କଡ଼ା ସୁରକ୍ଷା ସତ୍ତ୍ୱେ ମାତିଲେ ଲୁଟେରା

ଭୁବନେଶ୍ୱର, ୫।୭(ବ୍ୟୁରୋ) : ରଥଯାତ୍ରା ପାଇଁ କମିଶନରେଟ ପୋଲିସ ପକ୍ଷରୁ ରାଜଧାନୀରେ ବ୍ୟାପକ ବ୍ୟବସ୍ଥା କରାଯାଇଥିଲା। ଏହାସତ୍ତ୍ୱେ ରଥଯାତ୍ରା ସମୟରେ ବିଭିନ୍ନ ସ୍ଥାନରେ ଲୁଟେରା ସକ୍ରିୟ ହୋଇଥିଲେ। କେବଳ ଇସ୍କନ ମନ୍ଦିର ରଥଯାତ୍ରାରେ ୨୦ରୁ ଊର୍ଦ୍ଧ୍ୱ ମୋବାଇଲ୍‌ ଫୋନ୍‌, ପର୍ସ, ଭ୍ୟାନିଟି ଲୁଟ୍‌ ଓ ଚୋରି ହୋଇଥିବା ଅଭିଯୋଗ ହୋଇଛି। ଜଣେ ଇସ୍କନ ସାଧକଙ୍କ ପକେଟରୁ ମୋବାଇଲ ଫୋନ୍‌ ଚୋରି କରିବାବେଳେ ସାଧକ ଜଣକ ତାଙ୍କୁ ମାଡ଼ିବସି ଧରିବା ପରେ ପୋଲିସ ଜିମା ଦେଇଛନ୍ତି। ତେବେ ଲୁଟ୍‌ର ଶିକାର ଲୋକେ ନୟାପଲ୍ଲୀ ଥାନାରେ ଅଭିଯୋଗ କରିବା ପରେ ପୋଲିସ ଚେକିଂ କରିଥିଲେ ମଧ୍ୟ କାହାକୁ ଧରିପାରିନି।
ସୂଚନା ମୁତାବକ, ସକାଳ ୧୦ଟା ପରେ ଠାକୁର ପହଣ୍ଡି ବିଜେ କରି ରଥାରୂଢ ହେବା ପରେ ଭକ୍ତଙ୍କ ସଂଖ୍ୟା ଧୀରେ ଧୀରେ ବଢିଥିଲା। ୨ଟା ପରେ ଛେରାପହଁରା ସରି ରଥଟଣା ଆରମ୍ଭ ହେବାବେଳକୁ ଇସ୍କନ ମନ୍ଦିର ପରିସର ଓ ବାହାରେ ପ୍ରବଳ ଭିଡ଼ ହୋଇଥିଲା। ଏହି ସୁଯୋଗରେ ଲୁଟେରାମାନେ ଲୁଟ୍‌ପାଟ୍‌ ଆରମ୍ଭ କରିଥିଲେ। ନୟାପଲ୍ଲୀ ଅଞ୍ଚଳରେ ହୋଟେଲ କରିଥିବା କେନ୍ଦ୍ରାପଡ଼ାର ନିକୁଞ୍ଜ କିଶୋରନାଥ ପରିବାର ସହ ରଥଯାତ୍ରାକୁ ଆସିଥିଲେ। ତାଙ୍କ ପକେଟରୁ କେହି ମୋବାଇଲ ଫୋନ୍‌ ଓ ପର୍ସ ନେଇଯାଇଥିଲେ। ସେହିପରି ନୟାପଲ୍ଲୀ ଅଞ୍ଚଳର ଜଗନ୍ନାଥ ରଥଙ୍କ ୧୫ ହଜାର ଟଙ୍କାର ମୋବାଇଲ ଫୋନ୍‌ ଲୁଟ୍‌ ହୋଇଥିବା ସେ ଅଭିଯୋଗ କରିଛନ୍ତି। ବ୍ରହ୍ମପୁର ଅଞ୍ଚଳରୁ ଭୁବନେଶ୍ୱର ବୁଲିବାକୁ ଆସିଥିବା ହରଦୀପ ସାହାଙ୍କ ସ୍ତ୍ରୀଙ୍କଠାରୁ ଲୁଟେରା ଭ୍ୟାନିଟି ଛଡାଇ ନେଇଥିବାବେଳେ ସେଥିରେ ମୋବାଇଲ୍‌ ଫୋନ୍‌ ଓ ଏଟିଏମ୍‌ ସହ ଅନ୍ୟ ଜରୁରୀ କାଗଜପତ୍ର ଏବଂ ୬ହଜାର ଟଙ୍କା ରହିଥିଲା ବୋଲି ସେ ଅଭିଯୋଗରେ ଦର୍ଶାଇଛନ୍ତି। ଝାରପଡା ଅଞ୍ଚଳରୁ ଆସିଥିବା ଦୁଇ ସାଙ୍ଗ ଆଶୁତୋଷ ଓ ଦେବୀପ୍ରସାଦ ରଥ ଟାଣିବା ସମୟରେ ସେମାନଙ୍କ ମୋବାଇଲ ଫୋନ୍‌ ଲୁଟ୍‌ ହୋଇଥିଲା। ରେଣ୍ଟାଲ କଲୋନୀର ରହୁଥିବା ଅଟୋଚାଳକ ପ୍ରଭାତ ସେଠୀ ପୁଅକୁ ଚାର୍ଟ ଖୁଆଉଥିବାବେଳେ କେହି ମୋବାଇଲ ଲୁଟିନେଇଥିଲା। ଇସ୍କନ ମନ୍ଦିର ସାଧକ ତଥା ଡ୍ରାଇଭର ବିଶ୍ୱରଞ୍ଜନ ଦାସଙ୍କ ପକେଟରୁ ମୋବାଇଲ ଛଡାଇବା ବେଳେ ସେ ଉକ୍ତ ଯୁବକଙ୍କୁ କାବୁ କରିଥିଲେ। ଇସ୍କନ ସାଧକ ଦିଲୀପ କୁମାର ମହାନ୍ତିଙ୍କ ସମେତ ୧୦ରୁ ଊର୍ଦ୍ଧ ଭକ୍ତଙ୍କର ମୋବାଇଲ ଫୋନ୍‌ ଲୁଟ୍‌ ହୋଇଥିବା କହିବା ପରେ ଉକ୍ତ ଲୁଟେରାଙ୍କୁ ପୋଲିସ ଜିମାରେ ଦିଆଯାଇଥିଲା।
ଏ ନେଇ ନୟାପଲ୍ଲୀ ଥାନା ଅଧିକାରୀ ଅରୁଣ କୁମାର ସ୍ବାଇଁ କହିଛନ୍ତି, କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। କିନ୍ତୁ ଭିଡ଼ର ସୁଯୋଗ ନେଇ ଏପରି ଘଟିଛି। ପୂର୍ବବର୍ଷ ୫୦ରୁ ଊର୍ଦ୍ଧ୍ୱ ମୋବାଇଲ ଲୁଟ୍‌ ଓ ଚୋରି ହୋଇଥିଲା। ଏଥର କିନ୍ତୁ ଏହି ସଂଖ୍ୟା କମିଛି। ଏରାଗୋଲା ଗ୍ୟାଙ୍ଗ ସହ ମିଶି କିଛି ମହିଳା ଏପରି କାଣ୍ଡ ଘଟାଇଥିବା ଅନୁମାନ କରାଯାଉଛି। ସିସିଟିଭି ଫୁଟେଜକୁ ଯାଞ୍ଚ କରିବା ସହ ବିଭିନ୍ନ ସ୍ଥାନରେ ଚେକିଂ କରାଯାଉଛି। ଶୀଘ୍ର ସମ୍ପୃକ୍ତ ଲୁଟେରାମାନଙ୍କୁ ଗିରଫ କରାଯିବ ବୋଲି ସେ କହିଛନ୍ତି।


