ନିର୍ଣ୍ଣାୟକ ଲଢ଼େଇ ନେଇ ଶ୍ରମିକଙ୍କ ପ୍ରସ୍ତୁତି

ରାଉରକେଲା ଅଫିସ,୧୪।୭ – ସୁନ୍ଦରଗଡ଼ ଜିଲାର ଅନ୍ୟତମ ପ୍ରମୁଖ ଘରୋଇ ଶିଳ୍ପ କାରଖାନା ଆଧୁନିକ ମେଟାଲିକ୍ସର ଭବିଷ୍ୟତ ନେଇ ଆଶଙ୍କା ସୃଷ୍ଟି ହୋଇଛି। କାରଖାନାରେ ଏବେ ତାଲା ଝୁଲୁଛି। ଭବିଷ୍ୟତରେ ଏହାକୁ ଖୋଲାଯିବ ନା ନାହିଁ ସେ ନେଇ ସନ୍ଦେହ ସୃଷ୍ଟି ହୋଇଛି। ଏପଟେ ଶ୍ରମିକମାନେ ବକେୟା ନ ପାଇ ମୁଣ୍ଡରେ ହାତଦେଇ ବସିଛନ୍ତି। ପ୍ରତ୍ୟକ୍ଷ ଓ ପରୋକ୍ଷ ଭାବେ ଏହି ଶିଳ୍ପାନୁଷ୍ଠାନ ଉପରେ ନିର୍ଭର କରି ଚଳୁଥିବା ୪ ହଜାର ଶ୍ରମିକ ଏବେ ଦୁର୍ଦ୍ଦଶା ଭୋଗୁଛନ୍ତି। ୨୦୧୮ ଅକ୍ଟୋବରରେ ଶ୍ରମିକ ଆନ୍ଦୋଳନକୁ ପ୍ରତିହତ କରିବାକୁ କର୍ତ୍ତୃପକ୍ଷ ଗୋଟିଏ ମାସର ଦରମା ଦେଇ ଚୁପ୍‌ ବସିଗଲେ। କାରଖାନାକୁ ଅନ୍ୟ ଏକ କମ୍ପାନୀକୁ ହସ୍ତାନ୍ତର ନେଇ ପ୍ରକ୍ରିୟା ଚାଲିଥିବା ପ୍ରଚାର କରାଗଲା। ଶ୍ରମିକ ନିଯୁକ୍ତି ସହ ବକେୟା ପାଇବେ ବୋଲି ସୂଚନା ଦିଆଗଲା। ହେଲେ କିଛି ଫଳ ହେଲାନି। ଏମିତି ଅବସ୍ଥାରେ ପୁନର୍ବାର ୨୦୧୯ ଜାନୁୟାରୀରେ ଶ୍ରମିକ ଆନ୍ଦୋଳନ ଓ ଫେବୃୟାରୀରେ ଅନଶନ ଆରମ୍ଭ କରାଗଲା। କାରଖାନା ଚଳାଇବାକୁ ଆଗ୍ରହୀ କମ୍ପାନୀ ଅସନ୍ତୁଷ୍ଟ ଶ୍ରମିକଙ୍କ ବକେୟା ବାବଦ କିଛି ଅର୍ଥ ପ୍ରଦାନ କରି ନୀରବ ବସିଗଲେ। ଏପରି ଅବସ୍ଥାରେ କାରଖାନା ଶ୍ରମିକ ୟୁନିୟନର କିଛି ଭୂମିକା ରହିଲା ନାହିଁ। ଶ୍ରମିକଙ୍କୁ ନିଯୁକ୍ତି, କାରଖାନାକୁ ଚଳାଇବା କିମ୍ବା ବକେୟା ପ୍ରଦାନ ନେଇ କେହି ଆଗକୁ ଆସିଲେନି। ଫଳରେ ନିରୁପାୟ ଶ୍ରମିକ ଗୋଷ୍ଠୀ ନିଜେ କମିଟି ଗଢ଼ି ଗତ ଜାନୁୟାରୀରୁ ଆନ୍ଦୋଳନ ଚଳାଇ ଆସୁଛନ୍ତି। ହେଲେ ଏହାର ପ୍ରଭାବ କର୍ତ୍ତୃପକ୍ଷଙ୍କ ଉପରେ ପଡ଼ିପାରିନି। ଶ୍ରମିକଙ୍କ ପକ୍ଷରୁ ନୂତନ ଭାବେ ଏକ କ୍ରିୟାନୁଷ୍ଠାନ କମିଟି ଗଠନ କରାଯାଇଛି। ଶ୍ରମିକ କର୍ମଚାରୀ ସୁରକ୍ଷା ସମିତି ନଁାରେ ଗଠିତ ଏହି ସଙ୍ଗଠନ କାରଖାନା କର୍ତ୍ତୃପକ୍ଷଙ୍କ ବିରୋଧରେ ଶନିବାର ରଣହୁଙ୍କାର ଦେଇଛି। ଏ ନେଇ ସେକ୍ଟର-୨ ସାହାନାଇ ମଣ୍ଡପରେ ଆୟୋଜିତ ଶ୍ରମିକ ସମାବେଶ ଓ ଖବରଦାତା ସମ୍ମିଳନୀରେ ଏହାର କର୍ମକର୍ତ୍ତା କହିଥିଲେ, ଏଥର ଶେଷ ଲଢ଼େଇ ପାଇଁ ପ୍ରସ୍ତୁତି ଆରମ୍ଭ ହୋଇଛି। କର୍ତ୍ତୃପକ୍ଷଙ୍କ ମନମାନି ନେଇ ଶ୍ରମ ବିଭାଗକୁ ଅବଗତ ସତ୍ତ୍ୱେ ଲାଭ ମିଳିପାରିନି। ଏବେ ନ୍ୟାଶନାଲ କମ୍ପାନୀ ଟ୍ରିବ୍ୟୁନାଲ ଏହିି କାରଖାନାକୁ ଲିକ୍ୟୁଡେଟେଡ ନିଷ୍ପତ୍ତି ନେବା ସହ ଲିକ୍ୟୁଡର ମଧ୍ୟ ନିଯୁକ୍ତି ଦେଇଛନ୍ତି। ଏଭଳି ନିଷ୍ପତ୍ତି ନେଇ ପ୍ରତିକ୍ରିୟାଶୀଳ ହୋଇପଡ଼ିଛନ୍ତି କାରାଖାନା ଶ୍ରମିକ। ଲିକ୍ୟୁଡେଟରଙ୍କୁ ସମସ୍ୟା ଅବଗତ କରାଯାଇଛି। ଏପରି ଅବସ୍ଥାରେ ଶ୍ରମିକ କାମ ଓ ବକେୟା ହରାଇବା ଆଶଙ୍କା ପ୍ରକାଶ ପାଇଛି। ସମସ୍ତ ଶ୍ରମିକ ଏକତ୍ରିତ ହୋଇ କାରଖାନା ଚଳାଇବା ଓ ବକେୟା ଦାବିରେ ବଡ଼ ଧରଣର ଆନ୍ଦୋଳନ ପାଇଁ ନିଷ୍ପତ୍ତି ନେଇଛନ୍ତି। ଏଥିରେ ଜିଲା ପ୍ରଶାସନ ଓ ରାଜ୍ୟ ସରକାର ସହଯୋଗ କରିବେ ବୋଲି ସେମାନେ ଆଶା ବ୍ୟକ୍ତ କରିଛନ୍ତି। ଜୁଲାଇ ଶେଷ ସୁଦ୍ଧା କାରଖାନା ଚାଲୁ କରିବା ସହ ବକେୟା ପ୍ରଦାନ ଦିଗରେ ପଦକ୍ଷେପ ନିଆ ନ ଗଲେ ଆନ୍ଦୋଳନ ଅନିବାର୍ଯ୍ୟ ବୋଲି ସଂଗଠନ ପକ୍ଷରୁ ଆବାହକ ହେମନ୍ତ ଜେନା, ଯୁଗ୍ମ ଆବାହକ ଏମ୍‌ଡି ନଦୀମ, ପ୍ରଶାନ୍ତ ପାଢ଼ୀ, ଶରତ ତନ୍ତୀ, ରାଜେଶ କେର୍କେଟା, ସର୍ବେଶ୍ୱର ସାହୁ, ମଙ୍ଗଲ ସିଂ, ନିରାକାର ବେହରା, ଅନୀଲ ଭଞ୍ଜ, ମଞ୍ଜୁର ଅହମ୍ମଦ, ଜ୍ୟୋତିରଞ୍ଜନ ବେହେରା, ମାନସିଦ ଲୁଗୁନ ଏବଂ ଉଦୟ ଓରାମ ପ୍ରମୁଖ ପ୍ରକାଶ କରିଛନ୍ତି।


