ଲାଗି ଭୋଟ ଗଣତି ଚାଲୁରହିଛି। ୧୪ ରାଉଣ୍ଡ ସୁଦ୍ଧା ବିଜେଡି ୧୭,୩୩୪ ଖଣ୍ଡ ଭୋଟରେ ଆଗୁଆ ରହିଛି।...

ମତଦାନ ଉପରେ ପ୍ରଭାବ ପକାଇପାରେ ସ୍ଥାନୀୟ ସମସ୍ୟା

ପୁରୀ ଅଫିସ,୧୭ା୪: ପୁରୀ ଲୋକ ସଭା ଏବଂ ଏହା ଅଧୀନ ବିଧାନସଭା ନିର୍ବାଚନମଣ୍ଡଳୀଗୁଡ଼ିକରେ ଆସନ୍ତା ୨୩ ତାରିଖରେ ମତଦାନ ହେବ। ଆଉ ଅଳ୍ପଦିନ ମଧ୍ୟରେ କିଭଳି...

ଗୋଡ଼ାଇ ଗୋଡ଼ାଇ ହାଣିଲେ, ଯୁବକ ଗୁରୁତର

ବୋଲଗଡ଼,୨୨।୭(ଡି.ଏନ୍‌.ଏ.): ବୋଲଗଡ଼ ଥାନା ବାଙ୍କୋଇ ଫାଣ୍ଡି ସାନକୁମାରୀ ମଙ୍ଗଳା ମନ୍ଦିର ନିକଟରେ ରବିବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ସାନକୁୁମାରୀ ଗ୍ରାମର ଗଣେଷ...

ରଜରେ ଭୁଟାନ ଲଟେରି ମାୟା

ନାଉଗାଁ,୧୬ା୬(ସ୍ବ.ପ୍ର.): ଓଡ଼ିଶାର ପାରମ୍ପରିକ ଗଣପର୍ବ ରଜରେ ସମସ୍ତେ ଦୋଳି ଖେଳଠାରୁ ଆରମ୍ଭ କରି ପୁଚି, କବାଡି, ଲୁଡୁ ଆଦି ବିଭିନ୍ନ ପ୍ରକାର ଖେଳକୁଦର ମଜା ନେଉଛନ୍ତି।...

୧୧ କେଭି ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଲାଇନ୍‌ ମ୍ୟାନ୍‌ ମୃତ

ଆଳି,୨୩।୭(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ଆଳି ଅଞ୍ଚଳରେ ମଙ୍ଗଳବାର ଅପରାହ୍ନରେ ୧୧ କେଭି ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଜଣେ ଲାଇନ୍‌ ମ୍ୟାନ୍‌ଙ୍କ ମୃତ୍ୟୁ ଘଟିଛି। ସେ...

ଯୁକକଙ୍କ ସନ୍ଦେହଜନକ ମୃତ୍ୟୁ: ଥାନାରେ ମାଡ଼ ମରାଯାଇଥିବା ଚର୍ଚ୍ଚା, ଦୋଷ ଝାଡ଼ୁଛି ପୋଲିସ

ନାଉଗାଁ, ୩।୭(ସ୍ବ.ପ୍ର.): ଜଗତ୍‌ସିଂହପୁର ଜିଲା ନାଉଗାଁ ବ୍ଲକ ଅନ୍ତର୍ଗତ ନାଉଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଜଣେ ଯୁବକଙ୍କ ବୁଧବାର ସକାଳେ ସନ୍ଦେହଜନକ ଭାବେ ମୃତ୍ୟୁ ଘଟିଛି। ସେ...

ଚାନ୍ଦପୁର ଗଡ଼ା ନିକଟରେ ଦୁର୍ଘଟଣା: ଅଟୋକୁ ଧକ୍କା ଦେଲା ସଫାରି; ୨ ମୃତ, ୪ ଗୁରୁତର

ରାହାମା,୨୧ା୫(ଡି.ଏନ.ଏ.): କଟକ-ପାରାଦୀପ ରୋଡ୍‌ର କୁଜଙ୍ଗ ଥାନା ଅନ୍ତର୍ଗତ ପଙ୍କପାଳ ପଞ୍ଚାୟତ ଚାନ୍ଦପୁର ଗଡ଼ାଠାରେ ମଙ୍ଗଳବାର ଅପରାହ୍ନ ୫ଟାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ...

ବିଧାୟିକା ହେବା ପରେ ବରୀ ବ୍ଲକ ଅଧ୍ୟକ୍ଷା ପଦରୁ ସୁନନ୍ଦା ଦାସଙ୍କ ଇସ୍ତଫା

ବରୀ,୨୮ା୫(ସ୍ବ.ପ୍ର.)- ବରୀ ବିଧାୟିକା ଭାବେ ନିର୍ବାଚିତ ହେବା ପରେ ସୁନନ୍ଦା ଦାସ ମଙ୍ଗଳବାର ବ୍ଲକ ଅଧ୍ୟକ୍ଷା ପଦବୀରୁ ଇସ୍ତଫା ଦେଇଛନ୍ତି। ଭୁବନେଶ୍ୱରସ୍ଥିତ ପ୍ରଦର୍ଶନୀ ପଡ଼ିଆରେ ବୁଧବାର...

selfi corner

Model This Week

Why Dharitri

Leave a comment

Your email address will not be published. Required fields are marked *