ସୂଚନା କେନ୍ଦ୍ରକୁ ଯୋଡ଼ିଲା ହ୍ବାଟ୍‌ସ ଆପ୍‌ ଗ୍ରୁପ୍‌: ହଜିଲା ଲୋକଙ୍କ ସୂଚନା ପାଇଲେ ପରିଜନ

ପୁରୀ ଅଫିସ,୧୪।୭: ମହାପ୍ରଭୁଙ୍କ ଘୋଷଯାତ୍ରା ଦେଖିବା ଲାଗି ଦେଶର ବିଭିନ୍ନ ସ୍ଥାନରୁ ଶ୍ରଦ୍ଧାଳୁ ପୁରୀକୁ ଆସିଥାନ୍ତି। ରଥଯାତ୍ରାଠୁ ନୀଳାଦ୍ରିବିଜେ ପର୍ଯ୍ୟନ୍ତ ଶ୍ରୀକ୍ଷେତ୍ରରେ ଗହଳି ଚହଳି ଲାଗିଥାଏ। ଏହି ଭିଡ଼ ଭିତରେ ବେଳେବେଳେ ଅନେକେ ନିଜ ସମ୍ପର୍କୀୟଙ୍କଠାରୁ ହାତଛଡ଼ା ହୋଇଯାନ୍ତି। ଗହଳି ଭିତରେ ସେମାନଙ୍କୁ ପୁଣି ପରିଜନଙ୍କ ସହ ମିଶାଇବା ପ୍ରଶାସନ ପାଇଁ ଏକ ଚ୍ୟାଲେଞ୍ଜ ହୋଇଥାଏ। ପ୍ରତିବର୍ଷ ଏହି ସମୟରେ ଶହ ଶହ ସଂଖ୍ୟାରେ ଲୋକ ଶ୍ରୀକ୍ଷେତ୍ରରେ ହଜନ୍ତି ଏବଂ ପୁଣି ପରିବାର ସହ ମିଶିଥାନ୍ତି। ଏଥିପାଇଁ ଜିଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ପକ୍ଷରୁ ବିଭିନ୍ନ ସ୍ଥାନରେ ସୂଚନା କେନ୍ଦ୍ରମାନ ଖୋଲାଯାଇଥାଏ। ଏମିତି ବି ଅନେକ ଲୋକ ଦୀର୍ଘଦିନ ଧରି ପରିବାରଠୁ ଅଲଗା ହେବାର ନଜିର ରହିଛି। ଚଳିତବର୍ଷ ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ପକ୍ଷରୁ ଏକ ହ୍ବାଟ୍‌ସ ଆପ୍‌ ଗ୍ରୁପ୍‌ କରାଯାଇଛି । ଫଳରେ ବିଭିନ୍ନ ସ୍ଥାନରୁ ହଜିଯାଇଥିବା ଲୋକଙ୍କୁ ଖୁବ୍‌ଶୀଘ୍ର ସେମାନଙ୍କ ସମ୍ପର୍କୀୟଙ୍କ ପାଖରେ ପହଞ୍ଚାଇବା ସମ୍ଭବ ହୋଇପାରୁଛି। ରଥଯାତ୍ରାଠାରୁ ସୁନାବେଶ ଏହି ୧୦ଦିନ ମଧ୍ୟରେ ପ୍ରାୟ ୧ ହଜାରରୁ ଅଧିକ ଲୋକଙ୍କୁ ସେମାନଙ୍କ ସମ୍ପର୍କୀୟଙ୍କ ଜିମା ଦିଆଯାଇଥିବା ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ଗୁରୁବୀର ସିଂ କହିଛନ୍ତି।
ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀଙ୍କ ସୂଚନା ମୁତାବକ, ଚଳିତ ବର୍ଷ ରଥଯାତ୍ରା ପାଇଁ ୧୧ଟି ସ୍ଥାନ ସିଂହଦ୍ୱାର, ଜଗନ୍ନାଥ ବଲ୍ଲଭ, ବଳଗଣ୍ଡି, ବଡ଼ଶଙ୍ଖ, ମୁକ୍ତାକାଶ ରଙ୍ଗମଞ୍ଚ, ସୁଭାଷ ବୋଷ ଛକ, ଦିଗବାରେଣୀ, ପାନ୍ଥ ଭବନ, ତାଳବଣିଆ ଏବଂ ରେଳଷ୍ଟେଶନରେ ସୂଚନା କେନ୍ଦ୍ର ଖୋଲାଯାଇଛି। ସବୁ କେନ୍ଦ୍ରକୁ ଏକାଠି ଯୋଡ଼ିବା ଲାଗି ଆଇ ଆଣ୍ଡ୍‌ ପିଆର୍‌ ଇନଫର୍ମେଶନ ସେଣ୍ଟର ନାମରେ ଏକ ହ୍ବାଟ୍‌ସ ଆପ୍‌ ଗ୍ରୁପ୍‌ କରାଯାଇଛି। ଅର୍ଥାତ୍‌ କୌଣସି ଗୋଟିଏ କେନ୍ଦ୍ରରେ କେହି ହଜିଥିବା ବ୍ୟକ୍ତି ପହଞ୍ଚତ୍ଲେ କିମ୍ବା ତାଙ୍କୁ ପହଞ୍ଚାଗଲେ ସଙ୍ଗେ ସଙ୍ଗେ ଏହି ଗ୍ରୁପ୍‌ରେ ସମ୍ପୃକ୍ତ ବ୍ୟକ୍ତିଙ୍କ ଫଟୋ ଏବଂ ଠିକଣା ପୋଷ୍ଟ କରାଯାଏ। ଫଳରେ ସବୁ କେନ୍ଦ୍ରରେ ସମ୍ପୃକ୍ତ ବ୍ୟକ୍ତିଙ୍କ ସମ୍ପର୍କରେ ଘୋଷଣା କରାଯିବା ସହ ତାଙ୍କ ଫଟୋ ପ୍ରଦର୍ଶନ କରାଯାଏ। ଯଦି କେହି ବ୍ୟକ୍ତି ବା ଶିଶୁ ପରିବାରଠୁ ଅଲଗା ହୋଇ କୌଣସି କେନ୍ଦ୍ରରେ ପହଞ୍ଚନ୍ତି ଏବଂ ତାଙ୍କ ସମ୍ପର୍କୀୟ ଅନ୍ୟ ଯେ କୌଣସି କେନ୍ଦ୍ରରେ ଯାଇ ପଚାରନ୍ତି ତେବେ ତୁରନ୍ତ ଉଭୟଙ୍କ ମଧ୍ୟରେ ଯୋଗାଯୋଗ ହୋଇପାରୁଛି।
