Posted inUncategorized

ରାଜଧାନୀରେ ବିପଦସଙ୍କୁଳ ଅବସ୍ଥାରେ ରହୁଛନ୍ତି ପୋଲିସ ଫୋର୍ସ

ଭୁବନେଶ୍ୱର,୭।୭(ବ୍ୟୁରୋ): ଲୋକଙ୍କ ସୁରକ୍ଷା ଓ ଆଇନ ଶୃଙ୍ଖଳା ପାଇଁ ସବୁବେଳେ ସଜାଗ ରହୁଥିବା ପୋଲିସ ଫୋର୍ସ ଆଜି ନିଜେ ଅସୁରକ୍ଷିତ। ସେମାନଙ୍କୁ ମୁଣ୍ଡ ଗୁଞ୍ଜିବା ପାଇଁ ଜାଗା ନ ଥିବାବେଳେ ଖାଇବା ପିଇବା ପାଇଁ ପାଣି ମଧ୍ୟ ଠିକ ଭାବେ ମିଳୁନାହିଁ। ପଶୁଙ୍କୁ ଗୁହାଳରେ ରଖିବା ଭଳି ସେମାନଙ୍କୁ ରାଜଧାନୀରେ ବିପଦସଙ୍କୁଳ ଅବସ୍ଥାରେ ରଖାଯାଉଥିବାର ଦେଖିବାକୁ ମିଳିଛି। ପୋଲିସ ଫୋର୍ସ ପାଇଁ ବାରାକ ଥିଲେ ମଧ୍ୟ କେଉଁ କାରଣ ପାଇଁ ସେଠାରେ ରଖାଯାଉନାହିଁ ତାହା ଏବେ ବଡ ପ୍ରଶ୍ନ ସୃଷ୍ଟି କରୁଛି। ବିଧାନସଭା ହେଉ ଅବା ରାଲି, ଧାରଣା ଆଇନଶୃଙ୍ଖଳା ପାଇଁ ଅନ୍ୟ ଜିଲାରୁ ପୋଲିସ ଫୋର୍ସ ଭୁବନେଶ୍ୱର ଆସୁଛନ୍ତି। କିନ୍ତୁ ଅଧିକାରୀମାନେ ସେମାନଙ୍କୁ ପୋଲିସ ବାରାକରେ ନ ରଖି ନୟାପଲ୍ଲୀ ଥାନାର ବାମପାର୍ଶ୍ୱରେ ଥିବା ଏକ ୧୪ ତାଲା ବିଶିଷ୍ଟ ନିର୍ମାଣଧୀନ ଆପାର୍ଟମେଣ୍ଟରେ ରଖାଯାଉଛି। ନା ସେଠାରେ ବିଜୁଳି ଅଛି, ନା ପିଇବାକୁ ପାଣି। ରାତି ହେଲେ ମଶାର ପ୍ରାଦୁର୍ଭାବ ବଢ଼ିଯାଉଛି। ତେଣୁ ଏଠାରେ ରହୁଥିବା ପୋଲିସ କର୍ମଚାରୀଙ୍କୁ ମାଲେରିଆ ଭଳି ମାରାତ୍ମକ ଜ୍ୱର ହେଉଥିବା ଜଣାପଡିଛି। ସବୁଠୁ ବଡ ବିପଦ ହେଉଛି ଯେ, ଆପାର୍ଟମେଣ୍ଟଟି ଖୋଲାମେଲା ହୋଇଥିବାରୁ ଖସିପଡି ମୃତ୍ୟୁ ଘଟିବାର ଅଧିକ ସମ୍ଭାବନା ରହିଛି। ଅନେକ ସମୟରେ ରାତିରେ କର୍ମଚାରୀମାନେ ଖୋଲା ଆପାର୍ଟମେଣ୍ଟର ୨, ୩ ମହଲା ଉପରେ ଶୋଉଛନ୍ତି। ହଠାତ ବିଳମ୍ବିତ ରାତିରେ କେହି ଉଠିଲେ ଲାଇଟ ଅଭାବରୁ ଖସି ପଡିବାର ଭୟ ଅଧିକ ରହୁଛି। ଏହାସହ ଆପାର୍ଟମେଣ୍ଟରେ ପାଣିର ମଧ୍ୟ ଘୋର ଅଭାବ ଦେଖାଯାଇଛି। ଗାଧୋଇବାକୁ ସମସ୍ୟା ହେଉଥିବା ବେଳେ ଶୌଚ ଓ ପିଇବା ପାଇଁ ପାଣି ମିଳୁନି। ଏଥିପ୍ରତି ରାଜ୍ୟ ସରକାର ଓ ଦାୟିତ୍ୱରେ ରହୁଥିବା ପଦସ୍ଥ ଅଧିକାରୀ ଗୁରୁତ୍ୱ ଦେଉ ନ ଥିବାରୁ ଏପରି ପରିସ୍ଥିତି ସୃଷ୍ଟି ହୋଇଛି। ଗତ ମାର୍ଚ୍ଚ ୩୧ତାରିଖ ରାତିରେ ଜଣେ ଓଆଇଏସ୍‌ଏଫ୍‌ (ଓଡ଼ିଶା ଇଣ୍ଡଷ୍ଟ୍ରିଆଲ ସିକ୍ୟୁରିଟ୍‌ ଫୋର୍ସ)ର ମେଜର ମାନସ ସାହୁ ଖସିପଡି ଗୁରୁତର ହୋଇଥିଲେ। ସେହିଭଳି ଅନ୍ୟ ଦୁଇଜଣ ମଧ୍ୟ ଛୋଟମୋଟ ଦୁର୍ଘଟଣାର ଶିକାର ହୋଇଛନ୍ତି। ଏତେ ସବୁ ଅଘଟଣ ଘଟୁଥିଲେ ମଧ୍ୟ ପୋଲିସ ପ୍ରଶାସନ କିମ୍ବା ଅଧିକାରୀମାନଙ୍କ ନିଦ ଭାଙ୍ଗୁନି। ଏନେଇ କର୍ମଚାରୀମାନେ ବାରମ୍ବାର ଉପରିସ୍ଥ ଅଧିକାରୀମାନଙ୍କୁ ଅଭିଯୋଗ କରୁଥିଲେ ମଧ୍ୟ କେହି କର୍ଣ୍ଣପାତ ଦେଉନାହାନ୍ତି। ବରଂ ଯେଉଁମାନେ ଏକଥା ଉଠାଉଛନ୍ତି ସେମାନଙ୍କୁ ବିଭିନ୍ନ ପ୍ରକାର ଧମକ ଦିଆଯାଇ ଡରାଯାଉଥିବା ଖବର ମିଳିଛି।
କେବଳ ଆପାର୍ଟମେଣ୍ଟ ନୁହେଁ ରାଜଧାନୀରେ ଥିବା ପୋଲିସ ବାରାକରେ ମଧ୍ୟ ସମାବସ୍ଥା ଦେଖିବାକୁ ମିଳେ। ଯେଉଁଠି ରୋଷେଇ ହେଉଥିବ ସେଠାରେ ଡ୍ରେନ୍‌ ପାଣି ଯାଉଥିବା ବେଳେ ଅବସ୍ଥା ପୂରା ଜଟିଳ ରହିଛି। ଏ ନେଇ ପୋଲିସ କମିଶନର ସତ୍ୟଜିତ ମହାନ୍ତି କହିଛନ୍ତି, ପୋଲିସ ବାରାକରେ ଅନ୍ୟ ଫୋର୍ସ ରହୁଥିବାରୁ ସେଠାରେ ଜାଗା ନାହିଁ। ତେଣୁ ରାଜଧାନୀକୁ ଆସୁଥିବା ପୋଲିସ ଫୋର୍ସଙ୍କ ପାଇଁ ଅସ୍ଥାୟୀ ଜାଗା ଠିକ ହୋଇଥାଏ। ଏଭଳି ଅଭିଯୋଗ ପରେ ସେମାନଙ୍କୁ ସୁରକ୍ଷିତ ଜାଗାରେ ଥଇଥାନ ପାଇଁ ଅନୁଧ୍ୟାନ କରାଯାଇ ପଦକ୍ଷେପ ନିଆଯିବ ବୋଲି କହିଥିଲେ।


