ହାର୍‌ ମାନିନାହାନ୍ତି କନକଲତା

ଭଦ୍ରକ ଅଫିସ, ୧୦।୭- ଭଦ୍ରକ ସହର ତଳିର ଏକ ଗଁା ଓକାଳ। ଗଁାରେ ରହିଛି ଏକ ୫ ଫୁଟ ଉଚ୍ଚର ବଖରାଏ ନୂଆଣିଆ ନଡ଼ା ଛପର ଘର। ରାତି ପାହିଲେ ମାଟିକାନ୍ଥ ଓ ଚଟାଣକୁ ଗୋବର ପାଣିରେ ଲିପାପୋଛା କରିଦିଅନ୍ତି କନକଲତା। ସେହି ବଖରାଏ ଘରେ ରୋଷେଇ, ଖିଆପିଆ, ବସାଉଠା କରନ୍ତି ୩ ପ୍ରାଣୀ କୁଟୁମ୍ବ। ପ୍ରତିଦିନ କନକଲତା ଦୀର୍ଘ ୯ ବର୍ଷ ଧରି ରୋଗରେ ପଡ଼ିଥିବା ସ୍ବାମୀ ଓ ମାନସିକ ଭାରସାମ୍ୟ ହରାଇ ଅସୁସ୍ଥ ହୋଇପଡ଼ିଥିବା ପୁଅର ସେବାଯତ୍ନ ନେଇ ପରଘରେ ମୂଲ ଲାଗିବାକୁ ଘରୁ ବାହାରି ଯାଆନ୍ତି। ସନ୍ଧ୍ୟାରେ ମଜୁରୀ ଟଙ୍କାରେ ସ୍ବାମୀ ଓ ପୁଅଙ୍କ ଲାଗି ଔଷଧ କିଣି ଘରକୁ ଫେରନ୍ତି। ସ୍ବାମୀ ଓ ପୁଅଙ୍କ ଜୀବନ ରକ୍ଷା ପାଇଁ କନକଲତା ଏଭଳି ତ୍ୟାଗ ଓ ପରିଶ୍ରମ କରିଚାଲିଥିଲେ ବି ପ୍ରଶାସନଠାରୁ ତାଙ୍କୁ କୌଣସି ସହାୟତା ମିଳୁ ନାହିଁ। ଗରିବ ଲୋକଙ୍କ ପାଇଁ କୋଠାଘର, ଚିକିତ୍ସା ସେବା ସୁବିଧା କନକଲତାଙ୍କ ପରିବାର ପାଇଁ ସାତସପନ ପାଲଟିଛି। ଭଦ୍ରକ ପୌରାଞ୍ଚଳ ୧ ନମ୍ବର ୱାର୍ଡ ଅଧୀନ ଓକାଳ ଗଁାର କନକଲତାଙ୍କ ଭଙ୍ଗା କୁଡ଼ିଆ ଘରର କାରୁଣ୍ୟ ଦାରିଦ୍ର୍ୟ ଦୂରୀକରଣ ଯୋଜନାର ଏକ ଭିନ୍ନ ଚିତ୍ର ବହନ କରୁଛି।
ଲୁହଭିଜା ଆଖିରେ କନକଲତା କହିଛନ୍ତି, ତାଙ୍କ ସ୍ବାମୀ ଦେବେନ୍ଦ୍ର ବେହେରା ପୂର୍ବରୁ ଖଡ଼ଗପୁରରେ ମସଲା ବିକି ପରିବାର ଚଳାଉଥିଲେ। ୨୦୧୦ରେ ଅସୁସ୍ଥ ହୋଇପଡ଼ିଲେ। ବିଭିନ୍ନ ସ୍ଥାନରେ ଚିକିତ୍ସା ପରେ ତାଙ୍କୁ ଟିବି ହୋଇଥିବା ଜଣାପଡ଼ିଥିଲା। ଅର୍ଥାଭାବରୁ ଠିକ୍‌ ଭାବେ ଚିକିତ୍ସା କରାଯାଇ ନ ପାରିବାରୁ ତାଙ୍କ କିଡ୍‌ନୀ ନଷ୍ଟ ହୋଇଗଲା। ସେବେଠାରୁ ଘର ପିଣ୍ଡାରେ ବସି ଦେବେନ୍ଦ୍ର ଦିନ କାଟୁଛନ୍ତି। ତାଙ୍କର ଗୋଟିଏ ବୋଲି ପୁଅ ପରମେଶ୍ୱର। ବାପାଙ୍କ ଚିନ୍ତାରେ ସେ ମାନସିକ ରୋଗୀ ପାଲଟି ଯାଇଛନ୍ତି। କନକଲତାଙ୍କ ପରିବାର ଉପରେ ରୋଗର ଦାଉ ଦୁଃଖର ପାହାଡ଼ ହୋଇ ଲଦି ପଡ଼ିଛି। ପରିସ୍ଥିତି ପାଖରେ ହାର୍‌ ନ ମାନି କନକଲତା ସଂଘର୍ଷ ଜାରି ରଖିଛନ୍ତି। ସବୁବେଳେ ଆର୍ଥତ୍କ ଦୁରବସ୍ଥା ତାଙ୍କ ଚିନ୍ତା ବଢ଼ାଇ ଚାଲିଛି। ଅର୍ଥାଭାବରୁ ଘର ଛପର ପକାଇ ପାରୁନାହାନ୍ତି। ସରକାରଙ୍କ ସହରାଞ୍ଚଳ ଆବାସ ଯୋଜନାରେ ଘର ପାଇବାକୁ ଆବେଦନ କରି ଦୀର୍ଘଦିନ ଧରି ଅପେକ୍ଷାରେ ଦିନ ବିତାଉଛନ୍ତି। ତାଙ୍କ ସ୍ବାମୀ ଓ ପୁଅଙ୍କୁ ମିଳୁଛି ୫ ଶହ ଲେଖାଏ ଦିବ୍ୟାଙ୍ଗ ଭତ୍ତା। କିନ୍ତୁ ଚିକିତ୍ସା ପାଇଁ କୌଣସି ସହାୟତା ମିଳିନାହିଁ। ମାସକୁ ଥରେ ଦେବେନ୍ଦ୍ର କଟକ ଯାଇ ଡାକ୍ତରଙ୍କ ପାଖରେ ସ୍ବାସ୍ଥ୍ୟ ପରୀକ୍ଷା କରି ଫେରୁଛନ୍ତି। ଏଥିପାଇଁ ୫ ଶହ ଟଙ୍କା ଖର୍ଚ୍ଚ ହେଉଛି। ଔଷଧ ଖର୍ଚ୍ଚ ଅଲଗା। ଉଭୟ ସ୍ବାମୀ ଓ ପୁଅ କନକଲତାଙ୍କ ଭରସାରେ ବଞ୍ଚି ରହିଛନ୍ତି। ସ୍ଥାନୀୟ ଲୋକଙ୍କ ସାହାଯ୍ୟ ଏହି ପରିବାର ପାଇଁ ସାହାରା ପାଲଟିଛି। ଜଣେ ସ୍ଥାନୀୟ ଡାକ୍ତର ଏବେ ଦେବେନ୍ଦ୍ରଙ୍କ ଚିକିତ୍ସା କରିବାକୁ ସହାୟତାର ହାତ ବଢାଇଛନ୍ତି। ଏ ସମ୍ପର୍କରେ ଜିଲାପାଳ ଜ୍ଞାନରଞ୍ଜନ ଦାସଙ୍କୁ ପଚାରିବାରୁ କନକଲତାଙ୍କ ପରିବାର ଆବେଦନ କଲେ ସରକାରୀ ସହାୟତା ପ୍ରଦାନ କରାଯିବ ବୋଲି କହିଛନ୍ତି।


