ସୋନପୁର ବସ୍‌ଷ୍ଟାଣ୍ଡରେ ସର୍ବନିମ୍ନ ସୁବିଧା ନାହିଁ: ପ୍ରଚଣ୍ଡ ଖରାରେ ସିଝୁଛନ୍ତି ଯାତ୍ରୀ

ସୋନପୁର, ୨୯।୪(ନି.ପ୍ର.) ସୁବର୍ଣ୍ଣପୁର ଜିଲା ସଦର ମହକୁମାରେ ଥିବା ବସ୍‌ଷ୍ଟାଣ୍ଡରେ ଯାତ୍ରୀଙ୍କୁ ସର୍ବନିମ୍ନ ସୁବିଧା ମିଳୁନି। ଦୂରଦୂରାନ୍ତରୁ ଆସୁଥିବା ଓ ଏଠାରୁ ବିଭିନ୍ନ ସ୍ଥାନକୁ ବସ୍‌ ଯୋଗେ ଯାଉଥିବା ଯାତ୍ରୀମାନେ ନାହିଁ ନ ଥିବା ଅସୁବିଧା ଭୋଗ କରୁଛନ୍ତି। ମନ୍ଦିରମାଳିନୀ ସୋନପୁରର କେନ୍ଦ୍ରସ୍ଥଳରେ ଥିବା ଏହି ବସ୍‌ଷ୍ଟାଣ୍ଡ ପ୍ରତି ପ୍ରଶାସନ କିମ୍ବା ପୌର କର୍ତ୍ତୃପକ୍ଷ ଦୃଷ୍ଟି ନଦେବା ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ନୂତନ ଜିଲା ଗଠନ ହେବା ପରେ ଏବଂ ମହାନଦୀରେ ସେତୁ ନିର୍ମାଣ ପରେ ସହରର ଜନବସତି ବୃଦ୍ଧି ପାଇବା ସହିତ ଉଭୟ ପଶ୍ଚିମ ଓଡିଶା ଓ ପୂର୍ବ ଓଡିଶାକୁ ଗମନାଗମନର ସୁବିଧା ହୋଇପାରିଛି।ଭୌଗୋଳିକ ଦୃଷ୍ଟିକୋଣରୁ ଦେଖିଲେ ରେଳପଥର ସୁବିଧା ନଥିଲେ ବି ଏହି ଅଞ୍ଚଳରୁ ସମସ୍ତ ଅଞ୍ଚଳକୁ ଗମନାଗମନ ବସ ଯୋଗେ ଅଧିକ ସହଜ ହୋଇପାରିଛି। ଗୋଟିଏ ପଟେ ବିଭିନ୍ନ ଅଞ୍ଚଳର ଯାତ୍ରୀଙ୍କ ସହିତ ପର୍ଯ୍ୟଟକଙ୍କ ଯାତାୟାତ ମଧ୍ୟ ବୃଦ୍ଧି ପାଇଛି। କିନ୍ତୁ ପାରିପାର୍ଶ୍ୱିକ ସ୍ଥିତିକୁ ଦେଖିଲେ ବସ୍‌ଷ୍ଟାଣ୍ଡର ଯେଉଁଭଳି ଉନ୍ନତି ହେବା କଥା ଜିଲା ଗଠନର ୨୬ବର୍ଷ ପରେ ମଧ୍ୟ ହୋଇ ପାରିନାହିଁ। ବସ୍‌ଷ୍ଟାଣ୍ଡ ପରିସରରେ ଜବରଦଖଲ ବୃଦ୍ଧି ପାଇଥିବା ବେଳେ ପ୍ରାଇଭେଟ୍‌ ଟ୍ୟାକ୍ସିଗୁଡିକ ସେଠାରେ ପାର୍କିଂ କରୁଛନ୍ତି। ଏହା ଜଣେ ସାଧାରଣ ଯାତ୍ରୀ ଓ ବାହାରୁ ଆସୁଥିବା ପର୍ଯ୍ୟଟକଙ୍କୁ ବ୍ୟଥିତ କରିଛି। ଜଣାଯାଇଛି ଯେ, ଯାତ୍ରୀମାନଙ୍କ ପାଇଁ ଏଠାରେ ଆଇଡିଏସଏମଟି ଯୋଜନାରେ ପ୍ରାୟ ୧୫ଲକ୍ଷ ଟଙ୍କା ବ୍ୟୟରେ ଏକ ବିଶ୍ରାମାଗାର ନିର୍ମାଣ କରାଯାଇଥିଲା। ତେବେ ଏହି ଯାତ୍ରୀ ବିଶ୍ରାମାଗାର  ବସ୍‌ ଛିଡା ହେଉଥିବା ସ୍ଥାନର ପଛପାର୍ଶ୍ୱରେ ନିର୍ମାଣ ହୋଇଥିବାରୁ ତାହା ଏବେ ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ପାଲଟିଛି। ତେଣୁ ଯାତ୍ରୀମାନେ ନିଜକୁ ନିରାପଦ ମଣୁ ନଥିବାରୁ ବିଶ୍ରାମଗାରରେ ବିଶ୍ରାମ ନେଉନାହାନ୍ତି। ବସ୍‌ଷ୍ଟାଣ୍ଡରେ ଖୋଲା ଆକାଶ ତଳେ ଛିଡା ହୋଇ ଯାତ୍ରୀମାନେ ପ୍ରଚଣ୍ଡ ଖରାରେ ସିଝୁଥିବା ଦେଖିବାକୁ ମିଳୁଛି। ଏଠାରେ ଉଭୟ ପୁରୁଷ ଓ ମହିଳାଙ୍କ ପାଇଁ ପରିସ୍ରାଗାର ଓ ଶୌଚାଳୟଟିଏ ନାହିଁ। ଥଣ୍ଡା ପାନୀୟ ଜଳର ବ୍ୟବସ୍ଥା ହୋଇପାରିନି। ସେହିଭଳି ଯାତ୍ରୀମାନଙ୍କ ସୁରକ୍ଷା ପାଇଁ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଉନାହିଁ। ବୌଦ୍ଧ ଜିଲା ଆଡସିଂ ଅଞ୍ଚଳର ମହିଳା ଶୁକ୍ରୁ ମଲ୍ଲିକ କୁହନ୍ତି ଘରକୁ ଯିବା ପାଇଁ ସେ ବସ୍‌କୁ ଅପେକ୍ଷା କରିଛନ୍ତି। ଏଠାରେ ଯାତ୍ରୀଙ୍କ ପାଇଁ ବିଶ୍ରାମଗାର ନାହିଁ। ଫଳରେ ଖୋଲା ଆକାଶ ତଳେ ଖରାରେ ପିଲା ଛୁଆଙ୍କୁ ଧରି ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଛି। ଯାତ୍ରୀମାନେ ଦୋକାନ ଛାଇରେ ବିଶ୍ରମ ନେବାକୁ ଗଲାବେଳେ ସେମାନେ ବିରକ୍ତ ହେଉଥିବା କହିଥିଲେ। ଏ ସମ୍ପର୍କରେ ପୂର୍ବତନ ନଗରପାଳ କଇରୁ ସ୍ବାଇଁ କୁହନ୍ତି ପୂର୍ବରୁ ଯାତ୍ରୀ ବିଶ୍ରାମାଗାରରେ ଯାତ୍ରୀ ବିଶ୍ରାମ ନେଉଥିଲେ। ଉପଯୁକ୍ତ ରକ୍ଷଣାବେକ୍ଷଣ ଅଭାବ ଓ ନିୟମିତ ସଫେଇ ହେଉ ନଥିବାରୁ ସେଠାକୁ ଯାତ୍ରୀ ଯାଉନାହାନ୍ତି। ବସ୍‌ଷ୍ଟାଣ୍ଡ ପରିସରରେ ଏକ ନୂତନ ବିଶ୍ରାମାଗାର ନିର୍ମାଣ ପାଇଁ ୨୦ଲକ୍ଷ ଟଙ୍କା ମଞ୍ଜୁର ହୋଇଥିଲା। ଟେଣ୍ଡର ପ୍ରକ୍ରିୟା ସରି କାମ ଆରମ୍ଭ ହେବା ସମୟରେ ବିରୋଧ ହେବାରୁ କାମ ବନ୍ଦ ରହିଛି। ସେହିପରି ଥଣ୍ଡା ପାନୀୟ ଜଳ ପ୍ରକଳ୍ପ ପାଇଁ ଦେଢ ବର୍ଷ ତଳୁ ୨ଲକ୍ଷ ଟଙ୍କା ମଞ୍ଜୁର ହୋଇଛି। ପ୍ରଶାସନିକ ଇଛାଶକ୍ତିର ଅଭାବ କାରଣରୁ ତାହା କାର୍ଯ୍ୟକାରୀ ହୋଇପାରୁନି ବୋଲି ସ୍ବାଇଁ କହିଛନ୍ତି। ପୌର ପରିଷଦର କାର୍ଯ୍ୟନିର୍ବାହୀ ଅଧିକାରୀ ଜଗଦୀଶ ମହାନନ୍ଦ କହିଥିଲେ ମୁଁ କାର୍ଯ୍ୟରେ ନୂତନ ଭାବେ ଯୋଗ ଦେଇଛି। କାଉନସିଲ ବୈଠକରେ ପୂର୍ବରୁ ଏ ସମ୍ପର୍କରେ ଆଲୋଚନା ହୋଇଛି। ଅବ୍ୟବହୃତ ହୋଇ ପଡି ରହିଥିବା ବିଶ୍ରାମଗାରକୁ ପରିସ୍କାର ପରିଚ୍ଛନ୍ନ କରାଯିବ। ଯାତ୍ରୀଙ୍କ ସୁବିଧା ପାଇଁ ପରିଷଦ ପକ୍ଷରୁ ଚେଷ୍ଟା କରାଯିବ ବୋଲି କହିଛନ୍ତି ।


