Posted inଜାତୀୟ

ଭୟରେ ଛତ୍ରଭଙ୍ଗ

ନୂଆଦିଲ୍ଲୀ,୮ା୭(ପି.ଟି.): ପୁଲ୍‌ଓ୍ବାମାରେ ଜୈଶ୍‌-ଇ-ମହମ୍ମଦ (ଜେଇଏମ୍‌) ଆତଙ୍କବାଦୀଙ୍କ ଆତ୍ମଘାତୀ ଆକ୍ରମଣରେ ୪୦ରୁ ଊର୍ଦ୍ଧ୍ୱ ସିଆର୍‌ପିଏଫ୍‌ ଯବାନ ଶହୀଦ ହେବା ପରେ ଭାରତୀୟ ବାୟୁସେନା ଫେବୃୟାରୀ ୨୬ରେ ବାଲାକୋଟରେ ଥିତ୍ବା ସେମାନଙ୍କ ପ୍ରଶିକ୍ଷଣ ଶିବିର ଉପରେ ଏୟାରଷ୍ଟ୍ରାଇକ୍‌ କରିଥିଲା। ଏହା ପରେ ପାକିସ୍ତାନୀ ଆତଙ୍କବାଦୀ ଛତ୍ରଭଙ୍ଗ ଦେଇ ଆଫଗାନିସ୍ତାନରେ ତାଲିମ ନେଉଥିବା ଏକ ଗୋଇନ୍ଦା ସୂଚନାରୁ ଜଣାପଡିଛି। ଜେଇଏମ୍‌ ଏବଂ ଲଶ୍କର-ଇ-ତୋଇବାର କ୍ୟାଡର ଆତଙ୍କବାଦୀମାନେ ଏବେ ଆଫଗାନିସ୍ତାନର କୁନାର, ନଙ୍ଗରହାର, ନୁରିସ୍ତାନ ଓ କାନ୍ଦାହାରକୁ ପଳାଇଥିବା ଗୋଇନ୍ଦା ସୂଚନା ମିଳିବା ପରେ କାବୁଲ ଓ କାନ୍ଦାହାରରେ ଥିବା ଭାରତୀୟ ଦୂତାବାସ ଓ କାର୍ଯ୍ୟାଳୟକୁ ହାଇଆଲର୍ଟରେ ରଖାଯାଇଛି।
ପାକିସ୍ତାନର ମନଶେରାରେ ଥିତ୍ବା ବାଲାକୋଟ ଆତଙ୍କବାଦୀ ଶିବିର ଉପରେ ଭାରତୀୟ ବାୟୁସେନା (ଆଇଏଏଫ୍‌)ର ମିରାଜ ଯୁଦ୍ଧବିମାନ ଆକ୍ରମଣ କରିଥିଲା। ପାକିସ୍ତାନର ଜେଇଏମ୍‌ ଓ ଲଶ୍କର ଆତଙ୍କବାଦୀ ସଂଗଠନ ଆଫଗାନିସ୍ତାନର ତାଲିବାନ, ହକ୍କାନି ନେଟଓ୍ବର୍କ ସହ ହାତ ମିଳାଇଥିବା ଜଣାପଡିଛି। ପାକିସ୍ତାନ ସୀମାରେ ଥିବା ଡୁରାଣ୍ଡ ଲାଇନ୍‌ରେ ସେମାନଙ୍କୁ ପ୍ରଶିକ୍ଷଣ ଦିଆଯାଉଛି। ସେଥିପାଇଁ ଗତ ୧ ଓ ୨ ତାରିଖରେ ପାକିସ୍ତାନ ସରକାର ୧୫ ଲଶ୍କର ନେତା ଏବଂ ଆତଙ୍କବାଦୀଙ୍କୁ ପାଣ୍ଠି ଯୋଗାଉଥିବା ୫ଟି ଦାତବ୍ୟ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ନେଇଥିଲେ ହେଁ ଭାରତ ଏହାକୁ ବିଶ୍ୱାସକୁ ନେଉନାହିଁ। ସଶସ୍ତ୍ର ଆତଙ୍କବାଦୀ ସଂଗଠନ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଭାରତ ଆହ୍ବାନ ଦେଇଛି।
