ଜିଲା ଚିଠି: ଏବେ ନବକଳେବର ରୂପ ଧାରଣ କରିଛି କଟକ, ହେଲେ କାହାଣୀ ଲାଗୁନି ନୂଆ

ଜିଲାପାଳ ନୂଆ, ସିଏମ୍‌ସି କମିଶନର ନୂଆ, ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ନୂଆ, ଏହାସାଙ୍ଗକୁ ବିଧାୟକ ମଧ୍ୟ ନୂଆ। ମୋଟାମୋଟି କଟକ ଏବେ ନବକଳେବର ରୂପ ଧାରଣ କରିଛି। କିନ୍ତୁ ପ୍ରାୟତଃ ନୂଆମାନେ ଲୋକଙ୍କୁ ଯେଉଁ କାହାଣୀ ଶୁଣାଉଛନ୍ତି ତାହା ପୁରୁଣା। ଯେମିତି ବିଧାୟକ, ଏମ୍‌ପି ଓ ମନ୍ତ୍ରୀମାନେ ପଦ ଓ ଗୋପନୀୟତାର ଶପଥ ନେବା ସମୟରେ ଗୋଟିଏ ଶପଥକୁ ସମସ୍ତେ ପଢ଼ନ୍ତି, ଠିକ୍‌ ସେମିତି ଏହି ନୂଆମାନଙ୍କ ମୁହଁରୁ ସମାନ କଥା ଶୁଣିବାକୁ ମିଳୁଛି। ସହରରେ ଜଳବନ୍ଦୀ ସମସ୍ୟା ରହିବ ନାହିଁ, ଜାଇକା କାମ ଯୁଦ୍ଧକାଳୀନ ଭିତ୍ତିରେ ଶେଷ କରାଯିବ, ସହରରେ ଟ୍ରାଫିିକ ସମସ୍ୟାରେ ସୁଧାର ଆସିବ, ଜବରଦଖଲ ହଟିବ, ଲୋକେ ସରକାରୀ ଯୋଜନା ସହଜରେ ପାଇବେ ଇତ୍ୟାଦି ନୂଆମାନେ ବୁଲିବୁଲି ଲୋକଙ୍କୁ ଶୁଣାଉଛନ୍ତି। କିନ୍ତୁ ଏମାନଙ୍କର ଏହି କାହାଣୀ ସହିତ ଜିଲା ଓ ସହରବାସୀ ବହୁ ପୂର୍ବରୁ ଅଭ୍ୟସ୍ତ। କାରଣ ଯେଉଁମାନେ ଏଠିକି ନୂଆ ହୋଇ ଆସନ୍ତି ସେମାନେ ଠିକ୍‌ ଏହିଭଳି ଢଙ୍ଗରେ ଲୋକଙ୍କୁ କାହାଣୀ ଶୁଣାଇଥାନ୍ତି। କିନ୍ତୁ ଅବସ୍ଥାରେ କୌଣସି ପରିବର୍ତ୍ତନ ହୋଇ ନ ଥାଏ। ଖାସ୍‌କରି କଟକ ସହରକୁ ଦେଖିଲେ ଅସରାଏ ବର୍ଷାରେ ଲୋକଙ୍କ ଘରେ ବର୍ଷାପାଣି ଓ ଡ୍ରେନ ପାଣିର ମହାମିଳନ ଘଟିଥାଏ। ଦିନ ଦିନ ଧରି ଲୋକେ ଭୋକ ଉପାସରେ କାଟିଥାନ୍ତି। ଏପରି କି ଆବଶ୍ୟକସ୍ଥଳେ ଲୋକେ ଭିଟାମାଟି ଛାଡ଼ି ସରକାରଙ୍କ ଅସ୍ଥାୟୀ ଆଶ୍ରୟସ୍ଥଳରେ ଦିନ କାଟିଥାନ୍ତି। ଟ୍ରାଫିକ କଥା ନ କହିବା ଭଲ। ସେହିପରି ବିଧିବିଧାନ ଅନୁଯାୟୀ ଯେପରି ପର୍ବପର୍ବାଣି ଅନୁଷ୍ଠିତ ହୋଇଥାଏ ଠିକ୍‌ ସେହିପରି କଟକ ସହରକୁ ଡେଙ୍ଗୁ, ଡାଇରିଆ ଓ ଜଣ୍ଡିସ ପ୍ରତିବର୍ଷ ନିର୍ଦ୍ଧାରିତ ସମୟରେ ଆସିଥାନ୍ତି ଓ ମୁଣ୍ଡ ନେଇ ଯାଇଥାନ୍ତି। ତେଣୁ ଏଭଳି ଦୁଃଖଦ ପରିସ୍ଥିତିକୁ ଦୀର୍ଘଦିନରୁ ବାରମ୍ବାର ସାମ୍ନା କରୁଥିବା ସହରବାସୀଙ୍କର ନୂଆମାନଙ୍କ କଥା ଉପରେ ଭରସା ପାଉନାହିଁ। ଦ୍ୱିତୀୟରେ ପ୍ରକୃତ କାରଣ ଖୋଜିବାରେ ପୁରୁଣାମାନେ ଯେପରି ଆଗ୍ରହ ଦେଖାଉ ନ ଥିଲେ ନୂଆମାନେ ମଧ୍ୟ ଠିକ୍‌ ସେହିପରି ସେ ଆଡକୁ ଧ୍ୟାନ ଦେଉନାହାନ୍ତି। ପ୍ରକୃତ କାରଣକୁ ଯଦି ଏମାନେ ଧରିବେ, ତେବେ ୨୪ ଘଣ୍ଟା ମଧ୍ୟରେ ବଦଳି ଆଦେଶ ଏମାନଙ୍କ ଘରେ ପହଞ୍ଚିଯିବ ବୋଲି ଲୋକେ ଆଲୋଚନା କରୁଛନ୍ତି। ତାହା ହେଉଛି ଜଳ ନିଷ୍କାସନଠାରୁ ଆରମ୍ଭ କରି ଟ୍ରାଫିକ ପରିସ୍ଥିତି ଉପୁଜିବା ପଛର ରହସ୍ୟ। ଜଳ ନିଷ୍କାସନ ପଥକୁ ବଡ଼ବଡ଼ିଆମାନେ ମାଡ଼ି ବସି ଘର ତିଆରି କରିଛନ୍ତି। ଏମାନଙ୍କ ପାଇଁ ସହରବାସୀ ଦୁଃଖଯନ୍ତ୍ରଣା ଭୋଗୁଥିବାବେଳେ ଏମାନେ ଲୋକଙ୍କ ଆଗରେ ଡାହାଣୀ ହୋଇ ଲାଗୁଛନ୍ତି ଓ ଗୁଣିଆ ହୋଇ ଝାଡୁଛନ୍ତି। ସେହିପରି ଲିଙ୍କ୍‌ରୋଡରୁ ବାଦାମବାଡି ରାସ୍ତାର ଉଭୟ ପାର୍ଶ୍ୱ ବସ ଟର୍ମିନାଲ ପାଲଟିଛି, ଯାହା ରାସ୍ତାକୁ ସଂକୀର୍ଣ୍ଣ କରିବା ସହିତ ଟ୍ରାଫିକ ଅବସ୍ଥା ସୃଷ୍ଟି କରୁଛି। ହେଲେ ଯେଉଁମାନେ ଏହି ରାସ୍ତାରେ ବସ୍‌ ରଖୁଛନ୍ତି, ସେମାନଙ୍କ ପାଖକୁ ଚେଷ୍ଟା କରି ପୁରୁଣାମାନେ ଯାଇପାରି ନ ଥିଲେ କି ନୂଆମାନେ ମଧ୍ୟ ଯାଇପାରିବେ ନାହିଁ ବୋଲି ସାଧାରଣରେ ଆଲୋଚନା ହେଉଛି। କାରଣ ଏମାନଙ୍କ ମଧ୍ୟରୁ ଅନେକ ଭାଇ ଲୋକ। ଅର୍ଥ, ବାହୁବଳ, ପାୱାର କଳ ସବୁ ଏମାନଙ୍କ ହାତମୁଠାରେ। ପୋଲିସ ଏମାନଙ୍କୁ ଦିନ ଭିତରେ ଯଦି ୭ଥର ଦେଖୁଛି ୧୪ଥର ସାଲ୍ୟୁଟ ମାରୁଛି। ତେଣୁ ଏମାନେ ସର୍ବଶକ୍ତିମାନ। ଏଭଳି ଅବସ୍ଥା ଓ ବ୍ୟବସ୍ଥାକୁ ଦେଖି ଲୋକେ ଏବେ ସିଧା କହୁଛନ୍ତି ଯଦି କିଛି କରିବାର ଅଛି କାମରେ କରିକି ଦେଖାଅ। ଆଉ ଏଭଳି କାହାଣୀ ଶୁଣାଅନା, ଯାହା ଆମ ପାଇଁ ନୂଆ ନୁହେଁ।

