କିଙ୍ଗଫିଶର ଦଶା ଭୋଗିପାରେ ଜେଟ୍‌; ଉଡାଣ ସାମୟିକ ବନ୍ଦ ଲାଗି ମ୍ୟାନେଜମେଣ୍ଟର ପ୍ରସ୍ତାବ

ନୂଆଦିଲ୍ଲୀ,୧୭-୪: କିଙ୍ଗଫିଶର ଏୟାରଲାଇନ୍ସ ଭଳି ଜେଟ୍‌ ଏୟାରଓ୍ବେଜ ବନ୍ଦ ହୋଇଯିବାର ସମ୍ଭାବନା ସୃଷ୍ଟି ହୋଇଛି। ଯାହା ଜଣାପଡୁଛି ବିଜୟ ମାଲ୍ୟାଙ୍କ କମ୍ପାନୀ ଭଳି ନରେଶ ଗୋୟଲଙ୍କ କମ୍ପାନୀ ମଧ୍ୟ ବନ୍ଦ ହେବାକୁ ଯାଉଛି। କାରଣ ଜେଟ୍‌ର ଅଂଶଧନ ବିକ୍ରି ପ୍ରୟାସ ସଫଳ ହେଉନାହିଁ। ବିରୋଧ କାରଣରୁ ଗୋୟଲଙ୍କ ନେତୃତ୍ୱାଧୀନ ୩ କମ୍ପାନୀ ବିଡିଂ ପ୍ରକ୍ରିୟାରୁ ଦୂରେଇ ଯାଇଛନ୍ତି। ଗୋୟଲଙ୍କୁ ବିଡିଂ ପ୍ରକ୍ରିୟାରୁ ନ ହଟାଇଲେ ସେମାନେ ଏଥିରୁ ଓହରି ଯିବେ ବୋଲି ଏଥିପୂର୍ବେ ଏଟିହାଦ ଏୟାରଓ୍ବେଜ ଏବଂ ଟିପିଜି କ୍ୟାପିଟାଲ ଧମକ ଦେଇଥିଲା। ଏହା ଜାଣିବା ପରେ ଗୋୟଲ ବିଡିଂ ପ୍ରକ୍ରିୟାରୁ ଦୂରେଇ ଯାଇଛନ୍ତି।

ଏହାରି ଭିତରେ ଜେଟ୍‌ ମ୍ୟାନେଜମେଣ୍ଟ ନିଜ ବୋର୍ଡ ନିକଟରେ କମ୍ପାନୀର କାରବାରକୁ କିଛି ସମୟ ପାଇଁ ବନ୍ଦ କରିବାକୁ ପ୍ରସ୍ତାବ ଦେଇଛି। ପାଣ୍ଠି ଯୋଗାଡ ପର୍ଯ୍ୟନ୍ତ କାରବାର ବନ୍ଦ ସପକ୍ଷରେ ମ୍ୟାନେଜମେଣ୍ଟ ଯୁକ୍ତି ବାଢ଼ିଛି। କାରଣ ବ୍ୟାଙ୍କରୁ ପାଣ୍ଠି ମିଳିବାର ଆଉ ଆଶା ନାହିଁ ବୋଲି କୁହାଯାଇଛି। ପାଣ୍ଠି ଅଭାବରେ ଜେଟ୍‌ର ଏବେ ମାତ୍ର ୭ ବିମାନ ଉଡ଼ାଣ ଭରୁଛି। କାରଣ ବହୁ କଷ୍ଟରେ ବିମାନ ଇନ୍ଧନ ପାଇଁ ଖର୍ଚ୍ଚ କରାଯାଇପାରୁଛି। ମଙ୍ଗଳବାର ମୁମ୍ବାଇରେ ଜେଟ ଏୟାରଓ୍ବେଜ ବୋର୍ଡର ଗୁରୁତ୍ୱପୂର୍ଣ୍ଣ ବୈଠକ ବସିଥିଲା।

