Posted inଖେଳ

ଚିନ୍ନାସ୍ବାମୀରେ ବର୍ଷାର ଖେଳ

ବେଙ୍ଗାଲୁରୁ, ୧ା୫ ଇଣ୍ଡିଆନ ପ୍ରିମିୟର ଲିଗ୍‌ର ମଙ୍ଗଳବାର ଚିନ୍ନାସ୍ବାମୀ ଷ୍ଟାଡିୟମରେ ଅନୁଷ୍ଠିତ ମ୍ୟାଚ ବର୍ଷାଯୋଗୁ ଅଧାରୁ ବାତିଲ ହୋଇଛି। ଫଳରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି) ଓ ରାଜସ୍ଥାନ ରୟାଲ୍ସ ପଏଣ୍ଟ ଭାଗ କରିଛନ୍ତି। ଦୀର୍ଘ ସମୟଧରି ବର୍ଷା ଲାଗି ରହିବାରୁ ମ୍ୟାଚକୁ ୫ ଓଭର ବିଶିଷ୍ଟ କରାଯାଇଥିଲା। ଆରସିବି ୫ ଓଭରରେ ୭ ଉଇକେଟ ହରାଇ ୬୨ ରନ କରିଥିଲା। ରାଜସ୍ଥାନ ୩.୨ ଓଭରରେ ୧ ଉଇକେଟ ହରାଇ ୪୧ ରନ କରିଥିବାବେଳେ ପୁଣି ବର୍ଷା ହେବାରୁ ମ୍ୟାଚକୁ ବାତିଲ କରାଯାଇଥିଲା। ପଏଣ୍ଟ ଭାଗ ହେବାରୁ ଆରସିବିର ପ୍ଲେ-ଅଫ୍‌ ଆଶା ଶେଷ ହୋଇ ଯାଇଛି।

ବାଙ୍ଗାଲୋର ପକ୍ଷରୁ ଧାର୍ଯ୍ୟ ୬୩ ରନ ବିଜୟ ଲକ୍ଷ୍ୟର ପିଛା କରିଥିବା ରାଜସ୍ଥାନ ପକ୍ଷରୁ ଇନିଂସ ଓପନ କରିଥିଲେ ଲିଆମ ଲିଭିଙ୍ଗଷ୍ଟୋନ୍‌ ଓ ସଞ୍ଜୁ ସାମସନ। ଉମେଶ ଯାଦବଙ୍କ ପ୍ରଥମ ଓଭରରୁ ଗୋଟିଏ ଲେଖାଏ ଛକା ଓ ଚୌକା ସହାୟତାରେ ସାମସନ ସଂଗ୍ରହ କରିଥିଲେ ୧୦ ରନ। ଦ୍ୱିତୀୟ ଓଭର ବୋଲିଂ କରିଥିଲେ ନଭଦୀପ ସଇନି। ଏହି ଓଭରରୁ ସଂଗୃହୀତ ହୋଇଥିଲା ୧୨ ରନ। ତୃତୀୟ ଓଭର ନେଇ ଆସିଥିଲେ କୁଲଓ୍ବନ୍ତ ଖେଜ୍ରୋଲିଆ। ତାଙ୍କ ପ୍ରଥମ ବଲ୍‌କୁ ଛକାରେ ପରିଣତ କରି ଚାପ ପ୍ରୟୋଗ କରିଥିଲେ ସାମସନ। ପରେ ୧ ଓ ୧ ଚୌକା ସହ ୧୮ ରନ ସଂଗ୍ରହ କରିଥିଲେ ସାମସନ ଓ ଲିଭିଙ୍ଗଷ୍ଟୋନ। ୪ର୍ଥ ଓଭର ବୋଲିଂ କରିଥିଲେ ୟୁଜବେନ୍ଦ୍ର ଚହଲ। ଏହି ଓଭରର ପ୍ରଥମ ବଲ୍‌ରେ ବାଇରୁ ୧ ରନ ହୋଇଥିବାବେଳେ ଦ୍ୱିତୀୟ ବଲ୍‌ରେ ସାମସନଙ୍କୁ ଆଉଟ କରିଥିଲେ ୟୁଜବେନ୍ଦ୍ର। ଏହାପରେ ପୁଣି ବର୍ଷାର ଖେଳ ଆରମ୍ଭ ହୋଇ ଯାଇଥିଲା। ସାମସନ ୧୩ ବଲ୍‌ରୁ ୨ ଚୌକା ଓ ୩ ଛକା ସହାୟତାରେ ୨୮ ରନ କରି ଆଉଟ ହୋଇଥିବାବେଳେ ଲିଭିଙ୍ଗଷ୍ଟୋନ ୭ ବଲ୍‌ରୁ ୧୧( ୧ ଚୌକା, ୧ ଛକା) ରନ କରି ଅପରାଜିତ ରହିଥିଲେ।

