ଅବେବସ୍‌ତା ଘେରରେ ହାଟପଦାପଡା ସ୍କୁଲ:ବଖ୍‌ରେ ଘରେ ୯୨ ଛାତ୍ରୀଛତ୍ରକଁର ପାଠ୍‌ପଢ଼ା

ଲାଠୋର, ୯ା୭ (ଡି.ଏନ୍‌.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଧୀନ ଲାଠୋର ହାଟପଦାପଡ଼ା ସରକାରୀ ପ୍ରାଥମିକ ବିଦ୍ୟାଲୟ ଅବେବସ୍‌ତା ଘେରରେ ରହିଛେ। ଇଥିରଲାଗି ଛାତ୍ରୀଛାତ୍ର, ଶିକ୍ଷକ ନାନା ସମସିଆର ସାମନା କରୁଥିବାର ଅଭିଯୋଗ ହେଉଛେ।ସୂଚନା ଅନ୍‌ସାରେ ୧୯୭୯ ସାଲେ ଥାପିତ ଇ ସ୍କୁଲରେ ୧ମରୁ ୫ମ ଶ୍ରେଣୀ ତକ୍‌ ପାଠ୍‌ପଢ଼ାର ବେବସ୍‌ତା ଅଛେ। ଏହେଦେ ସ୍କୁଲରେ ୯୨ ଝନ୍‌ ଛାତ୍ରୀଛାତ୍ର ପାଠ୍‌ ପଢ଼ୁଥିଲାବେଲେ ୩ ଝନ୍‌ ଶିକ୍ଷୟିତ୍ରୀ ଶିକ୍ଷକ ରହିଛନ୍‌। ହେଲେ ସ୍କୁଲରେ ପାଠ୍‌ପଢ଼ାର ଲାଗି ବଖରେ ଘର ରହିଛେ। ଇ କୁଠାଥି ଅଫିସ୍‌ କାମ, ଏମ୍‌ଡିଏମ୍‌ ସାମାନ ରଖାଥୁଆ ସଂଗେ ପିଲାକର ପାଠ୍‌ପଢ଼ା ହେଉଛେ। ସ୍କୁଲରେ କୋଲ ଇଣ୍ଡିଆ ତରଫୁ ଗୁଟେ ଶୌଚାଲୟ ତିଆର ହେଇ ସିନଟେକ୍ସ ଟ୍ୟାଙ୍କ ବସାଯାଇଛେ। ହେଲେ ପାଏନ୍‌ର ବେବସ୍‌ତା ନାଇଁଥିବାର ଲାଗି ଶୌଚାଲୟଟା ପଡ଼ିରହି ଖତ ଖାଉଛେ। ଇଆଡ଼େ ଛାତ୍ରୀଛାତ୍ର ଶୌଚର ଲାଗି ବାହାରକେ ଯାଉଛନ୍‌। ସେନ୍‌ତା ସ୍କୁଲ ବାଡ଼ାକେ ଲାଗି ବିପଦ୍‌ ଅବସ୍‌ତାରେ ଖୁଲାରେ ଦୁଇଟା ଟ୍ରାନ୍ସଫର୍ମର ରହିଥିଲାବେଲେ ସ୍କୁଲକେ ଲାଗି ବିଦ୍ୟୁତ୍‌ ତାର ଯାଇଛେ। ବରଷା ଦିନେ ସ୍କୁଲର ନଲ୍‌ଚୁଅଁାରୁ ପାଏନ୍‌ ମାଏଲାବେଲେ କେତେବେଲେ କେନ୍‌ତା ଝଟକା ମାରୁଥିବାର ଛାତ୍ରୀଛାତ୍ର, ଶିକ୍ଷୟିତ୍ରୀ ଶିକ୍ଷକ କହିଛନ୍‌। ଏମ୍‌ଡିଏମ୍‌ ଲାଗି ୫ ବଛର ତଲେ ସ୍କୁଲରେ ଗୁଟେ ରଁଧାଘର ତିଆର ହେଇଥିଲା। ହେଲେ କାମ୍‌ଟା ଏତେ ହଲକା ହେଇଥିଲାଯେ ଘରଟା ପୂରା ହେବାର ଆଗ୍‌ରୁ ଛାତ୍‌ ଦବି ଯାଇଥିଲା। ସେ ବିପଦ୍‌ ଅବସ୍‌ତାରେ ଥିବାର ଘରେ ଏହେଦେ ଛାତ୍ରୀଛାତ୍ରକଁର ଏମ୍‌ଡିଏମ୍‌ ରଁଧାବଢ଼ା ହେଉଛେ। ସ୍କୁଲରେ ଲାଗି ରହିଥିବାର ଇ ସବୁ ସମସିଆକେ ନେଇ ଗଲା ୯.୧.୨୦୧୬ରେ ପ୍ରଧାନ ଶିକ୍ଷୟିତ୍ରୀକଁର ଅଧ୍ୟକ୍ଷତାରେ ସ୍କୁଲ ପରିଚାଲନା କମିଟି ଆର ଅଭିଭାବିକା, ଅଭିଭାବକମାନକୁ ନେଇ ଗୁଟେ ବଇଠକ୍‌ ବସିଥିଲା। ବଇଠକ୍‌ରେ ଗୁଟେ ରିଜୋଲୁଶନ କରି ଜିଲା ଶିକ୍ଷା ଅଧ୍‌କାରୀ, ଡିପିସି, ଖପ୍ରାଖୋଲ ବିଦ୍ୟୁତ ବିଭାଗ ସେକ୍ସନାଲ ଅଫିସର, ଥାନୀୟ ସରପଁଚ୍‌କୁଁ ସମସିଆର ସମାଧାନ ଲାଗି କମିଟି ଲିଖିତ ଜନେଇଥିଲା। ହେଲେ ଆଏଜ୍‌ତକ କେହେନ୍‌ସି ଗୁଟେ ବି ଅଧ୍‌କାରୀ ସମସିଆର ସମାଧାନ ଦିଗେ ପଦକ୍ଷେପ ନାଇଁ ନେଇ। ଶେଷେ ସ୍କୁଲ କତୁରପକ୍ଷ ଉପେ ଶୂଇନ୍‌ ହେଇ ସୋମବାର ଥାନୀୟ ସରପଁଚ୍‌, ପରିଚାଲନା କମିଟି ସଭାପତି, ସିଆରସିସି, ଅଭିଭାବିକା ଅଭିଭାବକମାନକୁ ନେଇ ଗୁଟେ ବଇଠକ୍‌ ଡାକିଥିଲେ। ବଇଠକ୍‌ରେ ସ୍କୁଲର ଭିନେ ଭିନେ ସମସିଆ ବାବ୍‌ଦେ ଆଲୋଚନା ହେଇଥିଲା। ସେନ୍‌ତା ସ୍କୁଲ ସମସିଆର ସମାଧାନ ଦିଗେ କେହି ପଦକ୍ଷେପ ନାଇଁ ନେଉଥିଲାବେଲେ ଯଦି ସ୍କୁଲ ସମିଆରେ କେହେନ୍‌ସି ଅଘଟନ ଘଟବା ସେଥିରଲାଗି କିଏ ଦାୟୀ ରହିବା ବଲି ବଇଠକ୍‌ରେ କେତେ ଅଭିଭାବକ ପ୍ରଶ୍ନ କରିଥିଲେ। ଜିଲା ପରଶାସନ ଇ ଦିଗେ ଦୁରୁଷ୍‌ଟି ଦେଇ ପଦକ୍ଷେପ ନେବାକେ ଅଭିଭାବକ ମହଲରେ ଦାବି ହେଉଛେ।


