ଟ୍ରେଣ୍ଡି ରେନ୍‌କୋଟ୍‌

ବର୍ଷାଦିନେ ଛତା ଓ ରେନ୍‌କୋଟ୍‌ର ଚାହିଦା ଖୁବ୍‌ ବଢ଼ିଯାଏ। ଆଉ ସେହି ଚାହିଦାକୁ ଦେଖି ଦିନକୁ ଦିନ ନୂଆ ନୂଆ ଡିଜାଇନ୍‌ର ଛତା ଓ ରେନ୍‌କୋଟ୍‌ ବି ମାର୍କେଟ୍‌କୁ ଆସିଥାଏ। ଏଠାରେ ସେମିତି କିଛି ଟ୍ରେଣ୍ଡି ରେନ୍‌କୋଟ୍‌ ସମ୍ପର୍କରେ ଉଲ୍ଲେଖ କରାଗଲା, ଯାହା ବର୍ଷାରୁ ରକ୍ଷା କରିବା ସହ ଷ୍ଟାଇଲିଶ୍‌ ଲାଗିଥାଏ…..

ପୋଲ୍‌କା ଡଟ୍‌ ରେନ୍‌କୋଟ୍‌: ଅଲ୍‌ ଟାଇମ ଫ୍ୟାଶନେବଲ୍‌ ଲୁକ୍‌ ଦେଇଥାଏ ପୋଲ୍‌କା ଡଟ୍‌ ଆଉଟ୍‌ଫିଟ୍‌। ଏବେ ପୋଲ୍‌କା ଡଟ୍‌ ରେନ୍‌କୋଟ୍‌ ବି ମାର୍କେଟରେ ମିଳିଲାଣି, ଯାହା ଷ୍ଟାଇଲିଶ୍‌ ଲାଗିବା ସହ ବିଭିନ୍ନ ଲେଙ୍ଗ୍‌ଥରେ ବି ଆସୁଛି।

ଟ୍ରାନ୍ସପରେଣ୍ଟ ଓ୍ବାଟରପ୍ରୁଫ୍‌ ରେନ୍‌କୋଟ୍‌: ଏହି ରେନ୍‌କୋଟ୍‌ ଟ୍ରାନ୍ସପରେଣ୍ଟ ହୋଇଥିବାରୁ ପୋଷାକ ଉପରେ ଏହାକୁ ପିନ୍ଧିଲେ ବି ଅନ୍ୟମାନେ ଆପଣଙ୍କ ପୋଷାକକୁ ସହଜରେ ଦେଖିପାରିଥାନ୍ତି। ତେଣୁ ଏହା ଦ୍ୱାରା ଦୁଇଟି ସୁବିଧା ହୁଏ। ଗୋଟିଏରେ ବର୍ଷାରୁ ରକ୍ଷା ପାଇହୁଏ, ଦ୍ୱିତୀୟରେ ଆପଣଙ୍କର ଷ୍ଟାଇଲିଶ୍‌ ଆଉଟ୍‌ଫିଟ୍‌କୁ ଅନ୍ୟମାନଙ୍କ ଆଗରେ ଶୋ’ ଅଫ୍‌ ବି କରିହୁଏ। ଏହି ରେନ୍‌କୋଟ୍‌ ଉଭୟ ନି ଲେଙ୍ଗ୍‌ଥ ଆଉ ଲଙ୍ଗ୍‌ ଲେଙ୍ଗ୍‌ଥରେ ମିଳିଥାଏ।

ଫ୍ରକ୍‌ ଷ୍ଟାଇଲ ରେନ୍‌କୋଟ୍‌: ଫ୍ରକ୍‌ ଷ୍ଟାଇଲ୍‌ର ଦେଖାଯାଉଥିବା ଏହି ରେନ୍‌କୋଟ୍‌ ମହିଳାମାନଙ୍କୁ ମଡର୍ନ ଲୁକ୍‌ ଦେଇଥାଏ। ବର୍ଷାଦିନେ ଫ୍ୟାଶନ୍‌ ସହ ସାଲିସ୍‌ କରିବାକୁ ଚାହୁଁ ନ ଥିବା ଷ୍ଟାଇଲିଶ୍‌ ମହିଳାମାନଙ୍କ ପାଇଁ ଏହା ଏକ ଭଲ ଅପ୍ସନ। ଖାସ୍‌ କରି ନି ଲେଙ୍ଗ୍‌ଥରେ ଆସୁଥିବା ଏହି ରେନ୍‌କୋଟ୍‌ ନି ଲେଙ୍ଗ୍‌ଥ ଆଉଟ୍‌ଫିଟ୍‌ ସହ ହିଁ ଭଲ ମାନିଥାଏ। ତା’ଛଡ଼ା ଘେରବାଲା ତଥା ଫ୍ଲୋରାଲ ଡିଜାଇନ୍‌ର ଫ୍ରକ୍‌ ଷ୍ଟାଇଲ୍‌ ରେନ୍‌କୋଟ୍‌ ଅଧିକ ସୁନ୍ଦର ଦେଖାଯାଇଥାଏ।