ଟସ୍‌ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ରୟାଲ ଚ୍ୟାଲେଞ୍ଜର୍ସ ପକ୍ଷରୁ ଇନିଂସ ଓପନ କରିଥିଲେ ଅଧିନାୟକ ବିରାଟ କୋହଲି ଓ ଏବି ଡିଭିଲର୍ସ। ବରୁଣ ଆରୋନଙ୍କ ପ୍ରଥମ ୨ ବଲ୍‌କୁ ଛକାରେ ପରିଣତ କରି କୋହଲି ନିଜ ଆଭିମୁଖ୍ୟ ସ୍ପଷ୍ଟ କରିଥିଲେ। ୩ୟ ବଲ୍‌ରେ ୧ ରନ ହୋଇଥିବାବେଳେ ୪ର୍ଥ ବଲ୍‌କୁ ଚୌକାରେ ପରିଣତ କରିଥିଲେ ଡିଭିଲର୍ସ। ୪ର୍ଥ ବଲ୍‌ରୁ ୨ ଓ ୫ମ ବଲ୍‌ରୁ ଚୌକା ହେବାରୁ ପ୍ରଥମ ଓଭରରୁ ଆରସିବି ୨୩ ରନ ସଂଗ୍ରହ କରିଥିଲା। ଦ୍ୱିତୀୟ ଓଭର ବୋଲିଂ କରିବାକୁ ଆସିଥିଲେ ଇନ୍‌ଫର୍ମ ବୋଲର ଶ୍ରେୟାସ ଗୋପାଳ। ତାଙ୍କ ପ୍ରଥମ ବଲ୍‌କୁ ମଧ୍ୟ ଛକାରେ ପରିଣତ କରିଥିଲେ କୋହଲି। ଦ୍ୱିତୀୟ ବଲ୍‌କୁ ଚୌକା ମାରିଥିବାବେଳେ ୩ୟ ବଲ୍‌ରୁ ୨ ରନ ସଂଗ୍ରହ କରିଥିଲେ। ୪ର୍ଥ ବଲ୍‌କୁ ଛକା ମାରିବା ଚକ୍କରରେ ସେ ଲଙ୍ଗଅନ୍‌ରେ ଲିଭିଙ୍ଗଷ୍ଟୋନଙ୍କୁ କ୍ୟାଚ ଦେଇ ପ୍ୟାଭିଲିୟନ ଫେରିଥିଲେ। ୭ ବଲ୍‌ ଖେଳିଥିବା କୋହଲି ୧ଚୌକା ଓ ୩ ଛକା ସହାୟତାରେ ୨୫ ରନ କରିଥିଲେ। ମାତ୍ର ପରବର୍ତ୍ତୀ ବଲ୍‌କୁ ବଡ଼ ଶଟ୍‌ ଲଗାଇବା ଚକ୍କରରେ ଡିଭିଲର୍ସ ଆଉଟ ହେବା ରୟାଲ ଚ୍ୟାଲେଞ୍ଜର୍ସକୁ ଶକ୍ତ ଧକ୍କା ପହଞ୍ଚାଇଥିଲା। ୪ ବଲ୍‌ ଖେଳିଥିବା ଡିଭିଲର୍ସ ୨ ଚୌକା ସହ ୧୦ ରନ କରିଥିଲେ। ଓଭରର ପରବର୍ତ୍ତୀ ବଲ୍‌ରେ ମାର୍କୁସ ଷ୍ଟୋଇନ୍ସ(୦)ଙ୍କୁ ଆଉଟ କରି ହ୍ୟାଟ୍ରିକ  ପୁରଣ କରିଥିଲେ ଗୋପାଳ। ଚଳିତ ଆଇପିଏଲରେ ଏହାଥିଲା ଦ୍ୱିତୀୟ ଏବଂ ଓଭରଅଲ୍‌ ୧୯ତମ ହ୍ୟାଟ୍ରିକ।୨ ଓଭର ଶେଷସୁଦ୍ଧା ବାଙ୍ଗାଲୋର ସ୍କୋର ୩୫/୩ ହୋଇ ଯାଇଥିଲା। ୩ୟ ଓଭରରେ ଆରସିବି ଗୁରକୀରଟ ସିଂଙ୍କ ଉଇକେଟ ହରାଇ ୧୦ ରନ ସଂଗ୍ରହ କରିଥିଲା। ସେହିପରି ୪ର୍ଥ ଓଭରରେ ଦଳ ପାର୍ଥିବ ପଟେଲଙ୍କ ଉଇକେଟ ହରାଇ ସଂଗ୍ରହ କରିଥିଲା ୯ ରନ। ଶେଷ ଓଭର ବୋଲିଂ କରିବାକୁ ଆସିଥିଲେ ଓଶାନେ ଥୋମାସ। ଏହି ଓଭରରେ ହେନରିଚ୍‌ କ୍ଲାସେନ ଓ ପଓ୍ବନ ନେଗିଙ୍କ ଉଇକେଟ ହରାଇ ଆରସିବି ୮ ରନ କରି ପାରିଥିଲା। ଫଳରେ ଦଳ ୫ ଓଭରରେ ୭ ଉଇକେଟ ହରାଇ ୬୨ ରନ କରିଥିଲା। ରାଜସ୍ଥାନ ବୋଲରଙ୍କ ମଧ୍ୟରେ ଗୋପାଳ ୩ଟି, ଥୋମାସ ୨ଟି ଏବଂ ରିୟାନ ପରାଗ ଓ ଜୟଦେବ ଉନାଡ଼କଟ ଗୋଟିଏ ଲେଖାଏ ଉଇକେଟ ନେଇଥିଲେ।

