ବକ୍ସିଂରେ ଗୌରବ ବଢ଼ାଉଛନ୍ତି ଦୁଇଭଉଣୀ

ବଡ଼ଗାଁ, ୧ା୫ (ଡି.ଏନ.ଏ)- ଦୁଇ ଭଉଣୀ ସୁଭଦ୍ରା ସିଂ ଓ ଯାଜ୍ଞସେନୀ। ସରକାର ଓ ପ୍ରଶାସନର ସହଯୋଗ ନ ଥିବା ଓ ଆର୍ଥିକ ଅଭାବ ସତ୍ତ୍ବେ ବକ୍ସିଂରେ ସଫଳତା ପାଇଁ ଉଦ୍ୟମ ଜାରି ରଖିଛନ୍ତି। ବକ୍ସିଂରେ ଗୌରବ ବଢାଇ ଚାଲିଛନ୍ତି ଏହି ଦୁଇ ଭଉଣୀ। ୨୦୧୧ରେ ମା’ଙ୍କ ମୃତ୍ୟୁ ପରେ ବାପା ଅନ୍ୟତ୍ର  ଚାଲିଗଲେ। ଆଉ ଫେରିଲେ ନାହିଁ। ଏକ ପ୍ରକାର ଅସହାୟ ହୋଇପଡିଲେ ଦୁଇ ଭଉଣୀ। ପୂର୍ବରୁ ବିବାହ କରିଥିବା ବଡ଼ଭଉଣୀଙ୍କ ଶାଶୁ ଘର ଗାଁ ପାଖାପାଖି ଶଙ୍କରା ଗ୍ରାମକୁ ଯାଇ ଭଡା ଘରେ ରହିଲେ ଦୁଇ ଭଉଣୀ। ବିବାହିତା ବଡ ଭଉଣୀଙ୍କ କିଛିଟା ସାହାଯ୍ୟ ସହଯୋଗରେ ପାଠପଢ଼ିଲେ। ଏହି ସମୟରେ ସୁନ୍ଦରଗଡ଼ର ଯୁବ ବକ୍ସିଂ କୋଚ ରୂପକ କୁମାର ପ୍ରସାଦଙ୍କ ସହିତ ସାକ୍ଷାତ ହୋଇଥିଲା। ଉଭୟ ଭଉଣୀ କୋଚ ପ୍ରସାଦଙ୍କ ତତ୍ତ୍ବାବଧାନରେ ଆରମ୍ଭ କରିଥିଲେ ତାଲିମ। ସେହି ସମୟରୁ ଗୋଟିଏ ପରେ ଗୋଟିଏ କୃତୀତ୍ୱ ଅର୍ଜନ କରିଚାଲିଛନ୍ତି ସୁନ୍ଦରଗଡ଼ ଜିଲା ବଡ଼ଗାଁ ବ୍ଲକ ଅନ୍ତର୍ଗତ ମୁଣ୍ଡାଗାଁ ଗ୍ରାମର ସୁଭଦ୍ରା ଓ ଯାଜ୍ଞସେନୀ। ୨୦୧୨ରେ ସୁଭଦ୍ରା କିର୍ଞ୍ଜିିର୍ମା କଲେଜ ଓ ଯାଜ୍ଞସେନୀ ଭେଡାବାହାଲ କଲେଜରେ ନାମ ଲେଖାଇଥିଲେ। କିର୍ଞ୍ଜିିର୍ମା  କଲେଜରେ ଛାତ୍ରୀମାନଙ୍କୁ ବକ୍ସିଂ ତାଲିମ ଦେବାକୁ କୋଚ ପ୍ରସାଦ ଯାଇଥିଲା ବେଳେ ସୁଭଦ୍ରାଙ୍କ ସହିତ ସାକ୍ଷାତ ହୋଇଥିଲା। ସୁଭଦ୍ରାଙ୍କ ପ୍ରବଳ ଇଚ୍ଛା, ଆଗ୍ରହ ଦେଖିବା ସହ ଗରିବ ପରିବାରରୁ ଆସି ଏଠାରେ ରହୁଥିବା ଜାଣିବା ପରେ କୋଚ ତାଙ୍କୁ ସହଯୋଗର ହାତ ବଢ଼ାଇଥିଲେ। ଆଉ ଖୁବ କମ ସମୟ ମଧ୍ୟରେ ସୁଭଦ୍ରା ତାଙ୍କ ଦକ୍ଷତାର ପ୍ରମାଣ ଦେଇଥିଲେ। ଜିଲା ଓ ରାଜ୍ୟ ସ୍ତରୀୟ ପ୍ରତିଯୋଗିତାରେ ଉନ୍ନୀତ ହୋଇ ୨୦୧୫ରେ ପ୍ରଥମ କରି ବକ୍ସିଂ ଫେଡ଼େରେସନ ଅଫ ଇଣ୍ଡିଆ (ବିଏଫ୍‌ଆଇ) ପକ୍ଷରୁ ଆସାମରେ ଆୟୋଜିତ ଜାତୀୟସ୍ତର ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ୨୦୧୭ ଜାନୁୟାରୀରେ ପଞ୍ଜାବ ଏବଂ ନଭେମ୍ବରରେ ଚଣ୍ଡିଗଡ଼ରେ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାତୀୟ  ସ୍ତରୀୟ ପ୍ରତିଯୋଗିତାରେ ଭାଗ ନେଇଥିଲେ। ୨୦୧୮ରେ ବିଏଫ୍‌ଆଇ ତରଫରୁ ହରିୟାଣାରେ ଜାତୀୟସ୍ତରର ପ୍ରତିଯୋଗିତାରେ  ବକ୍ସିଂ ଅଫ ଦି ଡେ ସମ୍ମାନରେ ସମ୍ମାନିତ ହୋଇଥିଲେ। ୨୦୧୯ରେ ରାଜସ୍ଥାନରେ ଆୟୋଜିତ ଜାତୀୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ରାଜ୍ୟସ୍ତରୀୟ ପ୍ରତିଯୋଗିତାରେ ସ୍ବର୍ଣ୍ଣ ପଦକ ପାଇଥିବା ଓ ୫ଥର ଜାତୀୟସ୍ତରକୁ ଖେଳିବାର ସୁଯୋଗ ପାଇଥିଲେ ସୁଭଦ୍ରା। ତାଙ୍କ ଭଉଣୀ ୨୦୧୮ରେ ଚଣ୍ଡିଗଡ, ୨୦୧୯ରେ ରାଜସ୍ଥାନରେ ଆୟୋଜିତ ଜାତୀୟସ୍ତରୀୟ ପ୍ରତିଯୋଗିତାରେ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଖେଳିଛନ୍ତି। ୨୦୧୭ରୁ ସୁନ୍ଦରଗଡ ଆର୍‌.କେ ସ୍ପୋଟ୍ସ ଏକାଡେମୀ ଏବଂ ଜନସେବା ସମିତି ଯୋଗିମାଲ ଅନୁକୂଲ୍ୟରେ ଜିଲା କ୍ରୀଡା ସଂସଦ ସହଯୋଗରେ ତାଲିମ ଜାରି ରଖିଛନ୍ତି। କିଞ୍ଜିର୍ମା ଡିଗ୍ରୀ କଲେଜ ଅଧ୍ୟକ୍ଷ ଓ ସୁନ୍ଦରଗଡ଼ର ନିରଜ ଅଗ୍ରୱାଲ ଆର୍ଥିକ ସହଯୋଗ ଦେଉଛନ୍ତି। ଖେଳାଳିଙ୍କ ଖଣି କୁହାଯାଉଥିବା ସୁନ୍ଦରଗଡର ଏହି ଦୁଇ ଭଉଣୀଙ୍କ ପ୍ରତି ଜିଲା ପ୍ରଶାସନ, ରାଜ୍ୟ ସରକାର କିମ୍ବା ରାଜନୈତିକ ବ୍ୟକ୍ତିଙ୍କ ସହଯୋଗ ଏ ଯାଏଁ ନ ମିଳିବା ଦୁର୍ଭାଗ୍ୟଜନକ। ଏହି ଭଉଣୀଦ୍ୱୟ କୋଚଙ୍କ ସହଯୋଗରେ ୫୦ ଛାତ୍ରୀଙ୍କୁ ତାଲିମ ଦେଇ ରାଜ୍ୟ ତଥା ଜାତୀୟ ସ୍ତରର ପ୍ରତିଯୋଗିତାକୁ ପଠାଇଛନ୍ତି । ନିଜ ଗ୍ରାମ ମୁଣ୍ଡାଗାଁ ନିକଟ ବରଙ୍ଗାକଛାରର ଖ୍ରୀଷ୍ଟିନା କାଣ୍ଡୁଲାନା ଓ ସରିତା ସାମାଦଙ୍କୁ ଜାତୀୟସ୍ତରରେ ପହଞ୍ଚାଇବା ବାସ୍ତବିକ ପ୍ରେରଣାଦାୟୀ। ସୁଭଦ୍ରାଙ୍କୁ ଆମ ପ୍ରତିନିଧି ସାକ୍ଷାତ କରି ପଚାରିବାରେ ସେ କହିଥିଲେ, କେବଳ ମୁଁ ନୁହେଁ ଆମ ଜିଲା ଖେଳ ପ୍ରତିଭାର ଗନ୍ତାଘର, କେବଳ ସେମାନଙ୍କୁ ଚିହ୍ନଟ କରି ତାଲିମ ଦେବାର ଆବଶ୍ୟକତା ରହିଛି। କୋଚ ପ୍ରସାଦଙ୍କ ସହଯୋଗ ଯୋଗୁ ଜାତୀୟ ସ୍ତରରେ ଖେଳିପାରିଛି। ଆମ ଜିଲାର ଲୁକ୍କାୟିତ ପ୍ରତିଭାକୁ ଆଣି ଉଚ୍ଚସ୍ତରରେ ପହଞ୍ଚାଇ ପାରିଲେ ଆତ୍ମସନ୍ତୋଷ ମିଳିବ। କୋଚ ପ୍ରସାଦ କହନ୍ତି, ସୁଭଦ୍ରାଙ୍କ ଆଗ୍ରହ, ଇଚ୍ଛାଥିଲା ଆମେ ଏଭଳି ପ୍ରତିଭାଙ୍କୁ ଖୋଜି ଚାଲିଛୁ । ଆମ ଜିଲାର ଝିଅ ନିର୍ଭୟ, ଦକ୍ଷ । କେବଳ ତାଲିମ ଦେଲେ ଏମାନେ ଜିଲାର ସୁନାମ ବଢ଼ାଇବେ । ଆମେ ଲଗାତାର ପ୍ରୟାସରେ ଅଛୁ ।


All Right Reserved By Dharitri.Com

ପାଟଣାଗଡ଼ରେ କେଭି ପଛରେ

ପାଟଣାଗଡ଼,୨୩।୫: ପାଟଣାଗଡ଼ ବିଧାନସଭା ଆସନରେ ଭାଜପା ପ୍ରାର୍ଥୀ କନକ ବର୍ଦ୍ଧନ ସିଂଦେଓ ପଛରେ ଚାଲିଛନ୍ତି। ବିଜେଡି ପ୍ରାର୍ଥୀଙ୍କଠାରୁ କେଭି ୨୦୬୬ ଭୋଟରେ ପଛୁଆ ଅଛନ୍ତି।

ଅବେବସ୍‌ତା ଘେରରେ ଅଙ୍ଗନୱାଡି କେନ୍ଦ୍ର

ଲାଠୋର, ୨୪ା୬ (ଡି.ଏନ୍‌.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଧୀନ ମାଲପଡ଼ା ଅଙ୍ଗନଓ୍ବାଡି କେନ୍ଦ୍ର ସମସିଆ ଘେରରେ ରହିଛେ। ହେଲେ ଇ ଦିଗେ ପରଶାସନ ତରଫୁ...

ଶହେ ପରତିଶତ ଅକ୍ଷମ ଯୋଗେଶ୍ୱର:ଭତାରେ ସୀମିତ ସରକାରୀ ସାହାଯ୍‌

ଡୁଙ୍ଗୁରିପାଲି, ୯ । ୭ (ଡି.ଏନ୍‌.ଏ.): ଦିବ୍ୟାଙ୍ଗମାନେ କେନ୍‌ଥେଇ ସମାଜର ମୁଖିଆ ଧାରରେ ସାମିଲ ହେଇପାରବେ ସେଥିରଲାଗି ଉଭଏ କେନ୍ଦ୍ର ଆର ରାଏଜ୍‌ ସରକାର ଯୋଜନା...