All Right Reserved By Dharitri.Com

ନବବିବାହିତାଙ୍କ ଆତ୍ମହତ୍ୟା: ଯୌତୁକ ଯୋଗୁ ଝିଅକୁ ହତ୍ୟା କରାଯାଇଥିବା ଅଭିଯୋଗ ଆଣିଲେ ବାପା

ଭବାନୀପାଟଣା, ୬।୭(ଡି.ଏନ୍‌.ଏ.): ଭବାନୀପାଟଣା ସଦର ଥାନା ଅନ୍ତର୍ଗତ କର୍ଲାସୋଢ଼ା ଗ୍ରାମର ଜନୈକା ନବବିବାହିତା ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି। ସେ ହେଲେ ସାବିତ୍ରୀ ରଣା।...

ଚିକିତ୍ସା ଲାଗି ଟଁକା ବାଧକ୍‌: ରକ୍ତ କର୍କଟ ରୋଗ୍‌ରେ ପୀଡ଼ିତ ଲକ୍ଷ୍ମୀପ୍ରିୟା

ରାଉରକେଲା ଅଫିସ,୨୫।୪: ଟଁକା ପଏସା ଅଭାବ ଥିଲେ ବି ଝି’କେ ପାଠ୍‌ ପଢ଼ାବାରେ କେହେନ୍‌ସି ପରକାର ଉନା ନାଇଁକରି। ତାକର ଗୁଟେନ ଉଦେଶ ଥିଲା ଝି’କେ ପାଠ୍‌...

ପୁଡ଼ିଗଲା ଘର: ଭଗବାନ ଭରସାରେ ଭିନ୍ନକ୍ଷମ ମା’ପୁଓ

  ପାଟଣାଗଡ଼,୨୯।୪(ଡି.ଏନ.ଏ.): ପାଟଣଗଡ଼ ବ୍ଲକ ଅଧୀନ ଯୋଗୀମୁଣ୍ଡା ପଁଚେତ୍‌ ନେହେନାବନ୍ଧ ଗଁାର ଦିବ୍ୟାଙ୍ଗ ହେମ ପରାଭୁଏକଁର ଘର ଗଲା ରଏବାର ନିଅଁା ଲାଗି ପୁଡ଼ିଯାଇଛେ। ସେଥି...