ସଂକ୍ଷିପ୍ତ ସ୍କୋର

ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୫ ଓଭରରେ ୬୨/୭(କୋହଲି-୨୫, ଡିଭିଲର୍ସ-୧୦, ଗୋପାଳ-୩/୧୨, ଥୋମାସ-୨/୬, ପରାଗ-୧/୧୦, ଉନାଡ଼କଟ-୧/୯)।

ରାଜସ୍ଥାନ ରୟାଲ୍ସ ୩.୨ ଓଭରରେ ୪୧/୧(ସାମସନ-୨୮, ଲିଭିଙ୍ଗଷ୍ଟୋନ-୧୧*, ଚହଲ-୧/୦)।


All Right Reserved By Dharitri.Com

Posted inଖେଳ View All

ବିଶ୍ୱ ଚାମ୍ପିୟନଶିପ୍‌ ଉଦ୍‌ଘାଟିତ

କାତାର,୨୮।୯(ପି.ଟି.)- ସ୍ଥାନୀୟ ଖଲିଫା ଅନ୍ତର୍ଜାତୀୟ ଷ୍ଟାଡିୟମରେ ଶୁକ୍ରବାରଠାରୁ ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍‌ର ୧୭ତମ ସଂସ୍କରଣ ଆରମ୍ଭ ହୋଇଛି। ୧୦ଦିନ ଧରି ଚାଲିବାକୁ ଥିବା ଏହି ମେଗା...

ପୁଣି ମ୍ୟାଚ୍‌ରେ ଦେଖିବାକୁ ମିଳିଲା ବଳିଦାନ ଚିହ୍ନ

ଲଣ୍ଡନ,୧୦।୬- ଆଇସିସି ନିର୍ଦ୍ଦେଶକ୍ରମେ ଭେଟେରାନ ଉଇକେଟକିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂ ଧୋନୀ ତାଙ୍କ ଗ୍ଲୋଭ୍ସରୁ ବଳିଦାନ ଚିହ୍ନ ତଥା ଆର୍ମିର କୌଣସି ପ୍ରତୀକକୁ ହଟାଇ ଦେଇଛନ୍ତି।...

