ସେନାରେ ଅପବ୍ୟବହାର ହେଉଛି ଦିବ୍ୟାଙ୍ଗ ପେନ୍‌ସନ୍‌ ସ୍କିମ୍‌; ଅନ୍ୟ କାରଣରୁ ଭିନ୍ନକ୍ଷମ ହେଲେ ଟିକସ ଲାଗିବ

ନୂଆଦିଲ୍ଲୀ,୮-୭: ସେନାରେ ଦିବ୍ୟାଙ୍ଗଙ୍କ ପାଇଁ ଉଦ୍ଦିଷ୍ଟ ପେନ୍‌ସନ୍‌ ସ୍କିମ୍‌ ଅପବ୍ୟବହାର ଚାଲିଛି। ବହୁ ସଂଖ୍ୟାରେ ଅଧିକାରୀ ଓ ଯବାନ ଲଢ଼େଇ ନ କରି ଅନ୍ୟ କାରଣରୁ ଭିନ୍ନକ୍ଷମ ହେଉଥିଲେ ସୁଦ୍ଧା ଏହାର ଫାଇଦା ନେଉଛନ୍ତି। କର୍ତ୍ତବ୍ୟରତ ଅବସ୍ଥାରେ ଦିବ୍ୟାଙ୍ଗ ହେବା କ୍ଷେତ୍ରରେ ହିଁ ଯବାନଙ୍କୁ ଭିନ୍ନକ୍ଷମ ପେନସନ ମିଳିବାର ବ୍ୟବସ୍ଥା ରହିଛି। ଏହି ପେନ୍‌ସନ ଉପରେ ଆୟକର ଛାଡ଼ ସୁବିଧା ମିଳେ। ଏହାର ଲାଭ ନେଇ ସେନାଧିକାରୀ ଓ ଯବାନ ନିଜକୁ ଭିନ୍ନକ୍ଷମ ଦର୍ଶାଇ ପେନସନ ପାଇଁ ଆବେଦନ କରୁଛନ୍ତି। ଏହା ଉପରେ କଟକଣା ଲଗାଇବାକୁ ଯାଇ ଅର୍ଥ ମନ୍ତ୍ରଣାଳୟ ପକ୍ଷରୁ ଏକ ସର୍କୁଲାର ଜାରି କରାଯାଇଛି। ଏଣିକି ଦିବ୍ୟାଙ୍ଗ ପେନସନ ଉପରେ ଟିକସ ଲାଗିବ ବୋଲି ସର୍କୁଲାରରେ କୁହାଯିବା ପରେ ଝଡ଼ ଉଠିଛି। ସେନାର ଅବସରପ୍ରାପ୍ତ ଅଧିକାରୀ ଓ ଯବାନ ସର୍କୁଲାରକୁ ବିରୋଧ କରିଛନ୍ତି। ସଂସଦରେ ମଧ୍ୟ ସରକାରଙ୍କୁ ବିରୋଧୀ ଦଳ ଏହି ପ୍ରସଙ୍ଗରେ ଘେରିଛନ୍ତି।
ଦିବ୍ୟାଙ୍ଗ ପେନସନ ସ୍କିମ୍‌ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଏକ ଟୁଇଟ୍‌ କରିବା ପରେ ଏହାକୁ ନେଇ ସ୍ଥଳସେନା ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। ଅର୍ଥମନ୍ତ୍ରୀ ତାଙ୍କ ଟୁଇଟ୍‌ରେ ଭିନ୍ନକ୍ଷମ ପେନସନ ସ୍କିମ୍‌ରେ ଟିକସ ବସାଇବା ଲାଗି ସେନାର ଚାହୁଁଛି ବୋଲି ଦର୍ଶାଇଛନ୍ତି। ଅନ୍ୟପକ୍ଷରେ ସ୍ଥଳସେନା ସୋସିଆଲ ମିଡିଆ ଜରିଆରେ କହିଛି ଯେ, ଲାଇଫ୍‌ଷ୍ଟାଇଲରେ ପରିବର୍ତ୍ତନ କାରଣରୁ ରୋଗଗ୍ରସ୍ତ ହୋଇ ଭିନ୍ନକ୍ଷମ ହେଉଥିବା ସୈନ୍ୟବାହିନୀର ବହୁ ଅଧିକାରୀ, ଯବାନ ବିକଳାଙ୍ଗ ସ୍କିମ୍‌ର ଅପବ୍ୟବହାର କରି ଫାଇଦା ଉଠାଉଥିବା ଦେଖାଯାଇଛି। ଲଢ଼େଇରେ ସମ୍ପୃକ୍ତ ରହି ଭିନ୍ନକ୍ଷମ ହେଉଥିବା ଯବାନ ଓ ଅଧିକାରୀଙ୍କ ପ୍ରତି ଭାରତୀୟ ସ୍ଥଳସେନା ଚିନ୍ତାଶୀଳ। ତେଣୁ ସେମାନଙ୍କୁ ଅତିରିକ୍ତ ଆର୍ଥିକ ସହାୟତା ଦିଆଯିବା ଆବଶ୍ୟକ। ନିୟମ ଅନୁଯାୟୀ ସେମାନେ ଭିନ୍ନକ୍ଷମ ପେନ୍‌ସନ ପାଇଁ ହକ୍‌ଦାର। କିନ୍ତୁ ଅନ୍ୟ କାରଣରୁ ନିଜର ଭିନ୍ନକ୍ଷମ ହେଉଥିବା ଯବାନ ଓ ଅଧିକାରୀଙ୍କୁ ଦିବ୍ୟାଙ୍ଗ ପେନସନ ଦିଆଯାଇପାରିବ ନାହିଁ। ଦେଶରେ ସେନାକୁ ଏବେ ଅନେକ ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡୁଥିବା ବେଳେ ଏହି ଧାରା ଚିନ୍ତାଜନକ ସ୍ତରରେ ପହଞ୍ଚତ୍ଛି। ସୂଚନାଯୋଗ୍ୟ ଯେ, ଗତ ୨ ବର୍ଷରେ ସ୍ଥଳସେନାରୁ ପ୍ରାୟ ୨୦୦୦ ଅଫିସର ଦିବ୍ୟାଙ୍ଗ ପେନସନ ପାଇଁ ଆବେଦନ କରିଛନ୍ତି। ଏହି ଘଟଣା ଲୋକସଭାରେ ଉଠିବା ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମାମଲାର ଅନୁଧ୍ୟାନ କରିବେ ବୋଲି କହିଛନ୍ତି। ଅନ୍ୟପକ୍ଷରେ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା କାଳରେ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ(ସିବିଡିଟି) ଅଧ୍ୟକ୍ଷ ପି.ସି. ମୋଦି ରବିବାର କହିଛନ୍ତି ଯେ,ଜୁନ୍‌ ୨୪ରେ ଜାରି କରାଯାଇଥିବା ସର୍କୁଲାର ପୂର୍ବଘୋଷିତ ନୀତିକୁ ସ୍ପଷ୍ଟ କରୁଛି। ଦେଶ ପାଇଁ ଲଢ଼େଇ କରୁଥିବା ସୈନ୍ୟଙ୍କ ପ୍ରତି ଆମର ସମ୍ମାନ ରହିଛି। ବାସ୍ତବ କ୍ଷେତ୍ରରେ ଲଢ଼େଇ କରି ଶାରୀରିକ ଭାବେ ଭିନ୍ନକ୍ଷମ ହେଲେ ଏହି ସ୍କିମ୍‌ ଲାଗୁ ହେବାରେ ଅସୁବିଧା ନାହିଁ। କିନ୍ତୁ ବିଗତ କିଛି ବର୍ଷ ହେଲା ଏହି ସ୍କିମ୍‌ର ଦୁରୁପଯୋଗ ହେଉଥିବା ନେଇ ଡାଟା ଆନାଲିଟିକ୍ସରୁ ଜଣାପଡିଛି। ନୂଆ ସର୍କୁଲାର ଉପରେ ସ୍ପଷ୍ଟୀକରଣ ଦେଇ ପ୍ରମୋଦ କୁମାର କହିଛନ୍ତି ଯେ, ଲଢ଼େଇ ଯୋଗୁ ଭିନ୍ନକ୍ଷମ ହେଲେ ସମ୍ପୃକ୍ତ ଯବାନଙ୍କ ଦିବ୍ୟାଙ୍ଗ ପେନ୍‌ସନ୍‌ ଉପରେ ଟିକସ ଲାଗିବ ନାହିଁ। ପୂର୍ବରୁ ସିବିଡିଟି ପକ୍ଷରୁ ୧୩ ନମ୍ବର ସର୍କୁଲାର ଜାରି କରାଯାଇ ଏହା ଦର୍ଶାଯାଇସାରିଛି। ଏହା ଜାରି ହେବା କ୍ଷଣି ଏହାକୁ ଯୁଦ୍ଧ ଫେରନ୍ତା ତଥା ଦିବ୍ୟାଙ୍ଗ କାରଣରୁ ଅଦିନରେ ଅବସର ନେଇଥିବା ସୈନ୍ୟ ବିରୋଧ କରିଛନ୍ତି। ସେମାନେ ସୋସିଆଲ ମିଡିଆ ଜରିଆରେ ନିଜର ଅସନ୍ତୋଷ ବ୍ୟକ୍ତ କରୁଛନ୍ତି। ସୂଚନାଥାଉ କି, ପ୍ରତିରକ୍ଷା ବାହିନୀର ୩ ବିଭାଗର ଯବାନଙ୍କୁ ଭିନ୍ନକ୍ଷମ ହେବା କ୍ଷେତ୍ରରେ ସ୍ବତନ୍ତ୍ର ପେନ୍‌ସନ୍‌ର ବ୍ୟବସ୍ଥା ରହିଛି। ସେମାନଙ୍କ ର଼୍ୟାଙ୍କ୍‌ ଓ ଭିନ୍ନକ୍ଷମ ମାତ୍ରା ଆଧାରରେ ପେନ୍‌ସନ ଦିଆଯାଇଥାଏ। ଏହା ଉପରେ ସେମାନଙ୍କୁ ଟିକସ ଛାଡ଼ ସୁବିଧା ମିଳେ।


