ନକଲି ସୁନାଗହଣା ପିନ୍ଧି ରେଲଓ୍ବେ ଷ୍ଟେଶନରେ ପଇଁତରା: ଯାତ୍ରୀଙ୍କୁ ଭୁଆଁ ବୁଲାଇ କରୁଥିଲେ ଲୁଟ

ଭୁବନେଶ୍ୱର,୭।୭(ବ୍ୟୁରୋ): ବେଶଭୂଷା, କଥାବାର୍ତ୍ତା ପୂରା କୋଟିପତି ଭଳି। ବେକ, ହାତ ଓ ଆଙ୍ଗୁଠିରେ ଏକାଧିକ ନକଲି ସୁନା ଗହଣାରେ ଭର୍ତ୍ତି। ଷ୍ଟେଶନରେ ପଇଁତରା ମାରି ଯାତ୍ର୍ରୀଙ୍କୁ ଭୁଆଁ ବୁଲାଇ କରୁଥିଲେ ଲୁଟ। ହେଲେ କେହି ତାଙ୍କୁ ସନ୍ଦେହ କରୁ ନ ଥିଲେ। ଶେଷରେ ଏଭଳି ହାଇଟେକ୍‌ ଦୁର୍ବୃତ୍ତଙ୍କୁ ଗିରଫ କରିଛି ଭୁବନେଶ୍ୱର ଜିଆର୍‌ପି ପୋଲିସ। ଅଭିଯୁକ୍ତ ନିକଟରୁ ପୋଲିସ ସବୁ ନକଲି ସୁନା ଗହଣା, ମୋବାଇଲ୍‌ ଓ ୪୮୫୦ ଟଙ୍କା ଜବତ କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ପୁରୀ ଜିଲା ପିପିଲି ଥାନା ଅଞ୍ଚଳ ନାଥସାହିର ନବକିଶୋର ନାୟକ(୨୮)। ଜିଆରପି ପୋଲିସ ଦଫା ୩୮୦ରେ ନଂ. ୧୧୩/୧୯ରେ ମାମଲା ରୁଜୁ କରି ଶନିବାର ତାଙ୍କୁ କୋର୍ଟ ଚାଲାଣ କରିଛନ୍ତି।