All Right Reserved By Dharitri.Com

Posted inUncategorized View All

କେନାଲ ବୁଡ଼ି ଜଣେ ମୃତ

ପରଜଙ୍ଗ, ୮।୧୦(ଡି.ଏନ.ଏ.)-ଢେଙ୍କାନାଳ ଜିଲା ପରଜଙ୍ଗ ଥାନା ଅନ୍ତର୍ଗତ କଟାବାହାଳ ଗ୍ରାମର ଜଣେ ବୃଦ୍ଧ କେନାଲରେ ବୁଡ଼ି ପ୍ରାଣ ହରାଇଛନ୍ତି। ମୃତକ ହେଲେ ବସନ୍ତ ବେହେରା (୫୯)।...

ହିନ୍ଦୀକୁ ବିରୋଧ

ଭାରତର ବିବିଧତା ଉପରେ ପୁନର୍ବାର ଆକ୍ରମଣ ହୋଇଗଲା। ବିବିଧତାରେ ଯେଉଁ ସୌନ୍ଦର୍ଯ୍ୟ ରହିଛି, ତା’ର ମୂଳ ସ୍ରୋତ ଭିନ୍ନ ଭାଷା, ଖାଦ୍ୟ ଓ ବେଶପୋଷାକର ରୁଚିରୁ...

