ବିଏସ୍‌ଏନ୍‌ଏଲ୍‌, ଏମ୍‌ଟିଏନ୍‌ଏଲ୍‌କୁ ମିଳିପାରେ ୭୪ହଜାର କୋଟିର ପ୍ୟାକେଜ ପ୍ରସ୍ତାବ

ନୂଆଦିଲ୍ଲୀ,୪-୭: ଭାରି ଆର୍ଥିକ ସଙ୍କଟ ଦେଇ ଗତି କରୁଥିବା ରାଷ୍ଟ୍ରାୟତ୍ତ ଟେଲିକମ କମ୍ପାନୀ ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) ଏବଂ ମହାନଗର ଟେଲିଫୋନ ନିଗମ ଲିମିଟେଡ(ଏମ୍‌ଟିଏନ୍‌ଏଲ୍‌)କୁ ୭୪ ହଜାର କୋଟି ଟଙ୍କାର ସହାୟତା ପ୍ୟାକେଜ ଦେବାକୁ ପ୍ରସ୍ତାବ ଦିଆଯିବା ପରେ କେନ୍ଦ୍ର ସରକାର ଏହାର ବିଚାର କରୁଛନ୍ତି। ଉଭୟ କମ୍ପାନୀର ପ୍ରାୟ ଲକ୍ଷାଧିକ କର୍ମଚାରୀଙ୍କୁ ଭିଆର୍‌ଏସ୍‌ ଦେବା ଲାଗି ଉଦ୍ଦିଷ୍ଟ ଏକ ଲୋଭନୀୟ ପ୍ୟାକେଜ ମଧ୍ୟ ଏହି ସହାୟତା ମଧ୍ୟରେ ସାମିଲ ହେବ। ଏଥିରେ ଅତିରିକ୍ତ ୫% କ୍ଷତିପୂରଣ(ଏକ୍ସଗ୍ରାସିଆ) ମଧ୍ୟ ସାମିଲ ହେବ। ଏହାବ୍ୟତୀତ କମ୍ପାନୀଦ୍ୱୟଙ୍କୁ ୪ଜି ସ୍ପେକ୍ଟ୍ରମ ଓ ପୁଞ୍ଜିଗତ ଖର୍ଚ୍ଚ ଲାଗି ଅର୍ଥ ସହାୟତା ପ୍ରଦାନ କରାଯିବ। ଉଲ୍ଲେଖଥାଉ କି, ବିଏସ୍‌ଏନ୍‌ଏଲ୍‌ କ୍ଷତି ସହିବାରେ ଦେଶର ସର୍ବବୃହତ ରାଷ୍ଟ୍ରାୟତ୍ତ କମ୍ପାନୀ। ଆର୍ଥିକ ବର୍ଷ ୨୦୧୯ ସୁଦ୍ଧା ଏହାର କ୍ଷତି ପରିମାଣ ୧୩,୮୦୪ କୋଟି ଟଙ୍କା ହୋଇଛି। ଅନ୍ୟପକ୍ଷରେ ଏମ୍‌ଟିଏନ୍‌ଏଲ୍‌ର କ୍ଷତିର ପରିମାଣ ୩,୩୯୮ କୋଟି ଟଙ୍କା। କ୍ଷତି ଦୃଷ୍ଟିରୁ ଦେଖିଲେ ଏହା ରାଷ୍ଟ୍ରାୟତ୍ତ କମ୍ପାନୀଙ୍କ ମଧ୍ୟରେ ତୃତୀୟ ସ୍ଥାନରେ ରହିଛି। କ୍ଷତି ସହିବାରେ ଏୟାର ଇଣ୍ଡିଆ ଦ୍ୱିତୀୟ ସ୍ଥାନରେ ରହିଛି। ଜଣେ ଅଧିକାରୀ କହିଛନ୍ତି ଯେ, ୪ଜି ସ୍ପେକ୍ଟ୍ରମ ମୂଲ୍ୟ ପ୍ରାୟ ୨୦ ହଜାର କୋଟି ଟଙ୍କାରୁ ଅଧିକ ହେବ। ଏହାକୁ ସରକାର ବହନ କରିବେ। ସେହିପରି ରୋଲ୍‌ଆଉଟରେ ୧୩ ହଜାର କୋଟି ଟଙ୍କା ବ୍ୟୟ ହେବ। ଏହାକୁ ଉଭୟ କମ୍ପାନୀ ବହନ କରିବେ। ସରକାର ଭିଆର୍‌ଏସ୍‌ ଓ ସମୟ ପୂର୍ବରୁ ଅବସର ଲାଭ ପ୍ରଦାନ ନିମିତ୍ତ ପ୍ରାୟ ୪୦ହଜାର କୋଟି ଟଙ୍କା ଖର୍ଚ୍ଚ କରିବେ। ଅନ୍ୟପକ୍ଷରେ ବିଏସ୍‌ଏନ୍‌ଏଲ୍‌ ଓ ଏମ୍‌ଟିଏନ୍‌ଏଲ୍‌କୁ ବନ୍ଦ କରିବା କ୍ଷେତ୍ରରେ ପ୍ରାୟ ୧.୨ ଲକ୍ଷ କୋଟି ଟଙ୍କା ସରକାରଙ୍କୁ କ୍ଷତି ସହିବାକୁ ହେବ। ଏହି କାରଣରୁ ଏହି ନିଷ୍ପତ୍ତି ବ୍ୟବହାରିକ ନୁହେଁ। ଏହାଛଡ଼ା ଏହାର ରଣନୈତିକ ପୁଞ୍ଜି ପ୍ରତ୍ୟାହାର ପ୍ରତି କୌଣସି କମ୍ପାନୀ ଆଗ୍ରହ ଦେଖାଇବାର ସମ୍ଭାବନା ଖୁବ୍‌ କମ୍‌। ଉଲ୍ଲେଖଥାଉ କି, ପ୍ରାୟ ଏକ ଦଶନ୍ଧି ଧରି ପରିଚାଳନାଗତ ତ୍ରୁଟିବିଚ୍ୟୁତି, କର୍ମଚାରୀଙ୍କ ବେତନ ବାବଦରେ ଅତ୍ୟଧିକ ଖର୍ଚ୍ଚ, ଠିକ୍‌ ନିଷ୍ପତ୍ତି ନ ନେବା, ସରକାରଙ୍କ ଅଯଥା ହସ୍ତକ୍ଷେପ ଓ ସମୟ ସହିତ ନିଜକୁ ଖାପ ନ ଖୁଆଇବା ଉକ୍ତ ଦୁଇ କମ୍ପାନୀ ପାଇଁ ମହଙ୍ଗା ପ୍ରମାଣିତ ହୋଇଛି।