All Right Reserved By Dharitri.Com

ଭିଜିଲାନ୍ସ ଜାଲରେ ବ୍ୟାସନଗର ପୌରପରିଷଦ ସହକାରୀ ଯନ୍ତ୍ରୀ

ଯାଜପୁର ରୋଡ, ୨୧।୮(ନି:ପ୍ର.): ଲାଞ୍ଚ ନେବା ଅଭିଯୋଗରେ ଯାଜପୁର ଭିଜିଲାନ୍ସ ବିଭାଗ ପକ୍ଷରୁ ବ୍ୟାସ ନଗର ପୌରପରିଷଦର ସହକାରୀ ଯନ୍ତ୍ରୀ ପ୍ରହ୍ଲାଦ ମହାପାତ୍ରଙ୍କୁ ଗିରଫ କରାଯାଇଛି।...

ସ୍କିଲ୍‌ ଗ୍ୟାପ୍‌ ହ୍ରାସ କରିବା ଉପରେ ଗୁରୁତ୍ୱ’

ଭୁବନେଶ୍ୱର,୯।୭(ବ୍ୟୁରୋ): ସ୍କିଲ ଗ୍ୟାପ ହ୍ରାସ ସହ ଦକ୍ଷତା ସମ୍ପନ୍ନ ଏବଂ ଉତ୍ପାଦକ କାର୍ଯ୍ୟବଳ ତିଆରି ହେଲେ ଏହା ଭାରତକୁ ୫ ଟ୍ରିଲିୟନ ଅର୍ଥନୀତି କରିବାରେ ସହାୟକ...

