ଜନ୍ମବେଦିରେ ପହଞ୍ଚିଲେ ଶ୍ରୀଜୀଉ

ଖୋର୍ଦ୍ଧା ଅଫିସ,୫।୭: ଖୋର୍ଦ୍ଧା ନିକଟସ୍ଥ ଗୁରୁଜଙ୍ଗ, ମକୁନ୍ଦପ୍ରସାଦ, ଉଇଲକିଶନନଗର ଓ ଦଧିମାଛଗାଡିଆଠାରେ ରଥଯାତ୍ରା ଅନୁରୂପ ଭାବେ ଅନୁଷ୍ଠିତ ହୋଇଯାଇଛି। ଗୁରୁଜଙ୍ଗର ବିଶ୍ୱନାଥ ମନ୍ଦିରରୁ ଏକକ ଜଗନ୍ନାଥ ରଥାରୂଢ ହୋଇ ଟାଙ୍ଗିସାହିସ୍ଥିତ ମାଉସୀ ମା’ ମନ୍ଦିରକୁ ଯାଇଥିଲେ। ଧର୍ମ ପ୍ରକାଶ ମହାନ୍ତି ଛେରା ପହଁରା କରିଥିଲେ। ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟର ରୋଭର ରେଞ୍ଜର ଓ ମକୁନ୍ଦପ୍ରସାଦ ଗ୍ରାମବାସୀଙ୍କ ପକ୍ଷରୁ ଦଧିବାମନ ମନ୍ଦିରରୁ ଏକକ ଜଗନ୍ନାଥ ରଥାରୂଢ ହୋଇ ମେଳଣ ପଡିଆ ନିକଟସ୍ଥ ଗୁଣ୍ଡିଚା ମନ୍ଦିରରେ ପହଞ୍ଚତ୍ଛନ୍ତି। ହୁଲାସ ସାମନ୍ତରାୟ ଏଠାରେ ଛେରାପହଁରା କରିଥିଲେ। ରଥଯାତ୍ରା କମିଟିର ଆବାହକ ଅଧ୍ୟାପକ ଗୋପାଳକୃଷ୍ଣ ଦାସ ଏହାର ପରିଚାଳନା କରିଥିଲେ। ଦଧିମାଛଗାଡିଆରେ ଏକକ ଜଗନ୍ନାଥଙ୍କୁ ଭକ୍ତମାନେ ସନ୍ଧ୍ୟା ସୁନ୍ଧା ମହାବୀର ମନ୍ଦିର ନିକଟସ୍ଥ ଗୁଣ୍ଡିଚା ମନ୍ଦିରରେ ପହଞ୍ଚାଇଥିଲେ। ଏଠାରେ ମାନସ ପଟ୍ଟନାୟକ ଛେରା ପହଁରା କରିଥିଲେ। ଉଲକିଶନନଗରର ମଠାଧୀଶ ଜଗନ୍ନାଥ, ବଳଭଦ୍ର, ସୁଭଦ୍ରା ଠାକୁର ରଥାରୂଢ ହୋଇ ଅଁଳେଇ ମନ୍ଦିରସ୍ଥିତ ମାଉସୀ ମା’ ମନ୍ଦିରରେ ସନ୍ଧ୍ୟା ସୁଦ୍ଧା ପହଞ୍ଚତ୍ ଯାଇଛନ୍ତି। ସୁଦର୍ଶନ ବଳିଆଳସିଂ ଛେରାପହଁରା କରିଥିଲେ। ଓଳସିଂହରେ ପତିତପାବନ ଦେବଙ୍କ ପୀଠରେ ବ୍ରହ୍ମାନନ୍ଦ ମହାନ୍ତ, ଛଣଗିରିରେ ପତିତପାବନଦେବଙ୍କ ପୀଠରେ ଅଜୟ କୁମାର ମହାନ୍ତି ଓ କୁମାରବସ୍ତ ବରାଳସାହି ପତିତପାବନ ଦେବଙ୍କ ପୀଠରେ ଦିବ୍ୟସିଂହ ବରାଡ ଛେରା ପହଁରା କରିଥିଲେ। ବାଣପୁର ସହରାଞ୍ଚଳର ପଲଟନ ପଡିଆସ୍ଥିତ ବଡହନ୍ତୁଆଡର ଚରଣ ଚକାଦେବଙ୍କ ରଥଯାତ୍ରା ସହ ସାନ ହନ୍ତୁଆଡ ରଙ୍କନାଥ ଦେବଙ୍କର ରଥଯାତ୍ରା ଅନୁଷ୍ଠିତ ହୋଇଯାଇଛି।
