ମାନସିକ ରୋଗୀଙ୍କୁ ଏକ୍ସପାଏରି ମେଡିସିନ

କଟକ ଅଫିସ, ୩।୭: ରାଜ୍ୟର ପ୍ରମୁଖ ସରକାରୀ ଚିକିତ୍ସାଳୟ ଏସ୍‌ସିବି ମେଡିକାଲରେ ରୋଗୀଙ୍କୁ ଦିଆଯାଉଛି ଏକ୍ସପାଏରି ମେଡିସିନ। ଏହି ମେଡିସିନ ଖାଇ ଜଣେ ରୋଗୀଙ୍କ ଅବସ୍ଥା ଗୁରୁତର ହୋଇପଡ଼ିଛି। ଏଭଳି ଏକ ସମ୍ବେଦନଶୀଳ ଘଟଣା ମାନସିକ ରୋଗ ଚିକିତ୍ସା ପ୍ରତିଷ୍ଠାନରେ ଘଟିଛି। ଗୁରୁତର ହୋଇପଡିଥିବା ରୋଗୀ ଜଣକ ହେଲେ ପୁରୀ ଜିଲା ନିମାପଡ଼ା ଥାନା ଅନ୍ତର୍ଗତ କୁଷିକଣା ଗଁାର ଜଣେ ମହିଳା। ଏ ସଂକ୍ରାନ୍ତରେ ତାଙ୍କ ପୁଅ ଜୀବନଜ୍ୟୋତି ଦାସ ଗତ ସୋମବାର ଅଭିଯୋଗ କରିଛନ୍ତି। ଅଭିଯୋଗ ସତ୍ତ୍ୱେ ମେଡିକାଲ କର୍ତ୍ତୃପକ୍ଷ କୌଣସି ପଦକ୍ଷେପ ଗ୍ରହଣ କରି ନ ଥିଲେ। ମଙ୍ଗଳବାର ସନ୍ଧ୍ୟାରେ ଆଉଜଣେ ରୋଗୀଙ୍କୁ ଏକ୍ସପାଏରି ଔଷଧ ଦିଆଯାଇଥିବାବେଳେ ରୋଗୀଙ୍କ ସମ୍ପର୍କୀୟ ତାହାକୁ ଧରିଥିଲେ। ଏହାକୁ ନେଇ ମେଡିକାଲରେ ପ୍ରବଳ ଉତ୍ତେଜନା ଦେଖାଦେଇଥିଲା। ଖବରପାଇ ସାମାଜିକ କର୍ମୀମାନେ ପହଞ୍ଚତ୍ ପ୍ରତିବାଦ ଜଣାଇବା ସହ ହୋହଲ୍ଲା କରିଥିଲେ।
ମିଳିଥିବା ସୂଚନାନୁସାରେ, ଭଦ୍ରକ ଭଣ୍ଡାରିପୋଖରୀ ଅଞ୍ଚଳର ଜଣେ ବ୍ୟକ୍ତି ତାଙ୍କ ନାବାଳିକା କନ୍ୟାଙ୍କୁ ଚିକିତ୍ସା ନିମନ୍ତେ ଏସ୍‌ସିବି ମାନସିକ ରୋଗ ଚିକିତ୍ସା ପ୍ରତିଷ୍ଠାନକୁ ଆଣିଥିଲେ। ମଙ୍ଗଳବାର ଆଉଟ୍‌ଡୋରରେ ଝିଅକୁ ଦେଖାଇବା ପରେ ଡାକ୍ତର ବିଭିନ୍ନ ଔଷଧ ଲେଖିଥିଲେ। ଔଷଧ ଚିଠାରେ ଭିଟାମିନ ବି କମ୍ପ୍ଲେକ୍ସର ଏକ ସିରପ ଲେଖାଯାଇଥିଲା। ୬୦ଦିନ ପାଇଁ ମେଡିସିନ ନେଇ ଘରକୁ ଯିବା ପାଇଁ ରୋଗୀଙ୍କୁ କୁହାଯାଇଥିଲା। ଡାକ୍ତରଙ୍କ ଚିଠା ଧରି ରୋଗୀଜଣକ ସ୍ବାସ୍ଥ୍ୟ ପ୍ରତିଷ୍ଠାନ ପରିସରରେ ଥିବା ନିରାମୟ କେନ୍ଦ୍ରକୁ ଯାଇଥିଲେ। ହେଲେ ସେଠାରେ ତାଙ୍କୁ ଭିଟାମିନ ବି କମ୍ପ୍ଲେକ୍ସର ଯେଉଁ ସିରପ ଦିଆଯାଇଥିଲା ତାହା ଏକ୍ସପାଏରି ହୋଇଥିବା ନାବାଳିକାଙ୍କ ବାପାଙ୍କ ନଜରକୁ ଆସିଥିଲା। ସିରପ୍‌ଟି ଜାନୁୟାରୀ ୨୦୧୮ରେ ପ୍ରସ୍ତୁତ ହୋଇଥିବାବେଳେ ଅବଧି ୨୦୧୯ ଜୁନ ପର୍ଯ୍ୟନ୍ତ ରହିଥିଲା। ଏହା ଜାଣିବା ପରେ ବ୍ୟକ୍ତିଜଣକ ଆଉଟଡୋରରେ ବସିଥିବା ଡାକ୍ତରଙ୍କୁ ଦେଖାଇବା ପରେ ଘଟଣା ପ୍ରଘଟ ହୋଇଥିଲା। ଏହାପୂର୍ବରୁ ପୁରୀ ଜିଲା ନିମାପଡ଼ା କୁଷିକଣା ଗଁାର ମହିଳାଙ୍କୁ ଭିଟାମିନ ଏ ଓ ଡି ବଟିକା ସହିତ ଭିଟାମିନ ବି କମ୍ପ୍ଲେକ୍ସ ସିରପ ମଧ୍ୟ ଯୋଗାଇ ଦିଆଯାଇଥିଲା। ଏହି ଔଷଧ ୨୦୧୮ ଜାନୁୟାରୀରେ ପ୍ରସ୍ତୁତ ହୋଇଥିବାବେଳେ ଅବଧି ୨୦୧୯ ଜୁଲାଇ ଉଲ୍ଲେଖ ରହିଛି। ସମ୍ପୃକ୍ତ ମହିଳା ଜଣକ ଏହି ଏକ୍ସପାଏରି ଔଷଧ ଖାଇବା ପରେ ବାରମ୍ବାର ଝାଡ଼ା ହେବା ସହ ବାନ୍ତି କରିଥିଲେ। ଏଥିସହିତ ମୁଣ୍ଡ ବୁଲାଇ ପଡ଼ି ଯାଉଥିବା ତାଙ୍କ ପୁଅ କହିଛନ୍ତି।
ଏ ସମ୍ପର୍କରେ ମାନସିକ ସ୍ବାସ୍ଥ୍ୟ ପ୍ରତିଷ୍ଠାନର ନିର୍ଦ୍ଦେଶକ ପ୍ରଫେସର ଡା. ସାରଦା ସ୍ବାଇଁ କୁହନ୍ତି, ଭିଟାମିନ ବି କମ୍ପ୍ଲେକ୍ସର ଅବଧି ସରିଯାଇଥିବାରୁ ତାହାକୁ ରୋଗୀଙ୍କୁ ଦେବା ପାଇଁ ମନା କରାଯାଇଥିଲା। ତେବେ କ’ଣ ପାଇଁ ଷ୍ଟୋର୍‌ ପକ୍ଷରୁ ପୁନର୍ବାର ଏହି ଔଷଧ ଯୋଗାଣ କରାଗଲା ତାହା ମୁଁ ଯାଞ୍ଚ କରିବି।