ଚଳିତବର୍ଷ ଶିଶୁ ଓ ବରିଷ୍ଠ ନାଗରିକ ଅଧିକ ସଂଖ୍ୟାରେ ହଜୁଥିବା ବିଭିନ୍ନ କେନ୍ଦ୍ରରୁ ମିଳିଥିବା ତଥ୍ୟରୁ ଜଣାପଡ଼ିିଛି। ଏ ସମ୍ପର୍କରେ ସିଂ କହିଛନ୍ତି, ପ୍ରତିଦିନ ଗୋଟିଏ କେନ୍ଦ୍ରରେ ୨୫ରୁ ୩୦ ଏହିଭଳି ବର୍ତ୍ତମାନ ସୁଦ୍ଧା ପ୍ରାୟ ୧ ହଜାରରୁ ଅଧିକ ହଜିବା ଲୋକଙ୍କ ପଞ୍ଜୀକରଣ ହୋଇଛି। ସମସ୍ତେ ତାଙ୍କ ସମ୍ପର୍କୀୟଙ୍କୁ ପାଇପାରୁଛନ୍ତି। ଏମିତିକି ବୟସ୍କ ବ୍ୟକ୍ତି ହୋଇ ଥିଲେ ନିଜେ ଆସୁଛନ୍ତି ନଚେତ୍‌ ଛୋଟପିଲା ହୋଇଥିଲେ ତାଙ୍କୁ ଗହଳି ଭିତରୁ କେହି ଆଣି କେନ୍ଦ୍ରରେ ପହଞ୍ଚାଉଛନ୍ତି। ସେହିପରି ଅଧିକାଂଶ ବରିଷ୍ଠ ନାଗରିକ ବି ଆସୁଛନ୍ତି। ଅନେକ ଛୋଟ ପିଲା ତାଙ୍କ ଠିକଣା ସମ୍ପର୍କରେ କହିପାରୁନାହାନ୍ତି। କିନ୍ତୁ ଏହି ଗ୍ରୁପ୍‌ ମାଧ୍ୟମରେ ସଙ୍ଗେସଙ୍ଗେ ବିଭିନ୍ନ କେନ୍ଦ୍ରକୁ ସୂଚନା ଦିଆଯିବା ସହ ସେମାନଙ୍କ ଫଟୋ ପ୍ରଦର୍ଶନ କରାଯାଉଛି। ଏହିଭଳି ଅନେକ ଶିଶୁ, ବରିଷ୍ଠ ନାଗରିକଙ୍କୁ ସେମାନଙ୍କ ସମ୍ପର୍କୀୟଙ୍କ ଜିମା ଦିଆଯାଇଛି। ଏମିତି କି ଜଣେ ନବବଧୂ ତାଙ୍କ ସ୍ବାମୀଙ୍କଠାରୁ ଅଲଗା ହୋଇଯାଇଥିଲେ। ତାଙ୍କ ସ୍ବାମୀ ସିଂହଦ୍ୱାର ସୂଚନାକେନ୍ଦ୍ରରେ ବିବାହ ସମୟର ଏକ ଫଟୋ ଦାଖଲ କରିଥିଲେ। ଏହି ଫଟୋ ଅନ୍ୟାନ୍ୟ କେନ୍ଦ୍ରରେ ପହଞ୍ଚତ୍ବା ପରେ ସବୁ କେନ୍ଦ୍ରରୁ ଘୋଷଣା କରାଯାଇଥିଲା। ପ୍ରାୟ ୨ଘଣ୍ଟା ପରେ ତାଙ୍କ ସ୍ତ୍ରୀ ସିଂହଦ୍ୱାର ସୂଚନା କେନ୍ଦ୍ରରେ ପହଞ୍ଚତ୍ଥିଲେ । ସେହିପରି ଛୋଟ ପିଲାଙ୍କ ହସ୍ତାନ୍ତର ପାଇଁ କେତେକ ନିର୍ଦ୍ଦିଷ୍ଟ ନିୟମ ରହିଛି। ହଜି ଯାଇଥିବା ପିଲାର ଅଭିଭାବକ ପହଞ୍ଚତ୍ଲେ ବି ଚାଇଲ୍ଡ ଲାଇନ ପକ୍ଷରୁ ଆବଶ୍ୟକ କାଗଜପତ୍ର କାମ କରାଯାଇ ପିଲାଙ୍କୁ ହସ୍ତାନ୍ତର କରାଯାଉଛି । ଏଥିପାଇଁ ପ୍ରତି କେନ୍ଦ୍ରରେ ଚାଇଲ୍ଡ ଲାଇନ ସଦସ୍ୟ ରହିଛନ୍ତି। ଏମିତି ବି ଅନେକ ବ୍ୟକ୍ତିଙ୍କୁ ଉଦ୍ଧାର କରାଯାଇଛି, କାହାର ପକେଟମାର ହୋଇଛି ତ ପୁଣି କେହି ଘର ଲୋକଙ୍କଠାରୁ ଅଲଗା ହୋଇଯିବା ପରେ ବେସାହାରା ହୋଇପଡ଼ିିଛନ୍ତି। ଏହିଭଳି କେତେକ ଲୋକଙ୍କ ଖାଇବା ପିଇବା ବ୍ୟବସ୍ଥା କରାଯିବା ସହ ଟିକେଟ କାଟି ବସ୍‌ ଯୋଗେ ତାଙ୍କ ଗଁାକୁ ପଠାଯାଇଥିବା ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ସିଂ ପ୍ରକାଶ କରିଛନ୍ତି।