କଳାହାଣ୍ଡି ଲୋକ ସଭା: ଭାଜପା ଆଗରେ

ଭବାନୀପାଟଣା,୨୩।୫: କଳାହାଣ୍ଡି ଲୋକ ସଭା ଆସନରେ ଭାଜପାର ବସନ୍ତ ପଣ୍ଡା ଆଗରେ ରହିଛନ୍ତି। ବସନ୍ତ ୧୦୮୪୧୩ ଭୋଟ ପାଇଥିବାବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ପୁଷ୍ପେନ୍ଦ୍ର...

ଉପହାସ କରୁଛେ ସରକାରୀ ଯୋଜନା:ଆବାସ ଯୋଜନାରୁ ବଁଚିତ୍‌ ବୁରୁଧ୍‌ କନ୍ଦର୍ପ

କେସିଙ୍ଗା, ୩।୭ (ଡି.ଏନ୍‌.ଏ.): କେନ୍ଦ୍ର ଆର ରାଏଜ୍‌ ସରକାର ଗରିବ୍‌ଦୁଖି, ଭୂମିହୀନ, ବାସହୀନମାନକର ଲାଗି ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ କେନ୍‌ଠାନେ ଭୂମିହୀନ ଘରଡିହ...

ସ୍ବାମୀଙ୍କ ଅସୁସ୍ଥତା ଦର୍ଶାଇ ମହିଳା ଠକିନେଲେ ୫୦ ଲକ୍ଷ ଟଙ୍କା: ଥାନାର ଦ୍ୱାରସ୍ଥ ହେଲେ ସ୍ବୟଂ ସହାୟକ ଗୋଷ୍ଠୀ ମହିଳା

ଭବାନୀପାଟଣା,୫।୬(ଡି.ଏନ୍‌.ଏ.) : ସ୍ବାମୀଙ୍କ ଅସୁସ୍ଥତା କାରଣ ଦର୍ଶାଇ ଜଣେ ମହିଳା ସ୍ବୟଂ ସହାୟକ ଗୋଷ୍ଠୀଠାରୁ ଲକ୍ଷାଧିକ ଟଙ୍କା ଠକେଇ କରି ଫେରାର ହୋଇଯାଇଥିଲେ। ଠକେଇ ଶିକାର...

ପଞ୍ଚାୟତ ସମିତି ବୈଠକ: ଅଧାରୁ ଉଠି ଚାଲିଗଲେ ସମିତି ସଭ୍ୟାସଭ୍ୟ, ସରପଞ୍ଚ

କୋକସରା,୧୧।୬(ଡି.ଏନ.ଏ.): କଳାହାଣ୍ଡି ଜିଲା କୋକସରା ପଞ୍ଚାୟତ ସମିତି ସଭାଗୃହଠାରେ ନିର୍ବାଚନ ଆଚରଣବିଧି ଉଠିବା ପରେ ମଙ୍ଗଳବାର ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି। ବ୍ଲକ୍‌ ଅଧ୍ୟକ୍ଷା...

ଝରକା ବାଟେ ବାହାରକୁ ଗରମ ପାଣି ଫିଙ୍ଗିଲେ ସହାୟିକା, ଅଙ୍ଗନଓ୍ବାଡି ଶିଶୁ ଗୁରୁତର

ସୋନପୁର/ବୀରମହାରାଜପୁର,୧୪।୫(ନି.ପ୍ର.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଜଟିଆପାଲି ଅଙ୍ଗନୱାଡି କେନ୍ଦ୍ରରେ ମଙ୍ଗଳବାର ସକାଳେ ଏକ ଦୁଃଖଦ ଘଟଣା ଘଟିଛି। କେନ୍ଦ୍ରର ସହାୟିକା ବେଦମତୀ ମହାକୁର ଶିଶୁକନ୍ୟା...

Leave a comment

Your email address will not be published. Required fields are marked *