ସ୍ବପ୍ନରେ ବିଶ୍ୱସ୍ତରୀୟ ଟର୍ମିନାଲ

୧୮୦ କୋଟି ଟଙ୍କା ବ୍ୟୟରେ ସ୍ମାର୍ଟସିଟିର ସ୍ମାର୍ଟ ବସ୍‌ ଟର୍ମିନାଲ ରୂପ ନେଇଥାନ୍ତା ବରମୁଣ୍ଡା ବସ୍‌ଷ୍ଟାଣ୍ଡ। ବିଶ୍ୱସ୍ତରୀୟ ବସ୍‌ଷ୍ଟାଣ୍ଡ ଭାବେ ଏହାକୁ ଗଢି ତୋଳାଯାଇଥାନ୍ତା। ୨୦୧୯ ଏପ୍ରିଲ୍‌ ସୁଦ୍ଧା ଏହା ଅତ୍ୟାଧୁନିକ ଆନ୍ତଃରାଜ୍ୟ ବସ୍‌ ଟର୍ମିନାଲରେ ପରିଣତ ହୋଇଥାନ୍ତା। ହେଲେ ସବୁକିଛି ଏବେ ସ୍ବପ୍ନ ପାଲଟିଛି। ଯୋଜନାର ବାସ୍ତବ ରୂପ ଦିଆଯିବା ବଦଳରେ ବରମୁଣ୍ଡା ବସ୍‌ଷ୍ଟାଣ୍ଡ୍‌କୁ ଆହୁରି ବିକୃତ କରିଦିଆଯାଇଛି। ପାଣିକାଦୁଅ, ଦୁର୍ଗନ୍ଧ ଓ ଅବ୍ୟବସ୍ଥା ମଧ୍ୟରେ ଦୁର୍ଦ୍ଦଶା ଭୋଗୁଛନ୍ତି ଯାତ୍ରୀ।

