Posted inUncategorized

ପାହାଡ଼ରେ ସିଡ୍‌ବଲ୍‌ ମାଧ୍ୟମରେ ହେବ ମଞ୍ଜି ରୋପଣ

ବ୍ରହ୍ମପୁର ଅଫିସ,୧୦ା୭-ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର ଗଞ୍ଜାମ ଜିଲା। କିନ୍ତୁ ଏବେ ଏହାର ସୌନ୍ଦର୍ଯ୍ୟ କ୍ରମଶଃ ହ୍ରାସ ପାଇବାକୁ ବସିଲାଣି। ପଥର, ମାଟି ସଂଗ୍ରହ ସମେତ ଅନ୍ୟାନ୍ୟ କାରଣରୁ ଜିଲାର ବିଭିନ୍ନ ଅଞ୍ଚଳରୁ ଜଙ୍ଗଲ କ୍ଷୟ ହେବା ସହ ମାଳ ଅଞ୍ଚଳରେ ଥିବା ପାହାଡଗୁଡିକ ମଧ୍ୟ ବୃକ୍ଷଶୂନ୍ୟ ହେବାରେ ଲାଗିଛି। ସେହି ବୃକ୍ଷଶୂନ୍ୟ ତଥା ଲଣ୍ଡା ପାହାଡର ପ୍ରାକୃତିକ ସୌନ୍ଦର୍ଯ୍ୟ ପୁନଃ ଫେରାଇ ଆଣିବାକୁ ଏବେ ଅଣ୍ଟାଭିଡିଛି ବ୍ରହ୍ମପୁରର ସାମାଜିକ ଅନୁଷ୍ଠାନ ଆର୍ଯ୍ୟଭଟ୍ଟ ଫାଉଣ୍ଡେଶନ। ଲଣ୍ଡା ପାହାଡ଼କୁ ପୁଣି ସବୁଜିମାରେ ପରିଣତ କରିବାକୁ ଆରମ୍ଭ କରିଛି ଏକ ନୂଆ ପ୍ରୟାସ। ବିିଭିନ୍ନ ପ୍ରକାର ବୃକ୍ଷ ମଞ୍ଜିକୁ ସିଡ୍‌ ବଲ ମାଧ୍ୟମରେ ପାହାଡରେ ରୋପଣ କରିବାକୁ ଫାଉଣ୍ଡେଶନ ପକ୍ଷରୁ ନିଷ୍ପତ୍ତି ନିଆଯାଇଛି। ଦେଢମାସ ମଧ୍ୟରେ ପ୍ରାୟ ଲଣ୍ଡା ପାହାଡଗୁଡିକରେ ୩ ଲକ୍ଷ ବିିଭିନ୍ନ ବୃକ୍ଷର ମଞ୍ଜି ରୋପଣ କରିବାକୁ ମଧ୍ୟ ଯୋଜନା ରଖାଯାଇଥିବା ଫାଉଣ୍ଡେଶନ ପକ୍ଷରୁ ସୂଚନା ମିଳିଛି। ଏଥିପାଇଁ ମଙ୍ଗଳବାର ଫାଉଣ୍ଡେଶନ ପକ୍ଷରୁ ସିଡ ବଲ ପ୍ରସ୍ତୁତି ମେଶିନର ଶୁଭାରମ୍ଭ ହୋଇଛି। ମଧ୍ୟପ୍ରଦେଶ ଇନ୍ଦୋରର ସ୍ବେଚ୍ଛାସେବୀ ଅନୁଷ୍ଠାନ ସାଇନଟେକ ଇକୋ ଫାଉଣ୍ଡେଶନ ଦ୍ୱାରା ପ୍ରଦତ୍ତ ଏହି ମେଶିନକୁ ବ୍ରହ୍ମପୁର ବନଖଣ୍ଡ ଅଧିକାରୀ ଆଶିଷ କୁମାର ବେହେରା ଆର୍ଯ୍ୟଭଟ୍ଟ ପରିସରରେ ଉଦ୍‌ଘାଟନ କରିଛନ୍ତି। ଏହି ମେଶିନ ଦ୍ୱାରା ଖତ,ମାଟି ସହ ମଞ୍ଜି ସମ୍ମିଶ୍ରଣରେ ସିଡ୍‌ ପ୍ରସ୍ତୁତ ହେବ। ସେହି ସିଡ୍‌ବଲକୁ ଫାଉଣ୍ଡେଶନ ଦ୍ୱାରା ଗଞ୍ଜାମ ଜିଲାର ବିଭିନ୍ନ ଲଣ୍ଡା ପାହାଡରେ ରୋପଣ କରାଯିବ। ପ୍ରଥମ ପର୍ଯ୍ୟାୟରେ ଚିିକିଟି ପେଣ୍ଠ ଅଞ୍ଚଳର ବାଳକୁମାରୀ, ଋଷିଦଲ୍ଲୀ, ରାମଚନ୍ଦ୍ରପଲ୍ଲୀ ପାହାଡ, ଶହଶପୁର ଓ ହିଞ୍ଜିଳିକାଟୁ ପ୍ରମୁଖ ଅଞ୍ଚଳରେ ଥିବା ପାହାଡରେ ସିଡବଲ ମାଧ୍ୟମରେ ମଞ୍ଜି ରୋପଣ କରାଯିବ। ଆସନ୍ତା ଶୁକ୍ରବାରରୁ ଏହି କାର୍ଯ୍ୟକ୍ରମ ଆରମ୍ଭ ହେବ ବୋଲି ଫାଉଣ୍ଡେଶନର ଚେୟାରମ୍ୟାନ ସୁଧୀର କୁମାର ରାଉତ ସୂଚନା ଦେଇଛନ୍ତି। ଦେଢମାସ ମଧ୍ୟରେ ଉକ୍ତ ପାହାଡରେ ନିମ, ବାଉଁଶ, କରଞ୍ଜ, ସୀମାରୁଆ, ରକ୍ତ ଚନ୍ଦନ, ଆକାଶିଆ ଓ ପଣସ ପ୍ରଭୃତ ବୃକ୍ଷର ପ୍ରାୟ ୩ ଲକ୍ଷ ମଞ୍ଜିକୁ ସିଡ୍‌ବଲ ଜରିଆରେ ରୋପଣ କରାଯିବାକୁ ଯୋଜନା ରହିଛି। ଏଥିପାଇଁ ମଞ୍ଜି ଜୟପୁର, ଭୁବନେଶ୍ୱରରୁ ଅଣାଯିବାକୁ ଥିବା ବେଳେ ମଞ୍ଜି ବାବଦକୁ ୫୦ ହଜାର ଟଙ୍କା ଫାଉଣ୍ଡେଶନ ପକ୍ଷରୁ ବିନିଯୋଗ କରାଯିବ ବୋଲି ଚେୟାରମ୍ୟାନ ସୂଚାଇଛନ୍ତି। ମେଶିନ ଶୁଭାରମ୍ଭ କାର୍ଯ୍ୟକ୍ରମରେ ଗଞ୍ଜାମ ଜିଲା ଇକୋ କ୍ଲବ ସଂଯୋଜକ ଡ. ଶଙ୍କର ନାରାୟଣ ବେଜ, ଫାଉଣ୍ଡେଶନର ଶ୍ୟାମସୁନ୍ଦର ଖାଡଙ୍ଗା, ସୁରେଶ ତ୍ରିପାଠୀ, ଭୀମାରାଜୁ ପାତ୍ର, କେ. ଅବିନାଶ, ଫୋରମ ଫର ଗଞ୍ଜାମର ଇ. ତେଜେଶ୍ୱର ରାଓ, ଜାମୁଲା ସୁରେଶ, ଜାମୁଲା ସତ୍ୟନାରାୟଣ, ମାନସ ପାତ୍ର, ଭୀଷ୍ମାଚାର୍ଯ୍ୟ ଚୌଧୁରୀ ଓ ସ୍ବରାଜ୍ୟ ସୁବୁଦ୍ଧି ପ୍ରମୁଖ ଉପସ୍ଥିତ ଥିଲେ।