ଜଟଣୀ,(ଡି.ଏନ.ଏ.): ଜଟଣୀର ବିଭିନ୍ନ ସ୍ଥାନରେ ଗୁରୁବାର ରଥଯାତ୍ରା ଅନୁଷ୍ଠିତ ହୋଇଥିଲା। ସ୍ଥାନୀୟ କୁଦିଆରୀ ଗ୍ରାମରେ ଶତାଧିକ ଭକ୍ତ ଶ୍ରୀଜୀଉଙ୍କ ରଥ ଟାଣିଥିଲେ। ସେହିପରି ବାଛରାପାଟଣା, କୁଶମାଟି ଆଦି ସ୍ଥାନରେ ଆନନ୍ଦଉଲ୍ଲାସ ସହିତ ରଥଟଣା ଅନୁଷ୍ଠିତ ହୋଇଥିଲା।
ବୋଲଗଡ,(ଡି.ଏନ.ଏ.) : ବୋଲଗଡ ତୃତୀୟାଦେବଙ୍କ ପୀଠରେ ରଥଯାତ୍ରା ଅନୁଷ୍ଠିତ ହୋଇଯାଇଛି। ଏଥିରେ ରଣପୁର ମଠ ମହନ୍ତ ପର୍ଶୁରାମ ଦାସ ଛେରାପହଁରା କରିଥିଲେ। ଗୋଟିଏ ରଥରେ ତିନିଠାକୁର ମାଉସୀ ମା’ ମନ୍ଦିର ନନ୍ଦିଘୋଷ ଭବନରେ ପହଞ୍ଚତ୍ବା ପରେ ନୀଳାଦ୍ରିବିଜେ ହୋଇଛନ୍ତି। ସେହିଭଳି ରାଜସୁନାଖଳା, ସାଗର ଗାଁ , ବେଣାଗାଡିଆ, ଚମ୍ପାଇଲୋ ଓ ସାନକୁମାରୀରେ ଅନୁରୂପ ଭାବେ ରଥଯାତ୍ରା ଅନୁଷ୍ଠିତ ହୋଇଯାଇଛି।
କୃଷ୍ଣପ୍ରସାଦ,(ଡି.ଏନ୍‌.ଏ.): ରଥଯାତ୍ରା ଅବସରରେ ଗୁରୁବାର ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ଶିଆଳଗାଁରେ ଏକ ନିଆରା ଢଙ୍ଗରେ ପିଲା ରଥଯାତ୍ରା ଆୟୋଜିତ ହେଉଛି। ଉଲ୍ଲେଖଯୋଗ୍ୟ, ୨୨ ବର୍ଷ ପୂର୍ବେ ଅନିରୁଦ୍ଧ ପଣ୍ଡା ନାମକ ଶ୍ରଦ୍ଧାଳୁ ପିଲାଟିଏ ନଡିଆ ଖଡ଼ିିକାରେ ରଥ ଓ ନଡ଼ିଆରେ ଅଙ୍କିତ ୩ ମୂର୍ତ୍ତି ସ୍ଥାପନ କରି ଗାଁ ଦାଣ୍ଡରେ ଟାଣିଥିଲେ। ପିଲା, ମହିଳାମାନେ ଏହା ଟାଣିଥିଲେ। ନଗେନ୍ଦ୍ର ଜଗଦେବ ନାୟକ ଛେରାପହଁରା କରିଥିଲେ। ସେହିଭଳି ପାରିକୁଦଗଡ଼ରେ ପାରିକୁଦ ରାଜ ପୁରୋହିତ, ତିତିପ ଗାଁରେ ଭଗବାନ ପଣ୍ଡା ଛେରାପହଁରା କରିଥିଲେ। ଗୁରୁବାଈ, ଗୋରାପୁର, ମାଲୁଦର ଦଧିବାମନ ଦେବ, ବଜ୍ରକୋଟସ୍ଥିତ ଜଗନ୍ନାଥ ମନ୍ଦିରରେ ମଧ୍ୟ ଘୋଷଯାତ୍ରା ଅନୁଷ୍ଠିତ ହୋଇଥିଲା।