ରାଜ୍ୟର ସବୁଠାରୁ ବଡ଼ ବରମୁଣ୍ଡା ବସ୍‌ଷ୍ଟାଣ୍ଡ୍‌ ୧୪.୪୩ ଏକର ଜମିରେ ପରିବ୍ୟାପ୍ତ। ଏହାର ପରିସୀମାକୁ ଆହୁରି ବୃଦ୍ଧି କରାଯାଇ ଅତ୍ୟାଧୁନିକ ବସ୍‌ ଟର୍ମିନାଲରେ ପରିଣତ କରିବାକୁ ଯୋଜନା ହୋଇଥିଲା। ମାଗଣା ଓ୍ବାଇଫାଇରୁ ଆରମ୍ଭକରି ମଲ୍ଟି ଲେବଲ୍‌ ପାର୍କିଂ ବ୍ୟବସ୍ଥା, ଡିଜିଟାଲ ଡିସ୍‌ପ୍ଲେ ବୋର୍ଡ ଓ ସିସିଟିଭି କ୍ୟାମେରା ପର୍ଯ୍ୟନ୍ତ ସବୁକିଛି ସୁବିଧା କରାଯିବାର ଥିଲା। ପବ୍ଲିକ୍‌ ପ୍ଲାଜା ଡିଜାଇନ୍‌ରେ ହେବାକୁ ଥିବା ଏହି ବସ୍‌ଷ୍ଟାଣ୍ଡରେ ଯାତ୍ରୀଙ୍କ ପରିବହନ ପାଇଁ ପ୍ରିପେଡ୍‌ ଅଟୋରିକ୍ସା, ଅତ୍ୟାଧୁନିକ ବାଇସାଇକେଲ, ଓଲା, ଉବର ଭଳି ଟ୍ୟାକ୍ସି ଆଗ୍ରିଗେଟର ବ୍ୟବସ୍ଥା, ପାସେଞ୍ଜର ଇନ୍‌ଫରମେଶନ ସେଣ୍ଟର, ଭିନ୍ନକ୍ଷମଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା ଉପଲବ୍ଧ କରାଯାଇଥାନ୍ତା। ଏଥିପାଇଁ ଦିଲ୍ଲୀର ଇଣ୍ଟିଗ୍ରେଟେଡ୍‌ ଟ୍ରାନ୍‌ଜିଟ୍‌ ସିଷ୍ଟମ୍‌ ଲିମିଟେଡ୍‌ ସ୍ବତନ୍ତ୍ର ଡିଜାଇନ୍‌ ପ୍ରସ୍ତୁତ କରିଥିଲା। ଉକ୍ତ ଡିଜାଇନ୍‌କୁ ବିଡିଏ ତରଫରୁ ପରିବହନ ବିଭାଗ ନିକଟରେ ଉପସ୍ଥାପନ ମଧ୍ୟ କରାଯାଇଥିଲା। ହେଲେ ବର୍ତ୍ତମାନ ପର୍ଯ୍ୟନ୍ତ ଏହି ମଡର୍ନ ବସ୍‌ ଟର୍ମିନାଲର କାମ ଆରମ୍ଭ ହେବା ତ ଦୂରର କଥା, ଏଠାରେ ଥିବା ଖାଲଖମାରେ ସାମାନ୍ୟ ମାଟି ପକାଗଲା ନାହିଁ।
୨୦୧୮ ଜାନୁୟାରୀ ୧୧ରେ ବରବୁଣ୍ଡା ବସ୍‌ଷ୍ଟାଣ୍ଡ୍‌ର ଆଧୁନିକୀକରଣ ପାଇଁ ସଚିବାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ୨୦୧୯ ଏପ୍ରିଲ ମାସ ସୁଦ୍ଧା କାମ ଶେଷ କରି ଏହାକୁ ଯାତ୍ରୀଙ୍କ ପାଇଁ ଉନ୍ମୁକ୍ତ କରିବାକୁ ନିଷ୍ପତ୍ତି ବି ହେଲା। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜ ଟୁଇଟରରେ ଟୁଇଟ୍‌ କରି ବେଶ୍‌ ପ୍ରଶଂସା ପାଇଲେ। ମାତ୍ର ଧାର୍ଯ୍ୟ ତାରିଖରୁ ଏହା ମଧ୍ୟରେ ୩ମାସ ବିତିଗଲାଣି। ବରମୁଣ୍ଡା ବସ୍‌ଷ୍ଟାଣ୍ଡ ଅବସ୍ଥା ସୁଧୁରିବା ପରିବର୍ତ୍ତେ ଆହୁରି ଖରାପ ହୋଇପଡ଼ିଛି। ପ୍ରତିଥର ବର୍ଷାଦିନ ଭଳି ଏଥର ମଧ୍ୟ ନାଳନର୍ଦ୍ଦମା ଓ କାଦୁଅ ପାଣିରେ ଭର୍ତ୍ତିହୋଇଛି ବସ୍‌ଷ୍ଟାଣ୍ଡ ପରିସର। କୁଢ କୁଢ ଆବର୍ଜନା ପଚିଶଢ଼ି ଗନ୍ଧ ବାହାରୁଛି। ଶୌଚାଳୟ ନ ଥିବାରୁ ଲୋକେ ବାହାରେ ପରିସ୍ରା କରୁଛନ୍ତି। ଏହାର ଦୁର୍ଗନ୍ଧରେ ନାକ ଫାଟିପଡୁଛି। ବରମଣ୍ଡା ବସ୍‌ଷ୍ଟାଣ୍ଡ୍‌ର ଏଭଳି ଅଭାବନୀୟ ଅବସ୍ଥା କେବଳ ରାଜ୍ୟବାସୀଙ୍କୁ ନୁହେଁ, ରାଜ୍ୟ ବାହାରୁ ଆସୁଥିବା ହଜାର ହଜାର ଯାତ୍ରୀ ଓ ପର୍ଯ୍ୟଟକଙ୍କୁ ତିକ୍ତ ଅନୁଭୂତି ଦେଉଛି। ଏଭଳିସ୍ଥଳେ ମୁଖ୍ୟମନ୍ତ୍ରୀ କରିଥିବା ପୁରୁଣା ଟୁଇଟ୍‌କୁ ଲୋକେ ସୋସିଆଲ ମିଡ଼ିଆରେ ଭାଇରାଲ କରିବା ସହ ଟ୍ରୋଲ୍‌ କରିବାକୁ ବି ଭୁଲିନାହାନ୍ତି।