ଚଳିତ ବର୍ଷ ଶେଷ ଭାଗରେ ପ୍ୟାରିସ୍‌ରେ ଆର୍ଥତ୍କ କାର୍ଯ୍ୟାନୁଷ୍ଠାନ ଟାସ୍କଫୋର୍ସ (ଏଫ୍‌ଏଟିଏଫ୍‌) ସମ୍ମିଳନୀରେ କଳାତାଲିକାଭୁକ୍ତ ହେବାରୁ ନିଜକୁ ରକ୍ଷାକରିବା ଲାଗି ପାକିସ୍ତାନ ଆତଙ୍କବାଦୀଙ୍କ ବିରୋଧରେ ଲୋକଦେଖାଣିଆ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ସେଥିପାଇଁ ଆତଙ୍କବାଦୀମାନେ ସୀମାନ୍ତ ଡୁରାଣ୍ଡ ଲାଇନ୍‌କୁ ପଳାଇଯାଇଥିବା ଭାରତୀୟ ସୁରକ୍ଷା ଏଜେନ୍ସି ବିଶ୍ୱାସ କରୁଛି। ଆତଙ୍କବାଦ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ପାକିସ୍ତାନକୁ ଏଫ୍‌ଏଟିଏଫ୍‌ ଧୂସର (ଗ୍ରେ) ତାଲିକାଭୁକ୍ତ କରିସାରିଛି। ଚଳିତ ମାସ ଆରମ୍ଭରେ ପାକିସ୍ତାନର କାର୍ଯ୍ୟାନୁଷ୍ଠାନ ବେଳେ କାବୁଲରେ ଥିବା ଭାରତୀୟ ଦୂତାବାସ ଉପରେ ଜେଇଏମ୍‌ ଆତଙ୍କବାଦୀ ଆକ୍ରମଣ କରିବା ଆଶଙ୍କା ଥିଲା। ବିସ୍ଫୋରକଭର୍ତ୍ତି ଗାଡ଼ି ନେଇ ଉକ୍ତ ଦୂତାବାସ ଉପରେ ଆକ୍ରମଣ ଲାଗି ଆତଙ୍କବାଦୀ କ୍ୱାରି ଓ୍ବାରି ଗୁଲ୍‌କୁ ନିୟୋଜିତ କରାଯାଇଥିଲା। ସେହିପରି କାନ୍ଦାହାରରେ ଥିବା ଭାରତର ବାଣିଜି୍ୟକ ଦୂତାବାସ ଉପରେ ତାଲିବାନ୍‌ ଆକ୍ରମଣ କରିପାରେ ବୋଲି ଗୋଇନ୍ଦା ସତର୍କ କରାଇଥିଲା। ଜୈଶ୍‌ ଆତଙ୍କବାଦୀମାନେ ବହୁସଂଖ୍ୟାରେ ନଙ୍ଗରହାର ପ୍ରଦେଶର କୋଟ୍‌ ଓ ମେମନ୍ଦରା, ହେଲମଣ୍ଡ ପ୍ରଦେଶର ସାଙ୍ଗୁଇନ୍‌ ଓ ମାର୍ଜା, ଗଜ୍‌ନିର ଲୋଗାନ୍‌ ଓ ନଓ୍ବା, ଜୁରମାଟ(ପାକ୍‌ତିଆ), କୁନାର, ଫର୍‌ୟାବ୍‌ ଏବଂ କୁନ୍ଦୁଜ୍‌ ପଳାଇଯାଇଛନ୍ତି। ତାଲିବାନ ଓ ହକ୍କାନି ନେଟଓ୍ବର୍କ ଗତ ଫେବୃୟାରୀରେ ଜେଇଏମ୍‌ ମୁଖ୍ୟ ମୌଲାନା ମାସୁଦ ଆଝାରଙ୍କୁ ଆଶ୍ରୟ ଯାଚିଥିଲା। ଆଝାର ପାକ୍‌ ସେନା ସୁରକ୍ଷାରେ ବାହଓ୍ବଲପୁରରେ ରହୁଥିବାକୁ ଆଫଗାନ୍‌ ଆତଙ୍କବାଦୀ ସଂଗଠନର ପ୍ରସ୍ତାବକୁ ଗ୍ରହଣ କରି ନ ଥିଲେ। ଜାନୁୟାରୀରେ ଜଲାଲାବାଦ୍‌ରୁ ଆତଙ୍କବାଦୀ ସେଦିକ୍‌ ଆକବର ଓ ଆତାଉଲ୍ଲା ଗିରଫ ହେବା ପରେ ଆଫଗାନିସ୍ତାନରେ ଜେଇଏମ୍‌ ଆତଙ୍କବାଦୀଙ୍କ ଅବସ୍ଥିତି ସମ୍ପର୍କରେ ଗୋଇନ୍ଦା ବିଭାଗକୁ ସୂଚନା ମିଳିଥିଲା। ଏହି ୨ ଆତଙ୍କବାଦୀଙ୍କୁ କାବୁଲ ଓ କାନ୍ଦାହାରରେ ଥିବା ଭାରତୀୟ କାର୍ଯ୍ୟାଳୟ ଉପରେ ନଜର ରଖିବା କାର୍ଯ୍ୟରେ ନିୟୋଜିତ କରାଯାଇଥିଲା ବୋଲି ସେମାନେ ଜେରାବେଳେ ସ୍ବୀକାର କରିଥିଲେ।


