ବେଆଇନ ଜମିରେ ନିର୍ମିତ ହୋଇଛି ନବୀନ ନିବାସ

ବ୍ରହ୍ମପୁର ଅଫିସ୍‌,୨୯ା୪-ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାସସ୍ଥାନ ନବୀନ ନିବାସ ଜମିକୁ ନେଇ ବିବାଦ ଦେଖାଦେଇଛି। ଭାରତୀୟ ବିକାଶ ପରିଷଦ ପକ୍ଷରୁ ରାଜ୍ୟ ସଭାପତି ସୁରେନ୍ଦ୍ର ପାଣିଗ୍ରାହୀ ଏ ନେଇ ଓଡ଼ିଶା ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ କରିଛନ୍ତି। ଆସନ୍ତା ୧୦ତାରିଖରେ ଏହି ମାମଲାର ଶୁଣାଣି ରହିଛି। ତେବେ ବେଆଇନ୍‌ ଭାବେ ଦଖଲ ହୋଇଥିବା ଜମିରେ ନବୀନ ନିବାସ ନିର୍ମିତ ହୋଇଛି ବୋଲି ରବିବାର ବ୍ରହ୍ମପୁରରେ ଅନୁଷ୍ଠିତ ଏକ ଖବରଦାତା ସମ୍ମିଳନୀରେ ଭାରତୀୟ ବିକାଶ ପରିଷଦ ପକ୍ଷରୁ କୁହାଯାଇଛି।

