ବିଶ୍ୱବ୍ୟାଙ୍କର ପ୍ରଥମ ମହିଳା ଏମ୍‌ଡି

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ
ଅନ୍ତର୍ଜାତୀୟ ଆର୍ଥିକ ସଂସ୍ଥା ଭାବେ ବିଶ୍ୱ ବ୍ୟାଙ୍କ ଗରିବ ରାଷ୍ଟ୍ରଗୁଡ଼ିକୁ ସୁଧମୁକ୍ତ ଋଣ ଓ ଅନୁଦାନ ଦେଇ ବିକାଶମୂଳକ ପ୍ରକଳ୍ପ ତ୍ୱରାନ୍ବିତ କରୁଛି। ଇଣ୍ଟରନ୍ୟାଶନାଲ ବ୍ୟାଙ୍କ ଫର୍‌ ରିକନ୍‌ଷ୍ଟ୍ରକଶନ ଆଣ୍ଡ୍‌ ଡେଭଲପ୍‌ମେଣ୍ଟ (ଆଇବିଆର୍‌ଡି) ଏବଂ ଇଣ୍ଟରନ୍ୟାଶନାଲ ଡେଭଲପ୍‌ମେଣ୍ଟ ଆସୋସିଏଶନ (ଆଇଡିଏ)କୁ ନେଇ ବିଶ୍ୱ ବ୍ୟାଙ୍କ ଗଠିତ। ଏବେ ଏହାର ମୁଖ୍ୟ ଲକ୍ଷ୍ୟ ଦାରିଦ୍ର୍ୟ ଦୂରୀକରଣ। ଏଭଳି ଅନ୍ତର୍ଜାତୀୟ ସଂସ୍ଥାରେ ଅନ୍ୟତମ ପ୍ରମୁଖ ପଦବୀରେ ଆସୀନ ହେବାରେ ବର୍ତ୍ତମାନ ଜଣେ ଭାରତୀୟ ମହିଳାଙ୍କୁ ସୁଯୋଗ ମିଳିଛି। ସେ ହେଲେ ଭାରତୀୟ ଷ୍ଟେଟ୍‌ ବ୍ୟାଙ୍କ (ଏସ୍‌ବିଆଇ) ଏମ୍‌ଡି ଅଂଶୁଲା କାନ୍ତ। ଅଂଶୁଲାଙ୍କୁ ବିଶ୍ୱ ବ୍ୟାଙ୍କର ଏମ୍‌ଡି ତଥା ଚିଫ୍‌ ଫାଇନାନ୍‌ସିଆଲ୍‌ ଅଫିସର (ସିଏଫ୍‌ଓ) ଭାବେ ୧୨ ଜୁଲାଇରେ ନିଯୁକ୍ତ କରାଯାଇଥିବା ବିଶ୍ୱ ବ୍ୟାଙ୍କ ପ୍ରେସିଡେଣ୍ଟ ଡେଭିଡ୍‌ ମାଲପସ୍‌ ଘୋଷଣା କରିଛନ୍ତି। ସେ ଅନ୍ତର୍ଜାତୀୟ ବ୍ୟାଙ୍କର ଫାଇନାନ୍‌ସିିଆଲ୍‌ ଏବଂ ରିସ୍କ ମ୍ୟାନେଜମେଣ୍ଟ ଦାୟିତ୍ୱ ସମ୍ଭାଳିବେ। ଅଂଶୁଲା ବିଶ୍ୱବ୍ୟାଙ୍କର ପ୍ରଥମ ମହିଳା ଏମ୍‌ଡି ତଥା ସିଏଫ୍‌ଓ ହେବାର ଗୌରବ ଅର୍ଜନ କରିଛନ୍ତି।
