Posted inUncategorized

ପାର୍ଲାମେଣ୍ଟରେ ହେଲା ନୂଆ ରେକର୍ଡ; ମଧ୍ୟରାତ୍ରି ଯାଏ ଚାଲିଲା ରେଳ ବଜେଟ ଆଲୋଚନା

ନୂଆଦିଲ୍ଲୀ,୧୩।୭: ବଜେଟରେ ରେଲଓ୍ବେକୁ ମିଳିବାକୁ ଥିବା ଅନୁଦାନ ଉପରେ ଗୁରୁବାର ଲୋକ ସଭାରେ ଦୀର୍ଘ ୧୨ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ଆଲୋଚନା ହୋଇଥିଲା। ଏହା ଏକ ନୂଆ ରେକର୍ଡ ବୋଲି ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି। ରେଳଓ୍ବେକୁ ମିଳିବାକୁ ଥିବା ଅନୁଦାନ ନେଇ ଆଲୋଚନା ଗୁରୁବାର ରାତ୍ର ୧୧.୫୮ ପର୍ଯ୍ୟନ୍ତ ଚାଲିଥିଲା। ପ୍ରତ୍ୟେକ ସଦସ୍ୟ ଆଲୋଚନାରେ ଅଂଶଗ୍ରହଣ କରିବାକୁ ଚାହୁଁଥିଲେ ବୋଲି ସଂସଦୀୟ ବ୍ୟାପାର ମନ୍ତ୍ରୀ ଶୁକ୍ରବାର କହିଛନ୍ତି। ଦୀର୍ଘ ୧୮ ବର୍ଷ ପରେ ପ୍ରଥମ ଥର ନିମ୍ନ ସଦନରେ ଆଲୋଚନା ଦୀର୍ଘସମୟ ଧରି ଚାଲିଥିଲା। ଏଥିରେ ୧୦୦ରୁ ଊର୍ଦ୍ଧ୍ୱ ସାଂସଦ ଆଲୋଚନାରେ ଅଂଶଗ୍ରହଣ କରିଥିଲେ ବୋଲି ସେ କହିଛନ୍ତି। ରେଳ ସେବାରେ ଉନ୍ନତି ଆଣିବା ପରିବର୍ତ୍ତେ ସରକାର ଏହାର ସମ୍ପତ୍ତିକୁ ବିକ୍ରି କରିବାକୁ ଉଦ୍ୟମ କରୁଛନ୍ତି ବୋଲି ବିରୋଧୀ ଦଳଗୁଡ଼ିକ ଆଲୋଚନା କାଳରେ ଅଭିଯୋଗ ଆଣିଥିଲେ। ତେବେ ଏନ୍‌ଡିଏ ସରକାର ସମୟରେ ରେଲଓ୍ବେ ଭିତ୍ତିଭୂମି ନିର୍ମାଣ ଏବଂ ସୁରକ୍ଷା ଦୃଷ୍ଟିରୁ ଦୈନିକ ରେକର୍ଡ କରିଚାଲିଛି ବୋଲି ସରକାରଙ୍କ ପକ୍ଷରୁ ଯୁକ୍ତି ଦର୍ଶାଯାଇଥିଲା। କଂଗ୍ରେସ, ତୃଣମୂଳ କଂଗ୍ରେସ, ଏନ୍‌ସିପି, ଡିଏମ୍‌କେ ଓ ଅନ୍ୟ ବିରୋଧୀ ଦଳଗୁଡ଼ିକ ରେଲଓ୍ବେର ଘରୋଇକରଣ କରାଯାଉଥିବା ଅଭିଯୋଗ ଆଣିଥିଲେ। ଏନ୍‌ଡିଏ ସରକାର ଲୋକଙ୍କୁ ବୁଲେଟ ଟ୍ରେନ୍‌ର ସ୍ବପ୍ନ ଦେଖାଉଛନ୍ତି, ଯାହାକି