– ନିର୍ମଳ ପଣ୍ଡା


All Right Reserved By Dharitri.Com

ଯୁବତୀଙ୍କ ଅଶ୍ଳିଳ ଭିଡିଓ କରି ବ୍ଲାକ୍‌ମେଲିଂ: ଧରାପଡ଼ିଲେ ହୋଟେଲର ଦୁଇ ଯୁବକ

ଭୁବନେଶ୍ୱର,୨୯।୧୧(ବ୍ୟୁରୋ): ନୟାପଲ୍ଲୀ ଥାନା ଏନ୍‌-୧ରେ ଥିବା ଏକ ହୋଟେଲରେ ଏକ ପ୍ରେମୀଯୁଗଳଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ ହୋଟେଲ କର୍ମଚାରୀ ଭାଇରାଲ କରିବାକୁ ଧମକ ଦେଇଥିବା ଅଭିଯୋଗ...

ନୂଆ ୨୫ ଆକ୍ରାନ୍ତଙ୍କ ମଧ୍ୟରୁ ଜଣେ ମହାରାଷ୍ଟ୍ରର ବୋଲି ତଥ୍ୟ ଦେଲେ ରାଜ୍ୟ ସରକାର

ଭୁବନେଶ୍ୱର,୮।୫(ବ୍ୟୁରୋ)-ରାଜ୍ୟରେ ଆଉ ୨୫ କରୋନା ପଜିଟିଭ ଶୁକ୍ରବାର ସନ୍ଧ୍ୟାରେ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ଗଞ୍ଜାମରୁ ୨୪ଜଣ ଥିବାବେଳେ ଖୋର୍ଦ୍ଧା ଜିଲାର ଜଣେ ଥିବା ସୂଚନା...

କୋଟଗଡ଼ ଗ୍ରାମରେ ଖଟ ବୁଲିବା ଘଟଣା: ଗିରଫ ହେଲେ ଗୁଣିଆ

ନୟାଗଡ଼ ଅଫିସ,୨୭।୬: ନୟାଗଡ଼ ଜିଲା ରଣପୁର ଥାନା କୋଟଗଡ଼ ଗ୍ରାମରେ ଖଟ ବୁଲିବା ଘଟଣାରେ ବୁଧବାର ପୋଲିସ ସମ୍ପୃକ୍ତ ଗୁଣିଆଙ୍କୁ ଗିରଫ କରିଛି। ସେ ହେଲେ...

