Posted inଜାତୀୟ

ପେଟ୍ରୋଲ, ଡିଜେଲରେ ମାଡ଼: ସବୁଥିରେ ଦର ବଢ଼ିବ

ନୂଆଦିଲ୍ଲୀ,୬।୭ (ପି.ଟି.): ଅର୍ଥମନ୍ତ୍ରୀ ନିର୍ମଳା ସୀତାରାମନ ପାର୍ଲାମେଣ୍ଟରେ ଶୁକ୍ରବାର ୨୦୧୯-୨୦ ଆର୍ଥିକ ବର୍ଷର ପୂର୍ଣ୍ଣାଙ୍ଗ ବଜେଟ ଉପସ୍ଥାପନ କରିଛନ୍ତି। ଏନ୍‌ଡିଏ ସରକାରଙ୍କ ଦ୍ୱିତୀୟ ପାଳିରେ ପୂର୍ଣ୍ଣକାଳୀନ ପ୍ରଥମ ମହିଳା ଅର୍ଥମନ୍ତ୍ରୀ ସୀତାରାମନ୍‌ ୨୭,୮୬,୩୪୯ କୋଟି ଟଙ୍କାର ପୂର୍ଣ୍ଣାଙ୍ଗ ଖର୍ଚ୍ଚ ଅଟକଳ ପ୍ରସ୍ତାବ ଦେଇଛନ୍ତି। ସେହିଭଳି ରେଲଓ୍ବେକୁ ୬୫, ୮୩୭ କୋଟି ଟଙ୍କାର ବଜେଟ ସହାୟତା ଦିଆଯାଇଛି। ତେବେ ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଶୁଳ୍କ ବୃଦ୍ଧି କରାଯାଇଥିବାରୁ ଏଣିକି ସବୁଥିରେ ଦର ବଢ଼ିବ ବୋଲି ନିଶ୍ଚିତ ହୋଇଯାଇଛି। ଧନୀ

ଙ୍କ ଠାରୁ ଅତିରିକ୍ତ ସରଚାର୍ଜ ଆଦାୟ କରିବା ସହ କ୍ୟାସ୍‌ଲେସ୍‌ ବ୍ୟବସ୍ଥାକୁ ପ୍ରୋତ୍ସାହିତ କରିବାକୁ ଯାଇ ଉଚ୍ଚ ମୂଲ୍ୟର ନଗଦ ଉଠାଣ ଉପରେ ଦୁଇ ପ୍ରତିଶତ ଟିଡିଏସ୍‌ ଆଦାୟ ପାଇଁ ସେ ବଜେଟରେ ପ୍ରସ୍ତାବ ଦେଇଛନ୍ତି। ଟିକସ କ୍ଷେତ୍ରରେ ଅଧିକ ରିହାତି ଆଶା କରୁଥିବା ମଧ୍ୟବିତ୍ତ ଶ୍ରେଣୀଙ୍କୁ ସୀତାରାମନଙ୍କ ବଜେଟରୁ ନିରାଶ ହେବାକୁ ପଡିଛି। ଚଳିତ ବଜେଟରେ ଆୟକର ରିଟର୍ନ ଦାଖଲ ନେଇ ନୂଆ ବ୍ୟବସ୍ଥା କରାଯାଇଛି। ଏବେଠୁ ପାନ୍‌ ନ ଥିଲେ ଆଧାର ମାଧ୍ୟମରେ ରିଟର୍ନ ଦାଖଲ କରିହେବ। ଅର୍ଥାତ୍‌ ଆଧାର କାର୍ଡ ବ୍ୟବହାରକୁ ଅଧିକ ଶକ୍ତିଶାଳୀ କରିବାକୁ ଚାହିଁ ସରକାର ଏଭଳି ନିଷ୍ପତ୍ତି ନେଇଛନ୍ତି। ସେହିପରି ପ୍ରବାସୀ ଭାରତୀୟ (ଏନ୍‌ଆର୍‌ଆଇ) ଭାରତରେ ପଦାର୍ପଣ କରିବା ମାତ୍ରେ ସେମାନଙ୍କୁ ତୁରନ୍ତ ଆଧାର