ଟାଙ୍ଗୀ(ଖୋର୍ଦ୍ଧା),(ଡି.ଏନ୍‌.ଏ.)-ଚିଲିକା ଉପକୂଳସ୍ଥିତ ଭୁଷଣ୍ଡପୁର ଓ କୁହୁଡ଼ିଠାରେ ଅନୁଷ୍ଠିତ ରଥଯାତ୍ରାରେ ଛେରାପହଁରା କାର୍ଯ୍ୟ ସମ୍ପାଦନ କରିଥିଲେ ପାରିକୁଦ ରାଜା ସନ୍ତୋଷ ସିଂହ ମର୍ଦ୍ଦରାଜ ଭ୍ରମରବର ରାୟବାହାଦୁର। ରଥଯାତ୍ରା କମିଟି ତରଫରୁ ରାଜାଙ୍କୁ ବାଲିପାଟପୁର ପଞ୍ଚାୟତ କାର୍ଯ୍ୟାଳୟଠାରୁ ରାଜାଙ୍କୁ ପାଛୋଟି ନିଆଯାଇଥିଲା  ଡିଏସ୍‌ପି ସତୀଶ ପାଢ଼ୀ, ଟାଙ୍ଗୀ ଥାନାଧିକାରୀ ସରୋଜ କୁମାର ଉପାଧ୍ୟାୟ ଓ ଭୁଷଣ୍ଡପୁର ଫାଣ୍ଡି ଅଧିକାରୀ ହରିବନ୍ଧୁ ଦାସଙ୍କ ନେତୃତ୍ୱରେ ୧ ପ୍ଲାଟୁନ ଫୋର୍ସ ପୋଲିସ ନିୟୋଜିତ ହୋଇଥିଲେ। ଶ୍ରୀଗୁଣ୍ଡିଚାଠାରୁ ବାହୁଡ଼ା ଯାତ୍ରା ପର୍ଯ୍ୟନ୍ତ ପ୍ରତି ସନ୍ଧ୍ୟାରେ ଦୋଳପଡିଆଠାରେ ରାଜ୍ୟ ସଂସ୍କୃତି ବିଭାଗ ତରଫରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ବାଘେଇ ମନ୍ଦିରଠାରୁ ହାଟନୂଆସାହି ମନ୍ଦିର ପର୍ଯ୍ୟନ୍ତ ରଥଟଣା କାର୍ଯ୍ୟକ୍ରମରେ ବାଘନାଚ, ଘୋଡାନାଚ, ଡିଜେ, କରତାଳ, ଘଣ୍ଟଘଣ୍ଟି, କାହାଳି ଓ ମୁଦଙ୍ଗ ବାଜି ଉଠିଥିଲା। ଚଣ୍ଡେଶ୍ୱର, ସୋରଣ, ରତନପୁର, ହାଟବରଡିହ ଆଦି ଅଞ୍ଚଳର ଶ୍ରଦ୍ଧାଳୁମାନେ ରଥ ଟାଣିଥିଲେ। ଏହି କାର୍ଯ୍ୟକ୍ରମରେ ଟାଙ୍ଗୀ ବ୍ଲକ ଅଧ୍ୟକ୍ଷ ବିଜୟ କୁମାର ଜେନା, କୁହୁଡ଼ି ସରପଞ୍ଚ ବିପିନ ଉଦୟସିଂହ, ଡାକ୍ତର ଟୁନି ମହାରଣା ଓ ପ୍ରାକ୍ତନ ସରପଞ୍ଚ ପବିତ୍ର ହରିଚନ୍ଦନ ପ୍ରମୁଖ ସହଯୋଗ କରିଥିଲେ। ସେହିପରି ଟାଙ୍ଗୀଠାରେ ଅନୁଷ୍ଠିତ ରଥଯାତ୍ରାରେ ପ୍ରଶାସନିକ ଅଧିକାରୀ ଭାରତ ଭୂଷଣ ଜଗଦେବ ଛେରାପହଁରା କରିଥିଲେ। ଭକ୍ତମାନେ ଦୋଳପଡିଆଠାରୁ ପ୍ରାୟ ଦେଢ କିମି ଦୂର ବଳରାମଦେବ ମନ୍ଦିର ପର୍ଯ୍ୟନ୍ତ ରଥକୁ ଟାଣି ଟାଣି ଆଣିଥିଲେ।