ଏଥିରେ ମ୍ୟାନେଜମେଣ୍ଟ ପକ୍ଷରୁ ଉକ୍ତ ପ୍ରସ୍ତାବ ଦିଆଯାଇଛି। ଜଣେ ଅଧିକାରୀ କହିଛନ୍ତି ଯେ, ଜେଟ୍‌ ଏହାର ଗ୍ରାହକଙ୍କୁ ଠକିବାକୁ ଚାହୁଁନାହିଁ। କାରଣ ଏବେ ଉଡ଼ାଣ ଭରିବା କଥା କହିବା ହାସ୍ୟାସ୍ପଦ ହେବ। ସୂଚନାଥାଉ କି, ଗୋୟଲଙ୍କ ଜେନେରାଲ ସେଲ୍ସ ଏଜେନ୍ସି ଜେଟ ଏୟାର ଏକ ଆମେରିକୀୟ କମ୍ପାନୀ ଫ୍ୟୁଚର ଟ୍ରେଣ୍ଡ କ୍ୟାପିଟାଲ ଏବଂ ଲଣ୍ଡନସ୍ଥିତ ଏକ କମ୍ପାନୀ ଏଡି ପାର୍ଟନର୍ସ ସହାୟତାରେ ଜେଟ୍‌ ଅଂଶଧନ କିଣିବା ଲାଗି ଶୁକ୍ରବାର ସନ୍ଧ୍ୟା ୬.୦୮ଟାରେ ଆଗ୍ରହ ପତ୍ର ଦାଖଲ କରିଥିଲା। କିନ୍ତୁ ଏହା ଜମା କରିବାର ସମୟସୀମା ସନ୍ଧ୍ୟା ୬ଟା ଯାଏ ଧାର୍ଯ୍ୟ ହୋଇଥିଲା। ପ୍ରାପ୍ତ ସୂଚନାରୁ ଜଣାପଡିଛି ଯେ, ଅଂଶଧନ ବଢ଼ାଇବା ଲାଗି ଏଟିହାଦ ପକ୍ଷରୁ ଦୁଇଟି ସର୍ତ୍ତାରୋପ କରାଯାଇଛି।

ପ୍ରଥମତଃ ଜେଟ୍‌ରୁ ଗୋୟଲଙ୍କୁ ସମ୍ପୂର୍ଣ୍ଣ ବିଦା କରିବା ଏବଂ ଦ୍ୱିତୀୟରେ ଶେୟାର ବଜାରରେ ଓପନ ଅଫର ଦେବାରୁ ରକ୍ଷା କରିବାକୁ କୁହାଯାଇଛି। ଅନ୍ୟପକ୍ଷରେ ଜଣେ ବରିଷ୍ଠ ବ୍ୟାଙ୍କ ଅଧିକାରୀ କହିଛନ୍ତି ଯେ, ପିଏନ୍‌ବି, ଆଇସିଆଇସିଆଇ ଓ ୟେସ ବ୍ୟାଙ୍କ ଜେଟ୍‌କୁ ଜରୁରୀ ପାଣ୍ଠି ଦେବା ସପକ୍ଷରେ ନ ଥିବା ବେଳେ ଏସ୍‌ବିଆଇ, ବ୍ୟାଙ୍କ ଅଫ୍‌ ଇଣ୍ଡିଆ, କାନାରା ବ୍ୟାଙ୍କ ଏବଂ ସିଣ୍ଡିକେଟ ବ୍ୟାଙ୍କ ପାଣ୍ଠି ଦେବା ସପକ୍ଷରେ ଯୁକ୍ତି ଦର୍ଶାଉଛନ୍ତି। ଫଳରେ ପାଣ୍ଠି ଦେବା ନେଇ ନିଷ୍ପତ୍ତି ନିଆଯାଇପାରୁନି।


All Right Reserved By Dharitri.Com

ଅଣ ସବ୍‌ସିଡି ଏଲ୍‌ପିଜି ଦର ୫୩ ଟଙ୍କା କମିଲା

ନୂଆଦିଲ୍ଲୀ, ୨-୩: ଅଣ ସବ୍‌ସିଡି ଏଲପିଜି ଗ୍ୟାସର ସିଲିଣ୍ଡର ପିଛା ମୂଲ୍ୟ ରବିବାର ୫୩ ଟଙ୍କା ହ୍ରାସ ଘଟିଛି। ନୂଆଦିଲ୍ଲୀ ଏବଂ ମୁମ୍ବାଇରେ ୧୪.୨ କିଲୋ...

ଆଇଟି ଶିଳ୍ପରେ ୨ ଲକ୍ଷ କର୍ମଚାରୀଙ୍କ ଛଟେଇ ଆଶଙ୍କା

ନୂଆଦିଲ୍ଲୀ,୨୭-୧୧: ଦେଶର ଆଇଟି ଶିଳ୍ପରେ ଛଟେଇ ଧାରା ବନ୍ଦ ହେବାର ନାଁ ଧରୁନାହିଁ। ଆଗାମୀ ଗୋଟିଏ ବର୍ଷ ମଧ୍ୟରେ ଆଇଟି ଶିଳ୍ପରେ ୧ ରୁ ୨...