ବାସ୍ତବଯୋଗ୍ୟ ନୁହେଁ। ରେଳ ରାଷ୍ଟ୍ରମନ୍ତ୍ରୀ ସୁରେଶ ଅଙ୍ଗଦି ଆଲୋଚନାରେ ହସ୍ତକ୍ଷେପ କରି ସରକାରଙ୍କ ସପକ୍ଷରେ କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ସମୟରେ ରେଲଓ୍ବେର ସୁରକ୍ଷା, ଭିତ୍ତିଭୂମି ନିର୍ମାଣ ଓ ସ୍ବଚ୍ଛତା ବଢ଼ିଛି। ଭାଜପା ସାଂସଦ ସୁନୀଲ କୁମାର ସିଂ କହିଥିଲେ ଯେ, କଂଗ୍ରେସ ଶାସନ ସମୟଠାରୁ ଏନ୍‌ଡିଏ ସରକାରଙ୍କ ସମୟରେ ଜାତୀୟ ପରିବହନ ଅନେକ ମାଇଲଖୁଣ୍ଟ ହାସଲ କରିଛି। ରେଳ ଦୁର୍ଘଟଣା ୫ ବର୍ଷ ଭିତରେ ୭୩ ପ୍ରତିଶତ ହ୍ରାସ ପାଇଛି।
ରେଲଓ୍ବେରେ ନିବେଶ ଜରୁରୀ: ଗୋୟଲ
ରେଲଓ୍ବେର ଘରୋଇକରଣ କରାଯିବ ନାହିଁ। ଏଥିରେ ସୁବିଧା ବୃଦ୍ଧି, ଉନ୍ନତ ସେବା ଯୋଗାଇବା ଲାଗି ନିବେଶ ଜରୁରୀ ବୋଲି ରେଲମନ୍ତ୍ରୀ ପୀୟୂଷ ଗୋୟଲ ଶୁକ୍ରବାର କହିଛନ୍ତି। ଲୋକ ସଭାରେ ଆର୍ଥିକ ବର୍ଷ ୨୦୧୯-୨୦ ଲାଗି ରେଳ ମନ୍ତ୍ରଣାଳୟର ଅନୁଦାନ ଉପରେ ଆଲୋଚନାର ଉତ୍ତର ଦେଇ ରେଳମନ୍ତ୍ରୀ କହିଛନ୍ତି ଯେ, ରେଳଓ୍ବେର ଘରୋଇକରଣ କରାଯିବ ନାହିଁ ବୋଲି ସେ ବାରମ୍ବାର କହିସାରିଛନ୍ତି। ସୁବିଧା ବଢ଼ାଇବା, ପ୍ରଯୁକ୍ତି ଆଣିବା, ନୂଆ ଷ୍ଟେଶନ ତିଆରି କରିବା, ହାଇସ୍ପିଡ୍‌, ସେମି ହାଇସ୍ପିଡ୍‌ ଟ୍ରେନ ଚଳାଇବା, ଷ୍ଟେଶନରେ ଅଧିକ ସୁବିଧା ପ୍ରଦାନ କରିବା ଆଦି ଲାଗି ନିବେଶ ଆହ୍ବାନ କରିବାକୁ ହେବ। ରେଲଓ୍ବେରେ ସୁବିଧା ବଢ଼ାଇବା, ଗଁାଗଣ୍ଡ ସହ ଦେଶର ସମସ୍ତ ଅଞ୍ଚଳକୁ ରେଳ ସହ ଯୋଡିବା ଲାଗି ଅଧିକ ନିବେଶର ଆବଶ୍ୟକତା ରହିଛି। ଅଧିକ ସୁବିଧା, ସୁରକ୍ଷା, ହାଇସ୍ପିଡ୍‌ ଟ୍ରେନ ପ୍ରଚଳନ ଆଦି ପାଇଁ ପିପିପିି ମୋଡ୍‌କୁ ପ୍ରୋତ୍ସାହିତ କରିବା ଲାଗି ସରକାର ନିଷ୍ପତ୍ତି ନେଇଛନ୍ତି।


