Posted inUncategorized

ଟାଟା ଖଣି ସମ୍ମୁଖରେ ଜମିହରା ଗ୍ରାମବାସୀଙ୍କ ଆନ୍ଦୋଳନ: କର୍ମଚାରୀଙ୍କୁ ଖଣି ଭିତରକୁ ଛାଡିଲେ ନାହିଁ

ଯୋଡ଼ା, ୫।୭(ଡି.ଏନ.ଏ.)-କେନ୍ଦୁଝର ଜିଲା ଟାଟା ଷ୍ଟିଲ କମ୍ପାନୀର ଯୋଡ଼ା ଇଷ୍ଟ ଲୁହାପଥର ଖଣି ଫାଟକ ସମ୍ମୁଖରେ ଜମିହରା ଅଧିବାସୀ ଗୁରୁବାର ଭୋରରୁ ଆନ୍ଦୋଳନ ଆରମ୍ଭ କରିଛନ୍ତି। ସେମାନେ ଖଣି ଫାଟକକୁ ବନ୍ଦ କରିବା ସହିତ ଧାରଣା ଦେଇଛନ୍ତି ା ଫଳରେ ଠିକା ଓ କମ୍ପାନୀ କର୍ମଚାରୀମାନେ ଭିତରକୁ ଯାଇ ନ ପାରି ଘରକୁ ଫେରିଛନ୍ତି। ଦାବି ପୂରଣ ନ ହେବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି ଆନ୍ଦୋଳନକାରୀମାନେ ଚେତାବନୀ ଦେଇଛନ୍ତି।
ଆନ୍ଦୋଳନରେ ସାମିଲ ଗ୍ରାମବାସୀ କହିଛନ୍ତି, ଦୀର୍ଘବର୍ଷ ହେବ ଟାଟାଷ୍ଟିଲ ଗ୍ରାମବାସୀଙ୍କ ଜମିରେ ଖନନ କରିଆସୁଥିଲେ ମଧ୍ୟ ଜମିହରାଙ୍କ ଦାବି ପ୍ରତି କର୍ଣ୍ଣପାତ କରୁନାହିଁ ା କମ୍ପାନୀ ଗାଁ ରାସ୍ତାଘାଟ, ଶ୍ମଶାନ ଜମି, ଜଙ୍ଗଲ ପରି ସମସ୍ତ ଅଞ୍ଚଳ ନିଜ ଅଧୀନରେ ରଖିଥିବାରୁ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଜମି ଅଧିଗ୍ରହଣ ସମୟରେ ଟାଟା କମ୍ପାନୀ ପକ୍ଷରୁ ଗ୍ରାମବାସୀଙ୍କୁ ନିଯୁକ୍ତି ପ୍ରଦାନ କରିବା ସହ ଗ୍ରାମରେ ବିଭିନ୍ନ ଉନ୍ନତିମୂଳକ କାମ କରିବା ପାଇଁ ପ୍ରତିଶ୍ରୁତି ଦେଇଥିଲା। ପରବର୍ତ୍ତୀ ସମୟରେ କମ୍ପାନୀ ନିଜ ଲିଜ୍‌ ଅଞ୍ଚଳ କହି ସେହି ଜମିରେ ପାଚେରି ଘେରାଇଥିଲା। ଶ୍ମଶାନ ଜମିକୁ କମ୍ପାନୀ ନିଜ ଅକ୍ତିଆରକୁ ନେବା ଫଳରେ ଗ୍ରାମବାସୀ ମୃତଦେହ ସଂସ୍କାର କରିବାକୁ ସ୍ଥାନ ପାଉ ନାହାନ୍ତି ା ଦୀର୍ଘ ଦୁଇ ଦଶନ୍ଧି ଧରି କମ୍ପାନୀର ଏପରି କାର୍ଯ୍ୟକଳାପ ବିରୋଧରେ ତୀବ୍ର ଅସନ୍ତୋଷ ଲାଗି ରହିଛି ା ୨୦୦୦ ମସିହାରୁ ଜମିହରା ଗ୍ରାମବାସୀ ଖଣିରେ ଠିକା କମ୍ପାନୀରେ ନିଯୁକ୍ତି ପରିବର୍ତ୍ତେ ସ୍ଥାୟୀ ନିଯୁକ୍ତି, ଟାଟା ଷ୍ଟିଲ ଡାକ୍ତରଖାନାରେ ମାଗଣା ଚିକିତ୍ସା ବ୍ୟବସ୍ଥା, ଚାଷ ଜମିର ପୁନରୁଦ୍ଧାର, କମ୍ପାନୀ ଜବରଦଖଲ କରିଥିବା ଶ୍ମଶାନ ଜମିକୁ ଗ୍ରାମବାସୀଙ୍କୁ ହସ୍ତାନ୍ତର କରିବା ଆଦି ଦାବି ନେଇ ଦାୟିତ୍ୱରେ ଥିବା ଅଧିକାରୀଙ୍କୁ ଅବଗତ କରିଛନ୍ତି ା ଏଥିସହିତ କେନ୍ଦୁଝର ଜିଲାପାଳ ଓ ଚମ୍ପୁଆ ଉପଜିଲାପାଳଙ୍କ ନିକଟରେ ବାରମ୍ବାର ଲିଖିତ ଅଭିଯୋଗ କରାଯାଇଛି ା ମାତ୍ର ଏ ଦିଗରେ କମ୍ପାନୀ ପକ୍ଷରୁ କୌଣସି ପଦକ୍ଷେପ ନିଆଯାଉ ନ ଥିବା ମହିଳା ନେତ୍ରୀ ଉପମା ନାଏକ, ଅମୃତା ନାଏକ, ରୁକ୍ମଣୀ ବେହେରା ପ୍ରମୁଖ କହିଛନ୍ତି। ସେମାନେ ଆହୁରି କହିଛନ୍ତି, ଚାଷ ଜମିରେ ଧାନ ହୋଇଥିବା ବେଳେ ସେଠାରେ ଲୁହାପଥର ଗୁଣ୍ଡ ପକାଇ ପୋତି ଦିଆଯାଇ ଷ୍ଟକୟାର୍ଡ କରାଯାଇଛି ା ବସ୍ତିର ଶତାଧିକ ଏକର ଜମିକୁ ଟାଟା କମ୍ପାନୀ ନିଜ କାମରେ ବ୍ୟବହାର କରୁଛି ା ଅନ୍ୟପକ୍ଷେ ସ୍ଥାନୀୟ ଖଣିର ଲୁହାପଥରକୁ କମ୍ପାନୀ ଝାଡ଼ଖଣ୍ଡ ରାଜ୍ୟସ୍ଥିତ ଟାଟା ନଗର ଷ୍ଟିଲ ପ୍ଲାଣ୍ଟକୁ ପଠାଉଛି ା ହେଲେ ସ୍ଥାନୀୟ ଯୁବତୀଯୁବକମାନଙ୍କୁ ସ୍ଥାୟୀ ନିଯୁକ୍ତି ମିଳୁନାହିଁ ା
ଆନ୍ଦୋଳନକାରୀ ଉପମା ନାଏକ କହିଛନ୍ତି, କମ୍ପାନୀ ଚାପରେ ଯଦି ପ୍ରଶାସନ ସେମାନଙ୍କୁ ଗିରଫ କରେ ତେବେ ଆମେ ଥାନା ଓ ଜେଲ୍‌ରେ ମଧ୍ୟ ଅନଶନ ଜାରି ରଖିବୁ ା ଏନେଇ ଟାଟା ଷ୍ଟିଲ ଖଣିର ବରିଷ୍ଠ ଅଧିକାରୀ ବିଜୟେନ୍ଦ୍ର ଆନ୍ଦୋଳନକାରୀମାନଙ୍କ ସହ ଆଲୋଚନା କରିଥିଲେ ହେଁ କୌଣସି ସୁଫଳ ମିଳିନାହିଁ ା ଏନେଇ ବିଜୟେନ୍ଦ୍ରଙ୍କ ମତାମତ ମାଗିବାରୁ ସେ ଅଥରାଇଜ୍‌ଡ ପର୍ସନ ନୁହେଁ ବୋଲି କହି ଏହି ପ୍ରସଙ୍ଗରୁ ଏଡ଼ାଇ ଯାଇଛନ୍ତି। ଆନ୍ଦୋଳନକାରୀମାନେ କହିଛନ୍ତି, କେନ୍ଦୁଝର ଜିଲାର ଯୋଡା ଇଷ୍ଟ ଖଣିରେ ଝାଡ଼ଖଣ୍ଡ, ପଶ୍ଚିମବଙ୍ଗ, ବିହାର, ଉତ୍ତରପ୍ରଦେଶ ଅଞ୍ଚଳରୁ କିଛି ଦିନ ତଳେ କେତେଜଣ ଯୁବକଙ୍କୁ ଡ୍ରାଇଭର ଓ ଅନ୍ୟ ପଦବୀରେ ଚାକିରି ମିଳିଛି ା ହେଲେ ସ୍ଥାନୀୟ ବେକାର ଯୁବତୀ ଓ ଯୁବକଙ୍କୁ କମ୍ପାନୀ ନିଯୁକ୍ତି ଦେଉନାହିଁ ା
ପରବର୍ତ୍ତୀ ଖବର ଅନୁଯାୟୀ, ଟାଟା ଷ୍ଟିଲର ବରିଷ୍ଠ ଅଧିକାରୀ ଆନ୍ଦୋଳନକାରୀ ମହିଳା, ପୁରୁଷ ଏବଂ ବଡ଼ବିଲ ଏସ୍‌ଡିପିଓ, ତହସିଲଦାର, ଯୋଡ଼ା ଥାନା ଆଇଆଇସିଙ୍କ ସହିତ ଏ ନେଇ ଆଲୋଚନା କରିଛନ୍ତି ା ଶେଷରେ ଏକ ତ୍ରିପାକ୍ଷିକ ଚୁକ୍ତିପତ୍ର ସ୍ବାକ୍ଷର ହେବା ପରେ ଆନ୍ଦୋଳନକୁ ସ୍ଥଗିତ ରଖାଯାଇଛି ା ଅଗଷ୍ଟ ୬ ତାରିଖ ଦିନ ଏ ସମ୍ପର୍କରେ ଆଲୋଚନା କରାଯିବ ବୋଲି ସ୍ଥିର କରାଯାଇଛି ା