All Right Reserved By Dharitri.Com

ରାଜସ୍ଥାନ ହାଇକୋର୍ଟଙ୍କ ନିର୍ଦ୍ଦେଶ; ଅପାଠୁଆଙ୍କୁ ମିଳିବନି ଡ୍ରାଇଭିଂ ଲାଇସେନ୍ସ

ଜୟପୁର,୩୦-୫: ରାଜସ୍ଥାନ ହାଇକୋର୍ଟ ଅପାଠୁଆ ଡ୍ରାଇଭରଙ୍କୁ ଡ୍ରାଇଭିଂ ଲାଇସେନ୍ସ ଜାରି ନ କରିବାକୁ ନିର୍ଦ୍ଦେଶ ଦେଇଛନ୍ତି। ଜଣିକିଆ ଖଣ୍ଡପୀଠ ତାଙ୍କ ନିର୍ଦ୍ଦେଶରେ କହିଛନ୍ତି ଯେ, ରାସ୍ତା...

ମୋଦି ୨.୦ର ପ୍ରସ୍ତୁତି; ଉଜ୍ଜ୍ୱଳାରେ ୫ କେଜିର ସିଲିଣ୍ଡର ହେବ ବାଧ୍ୟତାମୂଳକ

ନୂଆଦିଲ୍ଲୀ,୨୯-୫: ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଯୋଗୁ ଗ୍ରାମାଞ୍ଚଳର ମହିଳାମାନଙ୍କ ଭୋଟ୍‌ ହାତେଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ଏନ୍‌ଡିଏ ସରକାର ଦ୍ୱିତୀୟ କାର୍ଯ୍ୟକାଳରେ ଆଉ ଏକ...

ଗରିବ ରାଜ୍ୟ ଜିଏସ୍‌ଟି ଆଦାୟରେ ଆଗୁଆ; ଓଡ଼ିଶାର ଟିକସ ସଂଗ୍ରହ ୨୦.୮%

ନୂଆଦିଲ୍ଲୀ,୧୪-୮: ଚଳିତ ଆର୍ଥିକ ବର୍ଷ ୨୦୧୯-୨୦ର ପ୍ରଥମ ୪ ମାସରେ ସାମ୍ରଗୀ ଏବଂ ସେବା ଟିକସ(ଜିଏସ୍‌ଟି) ସଂଗ୍ରହ କ୍ଷେତ୍ରରେ ଓଡ଼ିଶା, ବିହାର, ୟୁପି ଓ ମଧ୍ୟପ୍ରଦେଶ...