All Right Reserved By Dharitri.Com

ଓଡ଼ିଶା ଫେରିବ କେନ୍ଦ୍ରୀୟ ପଣ୍ୟାଗାର କାର୍ଯ୍ୟାଳୟ

ଭୁବନେଶ୍ୱର,୧୯।୮(ବ୍ୟୁରୋ) :କେନ୍ଦ୍ରୀୟ ପଣ୍ୟାଗାର ନିଗମର ଆଞ୍ଚଳିକ କାର୍ଯ୍ୟାଳୟ ଓଡ଼ିଶା ଫେରିବ ବୋଲି ଜଣାପଡିଛି। ହାଇକୋର୍ଟ ଏନେଇ ସ୍ଥଗିତାଦେଶ ଦେବା ପରେ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର...

ଦିବ୍ୟାଙ୍ଗ ଛାତ୍ରଙ୍କ ଭବିଷ୍ୟତ ଅନ୍ଧାର

ଭୁବନେଶ୍ୱର,୨୯ା୬(ବ୍ୟୁରୋ): କାଉନସିଲ ଅଫ୍‌ ହାୟର ସେକେଣ୍ଡାରି ଏଜୁକେଶନ (ସିଏଚ୍‌ଏସ୍‌ଇ) କର୍ତ୍ତୃପକ୍ଷଙ୍କ ଭୁଲ ପାଇଁ ଅନେକ ଛାତ୍ରୀଛାତ୍ରଙ୍କ ଭବିଷ୍ୟତ ଅନ୍ଧକାରମୟ ହୋଇଯାଇଥିବାର ନଜିର ରହିଛି। ଏବେ ପୁଣି...

