ପରିଣତ ବୟସରେ ସକ୍ଷମ

କେନ୍ଦୁଝର, ୫।୭(ସ୍ବ.ପ୍ର.)-ଯେଉଁ ବୟସରେ ନାତିନାତୁଣୀଙ୍କ ସହ ଖେଳାବୁଲା କରିବା କଥା ଓ ଘରେ ବିଶ୍ରାମ କରିବା କଥା ସେହି ବୟସରେ ବାଂଶପାଳ ବ୍ଲକ ଅନ୍ତର୍ଗତ ଠାକୁରଡିହି ଗ୍ରାମର ଭୂୟାଁ ଆଦିବାସୀ ସମ୍ପ୍ରଦାୟର ବୃଦ୍ଧା ମାନେ ରୋଜଗାର ପାଇଁ ସହରକୁ ଆସିଥାନ୍ତି। ଆର୍ଥିକ ଅନାଟନରେ ରହୁଥିବା ପରିବାରକୁ ସହାୟତା କରିବା ସହ ନିଜର ଆବଶ୍ୟକତା ଦୂର କରିବାକୁ ୭୦ ବର୍ଷ ବୟସରେ ସେମାନେ କାମ କରୁଛନ୍ତି।
ସେମାନେ କୁହନ୍ତି ଯେ, ପ୍ରତ୍ୟେକ ଦିନ ଏକାଠି ପାଖ ଜଙ୍ଗଲକୁ ଯାଇ ଶାଳ ପତ୍ର ସଂଗ୍ରହ କରନ୍ତି। ସଂଗୃହୀତ ଶାଳପତ୍ରକୁ ବୋହି ପର ଦିନ ସକାଳୁ କେନ୍ଦୁଝର ସହରକୁ ଆସି ବିକ୍ରି କରିଥାନ୍ତି। ଖରା ଓ ବର୍ଷାକୁ ଭ୍ରୁକ୍ଷେପ ନାହିଁ ା ଘରେ ବସି କଣ କରିବୁ ା ଏଣୁ କାମ କରି ଦୁଇ ପଇସା ରୋଜଗାର କରୁଥିବା କୁହନ୍ତି। ଆଗରୁ ପାଦରେ ଚାଲି ଚାଲି ଆସୁଥିଲେ କିନ୍ତୁ ଏବେ ଗାଡିରେ ଆସୁଥିବା କୁହନ୍ତି। ପତ୍ର ବିକିବା ସହ ଏଠାରେ ବସି ବେପାରିଙ୍କ ବରାଦ ମୁତାବକ ପତ୍ରକୁ ଟିପି ଖଲି ଓ ଚଉତି ପ୍ରସ୍ତୁତ କରିଥାନ୍ତି। ସେଥିରୁ ମଧ୍ୟ କିଛି ପଇସା ମିଳିଯାଏ ା ସପ୍ତାହରେ ୨/୩ ଥର ଆସିଥାନ୍ତି। ଯିବା ଆସିବା ଗାଡି ଭଡା କଲେ ୪୦ ଟଙ୍କା ଖର୍ଚ୍ଚ କରିଥାନ୍ତି। ପତ୍ର ବାବଦକୁ ଓ ଖଲି ପ୍ରସ୍ତୁତ ବାବଦକୁ ମିଶାଇ ସମୁଦାୟ ୧୦୦ ରୁ ୧୫୦ ଟଙ୍କା ପାଇଥାନ୍ତି ବୋଲି ରାଧି ପଢିଆରୀ କହିଛନ୍ତି। କେନ୍ଦୁଝରର ସହରର ଦୋକାନ ବାରଣ୍ଡାରେ ବା ରାସ୍ତା କଡ଼ରେ ବସି ପତ୍ରକୁ ଟିପି ଖଲି ଓ ଚଉତି ଆଦି ପ୍ରସ୍ତୁତ କରିଥାନ୍ତି। ଏହି ପରିଣତ ବୟସରେ ଏକାଠି ବସି ହସ ଖୁସି ତଥା ଉଲ୍ଲାସ ମନରେ ଖଲି ଓ ଚଉତି ପ୍ରସ୍ତୁତ କରିବା ଚିତ୍ର ଅନେକଙ୍କୁ ଆକୃଷ୍ଟ କରିଥାଏ ା ଏପରିକି ସେମାନଙ୍କ କାମ ଅନେକ ଙ୍କ ପାଇ ଦୃଷ୍ଟାନ୍ତ ସାଜିଛନ୍ତି। ଘରେ ପୁଅ ଓ ବୋହୁ ତଥା ନାତିନାତୁଣୀ ଅଛନ୍ତି। ମହଙ୍ଗା ଯୁଗରେ ସେମାନେ ଚଳିବା କଷ୍ଟକର ହୋଇପଡ଼ୁଛି। ଏଣୁ ଖୁସି ମନରେ ଦୁଇ ପଇସା ରୋଜଗାର କରି ପରିବାର ଚଳାଇବାରେ ସହାୟତା କରିବା ସହ ନିଜର ଆବଶ୍ୟକତା ଦୂର କରିଥାଉ ବୋଲି ଖତି ପଢିହାର କହିଛନ୍ତି।
ସରକାରଙ୍କ ବାର୍ଦ୍ଧକ୍ୟ ଭତ୍ତା ପାଉଥିଲେ ସେଥିରେ ଚଳି ପାରୁ ନ ଥିବାରୁ ପତ୍ର ବିକି ଚଳୁଥିବା କହିଛନ୍ତି। କାମଧନ୍ଦା କରୁଥିବାରୁ ସେମାନେ ସୁସ୍ଥ ରହୁଛନ୍ତି ଏବଂ ଚଲାବୁଲା କରିପାରୁଛନ୍ତି। ଘର ଖଣ୍ଡେ ମିଳିନାହିଁ। ରାଶନ କାର୍ଡ ଅଛି ଯେ ଚାଉଳ କିଣିବାକୁ ପଇସା ନାହିଁ। ସେମାନଙ୍କୁ ଘର ଯୋଗାଇଦେଲେ ସେମାନେ ଭଲରେ ରହିପାରନ୍ତେ ବୋଲି ମୁଗ ମନ୍ତ୍ରୀ କହିଛନ୍ତି। ପତ୍ର ବିଡା ୫ ଟଙ୍କାରେ ବେପାରୀଙ୍କୁ ବିକନ୍ତି। କିନ୍ତୁ ବେପାରୀ ଏହାକୁ ୧୦ ଟଙ୍କାରେ ବିକି ଅଧିକ ଲାଭବାନ ହେଉଛନ୍ତି। ଏଣୁ ସେମାନଙ୍କ ପାଇଁ ଖଲି, ଚଉତି ଆଦି ପ୍ରସ୍ତୁତ କରିବା ପାଇଁ ସହାୟତା କରିବା ସହ ବିକ୍ରି କରିବା ପାଇଁ ବ୍ୟବସ୍ଥା କଲେ ସେମାନେ ଅଧିକ ଉପକୃତ ହୋଇ ପାରନ୍ତେ ବୋଲି ମତପ୍ରକାଶ ପାଉଛି ା