ଅଂଶୁଲା ବିହାରର ଜାମ୍‌ସେଦପୁର (ଏବେ ଝାଡ଼ଖଣ୍ଡ)ରେ ୭ ସେପ୍ଟେମ୍ବର ୧୯୬୦ରେ ଜନ୍ମଗ୍ରହଣ କରିଥିଲେ। ଲେଡି ଶ୍ରୀରାମ କଲେଜରୁ ଅର୍ଥନୀତିରେ ସ୍ନାତକ ଡିଗ୍ରୀ ଅର୍ଜନ କରିବା ପରେ ଦିଲ୍ଲୀ ସ୍କୁଲ ଅଫ୍‌ ଇକନମିକ୍ସରୁ ସେହି ବିଷୟରେ ସ୍ନାତକୋତ୍ତର କରିଥିଲେ। ଭାରତୀୟ ବ୍ୟାଙ୍କିଙ୍ଗ୍‌ ପ୍ରତିଷ୍ଠାନରୁ ସାର୍ଟିଫାଏଡ୍‌ ଆସୋସିଏଟ୍‌ ହୋଇଥିବା ଅଂଶୁଲାଙ୍କ କର୍ମମୟ ଜୀବନ ୧୯୮୩ରେ ଏସ୍‌ବିଆଇର ପ୍ରୋବେଶନାରି ଅଫିସର ଚାକିରି ପାଇବାଠାରୁ ଆରମ୍ଭ ହୋଇଥିଲା। କାର୍ଯ୍ୟ ପ୍ରତି ନିଷ୍ଠା ତାଙ୍କୁ ଉଚ୍ଚକୁ ଯିବା ପାଇଁ ରାସ୍ତା ଦେଖାଇଥିଲା। ମହାରାଷ୍ଟ୍ର ଓ ଗୋଆର ଏସ୍‌ବିଆଇ ଚିଫ୍‌ ଜେନେରାଲ ମ୍ୟାନେଜର, ଅପରେଶନ୍ସ ଫର୍‌ ନ୍ୟାଶନାଲ ବ୍ୟାଙ୍କିଙ୍ଗ୍‌ ଗ୍ରୁପ୍‌ର ଡେପୁଟି ମ୍ୟାନେଜିଂ ଡାଇରେକ୍ଟର ଏବଂ ସିଙ୍ଗାପୁରଠାରେ ଏସ୍‌ବିଆଇର ଚିଫ୍‌ ଏକ୍‌ଜିକ୍ୟୁଟିଭ୍‌ ଅଫିସର ରହିବା ପରେ ଅଂଶୁଲାଙ୍କୁ ଏହି ସର୍ବବୃହତ୍‌ ବାଣିଜି୍ୟକ ବ୍ୟାଙ୍କ ଦୁଇ ବର୍ଷ ପାଇଁ ଏମ୍‌ଡି ଆସନରେ ବସାଇବା ସହ ବ୍ୟାଙ୍କ ବୋର୍ଡରେ ସଦସ୍ୟ ଭାବେ ନେଇଥିଲା। ରିଟେଲ୍‌ ବ୍ୟାଙ୍କିଙ୍ଗ୍‌, କର୍ପୋରେଟ୍‌ କ୍ରେଡିଟ୍‌, କ୍ରସ୍‌-ବର୍ଡର ଟ୍ରେଡ୍‌ ଏବଂ ବ୍ୟାଙ୍କିଙ୍ଗ୍‌ ଇନ୍‌ ଡେଭଲପ୍‌ମେଣ୍ଟ (ଉଭୟ ପାଇକାରି ଓ ଖୁଚୁରା) ଆଦି ଜଟିଳ ଆର୍ଥିକ ଦିଗ ଉପରେ ଦୀର୍ଘବର୍ଷର ଅଭିଜ୍ଞତା ବର୍ତ୍ତମାନ ତାଙ୍କୁ ବିଶ୍ୱ ବ୍ୟାଙ୍କ ଭଳି ସଂସ୍ଥାରେ କାର୍ଯ୍ୟ କରିବା ଲାଗି ସୁଯୋଗ ଦେଇଛି ବୋଲି ଖେଦ୍‌ ଡେଭିଡ୍‌ ମାଲପସ୍‌ କହିଛନ୍ତି। ଜଣେ ଭାରତୀୟ ମହିଳାଙ୍କ କାର୍ଯ୍ୟଦକ୍ଷତା ଉପରେ ବିଶ୍ୱ ବ୍ୟାଙ୍କ ସଭାପତିଙ୍କ ଏଭଳି ମନ୍ତବ୍ୟ ନିଶ୍ଚିତ ଭାବେ ସମ୍ମାନଜନକ।