ଜୁନ୍‌ ୧୭ରେ ସାଧାରଣ ପ୍ରଶାସନ ବିଭାଗ(ଜିଏ) ତରଫରୁ ଭୀମପୁର ମୌଜାର ଖାତା ନଂ. ୭୪୦ ଓ ପ୍ଲଟ୍‌ ନମ୍ବର ୧୨୦୦ର ୧୦୦ଡେସିମିଲ ଜମିକୁ ନବୀନଙ୍କ ମା’ ତଥା ତତ୍କାଳୀନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ସ୍ତ୍ରୀ ଜ୍ଞାନ ପଟ୍ଟନାୟକଙ୍କ ନାମରେ ଅନୁମୋଦିତ ହୋଇଛି। ଗଭର୍ନମେଣ୍ଟ ଗ୍ରାଣ୍ଟ୍‌ସ ଆକ୍ଟ ୧୮୯୫ର ଧାରା ୩ ଅନୁଯାୟୀ ଜମି ପ୍ରଦାନରେ କୌଣସି ଅନିୟମିତତା ହୋଇନାହିଁ। ତେବେ ପରବର୍ତ୍ତୀ ସମୟରେ ଭୀମପୁର ମୌଜା ଅନ୍ତର୍ଗତ ଖାତା ନଂ ୭୪୦(ସାଧାରଣ ପ୍ରଶାସନ ବିଭାଗ) ଓ ପ୍ଲଟ୍‌ ନମ୍ବର ୧୨୦୦ରୁ ୪୦୦ଡେସିମିଲ୍‌ ଜମି ଜ୍ଞାନ ପଟ୍ଟନାୟକଙ୍କୁ ମ୍ୟୁଟେଶନ୍‌ କେସ୍‌୍‌ ନଂ ୪୬୬୬/୯୧ରେ ପ୍ରଦାନ କରାଯାଇଛି। ଜମି ପ୍ରଦାନ ବେଳେ ଗଭର୍ନମେଣ୍ଟ ଗ୍ରାଣ୍ଟ୍‌ସ ଆକ୍ଟ-୧୮୯୫କୁ ଉଲ୍ଲଂଘନ କରାଯାଇଥିବା ବେଳେ ଏ ସମ୍ପର୍କିତ ସମସ୍ତ ତଥ୍ୟ ତହସିଲ୍‌ କାର୍ଯ୍ୟାଳୟରୁ ଗାଏବ୍‌ କରାଯାଇଛି। ଉକ୍ତ ଜମିକୁ ମ୍ୟୁଟେଶନ୍‌ କେସ ନଂ ୧୧୯୪୯/୨୦୦୯ରେ ଖାତା ନଂ ୭୦୭/୧୫ ଓ ପ୍ଲଟ୍‌ ନଂ ୧୨୦୦/୨୩୧୬ରେ ନବୀନଙ୍କ ଦୁଇ ତୃତୀୟାଂଶ ଏବଂ ଭଉଣୀ ଗୀତା ମେହେଟ୍ଟାଙ୍କ ନାମରେ ଏକ ତୃତୀୟାଂଶ ଭାଗ ରେଭିନ୍ୟୁ ରେକର୍ଡ ସଂଶୋଧିତ କରାଯାଇଛି। ସେହିଭଳି ଭୀମପୁର ମୌଜା ଅନ୍ତର୍ଗତ ପ୍ଲଟ୍‌ ନଂ. ୧୨୦୧ର ୧୩୫୫ ଡେସିମିଲ୍‌, ପ୍ଲଟ୍‌ ନଂ. ୧୨୨୨ରୁ ୮ଡେସିମିଲ୍‌ ଓ ୨୦ଡେସିମିଲ୍‌ ଭାବେ ମୋଟ ୧୩୮୩ଡେସିମିଲ୍‌ ଜାଗା କିଭଳି ଜ୍ଞାନ ପଟ୍ଟନାୟକଙ୍କୁ ହସ୍ତାନ୍ତର କରାଯାଇଛି, ସେ ସମ୍ପର୍କିତ ତଥ୍ୟ ରାଜ୍ୟ ସରକାରଙ୍କ ରାଜସ୍ବ ବିଭାଗ କିମ୍ବା ସାଧାରଣ ପ୍ରଶାସନ ବିଭାଗ ନିକଟରେ ନାହିଁ । ତଥାପି ଉକ୍ତ ଜାଗାକୁ ନବୀନ ଏବଂ ଗୀତାଙ୍କ ନାମରେ ରେଭିନ୍ୟୁ ରେକର୍ଡ ସଂଶୋଧନ କରାଯାଇଛି। ଏହା ସମ୍ପୂର୍ଣ୍ଣ ବେଆଇନ୍‌। ସେହିଭଳି ଭୀମପୁର ମୌଜା ଅର୍ନ୍ତଗତ ପ୍ଲଟ୍‌ ନଂ ୧୨୦୧/୧୮୧୩ ଖାତା ନଂ ୧୨୩ରେ ୨୫୦ଡେସିମିଲ୍‌ ଜମି ଦଖଲ ସୂତ୍ରେ ନବୀନ ଏବଂ ଗୀତାଙ୍କ ନାମରେ ରେକର୍ଡ଼ କରାଯାଇଛି। ୧୯୬୨ ମସିହା ସେଟେଲ୍‌ମେଣ୍ଟ ନଥି ପ୍ରକାରେ ପ୍ଲଟ୍‌ ନଂ. ୧୨୦୦ ଶ୍ରୀ ଲିଙ୍ଗରାଜ ମହାପ୍ରଭୁଙ୍କ ଜମି ଅଟେ। ପରବର୍ତ୍ତୀ  ୧୯୮୯-୯୦ ସେଟେଲ୍‌ମେଣ୍ଟ ସମୟରେ ରାଜ୍ୟ ସରକାର ସମସ୍ତ ଜମିକୁ ସାଧାରଣ ପ୍ରଶାସନ ବିଭାଗ ନାମରେ ରେକର୍ଡ ଭୁକ୍ତ ହୋଇଛି। ଲିଙ୍ଗରାଜ ମହାପ୍ରଭୁଙ୍କ ଜମିକୁ କିଭଳି ଭାବେ ନବୀନ ଏବଂ ଗୀତା ବେନିୟମ ଭାବେ ପ୍ଲଟ୍‌ ନଂ. ୧୨୦୦, ୧୨୦୧ ଏବଂ ୧୨୨୨ରୁ ମୋଟ ୨୦୩୩ ଡେସିମିଲ୍‌ ଜମିକୁ ହଡ଼ପ କରିଛନ୍ତି। ଏହି ଜମିର ବଜାର ମୂଲ୍ୟ ୧୦୦କୋଟିରୁ ଅଧିକ ରହିଛି। ଏହି ଜମିକୁ ରାଜ୍ୟ ସରକାରଙ୍କୁ ଫେରସ୍ତ କରିବା ପାଇଁ ହାଇକୋର୍ଟରେ ରୁଜୁ ଜନସ୍ବାର୍ଥ ମାମଲାରେ ପ୍ରାର୍ଥନା କରାଯାଇଛି। ଉକ୍ତ ଜନସ୍ବାର୍ଥ ମାମଲାରେ ସାଧାରଣ ପ୍ରଶାସନ ବିଭାଗ  ଅଧିକାରୀ ଏବଂ ରାଜସ୍ବ ବିଭାଗର ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପ୍ରାର୍ଥନା କରାଯାଇଛି। ମୁଖ୍ୟ ଶାସନ ସଚିବ, ରାଜସ୍ବ ସଚିବ, ସାଧାରଣ ପ୍ରଶାସନ ବିଭାଗ ସଚିବ, ଖୋର୍ଦ୍ଧା ଜିଲାପାଳ ଏବଂ ଭୁବନେଶ୍ୱର ତହସିଲଦାର୍‌ଙ୍କୁ ପକ୍ଷଭୁକ୍ତ କରି ନୋଟିସ୍‌ ଜାରି କରାଯାଇଛି। ଜନସ୍ବାର୍ଥ ମାମଲାକୁ ଆଇନଜୀବୀ ସରୋଜ କୁମାର ପାଢୀ, ସଂଗ୍ରାମ କିଶୋର ମିଶ୍ର, ତାପସ ଦ୍ୱିବେଦୀ ଏବଂ ଦେବୀ ପାତ୍ର ପରିଚାଳନା କରୁଛନ୍ତି ବୋଲି ପିଟିସିନ୍‌ର ସୁରେନ୍ଦ୍ର ପାଣିଗ୍ରାହୀ ପ୍ରକାଶ କରିଛନ୍ତି। ଏହି ଖବରଦାତା ସମ୍ମିଳନୀରେ ଆଇନଜୀବୀ ଜଗନ୍ନାଥ ପାଢୀ, ମୋହନ ସିଘାରୀ, ସାମାଜିକ କର୍ମୀ କିଶୋର ଚନ୍ଦ୍ର ପାତ୍ର, ରାମ କୁମାର ପାତ୍ର, ସୟଦ୍‌ ଆସଫାକ୍‌ ଅଲ୍ଲୀ, ଅରୁଣ କୁମାର ସାହୁଙ୍କ ସମେତ ବହୁ ବୁଦ୍ଧିଜୀବୀ ଉପସ୍ଥିତ ଥିଲେ ।


