ଚାଷର ବିକାଶ ହେଉନି, ଗାଁ ଛାଡୁଛନ୍ତି ଚାଷୀ

ଛତ୍ରପୁର,୧୦ା୭(ଡି.ଏନ.ଏ)-ଗଞ୍ଜାମ ଜିଲାରେ ଚାଷୀ ଓ ଚାଷର ବିକାଶ ହୋଇପାରୁନି। ପ୍ରତିବର୍ଷ ପ୍ରାକୃତିକ ବିପର୍ଯ୍ୟୟ ଦାଉ ସାଧୁଛି। ଅନ୍ୟପଟେ ଚାଷ ପାଇଁ ଜଳସେଚନ ଅଭାବ ରହିଛି। ଫସଲ ବାବଦରେ ପ୍ରିମିୟମ ଦେଇ ବୀମା କରିଥିଲେ ମଧ୍ୟ ବିପର୍ଯ୍ୟୟ ପରେ ବହୁ ଚାଷୀ ବୀମା ସହାୟତା ପାଉନାହାନ୍ତି। ଏ ସବୁ ସମସ୍ୟାକୁ ନେଇ ପରିବାର ଚଳାଇବା ଚାଷୀ ପାଇଁ ମୁସ୍କିଲ ହୋଇପଡୁଛି ା ପରିବାର ଲୋକଙ୍କୁ ଦିନକୁ ଦୁଇ ମୁଠା ଖାଇବାକୁ ଯୋଗାଇବା ନିମନ୍ତେ ଚାଷ ପ୍ରତି ବିମୁଖ ହୋଇ ଚାଷୀ ଗାଁ ଛାଡିବାରେ ଲାଗିଛନ୍ତି। ଜିଲାର ଲକ୍ଷାଧିକ ଚାଷୀ ଓ କୃଷି ଶ୍ରମିକ ଏବେ ସୁରଟ, କେରଳ, ବମ୍ବେ, ମାଡ୍ରାସ ଆଦି ସ୍ଥାନରେ ଦାଦନ ଖଟୁଛନ୍ତି। ବିଶ୍ୱବ୍ୟାଙ୍କ ଓ ନାବାର୍ଡରୁ ରାଜ୍ୟ ସରକାର ଋଣ ଆଣି ଜଳସେଚନ ପ୍ରକଳ୍ପ କାର୍ଯ୍ୟକ୍ଷମ କରୁଥିଲେ ମଧ୍ୟ ଚାଷୀଙ୍କୁ ତାହାର ସୁଫଳ ମିଳୁ ନ ଥିବା ଋଷିକୁଲ୍ୟା ରୟତ ମହାସଭା ପକ୍ଷରୁ ଅଭିଯୋଗ ହୋଇଛି ା ଋଷିକୁଲ୍ୟା ରୟତ ମହାସଭାର ସମ୍ପାଦକ ସୀମାଞ୍ଚଳ ନାହାକ ଚାଷୀ ଓ ଚାଷର ବିକାଶ ହେଉ ନ ଥିବାରୁ ଲକ୍ଷାଧିକ ଚାଷୀ ଘର ଛାଡ଼ୁଥିବା ଅଭିଯୋଗ କରିଛନ୍ତି।
ଚାଷୀଙ୍କୁ କୃଷି ଋଣ ଦେବା ପାଇଁ ଜିଲାର ସମସ୍ତ ବ୍ୟାଙ୍କକୁ ସରକାର ଟାର୍ଗେଟ ଦେଉଛନ୍ତି। ମାତ୍ର କୃଷି ଋଣ ଦେବା ପାଇଁ ଆସିକା ଓ ବ୍ରହ୍ମପୁର କେନ୍ଦ୍ରୀୟ ସମବାୟ ବ୍ୟାଙ୍କ ବ୍ୟତୀତ ଅନ୍ୟ ରାଷ୍ଟ୍ରାୟତ ଓ ବ୍ୟବସାୟିକ ବ୍ୟାଙ୍କଗୁଡିକ ଆଗଭର ହେଉନାହାନ୍ତି। ଗତ ସପ୍ତାହରେ ଛତ୍ରପୁରଠାରେ ଅନୁଷ୍ଠିିତ ଗଞ୍ଜାମ ଜିଲା ବ୍ୟାଙ୍କ ପରାମର୍ଶଦାତା କମିଟି ବୈଠକରେ ହୋଇଥିବା ଆଲୋଚନାରୁ ଜଣାପଡିଥିଲା। ଉକ୍ତ ବୈଠକରେ ଅଧ୍ୟକ୍ଷତା କରୁଥିବା ଜିଲାପାଳ ବିଜୟ ଅମୃତା କୁଲାଙ୍ଗେ ଏ ନେଇ କ୍ଷୁବ୍ଧ ହୋଇଥିଲେ ା ଜିଲାରେ ଏକମାତ୍ର ବୃହତ ଋଷିକୁଲ୍ୟା ପ୍ରକଳ୍ପ ରହିଛି ା ବୃହତ ଓ ମଧ୍ୟମ ସେଚ ପ୍ରକଳ୍ପଗୁଡିକ ପୋତି ହୋଇଗଲାଣି ା ଜିଲାରେ ୧୦୩୦ଟି କ୍ଷୁଦ୍ର ଜଳସେଚ ପ୍ରକଳ୍ପ ମଧ୍ୟରୁ ୫୦୦ ପ୍ରକଳ୍ପ ପୋତି ହୋଇଛି ା ପାଣି ପଞ୍ଚାୟତ କରାଯାଇଥିଲେ ମଧ୍ୟ ପାଣିର ସୁଷମ ବଣ୍ଟନ ହେଉ ନ ଥିବା ବିଭିନ୍ନ ସମୟରେ ଚାଷୀମାନେ ଅଭିଯୋଗ କରୁଛନ୍ତି। ପୂର୍ବବର୍ଷ ଭଳି ଚଳିତ ବର୍ଷ ମଧ୍ୟ ଖରିଫ ଫସଲ ପାଇଁ ପାଣି ଅଭାବ ରହିଛି। ବର୍ଷା ଉପରେ ଭରସା କରାଯାଇଛି ା ଗତ ମାସ ଶେଷ ସପ୍ତାହରେ ଅତିରିକ୍ତ ଜିଲାପାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜିଲା କୃଷି ନିର୍ଦ୍ଧାରଣ କମିଟି ବୈଠକରେ ଆଗାମୀ ଖରିଫ ଫସଲ ପାଇଁ ଆବଶ୍ୟକ ପଡୁଥିବା ଜଳସେଚନ ସୁବିଧା ଉପରେ ଆଲୋଚନା ହୋଇଥିଲା ା ଜିଲାର ୨୨ ବ୍ଲକ ମଧ୍ୟରୁ ୮ ଟି ବ୍ଲକକୁ ବୃହତ ଋଷିକୁଲ୍ୟା ପ୍ରକଳ୍ପରୁ ଜମା ପାଣି ମିଳୁନି ା ଜିଲାରେ ଚଳିତ ବର୍ଷ ୪ ଲକ୍ଷ ୮ ହଜାର ୮୧୦ ହେକ୍ଟର ଜମିରେ ଖରିଫ ଫସଲ ପାଇଁ ଲକ୍ଷ୍ୟ ରଖାଯାଇଥିବା ବେଳେ ଏଥିରୁ କେବଳ ୨ ଲକ୍ଷ ୮୭ ହଜାର ୮୧୧ ହେକ୍ଟର ଜମିକୁ ସେଚ ସୁବିଧା ଥିବା ବୈଠକରେ ଜଳସେଚନ ବିଭାଗ ପକ୍ଷରୁ କୁହାଯାଇଥିଲା। ହେଲେ ସମସ୍ତ ଜମିକୁ ପାଣି ମିଳୁନି। ଆହୁରି ଜଣାଯାଇଛି, ୨୦୧୮ରେ ଜିଲାର ୧,୫୩,୧୯୪ ଜଣ ଚାଷୀ ପ୍ରିମିୟମ ଦେଇ ନିଜ ଫସଲର ବୀମା କରିଥିଲେ। ବାତ୍ୟା ଓ ବନ୍ୟା ଆସି ଫସଲ ଉଜୁଡିଛି। ହେଲେ ୧ ଲକ୍ଷ ଚାଷୀଙ୍କୁ ବୀମା ସହାୟତା ମିଳିନି ା ବିଭିନ୍ନ ନିୟମର ଆଳ ଦେଖାଇ ବୀମା କମ୍ପାନୀ ଏମାନଙ୍କୁ ବୀମା ସହାୟତା ପ୍ରଦାନ କରିନି ା