 


All Right Reserved By Dharitri.Com

Posted inUncategorized View All

ଅଟା ଫିଙ୍ଗା ପର୍ବ, ନିୟମ ଭାଙ୍ଗିଲେ ଦେବାକୁ ପଡ଼େ…

ସ୍ପେନ୍‌: ୨୦୦ ବର୍ଷ ଧରି ସ୍ପେନ୍‌ରେ ଏକ ଭିନ୍ନ ପର୍ବ ପାଳନ କରାଯାଇଆସୁଛି। ଏହାକୁ ଫୁଡ୍‌ ଫେଷ୍ଟିଭାଲ୍‌ ମଧ୍ୟ କୁହାଯାଏ। ଏହି ପର୍ବରେ ଲୋକେ ଅଟା...

୬ବର୍ଷର ପୁଅକୁ କଚାଡି ମାରିଲେ ବାପା

କପ୍ତିିପଦା,୩।୯(ଡି.ଏନ.ଏ.):ମୟୁରଭଞ୍ଜ ଜିଲା ଶରତ ଥାନା ଲାବଣ୍ୟଦେଇପୁର ଗ୍ରାମରେ ଘଟିଛି ଏକ ଅଭାବନୀୟ ଘଟଣା। ମାନସିକ ବିକୃତ ବାପା ନିଜର ୬ ବର୍ଷର ପୁଅକୁ କଚାଡି ମାରିଦେଇଛନ୍ତି।...

ମୌଳିକ ସୁବିଧାରୁ ବଞ୍ଚିତ ୭ ପରିବାର : ରାସ୍ତା କି ବିଦ୍ୟୁତ୍‌ ସେବା ନାହିଁ

ବାଲିଆ,୩।୮: ବିରିଡ଼ି ବ୍ଲକ ବାରେଡିଆ ପଞ୍ଚାୟତ ୪ ନଂ. ଓ୍ବାର୍ଡ ଗୋପାଳ ସାହି ବାସିନ୍ଦା ଏବେ ମଧ୍ୟ ସରକାରୀ ଯୋଜନାରୁ ବଞ୍ଚିତ  ହୋଇ ରହିଛନ୍ତି। ସାହିର...

ପୁଣି ସୁପର ଓଭରରେ ଜିତିଲା ଭାରତ

ଓ୍ବେଲିଂଟନ,୩୧।୧- ସିରିଜ୍‌ର ତୃତୀୟ ମ୍ୟାଚ୍‌ ଭଳି ନ୍ୟୁଜିଲାଣ୍ଡ ବିପକ୍ଷ ଚତୁର୍ଥ ଟି୨୦ ମ୍ୟାଚ୍‌କୁ ସୁପର ଓଭରରେ ଭାରତ ଜିତି ନେଇଛି। ସୁପର ଓଭରରେ ନ୍ୟୁଜିଲାଣ୍ଡ ପକ୍ଷରୁ...

ମନ ମୋହୁଛନ୍ତି ନିଗମ

ଯାତ୍ରା ନାଟକର ବଳିଷ୍ଠ ଅଙ୍ଗ ହେଉଛି ଗୀତ। ବିନା ଗୀତରେ ନାଟକ ପ୍ରାୟତଃ ରସାଳ ଲାଗେନାହିଁ। ପୁଣି ଥିମ୍‌କୁ ସୁଟ୍‌ କରିବା ଭଳି ଲାଇନ୍‌ ନ...

ସଲ୍‌ମାନଙ୍କ ସ୍ବାସ୍ଥ୍ୟକୁ ନେଇ ଚିନ୍ତିତ ଜ୍ୟାକ୍‌ଲିନ, କହିଲେ ବିଶ୍ରାମ ନେବାକୁ ସମୟ ବାହାର କରନ୍ତୁ

ବମ୍ବେ: ବଲିଉଡ୍‌ର ବ୍ୟସ୍ତ ତାରକାମାନଙ୍କ ମଧ୍ୟରୁ ଅଭିନେତା ସଲ୍‌ମାନ ଖାଁ ଅନ୍ୟତମ। ଗୋଟିଏ ସମୟରେ ଏକାଧିକ କାମ କରୁଥିବା ଅବସ୍ଥାରେ ତାଙ୍କୁ ଦେଖିବାକୁ ମିଳେ। ସେ...

ଭାରତର ଟାଇକୋ ବ୍ରାହେ

ବିଭୁ ପ୍ରସାଦ ମହାପାତ୍ର ‘No man ever was glorious, who was not labourious.’ ଯୁକ୍ତରାଷ୍ଟ୍ର ଆମେରିକାର ‘ଫିଲୋସଫିକାଲ ସୋସାଇଟି’ର ପ୍ରଥମ ସଭାପତି ତଥା...

Leave a comment

Your email address will not be published. Required fields are marked *