All Right Reserved By Dharitri.Com

Posted inUncategorized View All

ନନ୍ଦନକାନନ ପାଇଁ ଅଡ଼ୁଆ ସାଜିଛି ବାଉଁଶ ଗଛ

ବାରଙ୍ଗ,୩୧।୭(ଡି.ଏନ୍‌.ଏ.): ବାତ୍ୟା ପ୍ରକୋପରେ ଅର୍ଦ୍ଧାଧିକ ନଷ୍ଟ ହୋଇଥିବା ନନ୍ଦନକାନନ ଚତୁଃପାର୍ଶ୍ୱକୁ ଧୀରେ ଧୀରେ ସଜଡା ଯାଉଥିବାବେଳେ ଏବେ ଅଡୁଆ ସାଜିଛି ବାଉଁଶ ଗଛ। ଏହି ବାଉଁଶ...

ଶିଶୁକନ୍ୟାକୁ କରୋନା ନେଇ ଭିଡ଼ିଓ ଭାଇରାଲ

ଲାଠୋର, ୨୮ା୪(ଡି.ଏନ.ଏ.) ସାରା ଦେଶରେ କରୋନା ଭୁତାଣୁ କାୟା ବିସ୍ତାର କରି ଚାଲିଛି। ଏଭଳି ସ୍ଥିତିରେ ସୋସିଆଲ ମିଡ଼ିଆରେ ଭିଡ଼ିଓ ଭାଇରାଲ କରାଯିବାକୁ ନେଇ ଲୋକେ...

୧୭ରୁ ବଜେଟ ଅଧିବେଶନ

ନୂଆଦିଲ୍ଲୀ,୧ା୬ପି.ଟି.): ସପ୍ତଦଶ ଲୋକ ସଭାର ପ୍ରଥମ ଅଧିବେଶନ ତଥା ବଜେଟ ଅଧିବେଶନ ଜୁନ୍‌ ୧୭ରୁ ଆରମ୍ଭ ହୋଇ ଜୁଲାଇ ୨୬ ତାରିଖ ପର୍ଯ୍ୟନ୍ତ ଚାଲିବ। ପ୍ରଥମ...

ଜିଏସ୍‌ଟି କାଉନସିଲ୍‌ର ବଡ଼ ନିଷ୍ପତ୍ତି;ପର୍ଯ୍ୟଟନ ଶିଳ୍ପକୁ ପ୍ରୋତ୍ସାହନ,ଅଟୋ ସେକ୍ଟର ନିରାଶ

ପାନାଜୀ,୨୧-୯: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ଙ୍କ ଅଧ୍ୟକ୍ଷତାରେ ଶୁକ୍ରବାର ଜିଏସ୍‌ଟି କାଉନସିଲର ୩୭ତମ ବୈଠକ ଏଠାରେ ଅନୁଷ୍ଠିତ ହୋଇଯାଇଛି। ଏଥିରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।...

ଗୋଟିଏ ଦିନରେ ଆମେରିକାରେ ୧,୯୭୩ ଜଣଙ୍କ ମୃତ୍ୟୁ; ୩୩ ହଜାର ନୂଆ ସଂକ୍ରମିତ ଚିହ୍ନଟ

ଓ୍ବାଶିଂଟନ,୯।୪: କରୋନା ସଂକ୍ରମଣ ନେଇ ଆମେରିକାରେ ସଙ୍କଟ ସୃଷ୍ଟି ହୋଇଛି। ଏଠାରେ ଗୋଟିଏ ଦିନରେ କରୋନା ସଂକ୍ରମିତଙ୍କ ମୃତ୍ୟୁ ସଂଖ୍ୟା ୧,୯୭୩ରେ ପହଞ୍ଚିଛି। ସେହିପରି ୨୪...

କ୍ଷୁଦ୍ର ବ୍ୟବସାୟୀଙ୍କଠାରୁ ଜରିମାନା ଆଦାୟ: ବଣିକ ସଂଘ ପକ୍ଷରୁ ନିନ୍ଦା

ଗଞ୍ଜାମ, ୩।୩(ଡି.ଏନ୍‌.ଏ.): ଗଞ୍ଜାମ ସହର ମଧ୍ୟରେ ଥିବା ବଡ ବଜାର ଓ ସାନ ବଜାରରେ କ୍ୟାବିନ ଓ ଉଠା ଦୋକାନୀମାନେ ଦୀର୍ଘବର୍ଷ ହେବ ନିଜର ବ୍ୟବସାୟ...

କରୋନା ଯୋଦ୍ଧାଙ୍କୁ ସରପ୍ରାଇଜ ଗିଫ୍ଟ ଦେଲେ ଆଲିଆ

ମୁମ୍ବାଇ,୧୯।୫: କରୋନା ମହାମାରୀର ସଙ୍କଟ ସମୟରେ ବଲିଉଡ୍‌ ସେଲିବ୍ରିଟିମାନେ ସହଯୋଗର ହାତ ବଢାଇଛନ୍ତି। ପିଏମ୍‌ କେୟାର୍ସ ଫଣ୍ଡରେ ସହାୟତା ରାଶି ଜମା କରିବା ସହ ବ୍ୟକ୍ତିଗତ...

Leave a comment

Your email address will not be published. Required fields are marked *