ପୂର୍ବରୁ ଘଟିଥିବା କିଛି ଘଟଣା
ଏସ୍‌ସିବି ମେଡିକାଲରେ ରୋଗୀଙ୍କୁ ଏକ୍ସପାଏରି ମେଡିସିନ ଯୋଗାଣ କରିବା କିଛି ନୂଆ କଥା ନୁହେଁ। ଗତବର୍ଷ ଜାନୁୟାରୀ ମାସରେ ଏକ୍ସପାଏରି ଟିବି ଔଷଧ ଖାଇ କଟକ ସହର ରାଜାବଗିଚା ଅଞ୍ଚଳର ଗୁଡି ନାୟକ ନାମକ ଜଣେ ରୋଗୀଙ୍କର ମୃତ୍ୟୁ ଘଟିଥିଲା। ଅନ୍ୟପକ୍ଷରେ ରାଜ୍ୟରେ ରୋଗୀଙ୍କୁ ଏକ୍ସପାଏରି ଔଷଧ ଦିଆଯାଉଥିବା ନେଇ ୨୦୧୪ରେ ସିଏଜି ରିପୋର୍ଟ ଦେଇଥିଲେ। ୨୦୦୭ରୁ ୨୦୧୩ ମଧ୍ୟରେ ରାଜ୍ୟରେ ରୋଗୀମାନଙ୍କୁ ୩୧ ପ୍ରକାରର ଏକ୍ସପାଏରି ଔଷଧ ଦିଆଯାଇଥିବା ନେଇ ଉକ୍ତ ରିପୋର୍ଟରେ ଦର୍ଶାଯାଇଥିଲା। ଏହାକୁ ନେଇ ସେ ସମୟରେ ବହୁ ତୁମ୍ବିତୋଫାନ ହୋଇଥିଲା। ଏବେ ପୁନର୍ବାର ଏକ୍ସପାଏରି ଔଷଧକୁ ନେଇ ଏସ୍‌ସିବି ମେଡିକାଲ ଚର୍ଚ୍ଚାର ପରିସରକୁ ଆସିଛି।


