ପାଣି ଚିନ୍ତା, ବର୍ଷା ଉପରେ ଭରସା: ଗଞ୍ଜାମ ଜିଲାରେ ଖରିଫ ଫସଲ

ଛତ୍ରପୁର,୫ା୭(ଡି.ଏନ.ଏ.)- ଗଞ୍ଜାମ ଜିଲାରେ ଚଳିତବର୍ଷ ହେବାକୁ ଥିବା ଖରିଫ୍‌ ଫସଲ ପାଇଁ ଚାଷୀଙ୍କୁ ପାଣି ଚିନ୍ତା ଘାରିଛି। ଜିଲାରେ ହେଉଥିବା ଖରିଫ ଫସଲକୁ ଜଳସେଚନର ଅଭାବ ରହିଛି। ଫଳରେ ବର୍ଷା ଉପରେ ଚାଷୀଙ୍କୁ ନିର୍ଭର କରିବାକୁ ପଡୁଛି। ବିଗତ ଦିନଗୁଡିକରେ ମଧ୍ୟ ଏପରି ଦେଖିବାକୁ ମିଳିଛି। ଓଡିଶାର ବିଭିନ୍ନ ସ୍ଥାନରେ ମୌସୁମୀ ବର୍ଷା ହୋଇଥିବାବେଳ ଗଞ୍ଜାମ ଜିଲାରେ ଏହାର ଆରମ୍ଭ ମଧ୍ୟ ହୋଇନି। ଜିଲାରେ ବର୍ଷାଭାବ ଏବେଠୁ ଦେଖାଦେଲାଣି। ଖରିଫ ଫସଲ ମଧ୍ୟରେ ଧାନ ଫସଲ ମୁଖ୍ୟ ରହିଛି। ରାଜ୍ୟର ଗଞ୍ଜାମ ଜିଲାରୁ ହିଁ ସର୍ବାଧିକ ଧାନ ଅମଳ ହୋଇଥାଏ। ଏହି ପରିପ୍ରେକ୍ଷୀରେ ଜଳସେଚନ ଅଭାବ ନେଇ ଚାଷୀ ଚିନ୍ତିତ। ପ୍ରତିବର୍ଷ ବିପର୍ଯ୍ୟୟ ଆସି ଫସଲ ଉଜାଡି ଦେଉଛି। ଏନେଇ ଚାଷୀଙ୍କର ଆଥିର୍ତ୍କ ମେରୁଦଣ୍ଡ ଭାଙ୍ଗିବାକୁ ବସିଲାଣି। ଅପରପକ୍ଷରେ ଜିଲାର ଲକ୍ଷାଧିକ ଚାଷୀ ଚାଷରୁ ମୁହଁ ଫେରାଇଲେଣି। ଏଥିସହ ପରିବାର ପ୍ରତିପୋଷଣ ପାଇଁ ଜିଲା ବାହାରକୁ କାମ ଅନ୍ବେଷଣରେ ଚାଷୀମାନେ ଚାଲିଯାଉଥିବା ଦେଖିବାକୁ ମିଳିଛି। ତଥାପି ଜିଲାର ସେଚ ସମସ୍ୟାରେ ସୁଧାର ଆସୁନି। ଜିଲାରେ ଗୋଟିଏ ମାତ୍ର ଋଷିକୁଲ୍ୟା ବୃହତ ସେଚ ପ୍ରକଳ୍ପ ରହିଛି। ୨୨ ବ୍ଲକ ମଧ୍ୟରୁ ୮ ବ୍ଲକର ଜମିକୁ ବୃହତ୍‌ ପ୍ରକଳ୍ପରୁ ଟୋପାଏ ପାଣି ମିଳୁନି। ସେଥିମଧ୍ୟରେ ପାତ୍ରପୁର, ଗଞ୍ଜାମ, ଖଲ୍ଲିକୋଟ, ବେଗୁନିଆପଡା, କବିସୂର୍ଯ୍ୟନଗର, ପୋଲସରା, ଜଗନ୍ନାଥପ୍ରସାଦ ଓ ସୋରଡା ବ୍ଲକ ରହିଛି। ଏଥିସହ ଜିଲାରେ ଥିବା ମଧ୍ୟମ ସେଚ ପ୍ରକଳ୍ପଗୁଡିକରୁ ମଧ୍ୟ ୬ ବ୍ଲକରେ କୌଣସି ସେଚ ସୁବିଧା ନାହିଁ। ସେଥିମଧ୍ୟରେ ରଙ୍ଗେଇଲୁଣ୍ଡା, କୁକୁଡାଖଣ୍ଡି, ଖଲ୍ଲିକୋଟ, ଆସିକା, ଶେରଗଡ ଓ ଜଗନ୍ନାଥପ୍ରସାଦ ବ୍ଲକ ରହିଛି। ଆହୁରି ଜଣାଯାଇଛି ଯେ, ଉଭୟ ବୃହତ ଓ ମଧ୍ୟମ ସେଚ ପ୍ରକଳ୍ପରୁ ଖଲ୍ଲିକୋଟ ଓ ଜଗନ୍ନାଥପ୍ରସାଦ ବ୍ଲକ ଜମିକୁ ସେଚ ସୁବିଧା ମିଳୁନି। କୃଷି ବିଭାଗଠାରୁ ମିଳିଥିବା ସୂଚନା ଅନୁସାରେ ଗଞ୍ଜାମ ଜିଲାରେ ଚଳିତବର୍ଷ ୪ ଲକ୍ଷ ୮ ହଜାର ୮୧୦ ହେକ୍ଟର ଜମିରେ ଖରିଫ ଫସଲ ପାଇଁ ଲକ୍ଷ୍ୟଧାର୍ଯ୍ୟ ହୋଇଛି। ମାତ୍ର ଏଥିରୁ ୨ ଲକ୍ଷ ୮୭ହଜାର ୮୧୧ ହେକ୍ଟର ଫସଲକୁ ହିଁ ସେଚ ସୁବିଧା ଥିବା ଜଳସେଚନ ବିଭାଗ ପକ୍ଷରୁ କୁହାଯାଇଛି। ଅପରପକ୍ଷରେ ୨୦୧୮ରେ ଜିଲାର ୨ ଲକ୍ଷ ୮୧ ହଜାର ହେକ୍ଟର ଜମିକୁ ସେଚ ସୁବିଧା ଥିଲା। ଗତ ସପ୍ତାହରେ ଏଠାରେ ଅନୁଷ୍ଠିତ ଗଞ୍ଜାମ ଜିଲା କୃଷି ନିର୍ଦ୍ଧାରଣ କମିଟି ବୈଠକରେ ମଧ୍ୟ ଏନେଇ ବିସ୍ତୃତ ଭାବେ ଆଲୋଚନା ହୋଇଥିଲା। ପାଣି ସୁଷମ ବଣ୍ଟନ ଉପରେ ଗୁରୁତ୍ୱାରୋପ କରାଯିବା ସହ ବର୍ଷା ଉପରେ ଭରସା ମଧ୍ୟ କୁହାଯାଇଥିଲାା ଆହୁରି ଜଣାଯାଇଛି, ଚଳିତ ବର୍ଷ ଋଷିକୁଲ୍ୟା ବୃହତ ସେଚ ପ୍ରକଳ୍ପରୁ ୬୦ ହଜାର ୩୫୪ ହେକ୍ଟର ଜମିକୁ ସେଚ ସୁବିଧା ମିଳିବ ବୋଲି କୁହାଯାଇଥିବାବେଳେ ମଧ୍ୟମ ସେଚ ପ୍ରକଳ୍ପରୁ ୬୮ ହଜାର ୧୬୦ ହେକ୍ଟର, କ୍ଷୁଦ୍ର ସେଚ ପ୍ରକଳ୍ପରୁ ୯୭ ହଜାର ୨୨୨ ହେକ୍ଟର, ଉଠା ସେଚ ପ୍ରକଳ୍ପରୁ ୩୨ ହଜାର ୧୨୫ ହେକ୍ଟର ଜମିକୁ ସେଚ ସୁବିଧା ମିଳିବ। ଜିଲାରେ ଚଳିତ ବର୍ଷ ୨ ଲକ୍ଷ ୮ ହଜାର ୪୨୦ ହେକ୍ଟର ଜମିରେ ଖରିଫ ଫସଲ ପାଇଁ ଲକ୍ଷ୍ୟଧାର୍ଯ୍ୟ ହୋଇଥିବା ବେଳେ ଏଥିରୁ ୧ ଲକ୍ଷ ୭୬ ହଜାର ୧୫୮ ହେକ୍ଟର ଜମିକୁ ସେଚ ସୁବିଧା ଯୋଗାଇ ଦିଆଯିବ ବୋଲି ଜଳସେଚନ ବିଭାଗ ପକ୍ଷରୁ କୃଷି ନିର୍ଦ୍ଧାରଣ କମିଟିକୁ ସୂଚନା ଦିଆଯାଇଛି। ଏଥିମଧ୍ୟରେ ଧାନ ଫସଲ ପାଇଁ ବୃହତ ସେଚ ପ୍ରକଳ୍ପରୁ ୪୯ ହଜାର ୬୫୪ ହେକ୍ଟର, ମଧ୍ୟମ ସେଚ ପ୍ରକଳ୍ପରୁ ୪୭ ହଜାର ୬୫୩ ହେକ୍ଟର, କ୍ଷୁଦ୍ର ସେଚ ପ୍ରକଳ୍ପରୁ ୬୮ ହଜାର ୭୭୦ ହେକ୍ଟର ଓ ଉଠା ସେଚ ପ୍ରକଳ୍ପରୁ ୩ ହଜାର ୬୭୫ ହେକ୍ଟର ଜମିକୁ ଜଳସେଚନ ବିଭାଗ ପାଣି ଯୋଗାଇ ପାରିବେ। ସେହିପରି ଶସ୍ୟ ଜାତୀୟ ଫସଲ ହେବାକୁ ଥିବା ୨ ଲକ୍ଷ ୫୦ ହଜାର ୬୦୬ ହେକ୍ଟର ମଧ୍ୟରୁ ୨ ଲକ୍ଷ ୧୧ ହଜାର ୮୦୩ ହେକ୍ଟର ଜମିକୁ ସେଚ ସୁବିଧା ଅଛି। ଡାଲି ଜାତୀୟ ଫସଲ ପାଇଁ ୪୮ ହଜାର ୮୯୫ ହେକ୍ଟର ମଧ୍ୟରୁ ୮ ହଜାର ୪୦୯ ହେକ୍ଟର, ତୈଳ ଜାତୀୟ ଫସଲ ପାଇଁ ୨୪ ହଜାର ୯୧୫ହେକ୍ଟର ମଧ୍ୟରୁ ୫ହଜାର ୭୧୨ ହେକ୍ଟର, ପନିପରିବା ପାଇଁ ୭୩ ହଜାର ୮୨୪ ହେକ୍ଟର ମଧ୍ୟରୁ ୫୪ ହଜାର ୯୯୨ ହେକ୍ଟର ଜମିକୁ ସେଚ ସୁବିଧା ଯୋଗାଇ ଦିଆଯିବ ବୋଲି କୁହାଯାଇଛି।