All Right Reserved By Dharitri.Com

Posted inUncategorized View All

ପ୍ରଦୂଷଣ ବଢୁଥିବାରୁ ସରକାରଙ୍କ ବିରୋଧରେ ମାମଲା କରିବାକୁ ଅଣ୍ଟା ଭିଡିଲେ ଲୋକେ

ଜାକର୍ତ୍ତା,୮।୭: ଇଣ୍ଡୋନେସିଆର ରାଜଧାନୀ ଜାକର୍ତ୍ତାରେ ଏବେ ପ୍ରଦୂଷଣ ସ୍ତର ବଢିବାରେ ଲାଗିଛି। ଗତ ଜୁନ୍‌ ମାସରୁ ସହରର ବାୟୁ ପ୍ରଦୂଷଣ ସ୍ତର ଦିଲ୍ଲୀ ଓ ବେଜିଂକୁ...

ଆସନ୍ନ ବେକାରି ବିସ୍ଫୋରଣ

ବିମଳ ପ୍ରସନ୍ନ ଦାସ ପୃଥିବୀର ଦ୍ୱିତୀୟ ଜନବହୁଳ ଦେଶ ଭାରତରେ ବେକାରି ସମସ୍ୟା ବଡ଼ ବିପଦ ଭାବେ ଉଭା ହୋଇଛି। ଯେଉଁ ହାରରେ ଜନସଂଖ୍ୟା ବୃଦ୍ଧି...

ସାରସ୍ବତ ସାଧିକା ସଂଯୁକ୍ତା

ପେସା ଶିକ୍ଷକତା, ହେଲେ ଲେଖାଲେଖି ସତେ ଯେମିତି ତାଙ୍କ ପାଇଁ ନିଶା ପାଲଟିଯାଇଛି। ସେ ହେଲେ ସଂଯୁକ୍ତା ମହାପାତ୍ର। ଯାଜପୁର ଜିଲା ବଡ଼ ତ୍ରିଲୋଚନପୁର ଗ୍ରାମରେ...

ସ୍ବଦେଶ ଫେରିଲା ନ୍ୟୁଜିଲାଣ୍ଡ ଟିମ୍‌

ଅକ୍‌ଲାଣ୍ଡ, ୧୮।୭- ଆଇସିସି ବିଶ୍ୱକପ୍‌ର ସଂଘର୍ଷପୂର୍ଣ୍ଣ ଫାଇନାଲ ମ୍ୟାଚ୍‌ରେ ଆୟୋଜକ ଇଂଲଣ୍ଡ ନିକଟରୁ ବାଉଣ୍ଡାରୀ ବ୍ୟବଧାନରେ ହାରି ରନର୍ସଅପ୍‌ରେ ସନ୍ତୁଷ୍ଟ ରହିଥିବା ନ୍ୟୁଜିଲାଣ୍ଡ ଦଳ ଗୁରୁବାର...

Arindam Roy calls for a Plastic Free Odisha, Do You?

Arindam Roy support a Plastic Free Odisha. Do you? *Visit our website dharitri.com. Like,Share,Subscribe,Recommend our Facebook Page Dharitri (@DharitriNews) *Post your...

ବଜ୍ରପାତରେ ଜଳିଗଲା ବୃଦ୍ଧାଙ୍କ ଘର: ୯ ଛେଳି, ୧୨ କୁକୁଡା ଜୀବନ୍ତ ଦଗ୍ଧ

ହାଟଡ଼ିହୀ,୧/୫(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ ବାଲିବରେଇ ପଞ୍ଚାୟତ ବଧଗଡ଼ିଆ ଗ୍ରାମ ମହାକୁଡ଼ ସାହିରେ ବଜ୍ରପାତରେ ବିଧବା ବୃଦ୍ଧା ଯମୁନା ହୋତାଙ୍କ ୩ ବଖରା ଘର...

ମାଲେସିଆ ଜାହାଜରୁ ତେଲ କଢ଼ାଯିବ: ମନ୍ତ୍ରୀ

ଭୁବନେଶ୍ୱର,୨୭।୮(ବ୍ୟୁରୋ): ଚିଲିକା ନିକଟରେ ଲାଗିଥିବା ମାଲେସିଆ ମାଲବାହୀ ଜାହାଜରୁ ତେଲ କଢାଯିବ। ସୋମବାର ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ଏହି ସୂଚନା ଦେଇଛନ୍ତି।...

ଅବକାରୀ ବିଭାଗ ପକ୍ଷରୁ ଚଢାଉ: ୩ ଗିରଫ

ବଇଣ୍ଡା,୩୦।୫(ଡି.ଏନ.ଏ.)-ଆଠମଲ୍ଲିକ ଅବକାରୀ ବିଭାଗ ଗୁରୁବାର ଠାକୁରଗଡ଼ ଥାନା ଗୋପିନାଥପୁର ଗ୍ରାମରେ ଚଢାଉ କରି ୪୦ ଲିଟର ଦେଶୀ ମଦ ଜବତ କରିଛି। ଏହି ଘଟଣାରେ ୩...

Leave a comment

Your email address will not be published. Required fields are marked *