କାର୍ଡ ପ୍ରଦାନ କରାଯିବ। ଆଉ ପୂର୍ବ ଭଳି ସେମାନଙ୍କୁ ୧୮୦ ଦିନ ଅପେକ୍ଷା କରିବାକୁ ପଡ଼ିବ ନାହିଁ ବୋଲି ଅର୍ଥମନ୍ତ୍ରୀ କହିଛନ୍ତି।
ପରମ୍ପରା ଭଙ୍ଗ କରି ବ୍ରିଫ୍‌କେସ୍‌ ବଦଳରେ ବହିଖାତା ଧରି ସୀତାରାମନ ଗୃହକୁ ପ୍ରବେଶ କରିଥିଲେ। ତାଙ୍କର ୨ ଘଣ୍ଟା ୧୫ ମିନିଟ୍‌ର ଭାଷଣ ବେଳେ ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଶୁଳ୍କ ଲିଟର ପିଛା ୧ ଟଙ୍କା ବଢ଼ାଇବାକୁ ଘୋଷଣା କରି ସେ ସମସ୍ତଙ୍କୁ ଚକିତ କରିଛନ୍ତି। ଖାଲି ସେତିକି ନୁହେଁ, ଏହି ଦୁଇ ପେଟ୍ରୋ ଉତ୍ପାଦ ପରେ ୧ ଟଙ୍କାର ଇନ୍‌ଫ୍ରାଷ୍ଟ୍ରକଚର ସେସ୍‌ ବସିବା ଫଳରେ ପେଟ୍ରୋଲ ଓ ଡିଜେଲ ଦର ଲିଟର ପିଛା ଯଥାକ୍ରମେ ୨ ଟଙ୍କା ୫୦ ଓ ୨ଟଙ୍କା ୩୦ ପଇସା ବୃଦ୍ଧି ପାଇବ। ପେଟ୍ରୋ ଉତ୍ପାଦକୁ ଜିଏସ୍‌ଟି ଅଧୀନକୁ ଆଣିବା ଲାଗି ଦାବି ହୋଇଆସୁଥିବା ବେଳେ ବଜେଟ୍‌ରେ ସରକାର ପେଟ୍ରୋଲ ଓ ଡିଜେଲ ଉପରେ ଉତ୍ପାଦ ଟିକସ୍‌ ବୃଦ୍ଧି ନେଇ ଘୋଷଣା କରିବା ଦେଶବାସୀଙ୍କ ମନରେ ଅସନ୍ତୋଷ ସୃଷ୍ଟି କରିଛି। ହେଲେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ଏବେ ସର୍ବନିମ୍ନ ସ୍ତରରେ ଥିବାରୁ ଏହାର ସୁଯୋଗ ନେବାକୁ ସେ ଚାହୁଁଛନ୍ତି ବୋଲି ଅର୍ଥମନ୍ତ୍ରୀ ଯୁକ୍ତି ଦର୍ଶାଇଛନ୍ତି। ସରକାରଙ୍କ ଏହି ନିଷ୍ପତ୍ତି ଦ୍ୱାରା ସବୁ ପ୍ରକାର ସାମଗ୍ରୀ ଦର ବଢ଼ିବା ସହିତ ମାଲ୍‌ ଭଡା ବଢ଼ିବ। ଫଳସ୍ବରୂପ ମୁଦ୍ରାସ୍ଫୀତି ବୃଦ୍ଧି ପାଇବା କାରଣରୁ ରିଜର୍ଭ ବ୍ୟାଙ୍କ ରେପୋ ରେଟ୍‌ ସଂଶୋଧନ କରିବାକୁ ବାଧ୍ୟ ହେବେ।
ଅନ୍ୟପକ୍ଷରେ ଅଣବ୍ୟାଙ୍କିଙ୍ଗ୍‌ ଆର୍ଥିକ ସଂସ୍ଥାଗୁଡ଼ିକ ଏବେ ନଗଦ ସଙ୍କଟର ସାମ୍ନା କରୁଥିବାବେଳେ କେନ୍ଦ୍ର ଅର୍ଥମନ୍ତ୍ରୀ ରାଷ୍ଟ୍ରାୟତ୍ତ ବ୍ୟାଙ୍କିଙ୍ଗ୍‌ ସେକ୍ଟରକୁ ୭୦ ହଜାର କୋଟି ଟଙ୍କାର ସହାୟତା ପ୍ରଦାନ କରାଯିବ ବୋଲି ବଜେଟରେ ଘୋଷଣା କରିଛନ୍ତି। ସେହିପରି ରାଷ୍ଟ୍ରାୟତ୍ତ ପ୍ରତିଷ୍ଠାନଗୁଡ଼ିକର ଘରୋଇକରଣ ମାଧ୍ୟମରେ ବଜେଟରେ ଘୋଷିତ ଯୋଜନାଗୁଡ଼ିକ ପାଇଁ ପାଣ୍ଠି ସଂଗ୍ରହର ବ୍ୟବସ୍ଥା ହୋଇଛି। ତେବେ ଚଳିତ ବଜେଟରେ ଟିକସ ଛାଡ଼ ଲାଗି ଆଶା ବାନ୍ଧିଥିବା ମଧ୍ୟବିତ୍ତ ଶ୍ରେଣୀଙ୍କୁ ନିରାଶ ହେବାକୁ ପଡିଛି। ମଧ୍ୟବିତ୍ତ ଶ୍ରେଣୀଙ୍କ ପାଇଁ ଅନ୍ତରୀଣ ବଜେଟରେ ଘୋଷିତ ଟିକସ ବ୍ୟବସ୍ଥାକୁ ସୀତାରାମନ ପରିବର୍ତ୍ତନ କରି ନ ଥିବା ବେଳେ କେବଳ ଘର କିଣା ଉପରେ ସାମାନ୍ୟ ଟିକସ ଛାଡ଼ ଘୋଷଣା କରିଛନ୍ତି। କେବଳ ୨୦୨୦ ମାର୍ଚ୍ଚ ସୁଦ୍ଧା ୪୫ ଲକ୍ଷ ଟଙ୍କା ପର୍ଯ୍ୟନ୍ତ ଘର କିଣା ଉପରେ ସୁଧ ହାରରେ ଅତିରିକ୍ତ ୧.