All Right Reserved By

ବେଆଇନ ପଥର, ବାଲି ଚାଲାଣ ବେଳେ ଚଢ଼ାଉ: ୧ଲକ୍ଷ ୪୪ ହଜାର ଆଦାୟ

ପୁରୁଷୋତ୍ତମପୁର, ୧୦।୬(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁରର ବିଭିନ୍ନ ସ୍ଥାନରୁ ବେଆଇନ ଭାବେ ବାଲି ଓ ପଥର ଚାଲାଣ ହେଉଥିଲା। ସୋମବାର ତହସିଲଦାର ଅରୁଣ କୁମାର ନାୟକ,...

ପରୀକ୍ଷା ଫଳ ପ୍ରକାଶରେ ଅନିୟମିତତା ଅଭିଯୋଗ

ବ୍ରହ୍ମପୁର ଅଫିସ,୨୩ା୭-ବ୍ରହ୍ମପୁର ବିଶ୍ୱବିଦ୍ୟାଳୟ ଅଧୀନସ୍ଥ ବିଭିନ୍ନ ଡିଗ୍ରୀ ମହାବିଦ୍ୟାଳୟ ଯୁକ୍ତ ୩ ଦ୍ୱିତୀୟ ଓ ତୃତୀୟ ସେମିଷ୍ଟର ବ୍ୟାକ୍‌ ପେପର ପରୀକ୍ଷା ଫଳ ପ୍ରକାଶରେ ବିଳମ୍ବ...