All Right Reserved By Dharitri.Com

ଜୋର୍‌ସୋରରେ ଚାଲିଛି ପୋଟଳ କାମ

ପୁରୀ ଅଫିସ, ୨୯ା୬: ଜୁଲାଇ ୪ରେ ଘୋଷଯାତ୍ରା। ଶ୍ରୀନଅର ସମ୍ମୁଖ ରଥଖଳାରେ ଆଗେଇ ଚାଲିଛି ରଥକାମ। ଗୁରୁବାର ତୃତୀୟ ଭୂଇଁ କାଠ ଉଠି ବଡ଼ ଥାଳି...

ଆଞ୍ଚଳିକ ଯୁବ ପ୍ରଶିକ୍ଷଣ ଶିବିର

ଭବାନୀପାଟଣା,୧୭।୯(ଡି.ଏନ.ଏ.) ଏକତା ପରିଷଦ କଳାହାଣ୍ଡି ଶାଖା ପକ୍ଷରୁ ସ୍ଥାନୀୟ ଏସ୍‌ଏନ୍‌ କନଫ୍ରେନ୍ସ ହଲ୍‌ଠାରେ ୨ ଦିନିଆ ଆଞ୍ଚଳିକ ଯୁବ ପ୍ରଶିକ୍ଷଣ ଶିବିର ଉଦ୍‌ଘାଟିତ ହୋଇଯାଇଛି। ଶିବିରକୁ...