 


All Right Reserved By Dharitri.Com

ତପ୍ତପାଣି ଘାଟିରେ ବସ୍‌ ଦୁର୍ଘଟଣାଗ୍ରସ୍ତ: ମୃତକଙ୍କ ପରିବାରକୁ ସମବେଦନା ଜଣାଇଲେ ମୁଖ୍ୟମନ୍ତ୍ରୀ, ୨ ଲକ୍ଷ ସହାୟତା ଘୋଷଣା

ଭୁବନେଶ୍ୱର,୨୯ା୧(ବ୍ୟୁରୋ): ଗଞ୍ଜାମ-ଗଜପତି ସୀମାନ୍ତ ତପ୍ତପାଣି ଘାଟିରେ ବୁଧବାର ଏକ ଯାତ୍ରୀବାହୀ ବସ୍‌ ଓଲଟି ପଡ଼ିବା ଯୋଗୁ ୮ଜଣଙ୍କ ମୃତ୍ୟୁ ଘଟିଛି। ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ତିନି ଭାଇଙ୍କୁ ବାସନ୍ଦ ଘଟଣା, ତୁଟିଲା ବିବାଦ

ପାତ୍ରପୁର,୧୮ା୯(ଡ଼ିଏନଏ): ଜରଡ଼ା ଥାନା ପାତ୍ରପୁର ବ୍ଲକ ଡୁଙ୍ଗୁରୁଗୁଡା ଗ୍ରାମରେ ସାମାନ୍ୟ କଥାକୁ ନେଇ ଗ୍ରାମରୁ ତିନି ଭାଇଙ୍କୁ ବାସନ୍ଦ କରାଯାଇଥିବାବେଳେ ସେମାନଙ୍କ ପିଲା ମାନଙ୍କୁ ଗ୍ରାମ...