ବାଗଡେର ହତ୍ୟାକାଣ୍ଡର ପର୍ଦ୍ଦାଫାଶ: ଆଉ ଜଣେ ଅଭିଯୁକ୍ତଙ୍କୁ କୋର୍ଟ ଚାଲାଣ କଲା ପୋଲିସ

ଟିଟିଲାଗଡ଼,୧।୧୨(ଡି.ଏନ୍‌.ଏ.) : ବଲାଙ୍ଗୀର ଜିଲା ଟିଟିଲାଗଡ଼ ପୋଲିସକୁ ରବିବାର ଏକ ବଡ଼ ସଫଳତା ମିଳିଛ। ଟିଟିଲାଗଡ଼ ଥାନା ଅନ୍ତର୍ଗତ ବାଗଡେର ଗାଁ ନିକଟରେ ଘଟିଥିବା ହତ୍ୟାକାଣ୍ଡର...

ଦାମ ପୁଣି ବିଜେଡିକୁ ଫେରିବା ପ୍ରସଙ୍ଗ: ପୁଅ ସମ୍ବିତ କହିଲେ ‘ବାପା ଭାଜପାକୁ ଯାଇ ଖୁସି ନ ଥିବା ଭଳି ଲାଗୁଛି’

ଭୁବନେଶ୍ୱର,୭।୬(ବ୍ୟୁରୋ): ଭାଜପାର ବରିଷ୍ଠ ନେତା ଡା. ଦାମୋଦର ରାଉତ ପୁଣି ଘର ବାହୁଡ଼ା କରିବା ନେଇ ଚର୍ଚ୍ଚା ଜୋର ଧରିଛି। ପୁଅ ତଥା ପାରାଦୀପ ବିଧାୟକ...

୨୨ କେଜି ଗଞ୍ଜେଇ ଜବତ, ଜଣେ ଗିରଫ

ଛତ୍ରପୁର,୪ା୧୦(ଡି.ଏନ.ଏ.)- ଛତ୍ରପୁର ପୋଲିସ ଚୋରା ଚାଲାଣ ବେଳେ ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଅଭିଯୋଗରେ ଜଣଙ୍କୁ ଗିରଫ କରିଛନ୍ତି। ସେ ହେଲେ ଗୋଳନ୍ଥରା...

ଗଛ ଡାଳ କାଟିବାକୁ ନେଇ ବୃଦ୍ଧଙ୍କୁ ହତ୍ୟା, ଅଭିଯୁକ୍ତ ଗିରଫ

କପ୍ତିପଦା,୨୩ା୧୨(ଡି.ଏନ୍‌.ଏ.) – ମୟୂରଭଞ୍ଜ ଜିଲା କପ୍ତିପଦା ବ୍ଲକ ଶରତ ଥାନା ଅଧୀନ ସରଡିହା ଭଣ୍ଡାର କଲୋନୀସାହିରେ ଗଛ ଡାଳ କାଟିବାକୁ କେନ୍ଦ୍ର କରି ରବିବାର ସନ୍ଧ୍ୟାରେ...

ଆଜି ବିଶ୍ୱ ନୃତ୍ୟ ଦିବସ: ନୃତ୍ୟର ବିବର୍ତ୍ତନ

ଭୁବନେଶ୍ୱର,୨୯।୪-‘ନୃତ୍ୟ’ ଓ ‘ନାଟକ’ ଭାରତୀୟ ସଂସ୍କୃତିର ଦୁଇ ଅବିଚ୍ଛେଦ୍ୟ ଅଙ୍ଗ। ସମୟ ଯେତେ ବଦଳିଲେ ବି, ମଣିଷ ଯେତେ ଆଧୁନିକ ହେଲେ ବି ମନୋରଞ୍ଜନର ଏହି...

ମା’ଙ୍କୁ ବଳାତ୍କାର, ନାବାଳକ ପୁଅ ସହ ଅପ୍ରାକୃତିକ ଯୌନ କ୍ରିୟା: ନୟାଗଡ଼ ଡିଇଓ କାର୍ଯ୍ୟାଳୟର ଷ୍ଟେନୋଙ୍କୁ ଜେଲ

ଖୋର୍ଦ୍ଧା ଅଫିସ,୨୬ା୧୧: ମା’କୁ ବଳାତ୍କାର, ନାବାଳକ ପୁଅକୁ ଅପ୍ରାକୃତିକ ଯୌନ କ୍ରିୟା କରି ନୟାଗଡ଼ ଜିଲା ଶିକ୍ଷା ଅଧିକାରୀ(ଡିଇଓ)ଙ୍କ କାର୍ଯ୍ୟାଳୟର ଷ୍ଟେନୋ ସୁରେନ୍ଦ୍ର ବାରିକ (୫୮)...

Leave a comment

Your email address will not be published. Required fields are marked *