ପ୍ଲିସ୍‌କୋଭା ଫାଇନାଲରେ

ବେଜିଂ, ୧୫ା୯ (ଏଏଫ୍‌ପି)- ବିଶ୍ୱର ଦୁଇ ନମ୍ବର ମାନ୍ୟତାପ୍ରାପ୍ତ କାରୋଲିନା ପ୍ଲିସକୋଭା ଡବ୍ଲ୍ୟୁଟିଏ ଝେଙ୍ଗ୍‌ଝୋ ଓପନ୍‌ ଟେନିସ ଟୁର୍ନାମେଣ୍ଟର ଫାଇନାଲରେ ପ୍ରବେଶ କରିଛନ୍ତି। ଶନିବାର ସେ...

ଧୋନୀ ଆଉ କ୍ରିକେଟ ଖେଳନ୍ତୁ, ଚାହୁଁନାହାନ୍ତି ମାତାପିତା

ରାଞ୍ଚି, ୧୮।୭: ଆଇସିସି ବିଶ୍ୱକପରେ ଭାରତ ସେମିଫାଇନାଲରୁ ବିଦା ହେବା ପରେ ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ କ୍ରିକେଟ ଭବିଷ୍ୟତକୁ ନେଇ...

ବିଜୟ ହଜାରେ ଟ୍ରଫି: କର୍ନାଟକ-ତାମିଲନାଡ଼ୁ ଫାଇନାଲ

ବେଙ୍ଗାଲୁରୁ, ୨୩।୧୦ (ପି.ଟି.):  କର୍ନାଟକ ଓ ତାମିଲନାଡ଼ୁ ମଧ୍ୟରେ ବିଜୟ ହଜାରେ ଟ୍ରଫି ଅଷ୍ଟାଦଶ ସଂସ୍କରଣର ଫାଇନାଲ ମ୍ୟାଚ୍‌ ଖେଳାଯିବ। ବୁଧବାର ଖେଳାଯାଇଥିବା ଉଭୟ ସେମିଫାଇନାଲରେ...

ବ୍ଲକସ୍ତରୀୟ ଶାରଦୀୟ କ୍ରୀଡ଼ା ଉତ୍ସବ ଉଦ୍‌ଯାପିତ

ରିଷିଡା,୨୧।୮(ଡି.ଏନ.ଏ.): କଳାହାଣ୍ଡି ଜିଲା ମ.ରାମପୁର ବ୍ଲକ ଅଲାତରା ପଞ୍ଚସଖା ଉଚ୍ଚ ବିଦ୍ୟାଳୟରେ ବ୍ଲକସ୍ତରୀୟ ଶାରଦୀୟ କ୍ରୀଡ଼ା ଉତ୍ସବ ବୁଧବାର ଉଦ୍‌ଯାପିତ ହୋଇଯାଇଛି। ଏଥିରେ ୧୫୧ଜଣ ପ୍ରତିଯୋଗୀ...

ଅଲ୍‌ ଓଡ଼ିଶା କେ.ସି. ମେମୋରିଆଲ ବ୍ୟାଡ୍‌ମିଣ୍ଟନ ଉଦ୍‌ଯାପିତ

ଭୁବନେଶ୍ୱର, ୨୫।୧୦(କ୍ରୀଡ଼ା ପ୍ରତିନିଧି)-କେ.ସି. ମେମୋରିଆଲ ଟ୍ରଷ୍ଟ ଓ ଉଡାନ ବ୍ୟାଡ୍‌ମିଣ୍ଟନ ଏକାଡେମୀ ଆନୁକୂଲ୍ୟରେ ଅଲ୍‌ ଓଡ଼ିଶା ଓପନ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟ ଗୁରୁବାର ଉଦ୍‌ଯାପିତ ହୋଇଛି। ପଟିଆସ୍ଥିତ...

ଡୋନାଙ୍କୁ ବିବାହ କରିବା ପରେ ବି ନଗ୍‌ମାଙ୍କ ପ୍ରତି ଆକର୍ଷିତ ହୋଇଥିଲେ ସୌରଭ ଗାଙ୍ଗୁଲୀ…

ମୁମ୍ବାଇ,୨୫।୧୨: ସାଉଥ୍‌ ଅଭିନେତ୍ରୀ ନଗ୍‌ମା ବୁଧବାର ୪୫ ବର୍ଷରେ ପଦାର୍ପଣ କରିଛନ୍ତି। ୧୯୭୪ ଡିସେମ୍ବର ୨୫ରେ ସେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ତାଙ୍କର ପ୍ରକୃତ ନାମ...

Leave a comment

Your email address will not be published. Required fields are marked *