All Right Reserved By

ନିଷେଧ ପଲିଥିନ ବନ୍ଦ ପାଇଁ ଚଢ଼ାଉ

ଭୁବନେଶ୍ୱର, ୬ା୬(ବ୍ୟୁରୋ)- ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଅଞ୍ଚଳରେ ବଢ଼ି ଚାଲିଛି ପଲିଥିନ ଓ ପ୍ଲାଷ୍ଟିକ ଆବର୍ଜନା। ପରିବେଶ ଓ ଜୀବଜଗତ ପ୍ରତି ବିପଦ ସୃଷ୍ଟି...

ପରଲୋକରେ ଚଳଚ୍ଚିତ୍ର ପ୍ରଯୋଜକ କେଶବ ରାଉତ

କଟକ ଅଫିସ,୩୦ା୬ : ବିଶିଷ୍ଟ ଚଳଚ୍ଚିତ୍ର ପ୍ରଯୋଜକ କେଶବ ରାଉତଙ୍କ କଟକ ଶଙ୍କରପୁରସ୍ଥିତ ବାସଭବନରେ ହୃଦ୍‌ଘାତରେ ରବିବାର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୮...

ବଶିଷ୍ଠକୁଁ ଉଧାର କଲା ଡାକ୍‌ତରି ଦଲ: ଚିକିତ୍ସା ଲାଗି ବୁର୍ଲା ଡାକ୍‌ତରଖାନାରେ ଭରତି

ଲୋଇସିଂହା,୩।୭(ଡି.ଏନ୍‌.ଏ.): ବଲାଙ୍ଗୀର ଜିଲା ଲୋଇସିଂହା ବ୍ଲକ ନେଗିପାଲି ଗାଁର ବଶିଷ୍ଠ ନାଗ(୬୦) ପକ୍ଷାଘାତ ରୋଗ୍‌ରେ ପୀଡ଼ିତ ଅଛନ୍‌। ଅଭାବ ଅନାଟନ ଲାଗି ସେ ଚିକିସତ୍ିତ ନାଇଁ...

ଆବାସ ଯୋଜନାରୁ ବଁଚିତ୍‌ ଲାଲଦୀପ: ପରହର ବାରନ୍‌ଡାରେ ବିତୁଛେ ଜୀବନ୍‌

ଖପ୍ରାଖୋଲ, ୨୪।୮(ଡି.ଏନ୍‌.ଏ.): କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖି, ବାସହୀନ ପରିବାରମାନକୁ ଅନେକ ଯୋଜନାରେ ପକାଘର ଯୁଗେଇ ଦେଉଛନ୍‌। ହେଲେ ଅନେକ ଜାଗାରେ ଭିନେ...

ତହସିଲଦାରଙ୍କ ଛତୁଆ ପ୍ରସ୍ତୁତି, ଅଙ୍ଗନୱାଡ଼ି କେନ୍ଦ୍ର ପରିଦର୍ଶନ

ପାତ୍ରପୁର,୨୫ା୭(ଡି.ଏନ୍‌.ଏ.)- ଗଞ୍ଜାମ ଜିଲାପାଳଙ୍କ ନିର୍ଦ୍ଦେଶକ୍ରମେ ପାତ୍ରପୁର ତହସିଲଦାର ଡ଼. ଶ୍ରୀନିବାସ ବେହେରା ଓ ସିଡ଼ିପିଓ ପଦ୍ମିନୀ ସାହୁ ଗୁରୁବାର ପାତ୍ରପୁର ବ୍ଲକରେ ଥିବା ଛତୁଆ ପ୍ରସ୍ତୁତି...

ଦୁଇ ପୃଥକ ଅପହରଣ ମାମଲା: ୪ ଗିରଫ

ଭବାନୀପାଟଣା, ୩୧।୫ (ଡି.ଏନ୍‌.ଏ.): ଭବାନୀପାଟଣା ଟାଉନ ଥାନା ଅଞ୍ଚଳରେ ଦୁଇଟି ଅପହରଣ ମାମଲାରେ ୪ ଅଭିଯୁକ୍ତଙ୍କୁ ପୋଲିସ ଶୁକ୍ରବାର ଗିରଫ କରିଛି। ଭବାନୀପାଟଣା ସହରରେ ଗତ...

ଚାର ମୁଜି କିଲୋ ୧ଶହ ଟଁକା: ପରିବାର ପିଛା ବଛରକ କମଉଛନ୍‌ ୫ ହଜାର

ଲୋଇସିଂହା,୧୩।୫(ଡି.ଏନ.ଏ):  ପ୍ରକୃତିରୁ ଆମକୁ ଅନେକ ପରକାର ଜିନିଷ ମିଲୁଛେ। ଭିନେ ଭିନେ ଋତୁରେ ଅନେକ ପରକାର ଫଲମୂଲ ମିଲୁଛେ। ଇଥ୍‌ରେ ଅନେକ ପରିବାରର ଜୀବନ୍‌ ଜୀବ୍‌କା...

ମଲ୍‌, ହସ୍ପିଟାଲ, ମଲ୍ଟିପ୍ଲେକ୍ସରେ ପାର୍କିଂ ଫି ଆଦାୟ ବନ୍ଦ ନିର୍ଦ୍ଦେଶ

ଭୁବନେଶ୍ୱର, ୧୭।୧୦(ବ୍ୟୁରୋ): ଭୁବନେଶ୍ୱରରେ ବିଭିନ୍ନ ବ୍ୟବସାୟିକ ପ୍ରତିଷ୍ଠାନ, ହସ୍ପିଟାଲ, ସିନେମା ହଲ୍‌ ଓ ଆପାର୍ଟମେଣ୍ଟ ଆଦିରେ ଥିବା ପାର୍କିଂସ୍ଥଳରୁ ଫି ଆଦାୟ ତୁରନ୍ତ ବନ୍ଦ କରିବାକୁ...

selfi corner

Model This Week

Why Dharitri

Leave a comment

Your email address will not be published. Required fields are marked *