All Right Reserved By Dharitri.Com

‘ଆଗେ ଜମି ଦିଅ, ପରେ ଉଚ୍ଛେଦ’

ବାଲେଶ୍ୱର ଅଫିସ,୨୬।୮- ବାଲେଶ୍ୱର ସହରର ଅଙ୍ଗାରଗଡ଼ିଆ, କରଞ୍ଜିଆ, ଆଇଟିଆଇ ପମ୍ପହାଉସ ନିକଟବର୍ତ୍ତୀ ଅଞ୍ଚଳରେ ସରକାରୀ ଜମିରେ ଦୀର୍ଘଦିନ ଧରି ଗଢ଼ି ଉଠିଥିବା ସ୍ଥାୟୀ ବାସିନ୍ଦାଙ୍କୁ ଉଚ୍ଛେଦ...

ନିଶ୍ଚିହ୍ନ ହୋଇଗଲା ୬୨ବର୍ଷ ତଳର ଫରେଷ୍ଟ ଚେକ ଗେଟ୍‌

ଖଇରା,୧୯।୯(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ କୁପାରୀଠାରେ ଥିବା ୬୨ବର୍ଷ ତଳର ଫରେଷ୍ଟ ଚେକ ଗେଟକୁ ଉଠାଇ ଦିଆଯାଇଛି। ଏଥିଯୋଗୁଁ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ...

ହଦଗଡ଼ ଡ୍ୟାମ୍‌ର ସୁରକ୍ଷା ନେଇ ପ୍ରଶ୍ନବାଚୀ

ହାଟଡିହୀ, ୧୦।୬(ଶୁଭକାନ୍ତ ନାୟକ)-କେନ୍ଦୁଝର ଓ ଭଦ୍ରକ ଜିଲାକୁ କେନାଲ ଯୋଗେ ଜଳସେଚନ ସୁବିଧା ଯୋଗାଉଥିବା ହଦଗଡ଼ ଡ୍ୟାମର ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। କେନ୍ଦୁଝର...