୫୬ ରାଷ୍ଟ୍ରାୟତ୍ତ କମ୍ପାନୀଙ୍କ ସ୍ଥିତି ଅତ୍ୟଧିକ ଖରାପ

ନୂଆଦିଲ୍ଲୀ,୧୬-୭: ଆର୍ଥିକ ସ୍ଥିତି ଦୃଷ୍ଟିରୁ ଦେଶରେ ରାଷ୍ଟ୍ରାୟତ୍ତ କମ୍ପାନୀଙ୍କ ସଂଖ୍ୟା ଗତ ୩ ବର୍ଷରେ ବଢ଼ିଚାଲିଛି। ୨୦୧୫-୧୬ରେ ଏହି ସଂଖ୍ୟା ୪୮ ଥିବା ବେଳେ ୨୦୧୭-୧୮ରେ...

କେଟିଏମ୍‌ ପକ୍ଷରୁ ଷ୍ଟଣ୍ଟ ଶୋ

ଭୁବନେଶ୍ୱର,୩।୭: କେଟିଏମ୍‌ ପକ୍ଷରୁ କଟକ ଏବଂ ଭୁବନେଶ୍ୱରରେ ଆକର୍ଷଣୀୟ ଷ୍ଟଣ୍ଟ ଶୋ’ ଅନୁଷ୍ଠିତ ହୋଇଯାଇଛି। ପେସାଦାର ଷ୍ଟଣ୍ଟ ପ୍ରଦର୍ଶନକାରୀମାନେ ଏଠାରେ ଷ୍ଟଣ୍ଟ ପ୍ରଦର୍ଶନ କରିଛନ୍ତି। ବାଇକପ୍ରେମୀମାନେ...

୨୦ ହଜାର କୋଚ୍‌ରେ ହେବ ଆଇସୋଲେଶନ ୟୁନିଟ୍‌

ନୂଆଦିଲ୍ଲୀ,୩୧। ୩: କୋଭିଡ୍‌-୧୯ରେ ସଂକ୍ରମିତ ବ୍ୟକ୍ତିଙ୍କ ଚିକିତ୍ସା ଲାଗି ରେଲଓ୍ବେ ଆଗେଇ ଆସିଛି। ଏହାର ୨୦ ହଜାର କୋଚ୍‌କୁ ଆଇସୋଲେଶନ ୟୁନିଟରେ ରୂପାନ୍ତରିତ କରିବା ଲାଗି...

ବ୍ୟାଙ୍କଗୁଡିକ ପାଇଁ ଆଉଟଲୁକ୍‌ ନେଗେଟିଭ କଲା ମୁଡିସ୍‌

ମୁଡିସ୍‌ ଇନଭେଷ୍ଟର୍ସ ସର୍ଭିସ ଗୁରୁବାର ଭାରତୀୟ ବ୍ୟାଙ୍କଗୁଡିକ ଲାଗି ଆଉଟଲୁକ୍‌କୁ ନେଗେଟିଭ୍‌ କରିଛି। ଏହା ପୂର୍ବରୁ ଆଉଟଲୁକ୍‌ ଷ୍ଟେବଲ ବୋଲି ମୁଡିସ କହିଥିଲା। ବ୍ୟାଙ୍କଗୁଡିକର ଆସେଟ...

ଷ୍ଟେଶନ ପରିସରରେ କଡାକଡି ହେବ ସ୍ବଚ୍ଛତା ନିୟମ

ଭୁବନେଶ୍ୱର,୮-୨: ଚଳିତ ମାସ ୧୦ ତାରିଖଠାରୁ ରେଳ ଓ ରେଳ ଷ୍ଟେଶନ ପରିସରରେ ସ୍ବଚ୍ଛତା ନିୟମ କଡାକଡି ହେବ। ନିୟମ ଅବମାନନା କରୁଥିବା ବ୍ୟକ୍ତି ବିଶେଷଙ୍କ...

ଅର୍ଥନୀତି ପାଇଁ ଆର୍ଥିକ ପ୍ୟାକେଜ ଘୋଷଣା ହେବ ବିଳମ୍ବ;ଆହୁରି ୮ ବୈଠକରେ ଯୋଗ ଦେବେ ସୀତାରାମନ୍‌

ନୂଆଦିଲ୍ଲୀ,୧୯-୮: ଅର୍ଥନୀତିକୁ ଦ୍ରୁତତର କରିବା ଲାଗି ଆର୍ଥିକ ପ୍ୟାକେଜ ଘୋଷଣା କରିବା ଆହୁରି ବିଳମ୍ବ ହେବ। କାରଣ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ସାରା ଦେଶରେ...

Leave a comment

Your email address will not be published. Required fields are marked *