All Right Reserved By

ନାକଚଣା ଦ୍ୱାରରେ ତିନିରଥ

ପୁରୀ ଅଫିସ,୧୦।୭: ଶ୍ରୀଗୁଣ୍ଡିଚା ମନ୍ଦିର ନାକଚଣା ଦ୍ୱାରରେ ପ୍ରସ୍ତୁତ ତିନି ରଥ। ମଙ୍ଗଳବାର ବଡ଼ଠାକୁର ବଳଭଦ୍ରଙ୍କ ତାଳଧ୍ୱଜ ରଥ ଏବଂ ଦେବୀ ସୁଭଦ୍ରାଙ୍କ ଦର୍ପଦଳନ ରଥ...

ଗୋକୁଳାନନ୍ଦଜୀଉଙ୍କ ଚିତାଲାଗି

ଖଣ୍ଡପଡ଼ା,୧ା୮(ସ୍ବ.ପ୍ର.): ସିଧାମୂଳାସ୍ଥିତ ଗୋକୁଳାନନ୍ଦ ଜୀଉଙ୍କ ପବିତ୍ର ଚିତାଲାଗି ଅମାବାସ୍ୟା ଅବସରରେ ଶ୍ରୀଜୀଉଙ୍କୁ ସୁବର୍ଣ୍ଣର ଚିତାଲାଗି କରାଯାଇଥିଲା । ବୁଧବାର ପୂର୍ବାହ୍ନ ପ୍ରାୟ ସାଢେ ୧୧ଟାରେ ଶ୍ରୀଜୀଉଙ୍କ...

୬ ମାସରେ ୫୨୧ଥର ଅଯଥା ଚେନ୍‌ ପୁଲିଂ

ଭୁବନେଶ୍ୱର,୮ା୮(ବ୍ୟୁରୋ): ଭାରତୀୟ ରେଲଓ୍ବେ ସର୍ବଦା ବିଳମ୍ବରେ ପହଞ୍ଚତ୍ବା ଲାଗି ସମାଲୋଚିତ ହୋଇ ଆସିଛି। କିନ୍ତୁ ଏମିତି ଏକ ତଥ୍ୟ ମିଳିଛି, ଯେଉଁଥିରେ ଟ୍ରେନ ବିଳମ୍ବ ହେବାରେ...