ଚିଙ୍ଗୁଡ଼ି ପ୍ରୋସେସିଂ ପ୍ଲାଣ୍ଟରେ ଗ୍ୟାସ୍‌ ଲିକ୍‌ ଘଟଣା: ୭ ଗିରଫ, କମ୍ପାନୀକୁ ସିଲ୍‌ କଲା ଜିଲା ପ୍ରଶାସନ

ବାଲେଶ୍ୱର ଅଫିସ/ବାହାନଗା,୧୪।୧୧(ଡି.ଏନ୍‌.ଏ.): ବାଲେଶ୍ୱର ଜିଲା ଖନ୍ତାପଡ଼ା ଥାନା ଅଧୀନ ପଣପଣାସ୍ଥିତ ଫାଲ୍କନ କମ୍ପାନୀର ଚିଙ୍ଗୁଡ଼ି ପ୍ରୋସେସିଂ ପ୍ଲାଣ୍ଟରେ କ୍ଲୋରିନ୍‌ ଗ୍ୟାସ୍‌ ଲିକ୍‌ ଘଟଣାରେ ୭ଜଣ ଅଧିକାରୀଙ୍କୁ...

‘ଦେଶପ୍ରେମର ଅଲିଭା ଦୀପ ବାଘାଯତୀନ’

ବାଲେଶ୍ୱର ଅଫିସ,୧୧।୯-ଭାରତକୁ ସ୍ବାଧୀନତା ମିଳିବାରେ ଅହିଂସା ଆନ୍ଦୋଳନ ସହିତ ସଶସ୍ତ୍ର ଆନ୍ଦୋଳନର ଭୂମିକା କିଛି କମ୍‌ ନ ଥିଲା। ଏଥିପାଇଁ ମାତୃଭୂମିର ବହୁ ବୀରପୁତ୍ର ପ୍ରାଣବଳି...

ନବକିଶୋରଙ୍କୁ ସହାୟତାର ହାତ ବଢ଼ାଇଲା ପ୍ରଶାସନ

ବନ୍ତ, ୧୮।୭ (ଡି.ଏନ.ଏ.) – ଭଦ୍ରକ ଜିଲା ବନ୍ତ ବ୍ଲକ ପଧାନପଡ଼ା ଗ୍ରାମର ନରେନ୍ଦ୍ର ସାମଲଙ୍କ ପୁଅ ନବକିଶୋର(୧୬)ଙ୍କୁ ବ୍ଲକ ପ୍ରଶାସନ ସହାୟତାର ହାତ ବଢ଼ାଇଛି।...

ଡାକ୍ତରଖାନା ଅବ୍ୟବସ୍ଥା ଦେଖିଲେ କେନ୍ଦ୍ରମନ୍ତ୍ରୀ

ବସ୍ତା,୧୭।୧୦(ସ୍ବ.ପ୍ର.)-କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ବୁଧବାର ଅପରାହ୍ନରେ ଅଚାନକ ବସ୍ତା ହସ୍‌ପିଟାଲ ପରିଦର୍ଶନ କରିଥିଲେ। ତାଙ୍କ ସହ ରଘୁନାଥ ମହାନ୍ତି ଓ ଅନ୍ୟ ନେତୃମଣ୍ଡଳୀ ଉପସ୍ଥିତ ଥିଲେ।...

କ୍ୟାନସର ପୀଡିତ ହୀନସ୍ତା: ଦଲାଲ କବଳରେ ରୋଗୀ

କେନ୍ଦୁଝର, ୨୬ା୬ (ସ୍ବ.ପ୍ର.)-ସରକାର ଗରୀବ ଲୋକଙ୍କୁ ମାଗଣାରେ ସ୍ବାସ୍ଥ୍ୟସେବା ଯୋଗାଇଦେବା ସହ କ୍ୟାନସର ରୋଗୀଙ୍କ ଲାଗି ମଧ୍ୟ ମାଗଣା ଚିକିତ୍ସା ବ୍ୟବସ୍ଥା କରିଛନ୍ତି। କିନ୍ତୁ କେନ୍ଦୁଝର...

Leave a comment

Your email address will not be published. Required fields are marked *