All Right Reserved By Dharitri.Com

ରାଷ୍ଟ୍ରପତି ରାମନାଥ କୋବିନ୍ଦ ୭୪ ବର୍ଷରେ ପାଦ ଦେଲେ: ମୋଦି ଜଣାଇଲେ ଶୁଭେଚ୍ଛା

ନୂଆଦିଲ୍ଲୀ,୧।୧୦: ରାଷ୍ଟ୍ରପତି ରାମନାଥ କୋବିନ୍ଦ ମଙ୍ଗଳବାର ୭୪ ବର୍ଷରେ ପାଦ ଦେଇଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଶୁଭେଚ୍ଛା ଜଣାଇଛନ୍ତି। ପ୍ରତିରକ୍ଷା ମନ୍ତ୍ରୀ...

କୋଭିଡ-୧୯ରେ ପୀଡ଼ିତ ୫ଶହରୁ ଊର୍ଦ୍ଧ୍ୱ କରୋନା ଯୋଦ୍ଧା

ନୂଆଦିଲ୍ଲୀ,୮।୫: କରୋନା କବଳରେ ସାରା ଭାରତ। ଏଥିରୁ ବର୍ତ୍ତି ନାହିଁ ଭାରତ। ତେବେ ଭାରତରେ କରୋନା ଯୋଦ୍ଧା ସାଜିଥିବା ପାରା ମିଲିଟାରି ଫୋର୍ସର ୫ଶହରୁ ଊର୍ଦ୍ଧ୍ୱ...

ବାପାଙ୍କ ପରେ କଂଗ୍ରେସ ନେତାଙ୍କ ଝିଅଙ୍କୁ ଇଡିର ନୋଟିସ୍‌

ନୂଆଦିଲ୍ଲୀ,୧୦।୯: ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ବରିଷ୍ଠ କଂଗ୍ରେସ ନେତା ଡି.କେ. ଶିବକୁମାରଙ୍କ ଝିଅଙ୍କୁ ମଙ୍ଗଳବାର ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ନୋଟିସ୍‌ ଜାରି କରାଯାଇଛି।...