ଦ୍ୱାରଶୁଣି ଘାଟିରେ ବୋଲେରୋକୁ ପିଟିଲା ଟ୍ରକ୍‌: ୨ ବୋଲବମ୍‌ ଭକ୍ତ ମୃତ, ୭ ଆହତ

ବାରିପଦା ଅଫିସ/ ବାଙ୍ଗିରିପୋଷି୨୭।୭:(ଡି.ଏନ.ଏ.) ମୟୂରଭଞ୍ଜ ଜିଲା ବାଙ୍ଗିରିପୋଷିସ୍ଥିତ ଦ୍ୱାରଶୁଣି ଘାଟିରେ ଅଧିକାଂଶ ସମୟରେ ଦୁର୍ଘଟଣା ଘଟୁଥିବା ବେଳେ ଶୁକ୍ରବାର ରାତିରେ ପୁଣି ଏକ ଦୁର୍ଘଟଣା ଘଟିଛି।...

ଅସ୍ବାଭାବିକ ମୁଣ୍ଡ ସହ ବଞ୍ଚୁଛନ୍ତି ଶିବଶଙ୍କର: ଚିକିତ୍ସା ପାଇଁ ଦିଲ୍ଲୀ ଏମ୍‌ସ ପଠାଯିବ

ଜୟପୁର,୧୨ା୬(ଡି.ଏନ୍‌.ଏ.): ଜୟପୁର ବ୍ଲକ ରଣ୍ଡାପାଲି ପଞ୍ଚାୟତ ବୈରାଗୀମଠ ଗ୍ରାମର ଦିନ ମଜୁରିଆ ଟୁନା ପରଜାଙ୍କ ପୁଅ ଶିବଶଙ୍କର (୧୪)ଙ୍କ ପିଲାଟି ଦିନରୁ ମୁଣ୍ଡ ଅସ୍ବାଭାବିକ ଭାବେ...

ପାହାଡ଼ ଉପରେ ବିତୁଛି ଜୀବନ

ଝୁମ୍ପୁରା, ୧୭।୪(ଡି.ଏନ୍‌.ଏ.): କେନ୍ଦୁଝର ସଦର ନିର୍ବାଚନମଣ୍ଡଳୀ ତଥା ଝୁମ୍ପୁରା ବ୍ଲକ ଅନ୍ତର୍ଗତ ନିଶ୍ଚିନ୍ତପୁର ପଞ୍ଚାୟତର ଆଦିବାସୀ ଅଧ୍ୟୁଷିତ ପାହାଡ଼ ଉପରେ ଥିବା ୩ ଗାଁ କନକନା,...

ଜିଲା ପ୍ରଶାସନର ଦ୍ୱାରସ୍ଥ ପଦ୍ମଶ୍ରୀ ଦୈତାରୀ ନାଏକ: ୧୦ ଗାଁର ବିକାଶ ଲାଗି ଦାବିପତ୍ର

କେନ୍ଦୁଝର, ୨୪ା୭(ଡି.ଏନ.ଏ./ସ୍ବ.ପ୍ର.)-ବିଭିନ୍ନ ସମସ୍ୟା ନେଇ ପଦ୍ମଶ୍ରୀ ଦୈତାରୀ ନାଏକ ଜିଲା ପ୍ରଶାସନର ଦ୍ୱାରସ୍ଥ ହୋଇଛନ୍ତି। ପଦ୍ମଶ୍ରୀ ନାଏକଙ୍କୁ ଗେଟ୍‌ ପାସ ମିଳିନଥିବାରୁ କଟକ ଓ ଭୁବନେଶ୍ୱରକୁ...

‘ଅକ୍ଷରଧାମ’ରେ ବିରାଜିବେ ମା’

ଭୁବନେଶ୍ୱର, ୨୫-୯(ବ୍ୟୁରୋ):ଆସୁଛି ପାର୍ବଣ, ଆସୁଛନ୍ତି ମା’। ଆଉ ମା’ଙ୍କ ସ୍ବାଗତ ପାଇଁ ସଜେଇ ହେଉଛି ରାଜଧାନୀ। ଭିନ୍ନ ଭିନ୍ନ ଡିଜାଇନର୍‌ ତୋରଣ ସାଙ୍ଗକୁ ଆଖି ଝଲସା...

ପିସିସି ସଭାପତି ପରିବର୍ତ୍ତନକୁ ନେଇ ଧାଁଦୌଡ଼

ଭୁବନେଶ୍ୱର, ୭।୧୨(ବ୍ୟୁରୋ): ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକଙ୍କୁ ଦାୟିତ୍ୱଶୂନ୍ୟ କରିବା ଲାଗି ଦଳ ଭିତରେ କନ୍ଦଳ ଉଗ୍ରରୂପ ନେଲାଣି। ନିରଞ୍ଜନଙ୍କ ବିରୋଧରେ ଗୋଟିଏ...

Leave a comment

Your email address will not be published. Required fields are marked *