All Right Reserved By

ପୁରୀ ଭୋଟ ଗଣତିରେ ବିଳମ୍ବ

ପୁରୀ ଅଫିସ.୨୩।୫: ପ୍ରଶାସନିକ ଅବହେଳା ପାଇଁ ପୁରୀରେ ଭୋଟ ଗଣତି ବିଳମ୍ବ ହୋଇଛି। ବାତ୍ୟାରେ ଇଭିଏମ ଏବଂ ଭିଭିପାଟର ସୁରକ୍ଷା ପାଇଁ ଷ୍ଟ୍ରଙ୍ଗ ରୁମରେ ଏକ...

ଭୁବନେଶ୍ୱରରୁ ଜଗଦଲପୁର, ଜୁନାଗଡ଼କୁ ଚାଲିବ ପୃଥକ୍‌ ଟ୍ରେନ୍‌

ଭୁବନେଶ୍ୱର,୨୦।୮(ବ୍ୟୁରୋ):ଆଗକୁ ଭୁବନେଶ୍ୱରରୁ ଜୁନାଗଡ ଏବଂ ଭୁବନେଶ୍ୱରରୁ ଜଗଦଲପୁରକୁ ୨ଟି ପୃଥକ ଟ୍ରେନ୍‌ ଚଳାଚଳ କରିବ। ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରେଳମନ୍ତ୍ରୀ ପୀୟୂଷ ଗୋୟଲଙ୍କୁ କରିଥିବା...

୧.୩୫ ଲକ୍ଷ କୋଟି ଟପିପାରେ ରାଜ୍ୟ ବଜେଟ

ଭୁବନେଶ୍ୱର,୧୮ା୬(ବ୍ୟୁରୋ): ଆସନ୍ତା ୨୮ ତାରିଖରେ ବିଧାନସଭାରେ ୨୦୧୯-୨୦ ଆର୍ଥିକବର୍ଷ ଲାଗି ବଜେଟ ଉପସ୍ଥାପନ କରାଯିବ। ଏ ନେଇ ପ୍ରସ୍ତୁତି ଜୋରଦାର ଆରମ୍ଭ ହୋଇଛି। ଆସନ୍ତା ବଜେଟ...

ରଥଯାତ୍ରାକୁ ଆଉ ୪ଦିନ ବାକି: ଅଶାନ୍ତ ହେଲା ପୁରୀ ସହର; ତେଜରାତି ଦୋକାନୀଙ୍କୁ ଗୁଳିମାଡ଼

ପୁରୀ ଅଫିସ,୩୦ା୬: ରଥଯାତ୍ରାକୁ ଆଉ ମାତ୍ର ୪ଦିନ ବାକି ଥିବାବେଳେ ଅଶାନ୍ତ ହୋଇପଡ଼ିିଛି ପୁରୀ ସହର। ଗୋଟିଏ ପଟେ ଭକ୍ତ ଓ ପର୍ଯ୍ୟଟକଙ୍କ ସୁରକ୍ଷା ଉପରେ...