ମା’ ତାରା ତାରିଣୀ ମନ୍ଦିରର ବିକାଶମୂଳକ କାର୍ଯ୍ୟ ବୁଲି ଦେଖିଲେ ଜିଲାପାଳ, ତୁରନ୍ତ ଶେଷ କରିବାକୁ ଦେଲେ ନିର୍ଦ୍ଦେଶ

ପୁରୁଷୋତ୍ତମପୁର,୨।୧(ଡି.ଏନ୍‌.ଏ.): ଗଞ୍ଜାମ ଜିଲାର ପ୍ରସିଦ୍ଧ ଶକ୍ତିପୀଠ ତଥା ଇଷ୍ଟଦେବୀ ମା’ ତାରା ତାରିଣୀଙ୍କ ମନ୍ଦିରର ବିକାଶ ଲାଗି ଚାଲିଥିବା ଉନ୍ନୟନ କାର୍ଯ୍ୟକୁ ଜିଲାପାଳ ବିଜୟ ଅମୃତ...

‘ଛାତ୍ରୀଛାତ୍ରଙ୍କୁ ହସିବାର ସୁଯୋଗ ଦେବା ଆମ କର୍ତ୍ତବ୍ୟ’

ବେଗୁନିଆପଡ଼ା,୨୦ା୧୨(ଡି.ଏନ.ଏ.)- ବେଗୁନିଆପଡା ବ୍ଲକ ସାଙ୍କୁଡା ସ୍ଥିତ ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ଶତବାର୍ଷିକୀ ସମାରୋହ ଗୁରୁବାର ଉଦ୍‌ଘାଟିତ ହୋଇଯାଇଛି। ମୁଖ୍ୟଅତିଥି ଭାବେ ରାଜ୍ୟପାଳ ପ୍ରଫେସର...

ସାନଖେମୁଣ୍ଡିରେ ଜନତା କର୍ଫ୍ୟୁ: ଜରୁରୀ ସେବାକୁ ଛାଡ଼ି ସବୁ ବନ୍ଦ

ପାଟପୁର,୨୨।୩(ଡି.ଏନ୍‌.ଏ.): କରୋନା ଭୂତାଣୁ ସଂକ୍ରାମଣକୁ ରୋକିବା ପାଇଁ ପ୍ରଧାନମନ୍ତ୍ରୀଙ୍କ ଜନତା କର୍ଫ୍ୟୁ ବାର୍ତ୍ତା ନେଇ ରବିବାର ସାନଖେମୁଣ୍ଡି ଅଞ୍ଚଳ ଖାଁ ଖାଁ ହୋଇପଡ଼ିଛି। ସହରରେ ଥିବା...

ଦୁର୍ଘଟଣାରେ ମା’ ମୃତ, ଝିଅ ଗୁରୁତର

ଜଗନ୍ନାଥପ୍ରସାଦ, ୨୭ା୧୨ (ଡି.ଏନ୍‌.ଏ.) -ଜଗନ୍ନାଥପ୍ରସାଦ ଥାନା ଅଞ୍ଚଳରେ ଥିବା କୃଷି ଫାର୍ମ ସାମ୍ନାରେ ବୁଧବାର ରାତି ପ୍ରାୟ ୯ଟାରେ ଏକ୍ସଲକୁ ପଛରୁ ଏକ ଅଜଣା ଗାଡି...

ହେଲମେଟ୍‌ ନ ପିନ୍ଧିଲେ ଉପ ଜିଲାପାଳଙ୍କ କାର୍ଯ୍ୟାଳୟ ମନା

ଭଞ୍ଜନଗର,୪।୮(ଡି.ଏନ.ଏ.) -ବାଇକ୍‌ ଓ କାର ଚାଳକଙ୍କ ଉପରେ ଏଣିକି କଡ଼ା ନଜର ରଖିବ ପ୍ରଶାସନ। ଯେଉଁମାନେ ବିନା ହେଲମେଟ୍‌ରେ ବାଇକ୍‌ ଚଳାଉଥିବେ ସେମାନଙ୍କ ବିରୁଦ୍ଧରେ ଜରିମାନା...

ବଜ୍ରପାତରେ ନାବାଳକଙ୍କ ଜୀବନଗଲା

ହିଞ୍ଜିଳିକାଟୁ,୧୩।୭(ଡି.ଏନ୍‌.ଏ.): ଗଞ୍ଜାମ ଜିଲା ହିଞ୍ଜିଳିକାଟୁ ବ୍ଲକ ପୁରୁଷୋତ୍ତମପୁର ଥାନା ସାହାପୁର ଗ୍ରାମରେ ଶନିବାର ଅପରାହ୍ନରେ ବଜ୍ରପାତ ଘଟିି ଜଣେ ନାବାଳକଙ୍କ ଜୀବନ ଯାଇଛି। ମୃତ ନାବାଳକ...

Leave a comment

Your email address will not be published. Required fields are marked *