All Right Reserved By Dharitri.Com

ସରକାରୀ ଯୋଜନାରୁ ବଁଚିତ୍‌ ଭିନ୍ନକ୍ଷମ ଦମ୍ପତି:ଗରିବୀରେ ସଁଥ୍‌ଲି ହେଉଛେ ନିଷ୍‌ପାପ ଛୁଆ

ଭବାନୀପାଟଣା, ୧୫ା୬(ଡି.ଏନ୍‌.ଏ) : ଦିନ୍‌ଥିଲା କଳହାଣ୍ଡି ଜିଲା ଭୁଖମରି ଆର ପିଲାବିକ୍‌ରି ଲାଗି ବଦ୍‌ନାମ ଥିଲା। ଏହେଦେ ସାରା ରାଏଜେ ଭାତହଁ।ଡ଼ି ହିସାବେ ନଁ। କମେଇଛେ।...

ଗଛକୁ ଧକ୍କା ଦେଲା ଯାତ୍ରୀବାହୀ ବସ: ୧୮ ଆହତ

ସୋନପୁର/ମନମୁଣ୍ଡା,୨୬।୫(ନି.ପ୍ର./ଡି.ଏନ.ଏ.):ଖୋର୍ଦ୍ଧା-ବଲାଙ୍ଗୀର ୫୭ ନଂ ଜାତୀୟ ରାଜପଥର ବୌଦ୍ଧ ଜିଲା ମନମୁଣ୍ଡା ପୂର୍ତ୍ତ ବିଭାଗ ଡାକବଙ୍ଗଳା ସମ୍ମୁଖରେ ସୁଜନ ନାମକ ଏକ ଘରୋଇ ଯାତ୍ରୀବାହୀ ବସ୍‌ ରବିବାର...

ସୂଚନା ଫଳକରେ ସୀମିତ ପୁନରୁଦ୍ଧାର

ଡୁଙ୍ଗୁରିପାଲି, ୧୩ା୬(ଡି.ଏନ.ଏ.) – ସୁବର୍ଣ୍ଣପୁର ଜିଲା ଡଙ୍ଗୁରିପାଲି ବ୍ଲକ ସୁନାପାଲି ଗ୍ରାମ ପଞ୍ଚାୟତରସଦର ଗଁାରେ ଥିବା ଯୋଗୀକଟା(ଜଳାଶୟ)ର ପଙ୍କୋଦ୍ଧାର ଓ ଅନ୍ୟାନ୍ୟ କାମ ପାଇଁ ପାଣିକୁ...

ଯୁବତୀଙ୍କୁ ବଳାତ୍କାର ଅଭିଯୋଗ: ଯୁବକ ଫେରାର୍‌

ନୂଆଗାଁ,୨୮।୪(ଡି.ଏନ.ଏ.)-ସୁନ୍ଦରଗଡ଼ ଜିଲା ନୂଆଗାଁ ବ୍ଲକ ବିଶ୍ରା ଥାନା ଅନ୍ତର୍ଗତ ଚିତାପେଡ଼ି ପଞ୍ଚାୟତର ଲୋଧାରାମ ଅଞ୍ଚଳର ଜନୈକ ଯୁବତୀଙ୍କୁ ସେହି ପଞ୍ଚାୟତର ରାଜେଶ ନାଏକ(୩୦) ନାମକ ଜଣେ...

୩୯ ବର୍ଷ ପରେ ଟିଟିଲାଗଡ଼କୁ ମନ୍ତ୍ରୀ ପଦ

ଟିଟିଲାଗଡ଼,୩୦ା୫ (ଡି.ଏନ.ଏ.): ବଲାଙ୍ଗୀର ଜିଲା ଟିଟିଲାଗଡ଼ ବିଧାୟିକା ଟୁକୁନି ସାହୁ ବୁଧବାର କ୍ୟାବିନେଟ ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ତାଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ଚାଷ ପାଇଁ ପାଣି ନାହିଁ: ମେଗା ପ୍ରକଳ୍ପ ଅଫିସ୍‌ରେ ତାଲା ପକାଇଲେ ଚାଷୀ

ଘଣ୍ଟାପଡା, ୧୯।୭ (ଡି.ଏନ.ଏ): ଅନିୟମିତ ବର୍ଷା ଯୋଗୁ ଘଣ୍ଟାପଡା ଅଞ୍ଚଳରେ ଧାନଚାଷ ଉଜୁଡିବାକୁ ବସିଲାଣି । ଆଷାଢ଼ ମାସ ସରି ଶ୍ରାବଣ ହେଲା, ବର୍ଷାର ନାଁ...

ପେଟର ଲାଗି ନାଟ: ଜାଦୁ ଖେଲ ଦେଉଛେ ପେଟକେ ଦାନା

ଅତାବିରା, ୩।୬ (ଡି.ଏନ୍‌.ଏ): ପେଟର ଲାଗି ଦାନା ଯୁଗାଡ଼ କରବାକେ ରାଜସ୍ଥାନ ଜଲବାର ଗାଁରୁ ଆସି ଗୁଟେ ପରିବାର ଓଡ଼ିଶାର ଭିନେ ଭିନେ ଅଂଚଲରେ ବୁଲୁଛନ୍‌।...

ଆପ୍‌ନେ ଆର ବଡ଼ପୁଓ ଆରପାରେ: ଦୁରଦିନ୍‌ରେ ନିସାହା ବିଧବା ଅମ୍ବିକା

ଲୋଇସିଂହା,୩୦।୫(ଡି.ଏନ.ଏ)-  ବଲାଙ୍ଗୀର ଜିଲା ଲୋଇସିଂହା ବ୍ଲକ ବାଦିବାହାଲ ପଁଚେତ୍‌ ସଦର ଗାଁର ଅମ୍ବିକା ବାଗ(୭୦)। ଆପ୍‌ନେ ଅନେକ ଦିନୁ ଅରପାରକେ ଚାଲିଯାଇଥିଲାବେଲେ ବଛର କେତେଟା ଉତାରୁ...

Leave a comment

Your email address will not be published. Required fields are marked *