କନିଷ୍ଠ ଯନ୍ତ୍ରୀଙ୍କୁ ବସ୍‌ଉଠ୍‌ କରାଇବା ମାମଲା: ଝାରପଡ଼ା ଜେଲ୍‌ରେ ରହିଲେ ପାଟଣାଗଡ଼ ବିଧାୟକ

ଭୁବନେଶ୍ୱର,୨।୭ (ବ୍ୟୁରୋ): ନିମ୍ନମାନର ରାସ୍ତା କାମକୁ ନେଇ ବିଭାଗୀୟ କନିଷ୍ଠ ଯନ୍ତ୍ରୀ (ଜେଇ)ଙ୍କୁ ରାସ୍ତା ଉପରେ ବସ୍‌ଉଠ୍‌ କରାଇବା ମାମଲାରେ ପାଟଣାଗଡ଼ ବିଧାୟକ ସରୋଜ କୁମାର...

ରାଜନଗର ବ୍ଲକର ସବୁ ଗ୍ରାମକୁ ବିଦ୍ୟୁତ୍‌ ମିଳୁଛି, ୨୦୨୦ରେ ଶେଷ ହେବ କୁନ୍ଦୁପୁର ଗ୍ରୀଡ୍‌ କାର୍ଯ୍ୟ: ମନ୍ତ୍ରୀ

ଭୁବନେଶ୍ୱର,୨୬।୭(ବ୍ୟୁରୋ): ରାଜ୍ୟରେ ଚଳିତ ବର୍ଷ ୫ଲକ୍ଷ ଉପଭୋକ୍ତାଙ୍କୁ ବିଦ୍ୟୁତ୍‌ ଯୋଗାଇ ଦିଆଯାଇଛି। ବିଦ୍ୟୁତ୍‌ ଯୋଗାଣ ପାଇଁ ଅର୍ଥର କୌଣସି ଅଭାବ ନାହିଁ। କେବଳ ଫନୀ ଯୋଗୁ...

ନାବାଳକଙ୍କୁ ସାବାଳକ ଦର୍ଶାଇ କୋର୍ଟଚାଲାଣ ଘଟଣା : ତଦନ୍ତ ଅଧିକାରୀଙ୍କୁ ରିପୋର୍ଟ ମାଗିଲେ ସିପି

ଭୁବନେଶ୍ୱର,୧୨ା୮(ବ୍ୟୁରୋ) : କ୍ୟାପିଟାଲ ଥାନା ପୋଲିସର ଖାମଖିତ୍ଆଲ ତଦନ୍ତ ପାଇଁ ଜଣେ ନାବାଳକ ଛାତ୍ରଙ୍କୁ ଜେଲ୍‌ ଯିବାକୁ ପଡିଛି। ସମ୍ପୃକ୍ତ ଛାତ୍ରଙ୍କ ବୟସ ୧୭ବର୍ଷ ୪ମାସ...

୪ ବର୍ଷରେ ବନ୍ଦ ହୋଇଥିଲା ଆର୍‌ଏଓ୍ବାଇ : ୭ ସହରରୁ ୩ ସହରରେ ପ୍ରକଳ୍ପ ଶୂନ

ଭୁବନେଶ୍ୱର, ୨୬।୭(ବ୍ୟୁରୋ) : ରାଜୀବ ଆବାସ ଯୋଜନା(ଆର୍‌ଏଓ୍ବାଇ) ୨୦୧୧ରୁ ଆରମ୍ଭ ହୋଇ ୨୦୧୫ ଜୁନ୍‌ ମାସରେ ବନ୍ଦ ହୋଇଯାଇଥିଲା। ଓଡିଶାର ୭ଟି ସହରକୁ ଏହି ଯୋଜନାରେ...

selfi corner

Model This Week

Why Dharitri

Leave a comment

Your email address will not be published. Required fields are marked *