All Right Reserved By Dharitri.Com

ଲକ୍ଷ୍ମୀ ନୃସିଂହ ଯାତ୍ରା ଉଦଯାପିତ

ହିଞ୍ଜିଳିକାଟୁ,୧୯।୫(ଡି.ଏନ୍‌.ଏ.)- ଚଳିତବର୍ଷ ହିଞ୍ଜିଳିକାଟୁ ଶ୍ରୀ ଲକ୍ଷ୍ମୀ ନୃସିଂହ ଯାତ୍ରା ରବିବାର ଉଦ୍‌ଯାପିତ ହୋଇଛି। ଶେଷ ୨ଦିନ ଯାତ୍ରାରେ ବିଭିନ୍ନ ମେଢ଼, ପଟୁଆର ଓ ଆତସବାଜି ପ୍ରଦର୍ଶନ...

ନାବାଳିକା ମା’ ହେବା ଘଟଣା: ନ୍ୟାୟ ପାଇଁ ପ୍ରେମିକଙ୍କ ମା’ଙ୍କୁ ବାନ୍ଧିଲା ମହିଳା ସଂଘ

ଖଲ୍ଲିକୋଟ,୮ା୬(ଡି.ଏନ.ଏ.)- ଖଲ୍ଲିକୋଟ ବ୍ଲକ ଅଞ୍ଚଳର ଜଣେ ୧୭ ବର୍ଷିୟା ନାବାଳିକା ମା’ ହେବା ଘଟଣାରେ ନ୍ୟାୟ ପାଇଁ ମହିଳା ସଂଘ ଅଣ୍ଟା ଭିଡିଛନ୍ତି। ନାବଳିକା ମା’...

ଧୂପକାଠି ଫ୍ୟାକ୍ଟ୍ରି ନାଁରେ ୩ ଲକ୍ଷ ଠକେଇ

ଦିଗପହଣ୍ଡି,୨୦ା୯(ଡି.ଏନ.ଏ.)- ଦିଗପହଣ୍ଡି ବ୍ଲକ ବମକେଇ ଗଁାରେ ଧୂପକାଠି ଫ୍ୟାକ୍ଟ୍ରି ପ୍ରତିଷ୍ଠା କରାଇ ଦେବା ନଁାରେ ଜଗନ୍ନାଥ ପ୍ରଧାନଙ୍କଠାରୁ ବ୍ରହ୍ମପୁର ସହରର ଜଣେ ବ୍ୟକ୍ତି ପ୍ରାୟ ୩...