ବାଇକ୍‌ ଦୁର୍ଘଟଣାରେ ଗୁରୁତର ବୃଦ୍ଧଙ୍କ ଜୀବନ ଗଲା : ପ୍ରତିବାଦରେ ରାସ୍ତା ଅବରୋଧ

ଦିଗପହଣ୍ଡି,୧୮ା୫(ଡି.ଏନ୍‌.ଏ.):ଦିଗପହଣ୍ଡି-ଚିକିଟି ମୁଖ୍ୟରାସ୍ତାର ବାଗଡ଼ା ଗାଁ ଛକ ନିକଟରେ ବାଇକ ଦୁର୍ଘଟଣାରେ ଶନିବାର ପୂର୍ବାହ୍ନରେ ୨ ଯୁବକଙ୍କ ସମେତ ଜଣେ ବୃଦ୍ଧ ଗୁରୁତର ହୋଇଛନ୍ତି। ଏହାର ପ୍ରତିବାଦରେ...

ଋଣ ଟଙ୍କା ମାଗିବାରୁ ଯୁବକଙ୍କୁ ମାଡ଼

ଗୋପାଳପୁର,୨୯ା୭: ଋଣ ଟଙ୍କା ମାଗିବାରୁ ୩ଜଣ ଯୁବକ ମିଶି ଜନୈକ ଯୁବକଙ୍କୁ ନିସ୍ତୁକ ମାଡ଼ ମାରିଥିବା ନେଇ ଗୋପାଳପୁର ଥାନାରେ ଅଭିଯୋଗ ହୋଇଛି। ଏହି ଥାନା...

ଚାଲିଛି ବେଆଇନ ପଥର ଫୁଟା: ଦୁର୍ଘଟଣା ପରେ ଚଢ଼ାଉ, ୬ ଗିରଫ

ଭଞ୍ଜନଗର,୩୦।୭(ଡି.ଏନ.ଏ.)-ଗଞ୍ଜାମ ଜିଲାରେ ଅନେକ ପଥର କ୍ୱାରୀ ବିଭିନ୍ନ କାରଣ ଯୋଗୁ ନିଲାମ ହୋଇପାରୁନାହିଁ। ଏହାର ସୁଯୋଗ ନେଇ ପଥର ମାଫିଆ ବେନିୟମ ଭାବେ ପାହାଡ଼ରୁ ପଥର...

ବିସିସି ବ୍ୟାଙ୍କ କୃଷିଋଣ ପ୍ରଦାନ କରିଛି ୨୦୭.୧୭ କୋଟି

ବ୍ରହ୍ମପୁର ଅଫିସ,୨ା୮- ବ୍ରହ୍ମପୁର ସମବାୟ କେନ୍ଦ୍ର (ବିସିସି) ବ୍ୟାଙ୍କ ପକ୍ଷରୁ ଚଳିତ ବର୍ଷ ଖରିଫ ଧାନ ଚାଷ ନିମନ୍ତେ କୃଷିଋଣ ପ୍ରଦାନ ଜୁଲାଇ ୩୧ରେ ଶେଷ...

ଫିରିଙ୍ଗିଆ ମେଡିକାଲରେ ଜେନେରେଟର ଅଚଳ: ଲାଇନ କଟିଲେ ରୋଗୀ ହନ୍ତସନ୍ତ

ଫିରିଙ୍ଗିଆ,୨୭ା୫-ଫିରିଙ୍ଗିଆ ମେଡିକାଲ ବହୁ ଅବ୍ୟବସ୍ଥା ନେଇ ଗତି କରୁଛି। ରବିବାର ଏଠାରେ ବିଦ୍ୟୁତ୍‌ କାଟ ହୋଇଥିବାବେଳେ ଜେନେରେଟର ଚାଲୁ ନ ଥିଲା। ରୋଗୀମାନେ ଅସହ୍ୟ ଗରମରେ...

ଚଢ଼ାଦରରେ ଧାନ ବିହନ ବିକ୍ରି ଅଭିଯୋଗ

ଛତ୍ରପୁର,୨୧ା୬(ଡି.ଏନ.ଏ)- ଗଞ୍ଜାମ ଜିଲାରେ ଚଢା ଦରରେ ଧାନ ବିହନ ବିକ୍ରି ଚାଲିଥିବା ଅଭିଯୋଗ ଆସିଛି। ପୂର୍ବରୁ ଘରୋଇ ଡିଲର ଓ ପ୍ରାଥମିକ ସମବାୟ ସେବା ସମିତିଗୁଡିକୁ...

selfi corner

Model This Week

Why Dharitri

Leave a comment

Your email address will not be published. Required fields are marked *