୨ ବିଶ୍ବବିଦ୍ୟାଳୟ ହେବ ଅନୁବନ୍ଧିତ ବିଶ୍ବବିଦ୍ୟାଳୟ

ଭୁବନେଶ୍ୱର, ୧୭-୯(ବ୍ୟୁରୋ):ବଲାଙ୍ଗୀରର ରାଜେନ୍ଦ୍ର ଏକକ ବିଶ୍ବବିଦ୍ୟାଳୟ ଏବଂ ଭବାନୀପାଟଣା ଏକକ ବିଶ୍ବବିଦ୍ୟାଳୟ ଅନୁବନ୍ଧିତ(ଆଫିଲିଏଟେଡ୍‌) ବିଶ୍ବବିଦ୍ୟାଳୟ ହେବ। ରାଜ୍ୟରେ ଉଚ୍ଚଶିକ୍ଷାର ଗୁଣାତ୍ମକ ମାନ ବୃଦ୍ଧି ଓ ଶିକ୍ଷା...

ପ୍ରଦୀପ ଦାଶ ପାଇବେ ଶାରଳା ପୁରସ୍କାର

ଭୁବନେଶ୍ୱର, ୭ା୯(ବ୍ୟୁରୋ): ବିଶିଷ୍ଟ ଲେଖକ ତଥା ପ୍ରଶାସକ ଡ. ପ୍ରଦୀପ ଦାଶ ପାଇବେ ଶାରଳା ପୁରସ୍କାର। ତାଙ୍କ ରଚିତ ପୁସ୍ତକ ‘ଚରୁ ଚିବର ଓ ଚର୍ଯ୍ୟା’ ନିମନ୍ତେ...

‘କଳିଙ୍ଗ ଯୁଦ୍ଧର ଐତିହାସିକ ପ୍ରମାଣ ନାହିଁ’

ଭୁବନେଶ୍ୱର,୭।୧୨(ବ୍ୟୁରୋ): କଳିଙ୍ଗ ଯୁଦ୍ଧର ଐତିହାସିକ ପ୍ରମାଣ ନାହିଁ। ପ୍ରଚଳିତ ତଥ୍ୟ ଓ ଉପଲବ୍ଧ ଅଧ୍ୟୟନରୁ କଳିଙ୍ଗ ଯୁଦ୍ଧ ହୋଇଥିବାର କୌଣସି ପ୍ରମାଣ ମିଳିନାହିଁ। ଦୟାନଦୀ କୂଳରେ...

ସାପ କାମୁଡ଼ାରେ ମହିଳାଙ୍କ ମୃତ୍ୟୁ

ସାକ୍ଷୀଗୋପାଳ, ୨୨।୫(ଡି.ଏନ୍‌.ଏ.): ପୁରୀ ଜିଲା ସତ୍ୟବାଦୀ ବ୍ଲକ ଶ୍ରୀରାମଚନ୍ଦ୍ରପୁର ପଞ୍ଚାୟତର ବଡ଼ବିଲ ସାହିର କୁମୁଦୀନି ମଲ୍ଲିକ(୪୦)ଙ୍କର ବିଷଧର ସାପ କାମୁଡାରେ ମୃତ୍ୟୁ ଘଟିଛି। ବାତ୍ୟାରେ ଭାଙ୍ଗି...

୪ ସ୍ଥାନରେ ସ୍ବତନ୍ତ୍ର କ୍ରୀଡ଼ା ବିଦ୍ୟାଳୟ

ଭୁବନେଶ୍ୱର,୩୦ା୧୦(ବ୍ୟୁରୋ):ରାଜ୍ୟରେ କ୍ରୀଡ଼ା ଭିତ୍ତିଭୂମିକୁ ସୁଦୃଢ଼ କରାଯିବା ଉପରେ ସ୍ବତନ୍ତ୍ର ଗୁରୁତ୍ୱ ଦିଆଯାଉଛି। କ୍ରୀଡ଼ା ଓ ଯୁବ ସେବା ବିଭାଗ ପକ୍ଷରୁ ମିଳିଥିବା ସୂଚନାନୁଯାୟୀ, ରାଜ୍ୟର ୪ଟି...

ନୂଆଁଖାଇ ପାଇଁ ଗାଁଠୁ ସହର ସବୁଆଡେ ପର୍ବର ମାହୋଲ

ଜୁନାଗଡ,୨।୯(ଡି.ଏନ.ଏ.) ମଙ୍ଗଳବାର ପଶ୍ଚିମ ଓଡିଶାର ଗଣପର୍ବ ନୂଆଁଖାଇ । ଏଥିପାଇଁ ଗତ କିଛିଦିନ ହେଲା ଗ୍ରାମରୁ ସହର ସବୁଆଡେ ପର୍ବର ମାହୋଲ ଦେଖିବାକୁ ମିଳିଛି ।...

Leave a comment

Your email address will not be published. Required fields are marked *