All Right Reserved By Dharitri.Com

ତୈଳ ପରିବହନ ଖର୍ଚ୍ଚରେ ଅଚାନକ ୨୮% ବୃଦ୍ଧି; ଆହୁରି ବଢ଼ିବ ପେଟ୍ରୋଲ, ଡିଜେଲ ଦର

ନୂଆଦିଲ୍ଲୀ,୨୮-୯: ସୌଦି ଆରବର ଆରାମ୍‌କୋ ତୈଳ ପ୍ଲାଣ୍ଟରେ ଡ୍ରୋନ ଆକ୍ରମଣ ପରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ(କ୍ରୁଡ୍‌) ଦର ହଠାତ ବଢ଼ିଯାଇଛି। ଫଳସ୍ବରୂପ ଦେଶରେ ପେଟ୍ରୋଲ...

୭.୭୧ ଲକ୍ଷ କୋଟି ଟଙ୍କା ବଢିଲା ନିବେଶକଙ୍କ ସମ୍ପତ୍ତି

ନୂଆଦିଲ୍ଲୀ,୮।୪: ଭାରତୀୟ ପୁଞ୍ଜି ବଜାରରେ ମଙ୍ଗଳବାର କାରବାର ଉନ୍ନତ ରହିବା ଯୋଗୁ ନିବେଶକଙ୍କ ସମ୍ପତ୍ତି ୭.୭୧ ଲକ୍ଷ କୋଟି ଟଙ୍କା ବୃଦ୍ଧି ଘଟିଛି। ବିଶ୍ୱ ବଜାରରେ...