ଏମ୍‌ଏଲ୍‌ଓଏସ୍‌ରେ ପଞ୍ଜୀକୃତ ହେବେ ଡାକ୍ତର

ଭୁବନେଶ୍ୱର,୧୫ା୧୧(ବ୍ୟୁରୋ) : ରାଜ୍ୟରେ କାର୍ଯ୍ୟରତ ସମସ୍ତ ଡାକ୍ତରଙ୍କୁ ମେଡିକୋ ଲିଗାଲ ଓପିନିଅନ ସିଷ୍ଟମ୍‌ (ଏମ୍‌ଏଲ୍‌ଓଏସ୍‌)ରେ ପଞ୍ଜୀକୃତ କରିବା ଲାଗି ରାଜ୍ୟ ମୁଖ୍ୟ ଶାସନ ସଚିବ ଅସିତ...

ମହାରାଷ୍ଟ୍ର ରାଜନୀତିକୁ ନେଇ ମୋଦି-ଶାହଙ୍କ ଗୁରୁତ୍ୱପୂର୍ଣ୍ଣ ବୈଠକ

ନୂଆଦିଲ୍ଲୀ,୨୬।୧୧: ମହାରାଷ୍ଟ୍ର ରାଜନୀତି ଡ୍ରାମାକୁ ନେଇ ମୁମ୍ବାଇରୁ ଦିଲ୍ଲୀ ପର୍ଯ୍ୟନ୍ତ ଚହଳ ସୃଷ୍ଟି ହୋଇଛି। ମଙ୍ଗଳବାର ଏନେଇ ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ସ୍ବରାଷ୍ଟ୍ର...

ସାହିତ୍ୟିକ ବନାମ ଏନ୍‌ପିଡବ୍ଲ୍ୟୁ

ଜିତେନ୍ଦ୍ର କୁମାର ନାୟକ ତାମିଲ, ତେଲୁଗୁ, ସଂସ୍କୃତ, କନ୍ନଡ଼ ଓ ମାଲାୟାଲମ୍‌ ପରେ ଓଡ଼ିଆ ଭାଷାକୁ ଶାସ୍ତ୍ରୀୟ ମାନ୍ୟତା ମିଳିଛି। ହେଲେ ଏବର ଓଡ଼ିଆ ସାହିତ୍ୟ...

ଜନ୍ମମାସ କୁହେ ବ୍ୟକ୍ତି କେତେ ରୋମାଣ୍ଟିକ୍‌

ଜନ୍ମମାସ ଓ ରାଶିରୁ ଜଣେ ବ୍ୟକ୍ତିର ବ୍ୟକ୍ତିତ୍ୱ ବିଷୟରେ କିଛି ସୂଚନା ମିଳିଥାଏ। ତେବେ ଜୁଲାଇ ମାସରେ ଜନ୍ମିତ ବ୍ୟକ୍ତିଙ୍କ ପାଖରେ ରହିଛି କିଛି ବିଶେଷତ୍ୱ।...

ନକଲି ପ୍ରଡକ୍ଟ ବିକ୍ରି ମାମଲାରେ ଟାଇଟାନକୁ ଆଶ୍ୱସ୍ତି

ନୂଆଦିଲ୍ଲୀ,୧୯-୯: ଇ-କମର୍ସ ସାଇଟ ସ୍ନାପଡିଲରେ ନକଲି ଟାଇଟାନ ଏବଂ ଫାଷ୍ଟ୍ରାକ ଘଣ୍ଟା ବିକ୍ରି ମାମଲାରେ ଟାଇଟାନ କମ୍ପାନୀକୁ ଦିଲ୍ଲୀ ହାଇକୋର୍ଟଙ୍କ ପକ୍ଷରୁ ଆଶ୍ୱସ୍ତି ମିଳିଛି। ସ୍ନାପଡିଲରେ...

ବର୍ଜ୍ୟବସ୍ତୁ ଜମା କଲେ ମିଳିବ ସ୍ମାର୍ଟଫୋନ୍‌-ଗ୍ରାଇଣ୍ଡର-ଓ୍ବାଶିଂ ମେସିନ୍‌ ପୁରସ୍କାର

ରୁଦ୍ରପ୍ରୟାଗ,୭।୭: ଉତ୍ତରାଖଣ୍ଡ ରୁଦ୍ରପ୍ରୟାଗରେ ସ୍ବଚ୍ଛତା ପ୍ରତି ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ଏକ ଅଭିନବ ଅଭିଯାନ ଆରମ୍ଭ ହେବାକୁ ଯାଉଛି। ଏନେଇ ଜିଲାପାଳ ମଙ୍ଗେଶ୍‌...

Leave a comment

Your email address will not be published. Required fields are marked *