ପାହାଡ଼ ଉପରେ ହେମଘର ଶୈବପୀଠ

କେନ୍ଦୁଝର, ୮ା୭ (ସ୍ବ.ପ୍ର.)-ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚୟତର କାଦଗଡ ଗ୍ରାମ ନିକଟରେ ପ୍ରାକୃତିକ ସୌନ୍ଦର୍ଯ୍ୟମୟ ପରିବେଶ ମଧ୍ୟରେ ହେମଘର ପାହାଡ଼। ଜଙ୍ଗଲ ଓ ପାହାଡ ପରିବେଶରେ ଥିବା ଏହି ପାହାଡ ସ୍ଥାନୀୟ ଅଞ୍ଚଳବାସୀ ଦେବସ୍ଥଳୀ ଭାବେ ପୂଜା କରିଆସୁଛନ୍ତି। ଏବେ ଏହି ସ୍ଥାନରେ ଏକ ଧାର୍ମିକ ଓ ପର୍ଯ୍ୟଟନ କେନ୍ଦ୍ର ଭାବେ ପରିଗଣିତ ହୋଇଆସୁଛି। ଅଧିକ ବିକାଶ ହେଲେ ଏହାଏକ ଉତ୍ତମ ପର୍ଯ୍ୟଟନସ୍ଥଳୀ ହୋଇପାରନ୍ତା ବୋଲି ସ୍ଥାନୀୟ ଲୋକେ ପ୍ରକାଶ କରିଛନ୍ତି। ଏହି ପୀଠରେ ଆଗରୁ ଋଷି ମାନେ ରହି ତପସ୍ୟା କରୁଥିଲେ ବୋଲି ବହୁ ପୁରୁଣାକାଳରୁ ବିଶ୍ୱାସ ରହିଛି। ଏଠାରେ ହେମନ୍ତ ଋଷି ନାମକ ଜଣେ ଋଷି ରହୁଥିଲେ। ଏଣୁ ତାଙ୍କ ନାମ ଅନୁସାରେ ଏହି ପାହାଡର ନାମ ହେମଘର ବୋଲି କୁହାଯାଏ। ଏଠାରେ ଶିବରାତ୍ରି, ମକର, କାର୍ତ୍ତିକ ପୂର୍ଣ୍ଣିମା ପାଳନ ହୋଇଥାଏ। ଶ୍ରାବଣ ମାସରେ ଏଠାରେ ଜଳାଭିଷେକ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ।
ଏହି ଅଞ୍ଚଳର ଲୋକେ ମୁଖ୍ୟତଃ ଚାଷ ଉପରେ ନିର୍ଭରଶୀଳ। ଏଣୁ ଜଳସେଚନ ବ୍ୟବସ୍ଥା ନ ଥିବାରୁ ବର୍ଷା ଉପରେ ନିର୍ଭରଶୀଳ ା ବର୍ଷା ନ ହେଲେ ବା ବିଳମ୍ବ ହେଲେ ଲୋକ ମାନେ ଏହିଠାରେ ପୂଜାପାଠ ଓ ଯଜ୍ଞ କରିଥାନ୍ତି। ଏଠାରେ ଯଜ୍ଞ ଓ ପୂଜାପାଠ କଲେ ବର୍ଷା ହୋଇଥାଏ ବୋଲି ସ୍ଥାନୀୟ ଅଞ୍ଚଳବାସୀଙ୍କ ପ୍ରଗାଢ ବିଶ୍ୱାସ ରହିଛି। ଏହି ପାହାଡରେ ବହୁ ଗୁମ୍ଫା ରହିଛି। ତେବେ ସମୟାନୁକ୍ରମେ ପଥର ଖସି ପଡିବାରୁ ବହୁ ସୁଡଙ୍ଗ ରାସ୍ତା ବନ୍ଦ ହୋଇଯିବାରୁ ଗୁମ୍ଫାକୁ ଯାତାୟାତ ବନ୍ଦ ହୋଇଯାଇଛି। ପାହାଡ ଉପରେ ୧୯୯୭ ମସିହାରେ ବିଶ୍ୱେଶରାୟ ମହାଦେବଙ୍କ ମନ୍ଦିର ସ୍ଥାନୀୟ ଲୋକଙ୍କ ଉଦ୍ୟମରେ ପ୍ରତିଷ୍ଠା କରାଯାଇଛି। ପ୍ରାୟ ୪୦୦ ଫୁଟ ଉଚ୍ଚ ଏହି ରମଣୀୟ ପରିବେଶ ପାହାଡରେ ଥିବା ଏହି ମନ୍ଦିରକୁ ଯିବା ଆସିବା କରିବା ପାଇଁ ଉଭୟ ପାର୍ଶ୍ୱରୁ ରାସ୍ତା ଅଛି। ଗୋଟିଏ ପଟୁ ପାହାଚ ଚଢି ଯିବାକୁ ପଡିଥାଏ। ଅନ୍ୟ ପାର୍ଶ୍ୱରେ ଗାଡି ଯିବା ଆସିବା କରିଥାଏ। ଏହି ପାହାଡରେ ବହୁ ପ୍ରକାର ବୃକ୍ଷରାଜି ରହିଛି। ତେବେ ଜଳାଭାବ ଯୋଗୁଁ ବୃକ୍ଷ ରୋପଣ ହୋଇପାରୁ ନ ଥିବାରୁ ପାଣି ବ୍ୟବସ୍ଥା କରିବାକୁ ସ୍ଥାନୀୟ ଲୋକ ଦାବି କରୁଛନ୍ତି। ସୁଉଚ୍ଚ ପାହାଡ ଉପରୁ ଚାରିପାର୍ଶ୍ୱ ଅଞ୍ଚଳର ଦୃଶ୍ୟ ଅତ୍ୟନ୍ତ ମନୋରମ। ଜିଲା ମୁଖ୍ୟାଳୟ ଠାରୁ ମାତ୍ର ପ୍ରାୟ ୧୨ କି.ମି. ଦୂରରେ ଅବସ୍ଥିତ ଏହି ଧାର୍ମିକ ସ୍ଥଳର ବିକାଶ କରାଗଲେ ଏହା ଅଧିକ ପ୍ରସିଦ୍ଧି ଲାଭ କରିପାରିବ ବୋଲି ସ୍ଥାନୀୟ ଲୋକେ ଆଶାବ୍ୟକ୍ତ କରୁଛନ୍ତି। ଏଠାରେ ପଥର ସୁଡଙ୍ଗ ଦେଇ ଭକ୍ତ ମାନେ ସେଠାରେ ଥିବା ଗୁମ୍ଫା ଦର୍ଶନ କରିଥାନ୍ତି। ତେବେ ବିପଦସଙ୍କୁଳ ରାସ୍ତା ହୋଇଥିଲେ ଭକ୍ତ ମାନେ ସହଜରେ ଗୁରୁଣ୍ଡି ଗୁରୁଣ୍ଡି ଯାଇଆସିପାରନ୍ତି। ଏହି ଷୁଡ଼ଙ୍ଗ ରାସ୍ତାର ପୁନରୁଦ୍ଧାର କରିବାକୁ ଲୋକେ ନିବେଦନ କରିଛନ୍ତି। ଏହି ଗୁମ୍ଫା ଭିତରେ ଯଜ୍ଞ ହୋଇ ଥାଏ ଓ ସେଠାରେ ଭକ୍ତ ବିଶ୍ରାମ ନେଇ ବେଶ୍‌ ଆନନ୍ଦ ଲାଭ କରିଥାନ୍ତି।