ଏଫ୍‌ପିଆଇଙ୍କ ଉପରେ ଟିକସର ସ୍ପଷ୍ଟୀକରଣ ଅନାବଶ୍ୟକ: ସୀତାରାମନ୍‌

ନୂଆଦିଲ୍ଲୀ,୯-୭: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ସୋମବାର କହିଛନ୍ତି ଯେ, ଫରେନ ପୋର୍ଟଫୋଲିଓ ଇନ୍‌ଭେଷ୍ଟର(ଏଫ୍‌ପିଆଇ)ଙ୍କ ଉପରେ ଲାଗୁ ହୋଇଥିବା ଅତିରିକ୍ତ ଟିକସ ବୋଝ ସଂକ୍ରାନ୍ତରେ ଆଉ...

ଶୁଳ୍କମୁକ୍ତ ଦୋକାନରେ ଜିଏସ୍‌ଟି ଲାଗୁ ହେବ ନାହିଁ: ହାଇକୋର୍ଟ

ନୂଆଦିଲ୍ଲୀ,୨୬-୫: ଶୁଳ୍କମୁକ୍ତ ଦୋକାନରୁ ପରଫ୍ୟୁମ୍‌, ଚକୋଲେଟ ଆଦି ସାମଗ୍ରୀ କିଣାରେ ଜିଏସ୍‌ଟି ଆଦାୟକୁ ନେଇ ଏକାଧିକ କୋର୍ଟ ରାୟ ଶୁଣାଇ ଥିବା ବେଳେ ଏହାକୁ ନେଇ...

୨୦୧୮ରେ ବିଶ୍ୱର ବୃହତ ଅର୍ଥନୀତି;୫ରୁ ୭କୁ ଖସିଲା ଭାରତ

ନୂଆଦିଲ୍ଲୀ,୩-୮: ଅର୍ଥନୀତି କ୍ଷେତ୍ରରେ ମୋଦି ସରକାରଙ୍କୁ ଜୋର୍‌ ଝଟକା ଲାଗିଛି। ୨୦୨୪-୨୫ ସୁଦ୍ଧା ୫ ଲକ୍ଷ କୋଟି ଡଲାର ସହ ବିଶ୍ୱର ତୃତୀୟ ବୃହତ ଅର୍ଥନୀତି...

ଏସ୍‌ପ୍ଲାନେଡରେ ମିଡ୍‌ ନାଇଟ ସେଲ୍‌ ଆଜି

ଭୁବନେଶ୍ୱର, ୧୫-୮(ବ୍ୟୁରୋ) ସ୍ବାଧିନତା ଦିବସ ଅବସରରେ ଏସ୍‌ପ୍ଲାନେଡ ଓ୍ବାନ ମଲ୍‌ରେ ମିଡ୍‌ ନାଇଟ ସେଲ୍‌ ସମ୍ପର୍କରେ ଘୋଷଣା କରାଯାଇଛି। ୧୦୦ରୁ ଉର୍ଦ୍ଧ୍ୱ ଜାତୀୟ ତଥା ଅନ୍ତର୍ଜାତୀୟ...

ମାନ୍ଦାବସ୍ଥା ଦୂର ପାଇଁ ଆଉ ଏକ ପ୍ୟାକେଜ ଘୋଷଣା ଖୁବଶୀଘ୍ର

ନୂଆଦିଲ୍ଲୀ,୧୮-୯: ଅର୍ଥନୀତିକୁ ପ୍ରୋତ୍ସାହନ ଯୋଗାଇ ମାନ୍ଦାବସ୍ଥା ଦୂର କରିବା ଲକ୍ଷ୍ୟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଆଉ ଏକ ପ୍ୟାକେଜ ଖୁବଶୀଘ୍ର ଘୋଷଣା କରିବାକୁ ଯାଉଛନ୍ତି।...

କୃଷି ଋଣ ଉପରେ ୩ ମାସର ମୋରାଟୋରିୟମ

ନୂଆଦିଲ୍ଲୀ,୨୨।୪: କୃଷି ଋଣ ନେଇଥିବା କୃଷକଙ୍କୁ ମିଳିବ ଆଶ୍ୱସ୍ତି । କୃଷି ଋଣ ଉପରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ମଙ୍ଗଳବାର ୩ ମାସର ମୋରାଟୋରିୟମ ଘୋଷଣା...

Leave a comment

Your email address will not be published. Required fields are marked *