ଇଣ୍ଡିଆସ୍‌ ଚାର୍ମିଂ ଫେସ୍‌ ଓଡ଼ିଶା ୨୦୧୯ ଟାଇଟଲ ଜିତିଲେ ନିରଞ୍ଜନା

ଭୁବନେଶ୍ୱର,୧୩।୧୦(ବ୍ୟୁରୋ): ବିଶ୍ୱର ଜଣାଶୁଣା ବିଉଟି ପାଜେଣ୍ଟ୍‌ ‘ମିଷ୍ଟର୍‌ ଆଣ୍ଡ୍‌ ମିସ୍‌ ଚାର୍ମିଂ ଫେସ୍‌’ର ଚଳିତ ବର୍ଷ ୩ୟ ସଂସ୍କରଣ ଅନୁଷ୍ଠିତ ହେଉଥିବାବେଳେ ଇଣ୍ଡିଆସ୍‌ ଚାର୍ମିଂ ଫେସ୍‌...

ବାଇକ୍‌ ମୁହଁ।ମୁହିଁ ପରେ ବସ୍‌ରେ ପିଟିହେଲା, ୨ ମୃତ

ଦିଗପହଣ୍ଡି(ଡି.ଏନ.ଏ.)/ପାଟପୁର,୨୫ା୧- ଦିଗପହଣ୍ଡି-ରାୟଗଡ଼ା ୩୨୬ ନଂ. ରାଜ୍ୟ ରାଜପଥର କଂସାମାରି-ଧର୍ମପୁର ମଧ୍ୟବର୍ତ୍ତୀ ଶ୍ମଶାନ ସମ୍ମୁଖ ମୁଖ୍ୟ ରାସ୍ତାରେ ଶୁକ୍ରବାର ସକାଳ ପ୍ରାୟ ସାଢେ ୮ଟାରେ ଏକ ଦୁର୍ଘଟଣା...

ନନ୍ଦନକାନନ: ୩୫ହଜାର ପର୍ଯ୍ୟଟକ

ବାରଙ୍ଗ,୨ା୧(ଡି.ଏନ୍‌.ଏ): ନୂଆବର୍ଷର ପ୍ରଥମ ଦିନରେ ପ୍ରାଣୀ ଉଦ୍ୟାନ ନନ୍ଦନକାନନକୁ ୩୫ହଜାର ୮୪୭ଜଣ ପର୍ଯ୍ୟଟକ ଆସିଥିବା ନନ୍ଦନକାନନ ଉପନିର୍ଦ୍ଦେଶ ଜୟନ୍ତ କୁମାର ଦାଶ କହିଛନ୍ତି। ଗତ କିଛିଦିନ...

କମିଶନରେଟ୍‌ ପୋଲିସ ମୁଖ୍ୟାଳୟ ହେବ ‘ପୋଲିସ ସେବା ଭବନ’: ଏବେଠୁ ‘ଆମ ପୋଲିସ-ଆମ ସୁରକ୍ଷା’

ଭୁବନେଶ୍ୱର,୨।୧(ବ୍ୟୁରୋ): କମିଶନରେଟ ପୋଲିସର ଦ୍ୱାଦଶ ପ୍ରତିଷ୍ଠା ଦିବସ ଗୁରୁବାର ଓଏସ୍‌ଏସ୍‌ ସପ୍ତମ ବାଟାଲିୟନ ଗ୍ରାଉଣ୍ଡରେ ପାଳନ କରାଯାଉଛି। ଏହି ଅବସରରେ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ...

ପୋଲିଓ ଖାଇ ଶିଶୁକନ୍ୟାର ମୃତ୍ୟୁ ଅଭିଯୋଗ

ବ୍ରହ୍ମଗିରି,୭ା୯(ଡି.ଏନ୍‌.ଏ.): ବ୍ରହ୍ମଗିରି ଥାନା ଅନ୍ତର୍ଗତ ନରଣପୁର ଗ୍ରାମରେ ଶୁକ୍ରବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜଣେ ଅଢ଼େଇ ମାସର ଶିଶୁକନ୍ୟା ପୋଲିଓ ବୁନ୍ଦା ଖାଇ...

Leave a comment

Your email address will not be published. Required fields are marked *