ସ୍କର୍ଟ-ଟପ୍ସ ଷ୍ଟାଇଲ୍‌ ରେନ୍‌କୋଟ୍‌: ଏହି ରେନ୍‌କୋଟ୍‌ ପିନ୍ଧିଲେ କେହି ବି ଦ୍ୱନ୍ଦ୍ୱରେ ପଡିଯିବେ ଯେ, ଆପଣ ରେନ୍‌କୋଟ୍‌ ପିନ୍ଧିଛନ୍ତି ନା କୌଣସି ସ୍କର୍ଟ ଟପ୍ସ। ଅବିକଳ ସ୍କର୍ଟ ଓ ଟପ୍ସ ଷ୍ଟାଇଲ୍‌ରେ ଆସୁଥିବା ଏହି ରେନ୍‌କୋଟ୍‌ ପିନ୍ଧିଲେ ବର୍ଷାଦିନେ ବେଶ୍‌ କମ୍ଫର୍ଟେବଲ୍‌ ବି ଲାଗିଥାଏ। ତା’ଛଡ଼ା ଏହା ଲଙ୍ଗ୍‌ ଲେଙ୍ଗ୍‌ଥରେ ଆସୁଥିବାରୁ ଓଦା ହେବାର ସମ୍ଭାବନା ବି ଖୁବ୍‌ କମ୍‌ ଥାଏ।

ଲେସ୍‌ ରେନ୍‌କୋଟ୍‌: ଏହା ବି ଏକ ଷ୍ଟାଇଲିଶ୍‌ ରେନ୍‌କୋଟ୍‌। ଏହି ରେନ୍‌କୋଟ୍‌ର ଭିତର ପାର୍ଶ୍ୱରେ ଯେକୌଣସି ଟ୍ରାନ୍ସପରେଣ୍ଟ କଲର୍‌ର ଏକ ଓ୍ବାଟର୍‌ପ୍ରୁଫ୍‌ କପଡ଼ା ଥାଏ ଏବଂ ବାହାର ପାର୍ଶ୍ୱରେ ସେହି କଲର୍‌ର ଲେସ୍‌ କାମ ହୋଇଥିବା କପଡ଼ା ଲାଗିଥାଏ। ଫଳରେ ଏହା ବର୍ଷାରୁ ରକ୍ଷା କରିବା ସହ ଆକର୍ଷଣୀୟ ଲୁକ୍‌ ଦେଇଥାଏ। ବିଭିନ୍ନ ଲେଙ୍ଗ୍‌ଥ୍‌ରେ ବି ଏହା ମାର୍କେଟରେ ଉପଲବ୍ଧ ହୋଇଥାଏ।

ଓ୍ବେଷ୍ଟ ଲେଙ୍ଗ୍‌ଥ ରେନ୍‌କୋଟ୍‌: ଅଣ୍ଟା ପର୍ଯ୍ୟନ୍ତ ଲମ୍ବା ରହୁଥିବାରୁ ଏହାକୁ ପିନ୍ଧି ବର୍ଷାରେ ଗଲାବେଳେ ଆପଣଙ୍କ ପୋଷାକ ଅଣ୍ଟା ପର୍ଯ୍ୟନ୍ତ ଓଦା ହେବନାହିିଁ, କିନ୍ତୁ ଅଣ୍ଟାଠାରୁ ପାଦ ପର୍ଯ୍ୟନ୍ତ ଆପଣ ଓଦା ହୋଇଯିବେ। କେବଳ ଷ୍ଟାଇଲିଶ୍‌ ଲୁକ୍‌ ପାଇଁ ଏହାକୁ ଯୁବପିଢ଼ି ପସନ୍ଦ କରୁଛନ୍ତି। ଯେଉଁମାନେ ସଟ୍ସ ପିନ୍ଧୁଛନ୍ତି, ସେମାନେ ଚାହିଁଲେ ଏହାକୁ ପିନ୍ଧି ପାରିବେ।