୫ ଲକ୍ଷ ଟଙ୍କା ଆୟକର ଛାଡ଼ ଘୋଷଣା କରାଯାଇଛି। ଅର୍ଥାତ୍‌ ଜଣେ ମଧ୍ୟବିତ୍ତ ଆୟକାରୀ ଶସ୍ତା ଘର କିଣିବାକୁ ଚାହିଁଲେ ତାଙ୍କୁ ମୋଟ୍‌ରେ ୩.୫ ଲକ୍ଷ ଟଙ୍କା ପର୍ଯ୍ୟନ୍ତ ସୁଧ ଉପରେ ଟିକସ ଛାଡ଼ ସୁବିଧା ମିଳିବ। ଏହି ଘୋଷଣା ଦ୍ୱାରା ରିଏଲ ଇଷ୍ଟେଟ ସେକ୍ଟରକୁ ବିଶେଷ ଫାଇଦା ମିିଳିବା ସମ୍ଭାବନା ନାହିଁ। ଅପରପକ୍ଷରେ ଅର୍ଥମନ୍ତ୍ରୀ ସୀତାରାମନ୍‌ କର୍ପୋରେଟ ଜଗତକୁ ଖୁସି କରିବାକୁ ଚେଷ୍ଟା କରି ଟିକସ ବ୍ୟବସ୍ଥାରେ ସାମାନ୍ୟ ପରିବର୍ତ୍ତନ କରିଛନ୍ତି। ପୂର୍ବରୁ ୨୫୦ କୋଟି ଟଙ୍କାର ବାର୍ଷିକ କାରବାର କରୁଥିବା କମ୍ପାନୀଙ୍କୁ ୨୫% ଟିକସ ଦେବାକୁ ପଡୁଥିଲା। ଏହା ଉପରେ ଅଧିକ କାରବାର କରୁଥିଲେ ୩୦% ଟିକସ ଆଦାୟ କରାଯାଉଛି। ଅର୍ଥମନ୍ତ୍ରୀ ଉକ୍ତ ସୀମାକୁ ବୃଦ୍ଧି କରି ବାର୍ଷିକ ୪୦୦ କୋଟି ଟଙ୍କା ପର୍ଯ୍ୟନ୍ତ କାରବାର କରୁଥିବା ସମସ୍ତ କମ୍ପାନୀଙ୍କୁ ୨୫%ର ସର୍ବନିମ୍ନ ହାରରେ କର୍ପୋରେଟ ଟିକସ ଦେବାକୁ ପଡିବ ବୋଲି ବଜେଟରେ ପ୍ରସ୍ତାବ ଦେଇଛନ୍ତିି। ଏହାଦ୍ୱାରା ପଞ୍ଜୀକୃତ ୯୯.୩ ପ୍ରତିଶତ କମ୍ପାନୀଙ୍କୁ ଫାଇଦା ମିଳିବ। ବଜେଟରେ ସୀତାରାମନ ପ୍ରତ୍ୟକ୍ଷ ଟିକସ କ୍ଷେତ୍ରରେ କୌଣସି ପରିବର୍ତ୍ତନ କରି ନାହାନ୍ତି। ଅନ୍ତରୀଣ ବଜେଟରେ ଘୋଷଣା କରାଯାଇଥିବା ସ୍ଲାବ୍‌ କାଏମ ରଖିଛନ୍ତି। କିନ୍ତୁ ସରକାରଙ୍କ ଆୟ ବଢ଼ାଇବାକୁ ଯାଇ ଧନିକ ଶ୍ରେଣୀଙ୍କ ଉପରେ ସେ ଅଧିକ ଟିକସ ବୋଝ ଲଦିଛନ୍ତି। ଆଗକୁ ବାର୍ଷିକ ୨ରୁ ୫ କୋଟି ଟଙ୍କା ଆୟ କରୁଥିବା ବ୍ୟକ୍ତିବିଶେଷଙ୍କ ଠାରୁ ସରଚାର୍ଜ ବାବଦରେ ୩% ଏବଂ ୫ କୋଟି ଟଙ୍କାରୁ ଅଧିକ ଆୟକାରୀଙ୍କ ଠାରୁ ୭% ଆଦାୟ କରାଯିବ ବୋଲି ଘୋଷଣା କରିଛନ୍ତି। ସେହିପରି ବ୍ୟାଙ୍କ ଆକାଉଣ୍ଟରୁ ବାର୍ଷିକ ୧ କୋଟି ଟଙ୍କାରୁ ଅଧିକ ନଗଦ ଟଙ୍କା ଉଠାଣ ଉପରେ ୨% ଟିଡିଏସ୍‌ ଆଦାୟ କରିବାକୁ ବଜେଟରେ ଘୋଷଣା କରି ବ୍ୟାଙ୍କିଙ୍ଗ୍‌ ବ୍ୟବସ୍ଥାରେ ନଗଦ ଉପଲବ୍ଧତା ବଢ଼ାଇବା ସହ ଡିଜିଟାଲ ଅର୍ଥନୀତିକୁ ପ୍ରୋତ୍ସାହିତ କରିବାକୁ ଚାହିଁଛନ୍ତି।