All Right Reserved By Dharitri.Com

ସହରରେ ଟ୍ରାଫିକ ନିୟମ କଡ଼ାକଡ଼ି: ୨ ମଦ୍ୟପ ଚାଳକ ଗିରଫ

ବାଲେଶ୍ୱର ଅଫିସ, ୧।୧୨-ବାଲେଶ୍ୱର ସହର ପୋଲିସ ଲାଇନ୍‌ ଛକରେ ଟ୍ରାଫିକ୍‌ ଥାନା କର୍ମଚାରୀଙ୍କ ଦ୍ୱାରା ରବିବାରଠାରୁ ଟ୍ରାଫିକ୍‌ ନିୟମ କଡ଼ାକଡ଼ି ପାଳନ କରାଯାଇଛି। ପୂର୍ବାହ୍ନ ୧୦ଟାରୁ...

ବାହାନଗା ପଞ୍ଚାୟତ ସମିତି ବୈଠକ: ଫାଇଲିନ୍‌ ଟଙ୍କା ଖର୍ଚ୍ଚ ନେଇ ହୋହାଲ୍ଲା

ବାହାନଗା, ୭ା୯(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ପରିସରରେ ଶୁକ୍ରବାର ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଉପସ୍ଥିତ ସଭ୍ୟାସଭ୍ୟମାନେ ଫାଇଲିନ୍‌ ବାବଦକୁ ଆସିଥିବା ୭୦...