୧୨ ଆନ୍ତଃ ଜିଲା ଡକାୟତ ଗିରଫ

ଛତ୍ରପୁର/ଆସିକା/ବୁଗୁଡା,୩୦/୮(ଡି.ଏନ.ଏ.)- ବୁଗୁଡା ଓ ଆସିକା ଥାନା ପୋଲିସ ବୁଧବାର ରାତିରେ ୧୨ ଆନ୍ତଃଜିଲା ଡକାୟତଙ୍କୁ ଧରିବାରେ ସକ୍ଷମ ହୋଇଛି। ଏମାନେ ଗଞ୍ଜାମ, ବ୍ରହ୍ମପୁର, ଖୋର୍ଦ୍ଧା ଓ...

୪ କୁଇଣ୍ଟାଲ ମାଧବୀ ଚେର ସହ ଗାଡ଼ି ଜବତ, ମାଲିକ ଗିରଫ

ବୁଗୁଡ଼ା,୧୦ା୧୧(ଡି.ଏନ.ଏ.)- ବୁଗୁଡ଼ା ବନାଞ୍ଚଳ ଠଣାପଲ୍ଲୀ-ଗୋଳାବନ୍ଧ ରାସ୍ତାରେ ଶନିବାର ରାତ୍ର ପ୍ରାୟ ୧୦ଟାରେ ବୁଗୁଡ଼ା ବନ ବିଭାଗ ଦ୍ୱାରା ଚଢାଉ କରାଯାଇ ୧୨ ବସ୍ତା (୪ କୁଇଣ୍ଟାଲ)...

ରେଳ ଧାରଣାରୁ ମୃତଦେହ ଉଦ୍ଧାର

ବ୍ରହ୍ମପୁର ଅଫିସ,୭ା୧୦(ଡି.ଏନ୍‌.ଏ.)- ସରକାରୀ ରେଳବାଇ ପୋଲିସ (ଜିଆର୍‌ପି) ରେଳଧାରଣାରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି। ମୃତଦେହଟି ଜଗନ୍ନାଥପୁର ରେଳ ଷ୍ଟେସନ ନିକଟରୁ ଉଦ୍ଧାର ହୋଇଥିବା...

କନିଅର ମଞ୍ଜି ଖାଇ ବୃଦ୍ଧଙ୍କ ମୃତ୍ୟୁ

ବ୍ରହ୍ମପୁର ଅଫିସ,୨୬ା୬-ବାର୍ଦ୍ଧକ୍ୟ ଯନ୍ତ୍ରଣା ସହି ନ ପାରି ଜଣେ ଶତାୟୁ କନିଅର ମଞ୍ଜି ଖାଇ ଏମ୍‌କେସିଜି ମେଡିକାଲରେ ଭର୍ତ୍ତି ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ସୋମବାର...

ଗ୍ରାମାଞ୍ଚଳରେ ଆତଙ୍କ ସହ ପୋଲିସ ଉପରକୁ ବୋମାମାଡ଼ ଘଟଣା: ଦୁର୍ଦ୍ଦାନ୍ତ ଶିବ ସମେତ ୮ ଗିରଫ; ବନ୍ଧୁକ, ଗୁଳି, ବୋମା, ଖଣ୍ଡା ଜବତ

ବ୍ରହ୍ମପୁର ଅଫିସ,୨୩।୮- ଗଞ୍ଜାମ ଜିଲାର ଗ୍ରାମାଞ୍ଚଳରେ ଆତଙ୍କରାଜ ଚଳାଇଥିବା ଶିବ ସେଠୀ ଗ୍ୟାଙ୍ଗର ମୁଖ୍ୟ ଦୁର୍ଦ୍ଦାନ୍ତ ଶିବ ସମେତ ୮ଜଣଙ୍କୁ କାବୁ କରିଛି ବ୍ରହ୍ମପୁର ପୋଲିସ।...

selfi corner

Model This Week

Why Dharitri

Leave a comment

Your email address will not be published. Required fields are marked *