All Right Reserved By

ସାରଦା ଚିଟ୍‌ଫଣ୍ଡ ଦୁର୍ନୀତି : ଡେରେକ୍‌ଙ୍କୁ ସିବିଆଇ ସମନ

ନୂଆଦିଲ୍ଲୀ,୨୭ା୭(ପି.ଟି.): ସାରଦା ଚିଟ୍‌ଫଣ୍ଡ ଦୁର୍ନୀତି ମାମଲାର ତଦନ୍ତରେ ସାମିଲ ହେବା ଲାଗି ତୃଣମୂଳ କଂଗ୍ରେସ (ଟିଏମ୍‌ସି) ଏମ୍‌ପି ଡେରେକ୍‌ ଓ’ବ୍ରିଏନ୍‌ଙ୍କୁ ସିବିଆଇ ସମନ ଜାରି କରିଛି।...

କଂଗ୍ରେସ କିମ୍‌କର୍ତ୍ତବ୍ୟମୂଢ଼

ନୂଆଦିଲ୍ଲୀ, ୬।୮: ଅନୁଚ୍ଛେଦ ୩୭୦ର ଉଚ୍ଛେଦ ପରେ କଂଗ୍ରେସ କିମ୍‌କର୍ତ୍ତବ୍ୟମୂଢ଼ ପାଲଟିଛି। ଏହାର ବିରୋଧରେ ରାଜନୈତିକ ଦଳଙ୍କୁ ଏକାଠି କରିବାକୁ ପ୍ରୟାସ ଜାରି ରଖିଛି। କଂଗ୍ରେସ...

ଦ୍ୱିତୀୟ ପର୍ଯ୍ୟାୟ ନିର୍ବାଚନ: ଧନୀ ପ୍ରାର୍ଥୀଙ୍କ ପାଖରେ ୪ଶହ ୧୭ କୋଟି ଥିବାବେଳେ ଗରିବ ପ୍ରାର୍ଥୀଙ୍କ ପାଖରେ ମାତ୍ର ୯ ଟଙ୍କା

ନୂଆଦିଲ୍ଲୀ,୧୭।୪: ଏପ୍ରିଲ୍‌ ୧୮ରେ ହେବ ଲୋକ ସଭା ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ମତଦାନ। ଏହି ପର୍ଯ୍ୟାୟରେ ୪ଶହ ୨୩ ଜଣ କୋଟିପତି ପ୍ରାର୍ଥୀ ନିର୍ବାଚନ...

କ୍ଲାଉଡ୍‌ ସେଡିଂ ଦ୍ୱାରା କର୍ନାଟକରେ କରାଯିବ କୃତ୍ରିମ ବର୍ଷା: ଖର୍ଚ୍ଚ ହେବ ୮୮ କୋଟି

ବେଙ୍ଗାଲୁର୍‌,୧୬।୫: ଏବେ କର୍ନାଟକରେ ଚାଷୀଙ୍କ ଫସଲ ହାନୀର ଆଶଙ୍କା ରହିବ ନାହିଁ। ବର୍ଷାର ଅଭାବରେ ସରକାର ଏବେ କ୍ଲାଉଡ୍‌ ସେଡିଂ ଦ୍ୱାରା କୃତ୍ରିମ ବର୍ଷା କରିବା...

ଭ୍ରଷ୍ଟ ଶାସନ ଦେବା ଆମ ସରକାରଙ୍କ ଲକ୍ଷ୍ୟ: ଆନ୍ଧ୍ର ପ୍ରଦେଶ ଉପ ମୁଖ୍ୟମନ୍ତ୍ରୀ

ଅମରାବତି,୧୬।୬: ଆନ୍ଧ୍ର ପ୍ରଦେଶର ଉପ ମୁଖ୍ୟମନ୍ତ୍ରୀ ପି ପୁଷ୍କା ଶିଓ୍ବାନିଙ୍କ ପାଟିରୁ ଖସି ଯାଇଥିବା କଥା ପାଇଁ ତାଙ୍କୁ ଲଜ୍ଜିତ ହେବାକୁ ପଡିଛି। ଗତ ଶନିବାର...

ଆଇଏଏଫ୍‌ ସ୍କ୍ବାଡ୍ରନ ଲିଡର ମିଣ୍ଟିଙ୍କୁ ଯୁଦ୍ଧ ସେବା ସମ୍ମାନ

ନୂଆଦିଲ୍ଲୀ,୧୫।୮- ଭାରତୀୟ ବାୟୁ ସେନା (ଆଇଏଏଫ୍‌) ସ୍କ୍ବଡ୍ରନ ଲିଡର ମିଣ୍ଟି ଅଗ୍ରଓ୍ବାଲଙ୍କୁ ଗୁରୁବାର ଯୁଦ୍ଧ ସେବା ମେଡାଲ ପ୍ରଦାନ କରାଯାଇଛି। ଏଭଳି ସମ୍ମାନ ପାଇବାରେ ସେ...

ଆଖୁ ଜମିରେ କାମ କରିବା ଲାଗି ୩ ବର୍ଷରେ କଢ଼ାଯାଇଛି ୪ ହଜାରରୁ ଅଧିକ ମହିଳାଙ୍କ ଗର୍ଭାଶୟ: ସରକାର ଦେଲେ ତଦନ୍ତ ନିର୍ଦ୍ଦେଶ

ମୁମ୍ବାଇ,୧୯।୬: ମହାରାଷ୍ଟ୍ର ବିଡ୍‌ ଜିଲାରେ ଆଖୁ ଜମିରେ କାମ କରିବା ପାଇଁ ମହିଳାଙ୍କ ଗର୍ଭାଶୟ କଢ଼ାଯାଇଥିବା ଅଭିଯୋଗ ହୋଇଛି। ଅଭିଯୋଗ ଆଧାରରେ ଏହାର ତଦନ୍ତ ପାଇଁ...

ବ୍ରିଟିଶ ନାଗରିକତ୍ୱ ପ୍ରସଙ୍ଗ: ରାହୁଲଙ୍କ ସ୍ପଷ୍ଟୀକରଣ ଲୋଡ଼ିଲା କେନ୍ଦ୍ର

ନୂଆଦିଲ୍ଲୀ,୧ା୫(ପି.ଟି.): କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନାଗରିକତ୍ୱ ବିବାଦ ତେଜିବାରେ ଲାଗିଛି। ସେ ବ୍ରିଟେନ ନାଗରିକ ବୋଲି ଅଭିଯୋଗ ଆସିବା ପରେ ଏନେଇ ରାହୁଲଙ୍କ ସ୍ପଷ୍ଟୀକରଣ...

selfi corner

Model This Week

Why Dharitri

Leave a comment

Your email address will not be published. Required fields are marked *