ଥାନା ପରିସରରେ ମଦବିରୋଧୀ ମହିଳାଙ୍କ ଧାରଣା

ଆନନ୍ଦପୁର,୨୫।୭(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ଥାନା ଦଧିବାମନପୁରରେ ମଦବିରୋଧୀ ଆନ୍ଦୋଳନକୁ ନେଇ ଉତ୍ତେଜନାମୂଳକ ପରିସ୍ଥିତି ଲାଗିରହିଛି। ଆନନ୍ଦପୁର ପୋଲିସର କାର୍ଯ୍ୟାନୁଷ୍ଠାନ ଶୂନ ଥିବାରୁ ଏହା ଏବେ...

ପୋଲ ନିର୍ମାଣ କାର୍ଯ୍ୟ ମନ୍ଥର

ଝୁମ୍ପୁରା, ୨୦।୪(ଡି.ଏନ.ଏ.): ଝୁମ୍ପୁରା ବଜାର ତଥା ବ୍ଲକ କାର୍ଯ୍ୟାଳୟ, ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର, ତହସିଲ ଆଦିକୁ ଯାତାୟାତ ପାଇଁ ଥିବା ୨ ମୁଖ୍ୟ ରାସ୍ତା ଉପରେ କାନପୁର...

ମଦ୍ୟପଙ୍କ ଉନ୍ମତ୍ତ କାଣ୍ଡ : ମେଡିକାଲରେ ପଶି ଭଙ୍ଗାରୁଜା

ହାଟଡିହୀ,୬ା୬(ସ୍ବ.ପ୍ର.): କେନ୍ଦୁଝର ଜିଲା ହାଟଡିହୀ ବ୍ଲକ ଅନ୍ତର୍ଗତ ଜଳକଳଙ୍ଗ ଗ୍ରାମର ସନ୍ନ୍ୟାସୀ ମାଝୀଙ୍କ ପୁଅ ରାଜୁ (୪୦) ଅତ୍ୟଧିକ ମଦ୍ୟପାନ କରି ବୁଧବାର ଅପରାହ୍ନରେ ହାଟଡିହୀ...

ନିଶା ବେପାରୀଙ୍କ ଟାର୍ଗେଟ୍‌ରେ ଯୁବପିଢ଼ି

ରୂପ୍‌ସା, ୩୦।୯(ଡି.ଏନ.ଏ.)-ବାଲେଶ୍ୱର ଜିଲା ଏବେ ନିଶା ବ୍ୟବସାୟୀଙ୍କ ପାଇଁ ଭୂସ୍ବର୍ଗ ପାଲଟିଛି। ବାଲେଶ୍ୱର ସହର ସମେତ ସମଗ୍ର ଉତ୍ତର ଓଡ଼ିଶାରେ ଚୋରା ଦେଶୀ, ବିଦେଶୀ ମଦର...

ବାଲେଶ୍ୱରରେ ‘ବୁଲ୍‌ବୁଲ୍‌’ର ପ୍ରଭାବ : ବର୍ଷା ପବନ ଆରମ୍ଭ

ବାଲେଶ୍ୱର ଅଫିସ,୮।୧୧: ବାଲେଶ୍ୱର ଜିଲାରେ ସାମୁଦ୍ରିକ ବାତ୍ୟା ‘ବୁଲ୍‌ବୁଲ୍‌’ର ପ୍ରଭାବ ଦେଖିବାକୁ ମିଳିଛି। ଶୁକ୍ରବାର ପୂର୍ବାହ୍ନରେ ମୃଦୁ ପବନ ବହିବା ସହିତ ମଧ୍ୟାହ୍ନରେ ବର୍ଷା ଆରମ୍ଭ...

ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କୁ ଦିଆଯାଉଥିବା ଖାଦ୍ୟ ନିମ୍ନମାନର ଅଭିଯୋଗ: ଜିଲାପାଳଙ୍କ ଦୃଢ଼ କାର୍ଯ୍ୟାନୁଷ୍ଠାନ

ବାଲେଶ୍ୱର ଅଫିସ,୨୭।୮: ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟରେ ଦିଆଯାଉଥିବା ରନ୍ଧା ଖାଦ୍ୟ ନିମ୍ନମାନର ନେଇ ସୋମବାର ରାତିରେ ରୋଗୀଙ୍କ ସମ୍ପର୍କୀୟ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ...

Leave a comment

Your email address will not be published. Required fields are marked *