ସାଇକେଲ ରେନ୍‌କୋଟ୍‌: ଏହି ରେନ୍‌କୋଟ୍‌ର ଡିଜାଇନ୍‌ ଏମିତି ହୋଇଛି, ଯାହାକୁ ପିନ୍ଧି ବର୍ଷାଦିନେ ସୁବିଧାରେ ସାଇକେଲ ବି ଚଳେଇହେବ। ଏହାକୁ ପିନ୍ଧି ସାଇକେଲ ଉପରେ ବସିଲେ ଏହା ଆପଣଙ୍କ ଶରୀରକୁ ଘୋଡାଇବା ସହ ସାଇକେଲର ସିଟ୍‌, କ୍ୟାରିଅର ଏବଂ ହ୍ୟାଣ୍ଡେଲ୍‌କୁ ମଧ୍ୟ ଘୋଡ଼ାଇ ଦେବ। ଯଦ୍ଦ୍ବାରା ବର୍ଷାରେ ଓଦା ନ ହୋଇ ସୁବିଧାରେ ସାଇକେଲର ପେଡାଲ ମାରି ଆଉ ହ୍ୟାଣ୍ଡେଲ୍‌କୁ କଣ୍ଟ୍ରୋଲ କରି ସାଇକେଲ ଚଳେଇହେବ।

ମୋଟରସାଇକେଲ ରେନ୍‌କୋଟ୍‌: ସାଇକେଲ ରେନ୍‌କୋଟ୍‌ ପରି ମୋଟରସାଇକେଲ ରେନ୍‌କୋଟ୍‌ ବି ମାର୍କେଟରେ ମିଳିଲାଣି। ଏହି ରେନ୍‌କୋଟ୍‌ ଚାଳକଙ୍କୁ ବର୍ଷାରୁ ରକ୍ଷା କରିବା ସହ ମୋଟରସାଇକେଲକୁ ମଧ୍ୟ ଘୋଡ଼େଇ ରଖିଥାଏ। ତା’ଛଡ଼ା ଚାଳକଙ୍କ ପଛରେ ବି ଯଦି ଆଉ ଜଣେ ବସି ଯିବାକୁ ଚାହିଁବେ, ତା’ହେଲେ ତାଙ୍କ ପାଇଁ ବି ଏଥିରେ ସ୍ବତନ୍ତ୍ର କ୍ୟାପ୍‌ ସିଷ୍ଟମ୍‌ ରହିଛି। ଏହା ଏକ ଲାଟେଷ୍ଟ ଷ୍ଟାଇଲ୍‌ ରେନ୍‌କୋଟ୍‌, ଯାହାକୁ ପିନ୍ଧି ବର୍ଷାଦିନେ ବିନା ଓଦାରେ ମୋଟରସାଇକେଲ ଚଳେଇ ହେଉଥିବାରୁ ଏହାର ଚାହିଦା ଦିନକୁ ଦିନ ବଢ଼ିବାରେ ଲାଗିଛି।


All Right Reserved By

ବ୍ଲାକ୍‌ ହେଡ୍ସରୁ ମୁକ୍ତି

ମୁହଁର ଗଢ଼ଣ ଯେତେ ଭଲ ହୋଇଥାଉ ନା କାହିଁକି ଏହା ଉପରେ ସାମାନ୍ୟ ବ୍ଲାକ୍‌ ହେଡ୍ସ ସମ୍ପୂର୍ଣ୍ଣ ସୌନ୍ଦର୍ଯ୍ୟକୁ ବିଗାଡ଼ିଦେଇଥାଏ। ଯଦି ଆପଣ ବି ବ୍ଲାକ୍‌...

ଶରୀରର କୌଣସି ଅଂଶ ପୋଡିଗଲେ….

ନିଆଁରେ ଶରୀରର କୌଣସି ଅଂଶ ପୋଡ଼ିଗଲେ, ତା’ର ଜ୍ୱଳନ ଯନ୍ତ୍ରଣା ବରଦାସ୍ତ କରିବା ବହୁତ ମୁସ୍କିଲ୍‌। ଜଳିଯାଇଥିବା ତ୍ୱଚା ଉପରେ ତୁରନ୍ତ ଥଣ୍ଡା ପାଣି ଢାଳିଲେ...