ସିମେଣ୍ଟ ଉଠି ବାହାରିଛି ଛଡ଼: ଗୁଣ୍ଡୁରୁଚୁଆଁକୁ ସଂଯୋଗ କରୁଥିବା ପୋଲ କାମ ନିମ୍ନମାନର ନେଇ ଅଭିଯୋଗ କଲେ ଅଞ୍ଚଳବାସୀ

ଜମନକିରା,୬।୩(ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ ବଡ଼ମାଳ ଛକ ପିଡବ୍ଲ୍ୟୁଡି ରାସ୍ତାରୁ କୁଚିଣ୍ଡା ଗ୍ରାମ୍ୟ ଉନ୍ନୟନ ବିଭାଗ (ଆର୍‌ଡି) ଗୁଣ୍ଡୁରୁଚୁଆଁକୁ ସଂଯୋଗ କରୁଥିବା ପୋଲ ନିମ୍ନମାନର...

ଜିଲାପାଳଙ୍କୁ ଭେଟିଲେ ଅନ୍ତେବାସୀ

ବରଗଡ଼ ଅଫିସ୍‌, ୯।୭- ବରଗଡ଼ ସହର ଉପକଣ୍ଠ ଚକରକେନ୍ଦ ନିକଟ ମାତୃଛାୟା ଓ ବାନପ୍ରସ୍ଥ ଆଶ୍ରମର ଅନ୍ତେବାସୀମାନେ ମଙ୍ଗଳବାର ମାତୃଛାୟା ଜିଲାପାଳଙ୍କୁ ଭେଟିଛନ୍ତି। ଜିଲାପାଳ ଇନ୍ଦ୍ରମଣି...

‘ଫନୀ’ ବିପନ୍ନଙ୍କୁ ଗୋଟିଏ ଦିନର ଦରମା ଦେଲେ କଳାହାଣ୍ଡି ଦକ୍ଷିଣ ବନଖଣ୍ଡ କର୍ମଚାରୀ

ଭବାନୀପାଟଣା, ୨୦।୫ (ଡି.ଏନ୍‌.ଏ.): ବାତ୍ୟା ‘ଫନୀ’ ବିପନ୍ନଙ୍କ ଲାଗି କଳାହାଣ୍ଡି ଦକ୍ଷିଣ ବନଖଣ୍ଡର କର୍ମଚାରୀମାନେ ସହାୟତାର ହାତ ବଢାଇଛନ୍ତି। କଳାହାଣ୍ଡି ଦକ୍ଷିଣ ବନଖଣ୍ଡ ଅଧିକାରୀ ଟି....

କରୋନା ମୁକାବିଲା ପାଇଁ ଏମ୍‌ସିଏଲର ପ୍ରସ୍ତୁତି

ସମ୍ବଲପୁର, ୧।୪ (ବ୍ୟୁରୋ)- କରୋନା ଭୂତାଣୁ ସଂକ୍ରମଣକୁ ପ୍ରତିରୋଧ କରିବାକୁ ମହାନଦୀ କୋଇଲା କମ୍ପାନୀ (ଏମସିଏଲ) ବିବିଧ ପଦକ୍ଷେପ ଗ୍ରହଣ କରିଛି। କମ୍ପାନୀର ସମସ୍ତ କର୍ମଚାରୀ,...

‘ଖୁବ୍‌ଶୀଘ୍ର ଆଉ ୩ ମେଡିକାଲ କଲେଜ’

ଭୁବନେଶ୍ୱର/ସମ୍ବଲପୁର/,୮।୭(ବ୍ୟୁରୋ): ରାଜ୍ୟରେ ଖୁବ୍‌ଶୀଘ୍ର ଆଉ ୩ଟି ମେଡିକାଲ କଲେଜ ପ୍ରତିଷ୍ଠା କରାଯିବ। ସୁନ୍ଦରଗଡ଼, ପୁରୀ ଓ ତାଳଚେରରେ ମେଡିକାଲ କଲେଜ ସ୍ଥାପନ କରିବାକୁ ରାଜ୍ୟ ସରକାର...

Leave a comment

Your email address will not be published. Required fields are marked *