କର୍ମମୟ ଜୀବନର ଆରମ୍ଭ ବେଳର କଥାକୁ ମନେପକାଇ ଅଂଶୁଲା କହନ୍ତି, ଯେତେବେଳେ ସେ ଏସ୍‌ବିଆଇରେ ଯୋଗ ଦେଇଥିଲେ ସେତେବେଳେ ତାଙ୍କୁ କୁହାଯାଇଥିଲା ଯେ ବ୍ୟାଙ୍କିଙ୍ଗ୍‌ ପରୀକ୍ଷାରେ ପାର୍ଟ ୧, ପାର୍ଟ ୨ ଛଡ଼ା ଆଉ ପାର୍ଟ ୩ ରହିଛି। ଏହି ପାର୍ଟ ୩ରେ ବ୍ୟାଙ୍କ ସଂଘ ସହ ଉତ୍ତମ ସମ୍ପର୍କ ଏବଂ ପଦୋନ୍ନତି ଓ ବଦଳି ଲାଗି ବରିଷ୍ଠ ଅଧିକାରୀଙ୍କୁ ଖୁସି କରିବା ବିଷୟ ସନ୍ନିବେସିତ ବୋଲି କୁହାଯାଇଥିଲା। କିନ୍ତୁ ଚାକିରି ଅଭିଜ୍ଞତା ଭିତରେ ସେ ଏଭଳି ପରିସ୍ଥିତିର ସମ୍ମୁଖୀନ ହୋଇ ନ ଥିଲେ ଓ ଏସବୁ ମନଗଢ଼ା ଥିଲା ବୋଲି ଅଂଶୁଲା କହିଛନ୍ତି। ପରନ୍ତୁ ଏସ୍‌ବିଆଇର ଆବାସିକ କଲୋନୀ ତାଙ୍କୁ ଉପରକୁ ଉଠିବା ସହ ପାରିବାରିକ ଜୀବନ ସୁଖକର କରିବାରେ ସହାୟକ ହୋଇଥିଲା ବୋଲି କହିଛନ୍ତି। ସ୍ବାମୀ, ଗୋଟିଏ ଝିଅ ଓ ଗୋଟିଏ ପୁଅକୁ ନେଇ ତାଙ୍କ ସଂସାର। ସ୍ବାମୀ ସଞ୍ଜୟ ବାରାଣସୀଠାରେ ଚାର୍ଟାର୍ଡ ଆକାଉଣ୍ଟାଣ୍ଟ ଭାବେ କାର୍ଯ୍ୟରତ। ଝିଅ ନୂପୁର ତାଙ୍କ ସ୍ବାମୀଙ୍କ ସହ ସିଙ୍ଗାପୁରରେ ରହୁଥିବା ବେଳେ ପୁଅ ସିଦ୍ଧାର୍ଥ ନ୍ୟୁୟର୍କରେ ବସବାସ କରୁଛନ୍ତି। ସଂସାର ଓ ବ୍ୟାଙ୍ଗିଙ୍ଗ୍‌ ଭଳି ଆର୍ଥିକ ଜଟିଳ ଦୁନିଆକୁ ପରିଚାଳନା କରି ଯିଏ ଅନ୍ତର୍ଜାତୀୟ ସଂସ୍ଥାରେ ଅବସ୍ଥାପିତ ହୋଇପାରିଛନ୍ତି, ବିଶ୍ୱବାସୀ ନିଶ୍ଚିତ ଭାବେ ତାଙ୍କଠାରୁ ଆହୁରି ଅଧିକ ଆଶା ରଖିବା ସ୍ବାଭାବିକ।