ପୋଲିସ ସୂଚନା ମୁତାବକ, ନବକିଶୋର ଷ୍ଟେଶନ ନିକଟରେ ରହି ପ୍ଲାଟ୍‌ଫର୍ମରେ ବୁଲି ଚୋରି କରନ୍ତି। ସେ ନୂଆ ତରିକାରେ ଯାତ୍ରୀଙ୍କୁ ଲୁଟ୍‌ କରିବାକୁ ଯୋଜନା କରିଥିଲେ। ସେ ଦୋକାନରୁ ନକଲି ଗହଣା କିଣିଥିଲେ। ବେକରେ ଏକାଧିକ ଚେନ, ହାତରେ କଡ଼ା ଓ ଆଙ୍ଗଠିରେ ମୁଦି ପନ୍ଧିଥିଲେ। ଏପରିକି ଭଲ ପ୍ୟାଣ୍ଟଶାର୍ଟ ପିନ୍ଧି ଷ୍ଟେଶନରେ ବୁଲନ୍ତି। ଜଣେ ଯାତ୍ରୀଙ୍କୁ ଟାର୍ଗେଟ କରିବା ସହ ତାଙ୍କ ସହ ମିଶି ଭଲରେ କଥା ହୁଅନ୍ତି। ମୋ ଘର ବାହାରେ, ଓଡ଼ିଶାରେ ଏକ କମ୍ପାନୀ ଖୋଲିବାକୁ ଏଠାକୁ ଆସିଥିବା ଲୋକଙ୍କୁ ମିଛ କଥା କହିଥାନ୍ତି। ତାଙ୍କ କଥାବାର୍ତ୍ତା, ବେଶଭୂଷା କୋଟିପତିଙ୍କ ଭଳି ହୋଇଥିବାରୁ ଅନେକ ଯାତ୍ରୀ ତାଙ୍କ କଥାକୁ ବିଶ୍ୱାସ କରି ନେଇଥାନ୍ତି। ଏହା ମଧ୍ୟରେ ନବକିଶୋର ଯାତ୍ରୀଙ୍କ ସହ ବନ୍ଧୁତା ସ୍ଥାପନ କରିଥାନ୍ତି। ଯାତ୍ରୀଙ୍କ ଅସାବଧାନତାର ସୁଯୋଗ ନେଇ ସେ ତାଙ୍କର ସର୍ବସ୍ବ ଲୁଟି ନେଇ ଚମ୍ପଟ ମାରିଥାନ୍ତି। ଭୁବନେଶ୍ୱର ରେଳ ଷ୍ଟେଶନରେ ପ୍ଲାଟଫର୍ମ ନଂ. ୬ରେ ଶନିବାର ସକାଳେ ବିହାରର ରାମବିନିୟ ମହତ୍‌ ନାମକ ଜଣେ ଯାତ୍ରୀ ଛିଡା ହୋଇଥିଲେ। ନବକିଶୋର ତାଙ୍କ ପାଖକୁ ଯାଇ ମିଠା କଥାବାର୍ତ୍ତା ହୋଇଥିଲେ। ପରେ ରାମବିନିୟଙ୍କ ଅସାବଧାନତାର ସୁଯୋଗ ନେଇ ତାଙ୍କର ଏକ ବ୍ୟାଗ୍‌ ଚୋରି କରି ନେଇଥିଲେ। ସେଥିରେ ୬ ହଜାର ଟଙ୍କା, ମୋବାଇଲ୍‌ ଓ ଅନ୍ୟ ଗୁରୁତ୍ୱପୂର୍ଣ୍ଣ କାଗଜପତ୍ର ରହିଥିଲା। ଏ ନେଇ ରାମବିନିୟ ଜିଆରପି ଥାନାରେ ଅଭିଯୋଗ କରିଥିଲେ। ପୋଲିସ ସିସିଟିଭି ଫୁଟେଜ ଆଧାରରେ ତଦନ୍ତ କରି ନବକିଶୋରଙ୍କୁ ଧରି ଥାନାକୁ ଆଣିଥିଲେ। ଥାନାରେ ପୋଲିସ ଆଗରେ କୋଟିପତି ଭଳି କଥାବାର୍ତ୍ତା କରି କେତେ ଟଙ୍କା ନେଲେ ମୋତେ ଛାଡି ଦେବୁ ବୋଲି ସେ କହିଥିଲେ। ମୋ ନିକଟରେ କୋଟି କୋଟି ଟଙ୍କା ମୁଁ ଏଭଳି ଏକ ବ୍ୟାଗ ଚୋରି କରିନି ବୋଲି ପୋଲିସକୁ ଚକମା ଦେବାକୁ ଚେଷ୍ଟା କରିଥିଲେ। ଶେଷରେ ପୋଲିସ ତାଙ୍କ ଆବଭାବକୁ ଲକ୍ଷ୍ୟ କରି ଗିରଫ କରିଥିଲା।


All Right Reserved By Dharitri.Com

୩ ବର୍ଷରେ ଓଏସ୍‌ଏଫ୍‌ଡିସି ଏସ୍‌ସି,ଏସ୍‌ଟି ଯୁବତୀଯୁବକଙ୍କୁ ୨୧୪୧.୪୬ ଲକ୍ଷ ଟଙ୍କା ସବ୍‌ସିଡି ଦେଇଛି

ଭୁବନେଶ୍ୱର,୨୬।୭(ବ୍ୟୁରୋ): ରାଜ୍ୟର ଉପକୂଳବର୍ତ୍ତୀ ଜିଲାଗୁଡ଼ିକରେ ତଥା ଅନ୍ୟ ଜିଲାରେ ବାସ କରୁଥିବା ଅନୁସୂଚିତ ଜାତି, ଅନୁସୂଚିତ ଜନଜାତି ଯୁବତୀଯୁବକ ଏବଂ ସ୍ବୟଂସହାୟକ ଗୋଷ୍ଠୀମାନଙ୍କୁ ଆତ୍ମନିଯୁକ୍ତି ପାଇଁ...

ନାବାଳିକାଙ୍କୁ ବଳାତ୍କାର ଘଟଣା : କ୍ଷତିପୂରଣ ରାଶି ଦେଉନାହାନ୍ତି ସରକାର

କଟକ ଅଫିସ, ୧୦।୬ ନାବାଳିକାଙ୍କୁ ବଳାତ୍କାର ଘଟଣାରେ ପୀଡ଼ିତାଙ୍କ ପରିବାରକୁ କ୍ଷତିପୂରଣ ଦେବାକୁ ୨୦୧୮ରେ ରାଜ୍ୟ ସରକାରଙ୍କ ଗୃହ ବିଭାଗ ନିୟମ ଲାଗୁ କରିଥିଲେ। ପୀଡ଼ିତାଙ୍କ...

ପରୀକ୍ଷା ଖାତା ମୂଲ୍ୟାୟନକାରୀଙ୍କ ପାଉଣା ବଢ଼ିବ: ଉଚ୍ଚଶିକ୍ଷା ମନ୍ତ୍ରୀ

ଭୁବନେଶ୍ୱର, ୨୮।୮(ବ୍ୟୁରୋ): ଏଣିକି ପରୀକ୍ଷା ଖାତା ମୂଲ୍ୟାୟନ କେନ୍ଦ୍ର ଓ ପ୍ରଶ୍ନପତ୍ର ସେଟ୍‌ ବଢ଼ିବ। ସେହିଭଳି ମୂଲ୍ୟାୟନକାରୀଙ୍କ ପାଉଣା ମଧ୍ୟ ବଢ଼ାଯିବ ବୋଲି ଉଚ୍ଚଶିକ୍ଷା ମନ୍ତ୍ରୀ...

ପ୍ରତାରିତ ନ କରି ସରକାର ବସ୍ତିବାସିନ୍ଦାଙ୍କୁ ଜାଗା ଦିଅନ୍ତୁ: ଭାଜପା

ଭୁବନେଶ୍ୱର,୧୩।୧୨(ବ୍ୟୁରୋ):‘ଜାଗା ମିଶନ’କୁ ୱାଲର୍‌ଡ ହାବିଟାଟ୍‌ ଆୱାର୍ଡ ମିଳିଥିବା ନେଇ ରାଜ୍ୟ ସରକାର ଦାବି କରୁଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବୟଂ ଏନେଇ ଟୁଇଟ୍‌ କରିବା ପରେ...

ମାଉଜର ଦେଖାଇ ଡାକ୍ତରଙ୍କ ଘରୁ ସୁନାଗହଣା, ୩ ଲକ୍ଷ ଟଙ୍କା, କାର ଲୁଟ୍‌

ଖୋର୍ଦ୍ଧା ଅଫିସ,୨୬।୭: ଖୋର୍ଦ୍ଧା ଜିଲା ଟାଙ୍ଗୀ ଥାନା ଅନ୍ତର୍ଗତ ଲକ୍ଷ୍ମୀଧରପୁର ଗ୍ରାମରେ ଏକ ବଡ଼ ଧରଣର ଲୁଟ୍‌ ହୋଇଛି । ଦୁର୍ବୃତ୍ତମାନେ ମାଉଜର ଦେଖାଇ ସୁନାଗହଣା,...

ଭଣ୍ଡାରିପୋଖରୀ ବଜାରର ୫୦ ବ୍ୟବସାୟୀଙ୍କୁ ଉଚ୍ଛେଦ

ଭଣ୍ଡାରିପୋଖରୀ, ୧୦ା୯(ଡି.ଏନ୍‌.ଏ.)-ଭଦ୍ରକ ଜିଲା ଦେଇ ଯାଇଥିବା ୧୬ ନଂ ଜାତୀୟ ରାଜପଥ ପ୍ରଶସ୍ତୀକରଣ କାର୍ଯ୍ୟ ଚାଲିଥିବାରୁ ଭଣ୍ଡାରିପୋଖରୀ ବଜାରର ବହୁ ଅଂଶକୁ ଭାଙ୍ଗି ଦିଆଯାଇଛି। ଗତ...

ବିବାହ ବନ୍ଧନରେ ଆବଦ୍ଧ ହେଲେ ଦେବ ଦମ୍ପତ୍ତି

ବ୍ରହ୍ମଗିରି, ୭ା୬(ଡି.ଏନ.ଏ): ମାନବୀୟ ରିତିନୀତି ଭଳି ବିବାହ ବନ୍ଧନରେ ଆବଦ୍ଧ ହେଲେ ଦେବ ଦମ୍ପତ୍ତି। ଶୁଭ ଶୁଙ୍ଗ ସହ ହୁଳ ହୁଳରେ ପ୍ରକମ୍ପିତ ହେଉଥାଏ ଦେବାଳୟ।...

ଆନ୍ତଃରାଜ୍ୟ ନିଶା ବ୍ୟବସାୟୀ ଗିରଫ

କଟକ ରୋଡ,୨।୭(ଡି.ଏନ୍‌.ଏ.): ସ୍ମାର୍ଟସିଟିରେ ବେଧଡକ ଚାଲିଛି ନିଶା କାରବାର। ଜ୍ୱାଇଁଙ୍କ ଭଡାଘରେ ରହି ଶ୍ୱଶୁର ନିଶାଦ୍ରବ୍ୟ ଚାଲାଣ କରୁଥିବା ଅଭିଯୋଗରେ ସୋମବାର ଭୁବନେଶ୍ୱର ମୋବାଇଲ ସ୍କ୍ବାଡ...

Leave a comment

Your email address will not be published. Required fields are marked *