ମୋଦିଙ୍କ ମନ୍ତ୍ରିମଣ୍ଡଳର ଏହି ମନ୍ତ୍ରୀ ଶପଥ ନେବାକୁ ଆସିବା ମାତ୍ରେ ତାଳିରେ କମ୍ପିଲା କାର୍ଯ୍ୟକ୍ରମ

ନୂଆଦିଲ୍ଲୀ, ୩୧।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ତାଙ୍କ ମନ୍ତ୍ରୀମଣ୍ଡଳର ସଦସ୍ୟମାନେ ଜଣେ ପରେ ଜଣେ ଶପଥ ନେଇଥିଲେ।...

ଖାଇବା କମାଇଦେଲେଣି ଗ୍ରାମାଞ୍ଚଳର ୫୦% ପରିବାର

ନୂଆଦିଲ୍ଲୀ,୧୪ା୫(ପି.ଟି.): କରୋନା ମହାମାରୀ ଜନିତ ଲକ୍‌ଡାଉନ ଯୋଗୁ ଗ୍ରାମାଞ୍ଚଳ ଜନସାଧାରଣ ଖାଇବା କମାଇଦେଇଥିବା ଏକ ସର୍ଭେରୁ ଜଣାପଡ଼ିଛି। ଲକ୍‌ଡାଉନ ସମୟରେ ୧୨ଟି ରାଜ୍ୟରୁ ୫୦୦୦ରୁ ଊର୍ଦ୍ଧ୍ୱ...

ଶହୀଦ୍‌ ପରିବାରଙ୍କୁ ମିଳିବ ୪ ଗୁଣା ଅଧିକ କ୍ଷତିପୂରଣ: ରାଜନାଥ ସିଂ କଲେ ଘୋଷଣା

ନୂଆଦିଲ୍ଲୀ,୫।୧୦: ଏଣିକି ଶହୀଦ୍‌ ପରିବାରଙ୍କୁ ୪ ଗୁଣା ଅଧିକ କ୍ଷତିପୂରଣ ମିଳିବ। ପୂର୍ବରୁ ଶହୀଦ୍‌ ପରିବାରଙ୍କୁ ୨ ଲକ୍ଷ ଟଙ୍କାର ସହାୟତା ସରକାରଙ୍କ ପକ୍ଷରୁ ଯୋଗାଇ...

ପିଓକେରେ ଭୂକମ୍ପ: ୧୯ରେ ପହଞ୍ଚିଲା ମୃତ୍ୟୁ ସଂଖ୍ୟା, ୩୦୦ରୁ ଊର୍ଦ୍ଧ୍ୱ ଆହତ

ଇସ୍‌ଲାମାବାଦ/ନୂଆଦିଲ୍ଲୀ,୨୪ା୯(ପି.ଟି.)- ପାକ୍‌-ଅଧିକୃତ କଶ୍ମୀର (ପିଓକେ)ରେ ମଙ୍ଗଳବାର ଅପରାହ୍ନରେ ଏକ ଶକ୍ତିଶାଳୀ ଭୂକମ୍ପ ହୋଇଛି। ୫.୮ ତୀବ୍ରତା ବିଶିଷ୍ଟ ଭୂକମ୍ପରେ ରାଜଧାନୀ ଇସ୍‌ଲାମାବାଦ ସମେତ ପାକିସ୍ତାନର ଉତ୍ତରଭାଗର...

୧୫୦ ଭାରତୀୟ ବିମାନ ଯାତ୍ରୀଙ୍କୁ ବଞ୍ଚାଇଲେ ପାକିସ୍ତାନ ଏୟାର ଟ୍ରାଫିକ୍‌ କଣ୍ଟ୍ରୋଲର

ଜୟପୁର,୧୬।୧୧: ପାକିସ୍ତାନର ଜଣେ ଏୟାର ଟ୍ରାଫିକ୍‌ କଣ୍ଟ୍ରୋଲର ୧୫୦ ଭାରତୀୟ ବିମାନ ଯାତ୍ରୀଙ୍କୁ ବଞ୍ଚାଇଛନ୍ତି। ଏହା ସହିତ ସେ ବିମାନକୁ ସୁରକ୍ଷିତ ଭାବେ ଯାତ୍ରା କରିବାରେ...

Leave a comment

Your email address will not be published. Required fields are marked *