ବସ୍‌ଷ୍ଟାଣ୍ଡ ଭିତରକୁ ଯିବାକୁ ଡରୁଛନ୍ତି ଯାତ୍ରୀ

ଅଧିକାଂଶ ଯାତ୍ରୀ ବସ୍‌ଷ୍ଟାଣ୍ଡ ଭିତରକୁ ଯିବାକୁ ଡରୁଥିବାବେଳେ ବାହାରେ ଛିଡ଼ାହୋଇ ବସ୍‌କୁ ଅପେକ୍ଷା କରୁଛନ୍ତି। ଫଳରେ ଟର୍ମିନାଲର ପ୍ରବେଶ ପଥରେ ଯାତ୍ରୀଙ୍କ ଭିଡ଼ ଲାଗୁଥିବାବେଳେ ବସ୍‌ଗୁଡିକ ଅଟକି ରହି ଯାତ୍ରୀଙ୍କୁ ଉଠାଉଥିବାରୁ ଅଧିକାଂଶ ସମୟରେ ଜାମ୍‌ ହୋଇ ଜଟିଳ ପରିସ୍ଥିତି ସୃଷ୍ଟି ହେଉଛି। ସେହିଭଳି ଶୌଚାଳୟ ଅବସ୍ଥା ନ କହିବା ଭଲ। ଏଠାରେ ପାଣି ଆସୁ ନ ଥିବାବେଳେ ଏହାକୁ ସଫାସୁତୁରା କରିବାକୁ ମଧ୍ୟ କେହି ନାହାନ୍ତି। ଫଳରେ ୟୁରିନ୍‌ ଇନ୍‌ଫେକ୍‌ଶନ ଭୟରେ ଯାତ୍ରୀମାନେ ଏହାକୁ ବ୍ୟବହାର ନ କରି ମୁକ୍ତାକାଶରେ ପରିସ୍ରା କରୁଛନ୍ତି। ଏପଟେ ମହିଳା ଯାତ୍ରୀମାନେ ଆହୁରି ଦୁର୍ଦ୍ଦଶା ଭୋଗୁଛନ୍ତି। ବସ୍‌ଷ୍ଟାଣ୍ଡ ଭିତରକୁ ଯିବାବେଳେ ରୁମାଲ୍‌ ନ ବାନ୍ଧିଲେ ଦୁର୍ଗନ୍ଧରେ ନାକ ପାଟିପଡ଼ୁଛି। ସ୍ମାର୍ଟସିଟିର ଏହି ବସ୍‌ଷ୍ଟାଣ୍ଡ ସ୍ମାର୍ଟ ନ ହୋଇପାରିଲେ ବି ନିଜ ସ୍ଥିତିକୁ ସୁଧାରିବାରେ ସମ୍ପୂର୍ଣ୍ଣ ବିଫଳ ହୋଇଛି। ବଡ଼ ବଡ଼ ଖାଲରେ ଅଧିକାଂଶ ସମୟରେ ଯାତ୍ରୀମାନେ ପଡ଼ି ଆହତ ହେଉଛନ୍ତି। କେବଳ ଯାତ୍ରୀ ନୁହନ୍ତି, ବସ ଚାଳକମାନେ ମଧ୍ୟ ବସ୍‌ ଚଲାଇବାକୁ ନାକେଦମ୍‌ ହେଉଛନ୍ତି। ସ୍ଥିତି ଏପରି ହୋଇଛି ବସ୍‌ଷ୍ଟାଣ୍ଡ୍‌ରୁ ଗୋଟିଏ ବସ୍‌ ବାହାରିବାକୁ ୨୦ରୁ ୩୦ ମିନିଟ ଲାଗିଯାଉଛି।
ଏନେଇ ବିଡିଏ ଉପାଧ୍ୟକ୍ଷ ପ୍ରେମ ଚନ୍ଦ୍ର ଚୌଧୁରୀଙ୍କ ସହ ଯୋଗାଯୋଗ ସମ୍ଭବ ହୋଇପାରି ନ ଥିବାବେଳେ ଅନ୍ୟ ଅଧିକାରୀମାନେ ଏନେଇ କିଛି କହିପାରିବେ ନାହିଁ ବୋଲି କହିଥିଲେ।

ରିପୋର୍ଟ: ସସ୍ମିତା ପାଇକରାୟ, ଭୁବନେଶ୍ୱର


All Right Reserved By Dharitri.Com

ମହିଳା ମାଓବାଦୀଙ୍କ ଆମତ୍ସମର୍ପଣ

ମାଲକାନଗିରି, ୨୧।୧(ଡି.ଏନ.ଏ)-ମାଲକାନଗିରି ଜିଲା ପୋଲିସ କାର୍ଯ୍ୟାଳୟଠାରେ ଆରକ୍ଷୀ ଅଧୀକ୍ଷକ ରିଷିକେଶ ଡି. ଖିଲାରୀଙ୍କ ନିକଟରେ ମଙ୍ଗଳବାର ଜଣେ ମହିଳା ମାଓବାଦୀ ଆମତ୍ସମର୍ପଣ କରିଛି। ସେ ହେଲେ...

ଶ୍ରୀଲିଙ୍ଗରାଜଙ୍କ ଜମିରୁ ଜବରଦଖଲ ଉଚ୍ଛେଦ ନେଇ ମାପଚୁପ

ପୁରୁଣା ଭୁବନେଶ୍ୱର,୬ା୧(ଡି.ଏନ.ଏ.): ଶ୍ରୀଲିଙ୍ଗରାଜ ମନ୍ଦିର ପାରିପାର୍ଶ୍ୱିକ ସୌନ୍ଦର୍ଯ୍ୟକରଣ, ବିକାଶ କାମ ଜାରି ରହିଛି। ହେଲେ ଠାକୁରଙ୍କ ବହୁସ୍ଥାନରେ ଥିବା ଜମିକୁ ଜବରଦଖଲକାରୀମାନେ କବ୍‌ଜାରେ ରଖଛନ୍ତି। ଏହି...

ପାଟକୁରା ଫଳାଫଳ: ସପ୍ତମ ରାଉଣ୍ଡ ସୁଦ୍ଧା ବିଜେଡି ୧୧୭୯୧ ଭୋଟରେ ଆଗୁଆ

କେନ୍ଦ୍ରାପଡ଼ା ଅଫିସ, ୨୪।୭: ପାଟକୁରା ବିଧାନସଭା ଆସନ ପାଇଁ ସକାଳ ୮ଟାରୁ ଭୋଟ ଗଣତି ଜାରିରହିଛି। ସପ୍ତମ ରାଉଣ୍ଡ ଶେଷ ସୁଦ୍ଧା ବିଜେଡି ୧୧୭୯୧ ଭୋଟରେ...

ନବଜାତକ ପେଟ ବାହାରେ ପାକସ୍ଥଳୀ: ଚିକିତ୍ସା ପାଇଁ ଶିଶୁଭବନରେ ଭର୍ତ୍ତି

କଟକ ଅଫିସ,୧୭ା୨: କଟକ ଶିଶୁଭବନରେ ଜଣେ ନବଜାତକଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି। ତାଙ୍କ ପେଟ ବାହାରକୁ ଲମ୍ବି ଆସିଛି ଅନ୍ତଃନଳୀ ଓ ପାକସ୍ଥଳୀ। ଶିଶୁଭବନ...

ରଙ୍ଗ୍‌ ଡ୍ରାଇଭିଂ କଲେ ଚକା ଲିକ !

ଭୁବନେଶ୍ୱର,୫।୧(ବ୍ୟୁରୋ): ରାସ୍ତାରେ ରଙ୍ଗ୍‌ ଡ୍ରାଇଭିଂକୁ ରୋକିବା ପାଇଁ ଲାଗିବ ସ୍ପାଇକ୍‌ ବ୍ୟାରିଅର। ଏ ନେଇ କମିଶନରେଟ ପୋଲିସ ନିଷ୍ପତ୍ତି ନେଇଛି। କଟକ ଓ ଭୁବନେଶ୍ୱରର ୨୪୨ଟି...

ଓଡ଼ିଶାରେ ଚାଲିଛି ୪୯,୯୮୪ କୋଟିର ରେଳ ପ୍ରକଳ୍ପ; ୧୦ ନୂଆ ଲାଇନ, ୨୫ ଦୋହରୀକରଣ

ଭୁବନେଶ୍ୱର, ୫।୧(ବ୍ୟୁରୋ)- ରେଳ ମନ୍ତ୍ରଣାଳୟ ପକ୍ଷରୁ ରାଜ୍ୟରେ ୩୬ ପ୍ରକଳ୍ପ ଅଧୀନରେ ୪୫୬୭ କିଲୋମିଟର ରେଳପଥ କାର୍ଯ୍ୟ ଜାରି ରହିଛି। ଏହି ସମସ୍ତ ପ୍ରକଳ୍ପର ମୂଲ୍ୟ...

ବଢ଼ୁଛି ବାର୍‌ହା ଶିକାର: ମାଂସ ଜବତ, ୭ ଗିରଫ

ହେମଗିର, ୩।୧୨ (ଡି.ଏନ.ଏ)- ଦିନକୁ ଦିନ ହେମଗିର ଜଙ୍ଗଲର ବାର୍‌ହା ଶିକାର ବୃଦ୍ଧି ପାଉଥିବାର ଦେଖାଯାଉଛି। ବନ ବିଭାଗ ଶିକାରୀମାନଙ୍କୁ ଗିରଫ କରି କୋର୍ଟ ଚାଲାଣ...

ବେଆଇନ ମଦ କାରବାର ରୋକିବାକୁ ତାତିଲେ ମହିଳା: ପୋଲିସ ବଦଳରେ ମହିଳାଙ୍କ ଚଢ଼ାଉ

ବେଗୁନିଆ,୩୦ା୫ (ଡି.ଏନ.ଏ.)- ସାମାଜିକ ଚଳଣିରେ ଦେଖା ଦେଇଥିବା ପାରିବାରିକ ବିଶୃଙ୍ଖଳା ସୃଷ୍ଟି ପାଇଁ ନିଶା ଦ୍ରବ୍ୟ ସେବନ ହିଁ ପ୍ରମୁଖ କାରଣ ଅଟେ। ତେବେ ଏହି...

Leave a comment

Your email address will not be published. Required fields are marked *