ଶ୍ୱଶୂରଘର ଲୋକେ ମୁମୂର୍ଷୁ ଅବସ୍ଥାରେ ଛାଡ଼ି ଯାଇଥିବା ଜ୍ୱାଇଁଙ୍କ ମୃତ୍ୟୁ: ପୋଲିସ ମାଡ଼ରେ ମୃତ୍ୟୁ ଘଟିଥିବା କହିଲେ ସ୍ତ୍ରୀ

ଆନନ୍ଦପୁର,୧୭। ୭(ସ୍ବ.ପ୍ର.)- ସୋମବାର ରାତିରେ ଶ୍ୱଶୁରଘର ଲୋକେ ଜ୍ୱାଇଁଙ୍କୁ ମୁମୂର୍ଷୁ ଅବସ୍ଥାରେ ଆଣି ଘରେ ଛାଡ଼ିଯିବାପରେ ମଙ୍ଗଳବାର ସକାଳେ ତାଙ୍କର ମୃତ୍ୟୁ ଘଟିଛି। ଏନେଇ ଆନନ୍ଦପୁର...

ରାୟଗଡ଼ା ଜଳାର୍ଣ୍ଣବ: ଲଗାଣ ବର୍ଷାରେ ଧୋଇଗଲା ରେଲଓ୍ବେ ଟ୍ରାକ

ରାୟଗଡା ଅଫିସ/ମୁନିଗୁଡ଼ା/ଅମ୍ବାଦଳା, ୭।୮(ଡି.ଏନ୍‌.ଏ.): ଗତ ୪୦ ଘଣ୍ଟାରୁ ଅଧିକ ସମୟ ଧରି ଲଗାଣ ବର୍ଷା ଯୋଗୁ ରାୟଗଡ଼ାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏଥିରେ ସବୁଠୁ...

ଧରାପଡ଼ିଲେ ଫେରାର ପ୍ରେମୀଯୁଗଳ, ପ୍ରେମିକ ଗିରଫ

ବାରଙ୍ଗ,୯।୭(ଡି.ଏନ୍‌.ଏ): ନନ୍ଦନକାନନ ଥାନା ପୋଲିସ ଗତ ୨୦ତାରିଖଠାରୁ ଫେରାର ଥିବା ଏକ ପ୍ରେମୀଯୁଗଳଙ୍କୁ ରବିବାର ବିଶାଖାପାଟଣାରୁ ଧରଛି। ଧରାପଡିବା ପରେ ପ୍ରେମିକଙ୍କୁ ପୋଲିସ ଗିରଫ କରିଥିବାବେଳେ...

ଭୁବନେଶ୍ୱର ସିଡବ୍ଲ୍ୟୁସିକୁ ପାଟନା କ୍ଷେତ୍ରରେ ମିଶାଇବା ପ୍ରସଙ୍ଗ: ପାଶ୍ୱାନଙ୍କୁ ଚିଠି ଲେଖିଲେ ଧର୍ମେନ୍ଦ୍ର

ଭୁବନେଶ୍ୱର, ୬।୮(ବ୍ୟୁରୋ): ଭୁବନେଶ୍ୱରସ୍ଥିତ କେନ୍ଦ୍ରୀୟ ପଣ୍ୟାଗାର ନିଗମ(ସିଡବ୍ଲୁସି)କୁ ଉଚ୍ଛେଦ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି। ଏହାକୁ ବିହାରର ପାଟନା ସିଡବ୍ଲ୍ୟୁସି ସହିତ ମିଶାଇବା ପାଇଁ...

୧୯ରେ ମେଘନାଦ ପାଚେରି ଚତୁଃପାର୍ଶ୍ୱରୁ ଭଙ୍ଗାଯିବ ବେଆଇନ କୋଠା

ପୁରୀ ଅଫିସ, ୧୪ା୮: ଆତଙ୍କବାଦୀଙ୍କ ଟାର୍ଗେଟରେ ରହିଛି ଶ୍ରୀମନ୍ଦିର। ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରେ କେନ୍ଦ୍ର ଗୋଇନ୍ଦା ବିଭାଗର ଏହି ରିପୋର୍ଟ ପ୍ରଶାସନ ଆଖିରୁ...

selfi corner

Model This Week

Why Dharitri

Leave a comment

Your email address will not be published. Required fields are marked *