All Right Reserved By Dharitri.Com

ପାଖେଇ ଆସୁଛି ପ୍ରଳୟ

ଅଭୟ ସୂତାର ଏବେ ବିଶ୍ୱ ପରିବେଶରେ ସଙ୍କଟଜନକ ପରିସ୍ଥିତି ସୃଷ୍ଟି ହୋଇଛି। ପରିବେଶ ପ୍ରଦୂଷଣ ଯୋଗୁ ପୃଥିବୀ ପୃଷ୍ଠରୁ ଅନେକ ଜାତିର ପ୍ରାଣୀ ଓ ଉଦ୍ଭିଦ...

ନାରୀ ସ୍ବାଧୀନତା ଓ ସୁରକ୍ଷା

ପ୍ରଦୀପ୍ତ ନାୟକ ସଦ୍ୟ ପ୍ରକାଶିତ ଏନ୍‌ସିଆର୍‌ବି ରିପୋର୍ଟ ଅନୁଯାୟୀ ମହିଳାମାନଙ୍କ ଉପରେ ହେଉଥିବା ହିଂସାକୁ ତର୍ଜମା କଲେ ନାରୀ ସୁରକ୍ଷା ତଥା ସ୍ବାଧୀନତା ଆମ ଦେଶ...

ଏଇ ଭାରତରେ

ବିଲୁପ୍ତପ୍ରାୟ ପକ୍ଷୀଙ୍କ ପାଇଁ ରହିଛି ରେସ୍ତୋରଁା। ଏ କଥା ଶୁଣିଲେ ଆଶ୍ଚର୍ଯ୍ୟ ଲାଗିବା ସ୍ବାଭାବିକ। ଆମ ଦେଶର କାନପୁରର ଜୁଲୋଜିକାଲ ପାର୍କରେ ଖୋଲିଛି ଏହି ରେସ୍ତୋରଁା।...

ଏଇ ଭାରତରେ

ଟ୍ରାଫିକ୍‌ ନିୟମ କଡାକଡି କରାଯାଇ ନିୟମ ଖିଲାପକାରୀଙ୍କ ବିରୋଧରେ ମୋଟା ଅଙ୍କର ଜରିମାନା ଆଦାୟ କରାଯାଉଥିବାବେଳେ ଜଣେ ମୃତକଙ୍କ ନାମରେ ଟ୍ରାଫିକ୍‌ ନିୟମ ଭଙ୍ଗ ଅଭିଯୋଗ...

କୀଟପତଙ୍ଗରୁ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପ୍ରକୃତିରେ କୌଣସି କ୍ଷତିକାରକ କୀଟପତଙ୍ଗ (ପେଷ୍ଟ) ବା ଅବାଞ୍ଛିତ ଘାସ (ଓ୍ବିଡ୍‌) ନାହିଁ। କିନ୍ତୁ ମଣିଷ ନିଜ ପାଇଁ ଖାଦ୍ୟ...

ଏଇ ଭାରତରେ

ଶିକ୍ଷା ପ୍ରତି ଝିଅମାନଙ୍କର ଆଗ୍ରହ ବଢ଼ାଇବା ଲାଗି ଗୁଜରାଟର ଏକ ପଞ୍ଚାୟତ ଆପଣାଇଛି ଏକ ଅଜବ ଉପାୟ। ଏଠାରେ ନିର୍ମାଣ କରାଯାଉଥିବା ରାସ୍ତାଗୁଡିକର ନାମକରଣ ପଞ୍ଚାୟତର...

ଦେଶ ବଞ୍ଚିଲେ ଆମେ ବଞ୍ଚିବା

ବୈକୁଣ୍ଠନାଥ ମିଶ୍ର ମନୁଷ୍ୟର ଅସ୍ବାଭାବିକ ଆଚରଣ ଘୋର ସଙ୍କଟମୟ ସ୍ଥିତିକୁ ଆମନ୍ତ୍ରଣ କରୁଛି। ତା’ର ଚଳଣି, ନିତ୍ୟନୈମିତ୍ତିକ କର୍ମ ସମ୍ପାଦନ ଓ ଗତିବିଧିର ଫଳାଫଳ କ୍ରମେ...

ଏଇ ଭାରତରେ

ବୁଲା କୁକୁରଙ୍କ ଉପରେ ସବୁଠି ଅତ୍ୟାଚାର କରାଯାଉଥିତ୍ବା ବେଳେ ସେମାନଙ୍କ ଦେଖାରଖା ପାଇଁ ଜଣେ ମହିଳା ନିଜର ଗହଣା ବିକିଦେବା ଭଳି ରୋଚକ ଖବର ଏବେ...

Leave a comment

Your email address will not be published. Required fields are marked *