ଖରାଦିନେ ଖାଆନ୍ତୁ ଏହି ଖାଦ୍ୟ, କମ୍‌ ହେବ ରକ୍ତଚାପ

ବର୍ତ୍ତମାନ ଅଧିକାଂଶ ଲୋକ ରକ୍ତଚାପ ରୋଗରେ ପୀଡ଼ିତ। ଉଚ୍ଚ ରକ୍ତଚାପ ଶରୀରର ରକ୍ତପ୍ରବାହ ଉପରେ କୁପ୍ରଭାବ ପକାଇଥାଏ। ଯେଉଁ ବ୍ୟକ୍ତିଙ୍କର ଏପରି ସମସ୍ୟା ରହିଛି, ସେମାନଙ୍କୁ...

ଇନ୍‌ଫେକ୍‌ଶନର କାରଣ ହୋଇପାରେ ଟୁଥ୍‌ବ୍ରଶ

ଇନ୍‌ଫେକ୍‌ଶନର କାରଣ ହୋଇ ପାରେ ଟୁଥ୍‌ବ୍ରଶ-ଏପରି ସତର୍କ ସୂଚନା ଦେଇଛନ୍ତି କାଲିଫର୍ନିଆ ବିଶ୍ୱବିଦ୍ୟାଳୟର ମେଡିସିନ ବିଶେଷଜ୍ଞମାନେ। ସେମାନେ ଏକ ସର୍ଭେରୁ ଜାଣିପାରିଛନ୍ତି ଯେ ନିର୍ଦ୍ଦିଷ୍ଟ ସମୟ...

ଭାରତ: ବିଶ୍ୱର ସାପ କାମୁଡ଼ା ରାଜଧାନୀ

ପ୍ରାଥମିକ ଚିକିତ୍ସା: ବିଷଧର ସାପ କାମୁଡିଥାଉ କି ବିଷହୀନ ସାପ କାମୁଡିଥାଉ ପ୍ରତ୍ୟେକ ସାପକାମୁଡ଼ା ରୋଗୀକୁ ବିଷଧର ସାପ କାମୁଡିଛି ବୋଲି ବିଚାରି ପ୍ରାଥମିକ ଚିକିତ୍ସା...

ପେଟ ବୃଦ୍ଧି କମାଇବା ସହ କୋଷ୍ଠକାଠିନ୍ୟ ଦୂର କରେ ଗୋଲମରିଚ

ଗୋଲମରିଚକୁ କେବଳ ମସଲା ଭାବେ ବ୍ୟବହାର କରିହେବ ତାହା ନୁହେଁ, ଏହାର ବହୁ ଔଷଧୀୟ ଗୁଣ ମଧ୍ୟ ରହିଛି। ଆୟୁର୍ବେଦ ଅନୁଯାୟୀ, ସକାଳେ ଅଳ୍ପ ଉଷୁମ...

ଭାଗ୍ୟ ଖୋଲିଦେବ ଏହି ଗଛ

ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି, ବାଡ଼ି ବଗିଚାରେ ଗଛଲତାର ଯନତ୍ ନେଲେ ଆରୋଗ୍ୟ ଲାଭ ସହ ଗ୍ରହଦୋଷ ମଧ୍ୟ କଟିଯାଏ। ତେବେ ଘରେ କେଉଁସବୁ ଗଛ...

ମଧୁମେହ କାବୁ କରିବ ଉପବାସ

ମଧୁମେହ ପୀଡ଼ିତଙ୍କ ପାଇଁ ରକ୍ତରେ ଶର୍କରା ଏବଂ ଓଜନ ନିୟନ୍ତ୍ରଣ ରଖିବା ଅତ୍ୟନ୍ତ ଜରୁରୀ। ଏଥିପାଇଁ ଡାକ୍ତର ରୋଗୀଙ୍କୁ ସନ୍ତୁଳିତ ଖାଦ୍ୟପାନୀୟ ଏବଂ ଡାଏଟିଙ୍ଗ୍‌ର ପରାମର୍ଶ...

selfi corner

Model This Week

Why Dharitri

Leave a comment

Your email address will not be published. Required fields are marked *