ରେପୋ ରେଟ୍‌ ୦.୪% କମାଇଲା ଆର୍‌ବିଆଇ

ନୂଆଦିଲ୍ଲୀ,୨୩।୫: ଭାରତୀୟ ଅର୍ଥ ବ୍ୟବସ୍ଥା ମାନ୍ଦାବସ୍ଥା ଦେଇ ଗତି କରୁଥିବା ବେଳେ କରୋନା ଭୂତାଣୁ ନିୟନ୍ତ୍ରଣ ଲାଗି ସରକାର ଘୋଷଣା କରିଥିବା ଲକ୍‌ଡାଉନ ଯୋଗୁ ଆର୍ଥତ୍କ...

ଚଳିତ ବର୍ଷ ୩ ଟ୍ରିଲିୟନ ଡଲାର ଛୁଇଁବ ଅର୍ଥନୀତି

ନୂଆଦିଲ୍ଲୀ,୬-୭: ଚଳିତ ଆର୍ଥତ୍କ ବର୍ଷରେ ଦେଶର ଅର୍ଥନୀତି ୩ ଟ୍ରିଲିୟନ ଡଲାର ଛୁଇଁବ। ଆଗାମୀ ଦିନରେ ଦେଶର ଅର୍ଥ ବ୍ୟବସ୍ଥାକୁ ୫ ଟ୍ରିଲିୟନ ଡଲାର ବିଶିଷ୍ଟ...

ସହରାଞ୍ଚଳ ବେରୋଜଗାରୀ ହାର ହ୍ରାସ

ନୂଆଦିଲ୍ଲୀ,୨୪-୧୧: ଚଳିତ ବର୍ଷ ଜାନୁୟାରୀ ମାର୍ଚ୍ଚ ସମୟରେ ସହରାଞ୍ଚଳରେ ବେରୋଜଗାରୀ ହ୍ରାସ ଘଟିଥିବା ଜଣାପଡିଛି। ଏହି ସମୟରେ ବେରୋଜଗାରୀ ହାର ୯.୩% ରହିଛି, ଯାହା ୪...

ଗୋଦ୍‌ରେଜ ଅଧ୍ୟକ୍ଷଙ୍କୁ ମିଳିଛି ୧୧୪ ଗୁଣା ବେତନ

ନୂଆଦିଲ୍ଲୀ,୮-୭: ଗୋଦ୍‌ରେଜ କଞ୍ଜ୍ୟୁମର ପ୍ରଡକ୍ଟସ ଲିମିଟେଡର ଅଧ୍ୟକ୍ଷ ଆଦି ଗୋଦ୍‌ରେଜଙ୍କୁ ୨୦୧୮-୧୯ ଆର୍ଥିକ ବର୍ଷରେ କର୍ମଚାରୀଙ୍କ ବେତନର ୧୧୪ ପ୍ରତିଶତ ଅଧିକ ପାରିତୋଷିକ ମିଳିଛି। ତାଙ୍କୁ...

ବିଶ୍ୱ ଆର୍ଥିକ ସ୍ବାଧୀନତା ସୂଚକାଙ୍କ;୭୯ତମ ସ୍ଥାନକୁ ଉଠି ଆସିଲା ଭାରତ

ନୂଆଦିଲ୍ଲୀ,୧୪-୯: ଅର୍ଥନୀତିକୁ ନେଇ ଚାରିଆଡେ ନକାରାମତ୍କ ମନୋଭାବ ପୋଷଣ କରାଯାଉଥିବା ବେଳେ ଦେଶ ଓ ମୋଦି ସରକାରଙ୍କ ପାଇଁ ଏକ ଖୁସିଖବର ଆସିଛି। ବାଣିଜ୍ୟରେ ସୁଗମତା(ଇଜ୍‌...

Leave a comment

Your email address will not be published. Required fields are marked *